O Partido Popular recupera a alcaldia de San Amaro tras a renuncia presentada semanas atrás polo socialista Rubén Gómez.

No pleno extraordinario celebrado este mediodia, a corporación elixíu ao candidato do Partido Popular Fernando Rodríguez Redondo como novo alcalde, convertíndose desta maneira no terceiro alcalde de San Amaro durante o actúal mandato municipal

Na votación saíu elixido Fernando Rodríguez como alcalde ao ser a do PP a lista máis votada nas eleccións de 2019, ao rexistrarse un empate a catro votos coa candidata socialista María Jesús Fernández González, e un voto en branco, que foi decisivo, o da concelleira non adscrita Sonia Ordoñez. O único concelleiro de Xuntos Por Amaro, Carlos Paz, apoiou á candidata socialista.

Os socialistas de Leiro volven "deixar constancia de que levamos denunciando publicamente durante décadas o pasotismo e o cinismo do rexedor e proba diso, pasamos a relatar un episodio máis. No ano 2004 procedíase a selaxe do vertedoiro que había entre os pobos de Ribeira e Osebe cun investimento dunhos 224.524 euros, que foron achegados pola Conselleria de Medio Ambiente para rexenerar de forma ambiental a zona afectada polos residuos, na cal se prevía cubrir os residuos existentes con capas destinadas a conducir os gases xerados pola materia orgánica ao exterior, a illar os restos de choiva para evitar a contaminacion"

Engaden que "despois de 14 anos que se realizou a selaxe da entulleira, esta zona esta en o absoluto abandono por parte do Goberno Municipal e todo iso, de advertirlles que se debe facer o mantemento do mesmo xa que hai abundante maleza, papeleiras que levan anos sen recoller, postes de madeira deteriorados, rotos ect….unha pena xa que desde a estrada, apreciábase o rio Avia, a parroquia de Gomariz, San Clodio, pero debido á total falta de interes e despues de gastarse o pasteiro nesa selado, o equipo mira cara a outro lado, porque non lles interesa, por iso esmascaran a súa mala e nesfasta xestión con axudas e subvencións a cales manifestan unha total falta de control, mantemento e prevención".

Dende o PSdeG de Leiro apuntan a "outro caso mais de pasotismo e falta de control por parte do Consistorio municipal esta en a rehabilitación da pasarela colgante sobre o rio avia cun custo con diñeiro de tod@ s 48.100€ financiado pola Conselleria de Medio Ambiente e Ordenacion do Territorio cunha achega por parte do Concello de Leiro de 17.331€, mais do mesmo, a pouco dias do seu rehabilitacion xa había danos no ano 2019, despues de advertirlle ao rexedor desas anomalias, a outubro do ano 2021 aínda seguen e cada vez se acrecentan mais, pero tampouco se lle pide responsabiidades á empresa que realizo dita obra, nin tampouco o rexedor diríxese á Conselleria para que emenden os danos non vaia a ser que se enfade a Conselleira, asi vai".

E por ultimo,subraian que "coa limpeza da Ponte Esperela sobre o rio Avia na OU-209 cun orzamento de 28.926,28€ cuxo obxectivo era a retirada da vexetación, favorecer a súa conservación e mellorar a súa imaxe no ano 2020 mais do mesmo, ao pouco de acabarse a obra en menos dun ano xa volvía ter abundante vexetación, polo que o concello non a xestionado nada de nada, para emendar o problema e pedir responsabiliades, que cada vez se acrecenta mais e mais".

Asi o anunciou en COPE O Carballiño o alcalde Francisco Fumega, e tras unha reunión celebrada esta semana na que xunto aos rexedores de Maside e O Carballiño tamén participaron responsables da Garda Civil e Gabriel Alén, delegado territorial da Xunta. 

A idea na que se traballa é que a Consellería de Medio Ambiente proceda á limpeza do lixo acumulado en todo o entorno do poboado chabolista da Fontela, situado no termo municipal de Maside, aínda que se localiza nunha dos principais accesos a O Carballiño.

Doutra parte, o alcalde carballiñés tamén avanzou que o proxecto de construcción do novo centro de saúde para O Carballiño conta cunha previsión orzamentaria de 8 millóns de euros por parte da Consellería de Sanidade. En canto a elección dos terreos para a súa ubicación e que o concello carballiñés ten que poñer a disposición de Sanidade, Fumega adiantou en COPE O Carballiño que será no transcurso da próxima semana cando convocará unha reunión da comisión municipal de sanidade, na que están representados todos os grupos políticos municiapais, e na que agarda chegar a un acordo de consenso sobre a proposta que se trasdará á Xunta.

Pódese escoitar íntegra a entrevista co alcalde do Carballiño no Podcast que encontrarás nesta páxina WEB, en "Programa" do dia 21 de Outubro de 2021.

A finais do mes pasado botaba a andar o ciclo de FP Dual de Soldadura e Calderería do Instituto Chamoso Lamas nas instalacións de Dizmar, empresa ubicada no polígono industrial do Carballiño, que conta con varios centos de traballadores e proxectos internacionais na súa carteira, que decidiu ceder o espazo e a maquinaria necesaria para que puidera arrincar este ano a formación. Dende a mesma, o seu responsable Carlos Rivas, que tamén foi o promotor do ciclo de formación profesional na vila, destaca a boa acollida que tivo ao cubrirse a totalidade das prazas ofertadas e a importancia que vai ter na formación do alumnado e na creación de man de obra especializada para as empresas do sector do Carballiño.

