O concello do Carballiño perdeu 178 habitantes no último padrón municipal de habitantes correspondente ao ano 2021, que estará en vigor ata a súa nova actualización  o 1 de xaneiro de 2022, ata esa data a poboación oficial do concello carballiñés é de 13.911 habitantes.

Según os datos do INE, a poboación aumentou no último padrón en catro parroquias do municipio, Señorín que ven rexistrando un incremento constante nos últimos anos, desta vez a parroquia de Señorín suma 6 habitantes, polo que sitúa a súa poboación nos 446 residentes, sendo a segunda parroquia do concello con máis habitantes, despóis da capitalidade municipal. Tamén incrementou os seus habitantes Mesego, 3 máis, que sitúan a súa veciñanza en 344 persoas.

A maior novidade según os datos do último padrón está en dúas parroquias que, por vez primeira vez en décadas consiguen contrarrestar a tendencia descendente, e incrementan a súa poboación, son as da Piteira, que con 4 veciños máis, chega aos 189, e Sagra, que sobe ata os 117 habitantes, 2 máis neste último padrón. Repite o mesmo dato do ano anterior, quédase como estaba a parroquia de Partovia, con 267 habitantes.

As outras 11 parroquias do Carballiño perden poboación. A única parroquia urbana, a de San Cibrán do Carballiño rexistra un retroceso de 141 habitantes, que deixa a cifra actualizada nos 11.266  residentes no casco urbano do Carballiño. Entre o resto das nosas parroquias, a que máis poboación perde é Seoane, que baixa ata os 304 habitantes, tras perder 12 no último padrón. Lobás ten 11 habitantes menos, quédase con 178 no seu ámbito parroquial. Arcos baixa ata o 147 habitantes, 8 menos en relación o anterior padrón, neste caso o INE non considera nesta parroquia á veciñanza das rúas Castelao e Avenida de Compostela, que se adxudican á poboación do núcleo do Carballiño.

Banga perde 7 habitantes e baixa ata o 46, a parroquia con menor poboación do concello do Carballiño. Longoseiros tamén ve reducida a súa poboación, que neste último padrón é de 128 persoas, tras perder 4 no úlitmo ano.  O Varón baixa 3 habitantes, ata os 56 que lle concede o INE. Tres parroquias perden, respectivamente 2 habitantes, Veiga que se queda con 171,  Madarnás, que baixa ata os 84, e Cabanelas ata os 53 habitantes. Finalmente, a parroquia de Mudelos perde 1 habitante e quédase con 114, según esta última actualización do padrón municipal do concello do Carballiño.

O concello do Carballiño comunicaba no pasado mes de xaneiro que este ano non organizaría o gran desfile de comparsas no que é tradicionalmente o dia grande do martes de entroido, que como cada ano será festivo de carácter local no municipio carballiñés. Asi o acordaban conxuntamente os responsables municipais e os representantes das comparsas ao considerar que non se dan as condicións para a celebración dun evento tan masivo por causa da situación da pandemia.

O que sí organiza o concello do Carballiño é un programa de animación musical no que charangas e espectáculos de rúa animarán O Carballiño neste tempo de entroido, con actuacións a diario.

O venres 25 abre esta programación a fanfarría Furruxa de Caldas de Reis, que actuará de 20 a 22 horas, e a charanga Louband de Sarria que o fará de 20 a 23 horas.

O sábado 26 actuarán a charanga Castro Bello, de 18:30  a 20:30 horas, o grupo folk Feitizo de Pau (de 19 a 22 horas) e a charanga Santa Compaña de Culleredo, de 20 a 22:30 horas.

O domingo 27, ás 17:30 horas farán a súa presentación a histórica murga carballiñesa dos Liborianos, e de 19 a 21 horas, o espectáculo de Festicultores Troupe de Santiago de Compostela.

O lúns 28, animarán as rúas carballiñesas a charanga do Doctor Anchoa de 18 a 20.30 horas, e a charanga CLK de 19:30  a 22:30 horas.

