A autora da denuncia ante o Xulgado do Carballiño afirma que "o Concello de O Irixo debía remitir á Xunta de Galicia unha certificación informando da realización do trámite de exposición pública da documentación dos parques eólicos de Valdepereira e Pico Seco proxectados entre os Concellos de Lalín e O Irixo. Nesa certificación debería de acreditarse o lugar e período no que estivo exposta a documentación e indicar as alegacións recibidas".

Asemade, manifesta que "o concello de O Irixo parece que emitiu esa certificación faltando á verdade pois neste Concello a documentación destes parques eólicos nunca estivo exposta. Unha veciña de O Irixo recibiu notificación por escrito nese sentido comprobando que o Concello certificaba unha falsedade. Esta persoa comprobou directamente o día 23 de decembro nas dependencias do Concello de O Irixo que a documentación non estaba exposta e presentou escrito deixando constancia delo. Posteriormente, o día 30, tentaron enganala algún funcionario e o propio Alcalde manifestando que o día que acudiu esta veciña ao Concello a documentación sí estaba exposta" Na denuncia póñense os feitos en coñecemento da xustiza para que valore se os mesmos son delicto e abra unha investigación.

A denunciante fai constar no escrito presentado ante o Xulgado do Garda do Carballiño que "o acontecido pode supoñer un posible delicto de Prevaricación cometido polo Alcalde e un posible delicto de falsedade en documento público cometido pola Secretaria do Concello. O Alcalde, Manuel Cerdeira Lorenzo, dictou conscientemente unha resolución faltando á verdade e incumpriu á súa obriga de proceder á exposición pública da documentación, trámite que deliberadamente omitiu por completo, impedindo así que a veciñanza puidera coñecer os proxectos e presentar alegacións dentro do prazo de 15 días que había para elo, entre os días 9 e 29 de decembro".

Mesmo asegura que "falta á verdade a Secretaria do Concello de O Irixo cando emite un informe no que afirma en relación á documentación dos parques eólicos que ao afirmar que estivo exposto ó público nas dependencias municipais dende o día 8 de decembro de 2021 ata o día 29 de decembro do mesmo". A veciña denunciante tamén manifesta que "a actuación da Secretaria do Concello resúlta totalmente incomprensible pois tiña todo o necesario para certificar a realidade do acontecido, polo que ou ben falta á verdade conscientemente, ou ben actúa con imprudencia grave".

"A Secretaria tivo a oportunidade de comprobar directamente se a documentación dos parques eólicos, que é voluminosa, estaba a exposición pública pois, ao parecer, acude ao Concello de O Irixo os martes de cada semana. Polo tanto no mes de decembro debeu pasar polo Concello de O Irixo os días 7, 14, 21 e 28 de decembro. Non se entende polo tanto que extenda a certificación a partir dos informes que se lle facilitaron, pero en todo caso a responsabilidade da certificación é da Secretaria do Concello que, ou ben minte, ou ben actúa con grave imprudencia. Tampouco se entende como certifica que o día 8 de decembro a documentación estivo exposta ao público cando ese día era festivo e o Concello non abriu as súas portas, esto último demostra que a Secretaria certificou á conveniencia do que lle pediron fabricando burdamente unha certificación contraria á verdade afirmando incluso que o día festivo o público podía acceder a ela, algo materialmente imposible", recolle o escrito desta veciña.

A documentación á que a denunciante afirma non estivo en exposición pública é a seguinte: Proxecto de execución do Parque Eólico de Valdepereira (1770 folios), Proxecto de execución parque eólico Pico Seco y su línea de evacuación (1068 folios), Proxecto de Interese Autonómico parque eólico de Valdepereira (229 folios), Proxecto de Interese Autonómico parque eólico de Pico Seco (265 folios), Relación individualizada de bienes y derechos afectados parque eólico Valdepereira (18 folios), Relación individualizada de Bienes y Derechos afectados (13 folios), Cronograma (1 folio), Estudio sobre a avifauna común aos parques eólicos de Valdepereira e Pico Seco (26 folios), Estudo de impacto ambiental común aos parques eólicos de Valdepereira e Pico Seco (150 folios), Patrimonio Cultural común aos parques eólicos de Valdepereira e Pico Seco (184 folios).

Finalmente subliña que "ningún deses documentos estivo dispoñible ao público durante os días establecidos nin no Concello de Lalín nin no Concello de O Irixo".

O Carballiño, Vila Termal, é dende fai máis dun século un referente fundamental no termalismo de Galicia. O Gran Balneario non necesita presentación. Está situado a beira do río Arenteiro. No ano 1816 as súas augas xa foron declaradas de utilidade pública. A principios do século XIX existía no lugar unha pequena caseta que era coidada polos veciños de Ponte Veiga. Pero foi nos anos corenta do século XX cando o Gran Balneario alcanzou o seu máximo apoxeo, enchéndose de “aguistas” . O fermoso edificio actual é obra do arquitecto Vazquez-Gulías.

O Balneario das Caldas de Partovia é tamén un dos máis antigos . As súas augas foron declaradas de Utilidade Pública no ano 1928, e seica son as de maior número de cualidades terapéuticas de tódalas que hai en Galicia. Ademais, como nacen a 34 º non fai falta nin quentalas nin enfrialas, senón que se poden usar directamente como saen, e isto é unha vantaxe grande pois o non seren tratadas non perden as súas propiedades curativas.