De feito, as prácticas xa están garantidas polas dúas maiores empresas do polígono do Carballiño , Dizmar e Gri Towers. Na primeira valoración logo do comezo do curso, o responsable de Dizmar tamén salienta a calidade do profesorado que, sen dúbida, será un valor importantísimo para o futuro deste ciclo que para o ano xa pasará ás instalacións do Instituto Chamoso Lamas que, na actualidade, está a acometer as ampliacións e adaptacións necesarias para que o próximo curso xa se desenvolvan alí as clases.

Dende o Concello do Carballiño, o Concelleiro de Emprego José Manuel Dacal, agradece a implicación das empresas que, dende o primeiro minuto, se comprometeron a acoller ó alumnado e tamén ó Instituto Chamoso Lamas e a Consellería de Educación por ser parte fundamental nesta nova experiencia, única na provincia de Ourense. O concelleiro recorda a importancia que vai ter na empregabilidade da veciñanza da comarca,en satisfacer as necesidades das empresas instaladas no polígono e , tamén destaca, que vai supor un valor engadido para o asentamento de novas empresas logo da ampliación do polígono industrial.

Pola súa parte, a dirección do IES Manuel Chamoso Lamas agradece o apoio do Concello do Carballiño e das empresas implicadas neste proceso, GRI Towers Galicia e Dizmar, fundamentalmente a esta última por ceder as instalacións para que o curso puidera comezar con normalidade, mentras a consellería realiza as obras necesarias para para poder impartir a parte práctica do ciclo. Tamén salientan que este novo ciclo, xunto coa extensa oferta educativa , fan do instituto un referente a nivel provincial.

ABANCA e a Federación de Comercio de Ourense veñen de asinar un acordo de colaboración que busca apoiar aos negocios de proximidade que se atopan nas zonas polas que discorre o Camiño de Santiago. Este traballo conxunto resulta moi relevante nos últimos tempos, posto que a crise económica xerada como consecuencia da Covid-19 está a afectar con bastante profundidade ao comercio local.

A firma do acordo tivo lugar esta mañá en Ourense, onde o coordinador Institucional de ABANCA en Ourense, Mateo Alonso, e a presidenta da Federación de Comercio de Ourense, Beatriz Gómez, asinaron dito convenio. Tras a rúbrica, os comerciantes adheridos terán acceso ás vantaxes que se inclúen no documento, no que destaca un plan de financiamento creado polo banco e a federación para dar resposta ás necesidades do colectivo.

No acordo detállanse produtos e servizos para levar a cabo investimentos e reforzar a competitividade nos negocios. Deste xeito, os comerciantes poderán acceder a produtos deseñados especificamente, como préstamos persoais e hipotecarios, leasing mobiliario, con amplos prazos de amortización, posibilidade de carencias e xuros moi competitivos.

O concello de San Amaro coñecerá o próximo lúns dia 25 ao seu novo alcalde, para ese dia, ás 12 horas, foi convocado o pleno da corporación municipal para elixir o novo rexedor, e trala renuncia presentada semanas atrás polo exalcalde socialista Rubén Gómez, que ademáis tamén formalizou a súa renuncia como concelleiro.

Precisamente, no primeiro punto da orden do dia do pleno extraordinario do próximo lúns tomará posesión a súa sustituta no grupo socialista, que será Maria Jesús Fernández González. E de seguido, procederáse á votación para a elección de novo alcalde de San Amao.

Tan so un acordo a tres bandas, entre o PSdeG-PSOE, o concelleiro de Xuntos por San Amaro Carlos Paz, e a concelleira non adscrita Sonia Ordoñez, impediría que o candidato do Partido Popular Fernando Rodríguez Redondo sexa elixido como novo alcalde, toda vez que con 4 concelleiros foi o máis votado nas eleccións municipais de 2019.

Segunda edición desta campaña de promoción do comercio e hostalería do Carballiño que financia cunha aportación de 60.000 euros o concello carballiñés en colaboración co Centro Comercial Aberto. Como queira que os clientes aportan idéntica cantidade, o diñeiro mobilizado ascenderá a total de 120.000 euros.

Son en total 2.000 as tarxetas que se poñen a venda dende este mércores dia 20 de Outubro na oficina de turismo da Alameda, cada tarxeta ten un prezo de 25 euros e vai cargada con 50 euros. Cada persoa poderá retirar un máximo de 3 tarxetas, as que se retiren en nome de outras persoas necesitarán unha autorización e fotocopia do DNI. O horario de despacho das tarxetas, ata que se agoten, será de 10 a 14 horas, e polas tardes de 17 a 21 horas.

Haberá de prazo ata o próximo dia 21 de novembro para poder gastar os 50 euros da tarxeta en calquera dos establecementos comerciais e de hostalaría que participen na campaña, ainda dispoñen de prazo ata este dia 20 de Outubro para adherirse. Na primeira edición desta campaña "O Carballiño Contigo" no pasado nadal participaran daquela 145 establecementos.