O Martes 1 de marzo -festivo local- en sesión vermút actuará a charanga Europa de Ourense, e pola tarde volverán sair Os Liborianos. Ademáis, de 19 a 22 tamén animará a tarde-noite a agrupación folk Terras do Arenteiro.

Finalmente, o mércores 2, a partir das 19:30 horas "Os 3 Galeguiños e amigos" ofrecerán humor e música fúnebre para enterrar o entroido, que en todo caso no Carballiño terá como con sendo tradicional unha prórroga coa celebración da Festa da Cachucha, que será o domingo 6 de marzo.

A directora de Turismo de Galicia, Nava Castro, e o delegado territorial da Xunta en Ourense, Gabriel Alén, participaron na estrea do documental “O Camiño do Viño. Historia dun arrieiro”, promovida pola Ruta do Viño do Ribeiro e na que colabora o Goberno galego coa Denominación de Orixe Ribeiro co obxectivo de impulsar a recuperación da pegada histórica e etnográfica dos arrieiros que transportaban o viño do Ribeiro cara a Santiago.

O traballo audiovisual, obra de Xoel Méndez, enmárcase dentro das accións de promoción e posta en valor deste territorio e da súa oferta enoturística que a Ruta do Viño do Ribeiro impulsa dentro da súa marca enoturística “O Camiño do Viño. Ruta do Viño do Ribeiro”
Neste sentido, Nava Castro, destacou a colaboración estreita que a Xunta desenvolve coas cinco Rutas do Viño de Galicia, baixo o paraugas da iniciativa Enoturismo de Galicia, a través de cal se desenvolven accións de mellora da comercialización da oferta enoturística galega ou iniciativas como as Xornadas de Portas Abertas das Rutas dos Viños de Galicia, que o ano pasado moveron a máis de 2.000 persoas nestes territorios.

Castro destacou que o enoturismo é un “turismo dun alto valor engadido, que permite avanzar na desestacionalización e na loita contra o despoboamento destes territorios rurais que teñen na viticultura e do enoturismo unha potente ferramenta para o desenvolvemento dun tecido socioeconómico moderno, sustentable e con futuro”.

O concello de Maside ven de implantar unha rede WiFi municipal no marco do programa europeo WiFi4EU, unha iniciativa dotada con 15.000 euros e financiada pola Unión Europea, que promove o acceso libre dos cidadáns á conectividade de banda ampla en espazos públicos coma parques, prazas, edificios oficiais, bibliotecas, centros de saúde ou museos de municipios de toda Europa.

O proxecto permitiu dotar de conectividade WiFi de banda ampla en diferentes localizacións do concello, cun total de 11 puntos de acceso WiFi repartidos nas seguintes ubicacións: Edificio do catastro, Colexio vello, Pistas de pádel, Parque da Alameda, Local Social e centro de saúde de Dacón, Praza igrexa de Dacon, Praza de San Roque de Dacon e Local social Santa Comba.

Destaca ademais a implantación de diferentes radioenlaces, o que permitiu despregar unha rede troncal para comunicar distintas localizacións, minimizando o custes recurrentes na contratación de novas liñas de acceso a Internet para o concello.

Calquera usuario ubicado no área de cobertura da rede “WiFi4EU” poderá acceder de xeito seguro e gratuito as 24 horas do día sen limitación de velocidade de navegación. No momento de conectarse por primeira vez á rede, o usuario será redirixido a unha páxina segura de inicio de sesión.

Con esta iniciativa o Concello de Maside pretende promover o uso de novas plataformas e servizos dixitais innovadores, facilitando a comunicación gratuíta tanto a residentes como visitantes.

O proxecto tomará forma para a súa execución no bienio 2022-2023, e na súa redacción xa traballan os técnicos para a súa presentación no Plan de Sustentabilidade Turística que conta cun orzamento de máis de 3 millóns de euros para desenvolver actuacións en cada un dos 15 municipios da provincia que forman parte do "Ourense Provincia Termal" promovido pola Deputación.