O Bañiño de Arcos arrecende a paz e a liberdade. Calquera pode ir a él para gozar do lugar e das augas sen pagar un peso. Detrás da fonte hai un placa na que está escrito: “Este loureiro de esperanza que afonda as súas raiceiras na terra e na auga, que se ergue á luz e ó aire en homenaxe a Dolores López Filgueira e a todas as Mulleres de Arcos, enseña de loita, traballo e ben”. Lede, sentide e meditade a modiño estas verbas.

¿Cómo se pode amosar todas estas istorias, emocións e sentimentos en fotos?
Os fotógrafos lográrono. E vos tamén ides ser capaces de velo… e sentilo.
Porque unha foto é forma, luz, concepto... pero a fotografía é sobre todo emoción e sentimento.
Nesta exposición de O Potiños, amósannos sen dúbida a fermosura, a emoción e a maxia deste triángulo termal.
Abride os ollos e o corazón para gozar con eles nestas fotos de CARBALLIÑO VILA TERMAL.

A exposición, da Asociación Fotográfica "O Potiños" permance durante este mes de Xaneiro nas escaleiras da casa do concello do Carballiño.

O Sergas programa outros 3 cribados para a poboación da comarca do Carballiño durante esta semana os dias lúns 17, mércores 19 e venres 21, para realizar test de antíxenos. Os cribados levaránse a cabo en horario de 15:30 a 20:30 horas no auditorio do Carballiño, e a convocatoria faise mediante autocita, que debe solicitarse no seguinte enlace:

https://coronavirus.sergas.gal/cribado/Rexistro.aspx?as=4

A última semana deixanos un record de novos positivos diagnosticados no concello do Carballiño no indicador a 7 dias, son 241 os novos contaxios rexistrados no municipio carballiñés entre os dias 7 e 14 deste mes de Xaneiro no que andamos, trátase da cifra de novos positivos máis alta dende que comezou a pandemia, o que pon de manifesto que o virus continúa en fase expansiva no Carballiño.

Os outros tres concellos con máis novos positivos na última semana son Boborás, que rexistrou 34, Maside 26, e San Cristovo de Cea con 21. A incidencia acumulada a 7 dias baixa en todos os demáis municipios.

Os grupos municipais do PSdG-PSOE de Lalín e O Irixo veñen de rexistrar unha moción para o seu debate e posible aprobación no vindeiro Pleno, na que solicitan que ambos Concellos soliciten da Xunta de Galicia retrotraer o expediente Parques Eólicos dos Complexos Valdepereira e Pico Seco ao trámite de exposición pública, tendo en conta que non se realizou.

Do mesmo xeito, o documento reclama que os Concellos de Lalín e O Irixo procedan a informar de forma activa, efectiva e real á veciñanza afectada que así o desexe nas dependencias municipais.

Por último, reclámase a ambas administracións que procedan a asesorar a veciñanza afectada facilitando información e asesorando na presentación de alegacións e en todos aqueles aspectos necesarios na defensa dos seus intereses.
A concelleira lalinense, Alba Forno, e o voceiro municipal no Irixo, Iago Fariñas, xa rexistraron ambas propostas plenarias. Nun encontro de traballo recordaron que “nin O Irixo nin Lalín dixeron nada sobre estes proxectos eólicos, non informaron, nin asesoraron nada á veciñanza afectada en ningún momento”.

“O mais grave” aseguran “é que nin tan sequera tiveron en exposición publica o referido proxecto para o seu coñecemento, incumprindo a obriga legal de facelo”.

Alba Forno e Iago Fariñas insisten en que os Concellos de Lalín e o Irixo non cumpriron coa súa obriga como administración pública impedíndolles ás persoas afectadas a posibilidade de formular alegacións. “Estamos ante un feito gravísimo que parece unha falta de dilixencia, unha deixadez manifesta ou que Crespo e Cerdeira non se enteran de nada”. “Máis grave sería que a información, como xa sucedeu noutras ocasións, fose ocultada intencionadamente”.

“Son moitas as persoas afectadas que se puxeron en contacto con nos preocupadas e sin que nos Concellos de Lalín e O Irixo fagan nada por informarlles”. “Tamén consideramos que sobre a omisión da exposición pública da documentación tanto Manuel Cerdeira coma Crespo deberían dar explicacións claras”, sinalan.

Para os socialistas “tamén é sorprendente que os alcaldes do PP traten de poñer toda a maquinaria política a funcionar cando se trata de parques eólicos de tramitación estatal e que calen cando os proxectos os está a tramitar a Xunta de Galicia, como é o caso”.

Dato record de descenso de contaxios activos no Carballiño, consecuencia da nova norma das altas médicas automáticas aos 7 dias, onte o Sergas notificaba 489 casos activos no Concello do Carballiño, hoxe a cifra descende ata os 357 contaxios activos, polo tanto son 132 menos en relación a onte.

Por outro lado, na incidencia acumulada a 7 dias, o indicador pasou dos 159 novos positivos no municipio que aparecian onte no cómputo dos últimos 7 dias, aos 228 casos que se contabilizan hoxe, o que pon de manifesto que a pandemia continúa aínda en plena fase expansiva no municipio carballiñés. 

No resto de concellos tamén se observa un notable descenso nos casos activos, sobre todo en Maside, que onte tiña 54 casos activos e quédase hoxe con 32, e San Cristovo de Cea, que tiña 32 e quédase hoxe con 23 casos. 

Os contaxios que o Sergas notifica hoxe para Boborás son 29, en Punxín 28, San Amaro 20, O Irixo 14, PIñor 10 e Beariz 4. Leiro baixa ata os 19 contaxios activos, e Avión ata os 10.