Fai un ano atrás O Carballiño entraba no seu Outubro negro, con aquela explosión vírica coincidindo coa ponte festiva do Pilar que levou a o concello do Carballiño a rexistrar durante o mes de Outubro a incidencia acumulada de coronavirus máis alta de toda España, chegando a sumar maís de 200 novos contaxios en apenas unha semana.

Agora, un ano despóis, neste 6 de Outubro de 2021, O Carballiño consigue quedar libre de Covid, sen ningún contaxio activo, según os últimos datos actualizados por Sanidade. Todos os municipios da comarca permanecen tamén sen contaxios activos, tan so o concello de Punxín rexistra un único caso.

O concello do Carballiño comunica a apertura do prazo de inscrición na Escola Municipal de Xadrez, que se pon en marcha este próximo venres coa colaboración da Deputación Provincial de Ourense.

Está aberta a nenos e nenas a partir dos seis anos en adiante. As clases levaránse a cabo os venres en horario de 19 a 20 horas en aulas do Conservatorio Municipal, e para formalizar a inscricion pode facerse no teléfono da área de Deportes do concello do Carballiño: 662199721.

A Conferacíón Hidrógrafica ven de comunicar o remate dos traballos de limpeza no río Viñao, unha actuación que executou en 2,4 km. de extensión no entorno da capitalidade municipal do concello do Irixo.

En concreto, os traballos consistiron  na retirada dos restos de madeira e árbores caídas ou en mal estado sobre o dominio hidraúlico e zona de servidume, que provocaba o taponamento do cauce do río Viñao nesta zona. A inversión feita pola Confedaración Hidrográfica do Miño-Sil ascendeu a 20.000 euros.

A Asociación Amigos da Terra de Montes, que agrupa aos concellos de Beariz, Cerdedo-Cotobade e Forcarei celebrou este sábado dia 2 de Outubro a súa xuntanza anual, na que cada ano se distiguen a persoeiros relevantes desta bisbarra natural, que aínda non tendo recoñecemento administrativo e mesmo tratarse de concellos pertecentes a dúas provincias, siguen tendo unha gran interrelación cultural, social e económica.

No transcurso da xornada celebrada no auditorio cultural de Cerdedo, tivo lugar a asemblea anual de socios e no acto central da celebracion recibiron a insignia de ouro da Terra de Montes o actual director xeral de Gandaría, José Balseiros Guinarte, de Cerdedo-Cotobade; o empresario e músico José María Álvarez Sanmartín, de Forcarei, e o veciño natural de Beariz, José Fortes Muradás, que o pasado verán cumpriu 100 anos. O centenario bearicense, nacido en 1921 en Muradás, é un emigrante retornado afincado en Vigo, onde desenvolve unha gran labor solidaria e de axuda aos emigrantes retornados e colectivos desfavorecidos, ademáis de fundar un comedor infantil.

A continuación, finalizando as actividades da xornada, José Manuel Bértolo Ballesteros presentou o seu novo libro, Fidalguía e Heráldica da Terra de Montes, promovido pola Asociación Amigos da Terra de Montes co apoio da Xunta de Galicia. O volume, de máis de 230 páxinas, “fundamenta e divulga a riqueza cultural dunha comarca natural tan querida por nós como é a de Terra de Montes”,  indicou Valentín García, Secretario Xeral de Política Lingüística, que tamén quixo “felicitar a todos os que fixeron posible que un ano máis se publique un libro de investigación tan completo que nos axuda a coñecer un pouco máis das nosas orixes”. O libro inclúe unha presentación de José Raposeiras e un prólogo do escritor e antropólogo de Beariz, Xesús Antonio Gulías Lamas, mentres que o deseño da cuberta leva o selo do Pintor Xosé Caramés Campos.

Son numerosos os oíntes de COPE O Carballiño que mostraron en antena o seu disgusto por unha circustancia que se repite, e de momento sen solución, dende fai unha década atrás cando o nivel de caudal do río Arenteiro chega a mínimos: a fonte minero-medicinal do Bañiño de Arcos queda sen auga.

Aínda que o número de usuarios descendeu nos últimos anos, o certo é que os usuarios tanto do Carballiño como chegados mesmo nalgúns casos dende fora da Comarca, comproban como o cano permanece seco.

O alcalde Francisco Fumega recoñeceu en declaracións a esta emisora de radio que a solución non é fácil "levamos polo menos 12 anos con este problema, é un problema de niveis, as vetas do manancial teñen fugas e escapan cando baixa o nivel do río, algo que é complicadísimo porque se facemos algo corremos o risco de perder a veta", dixo.

Estas augas minero-medicinais, moi populares entre a veciñanza carballiñesa e da comarca, están indicadas para doenzas do fígado, riñón, vexícula ou pel, clasificadas como augas frias e cunha temperatura de 18 graos, recoméndase o seu consumo en xaxúas durante sete dias consecutivos, unhos tratamentos que agora mesmo non poden facerse no Bañiño de Arcos.

A Consellería de Medio Ambiente, Vivenda e Territorio ven de concederlle ao concello de Boborás unha axuda por importe de 69.127,30 euros, que cubre na súa totalidade a operación financieira para a compra dun camión acondicionado para ofrecer este servizo de punto limpo móbil.

Desta maneira, o concello de Boborás ofertará de forma itinerante polas distintas localidades do municipio este servizo para que a veciñanza poida depositar resíduos indicados e para incentivar a reciclaxe do lixo. Por elo, o concello de Boborás levará a cabo unha campaña informativa e de sensibilización entre a poboación do municipio.

O Consello da Xunta autorizou hoxe a sinatura dun convenio de colaboración co Concello de Boborás para a execución das obras de mellora das redes municipais de abastecemento, saneamento e pluviais no núcleo de Brués, que suporán un investimento de 385.000 euros.

A Consellería de Infraestruturas e Mobilidade, a través de Augas de Galicia, contribuirá ao financiamento das actuacións co 80% do orzamento, 308.000 euros, achegando o Concello o 20% restante. Ademais, correspóndelle a entidade local a execución das obras, así como o mantemento e conservación das actuacións que se leven a cabo. As obras consisten na construción dun novo tramo de rede de augas pluviais e na renovación das instalacións vinculadas á auga na travesía da N-541 ao seu paso polo núcleo de Brués, incluindo a reposición de beirarrúas.