O alcalde Francisco Fumega avanzou que a proposta que presentará o concello carballiñés consistirá na creación dun parque temático da auga, para o que se está a buscar a mellor ubicación posible e que dotará a O Carballiño dun novo recurso turístico, neste caso poñendo en valor a riqueza termal e das augas mineromedicinais do municipio. O proxecto terá un carácter no que alternará o didáctico co lúdico.

Fumega tamén avanzou que outras actuacións que se levarán a cabo con cargo a este plan terán que ver coa mellora da accesibilidade "como nesa fonte de auga mineromedicinal que temos no río Arenteiro na zona do parque", que se encontra situada en terreos privados, aínda que o alcalde asegurou contar coa colaboración dos propietarios para poder acondicionar esta zona.

O Plan “Ourense Provincia Termal” é un dos 23 proxectos elixidos de entre as 301 candidaturas presentadas na convocatoria ordinaria do 2021 dos Plans de Sustentabilidade Turística. A través dun convenio entre a Secretaría de Estado de Turismo, a Axencia de Turismo de Galicia e a Deputación de Ourense, este proxecto permitirá investir máis de 3 millóns de euros nos 15 concellos que participan deste plan dos que 9 son concellos das comarcas do Carballiño e O Ribeiro, abrindo un novo escenario para a provincia como destino turístico grazas tamén á chegada da alta velocidade.

O PSdeG-PSOE na mancomunidade do Ribeiro critica os orzamentos presentados polo presidente e alcalde de Leiro, Francisco José Fernández, alegando que se trata duns números que demostran que a mancomunidade converteuse nun “chiringuito clientelar” do PP na comarca do Ribeiro. Os socialistas denuncian que este organismo está “secuestrado” por intereses persoais e por políticos ao servizo da situación económica e financeira da mancomunidade, en detrimento dos dereitos e intereses da veciñanza dos concellos de A Arnoia, Beade, Cenlle, Cortegada e Leiro.

Os socialistas dos concellos do Ribeiro presentes neste organismo comarcal explican que as contas foron aprobadas polos alcaldes do PP, pero denuncian que se intenten vender como unhas contas “honestas”, cando están totalmente “afastadas da realidade”. Dende o PSdeG-PSOE amósanse especialmente críticos coas políticas relativas aos servizos sociais e o fomento do emprego, onde afirman que “reina a opacidade e que todo ven financiado polo goberno amigo da Xunta de Galicia, que prefire mirar para outro lado, namentres financia o 60% dos proxectos”.

Dende o seo socialista neste ente comarcal tamén poñen o foco na “inexistente” xestión directa dos cinco concellos que conforman a mancomunidade “ao ter ou ben delegada, ou ben privatizada case toda a súa xestión municipal, razón pola cal o financiamento de proxectos urbanísticos corre a conta da Xunta e a Deputación de Ourense”. Os socialistas amósanse especialmente críticos conque os investimentos e proxectos executados “son asignados a empresas foráneas que xeran emprego fora das nosas fronteiras, a pesar de que a mancomunidade investiu nestes 5 anos máis de 1.300.000 euros en obradoiros vinculados á construción”.

A xestión dos recursos públicos que recibe a mancomunidade tamén é un punto de debate, xa que tal e como apuntan os socialistas “este organismo debería servir para dinamizar a vida social e as políticas de emprego nos nosos municipios, pero atopámonos conque sucede xusto ao contrario”. Poñen o foco en que a mancomunidade xestiona preto de 9 millóns de euros “cartos destinados ao financiamento de polígonos industriais, agrarios, aldeas modelos, balnearios, fundacións públicas ou instalacións deportivas, pero estes investimentos non se traducen en atraer poboación, senón todo o contrario, xa que a realidade é que en 5 anos perdemos case 400 veciños e veciñas”.

Para os socialistas a situación “é unha mostra do fracaso estrepitoso do financiamento de proxectos motores dinamizadores da actividade nos concellos da mancomunidade”, alertan que os alcaldes “póñense de perfil ante a situacións esperando que os gobernos amigos da Xunta e a Deputación inunden os seus concellos con recursos públicos que tapen a súa ineficacia e deste xeito sacar rédito político e electoral”.