O ata agora alcalde socialista de San Amaro, Rubén Gómez, fixo pública a primeira hora desta tarde a súa dimisión irrevocable como alcalde do concello de San Amaro, ao considerar insostible a actúal situación política no concello, co grupo de goberno fracturado en dous bandos.

Ademáis, comunica a súa renuncia á acta de concelleiro, a través dun escrito no rexistro xeral do concello de San Amaro. Desta maneira, deberá agora poñerse en marcha o procedemento para a elección de novo alcalde de San Amaro, que será xa o terceiro neste concello nos dous anos e medio que levamos de mandato.

No arquivo adxunto, carta de despedida de Rubén Gómez á veciñanza de San Amaro.

Durante o mes de setembro conmemórase o Mes Mundial do Alzhéimer, data que axuda a achegar e sensibilizar á sociedade sobre esta enfermidade que é considerada unha das epidemias deste século. Este ano, a Asociación de Familiares de Enfermos de Alzhéimer de Ourense, Afaor, quere facer fincapé na importancia da prevención e do diagnóstico precoz co fin de facilitarlles á pacientes calidade de vida.

Por este motivo na mañá do 30 de setembro, coincidindo co dia de feira fin de mes, Afaor trasladarase ás rúas do Carballiño, onde instalará unha mesa informativa para informar de forma próxima e personalizada a aquelas persoas interesadas e así dar a coñecer o seu labor coas persoas enfermas de alzhéimer e as súas familias.

Esta entidade desenvolve no Carballiño e coa colaboración coa Concellería de Benestar Social, Talleres de estimulación e prevención deterioro cognitivo. A actividade conta con gran acollida veciñal e ten lugar os martes e os xoves pola mañá nas instalacións de Bo Día Familia, rúa Calvo Sotelo, 34. Para apoiar esta iniciativa, a mesa contará coa presenza de Guadalupe Sobrado Pérez, Concelleira de Benestar Social do Carballiño.

Trátase dun programa teatral que se desenvolverá no auditorio do Carballiño durante o próximo mes de Outubro, organizado por "Tiruleque-Grupo de Teatro" en colaboración coa Federación Galega de Teatro Afeccionado e patrocinado pola Xunta de Galicia.

Abrirá esta programación o sábado dia 2 de Outubro "Teatro Escoitade" coa comedia "Dominó celeste, ou que vai ser de tí, Ernesto".

O sábado dia 9, será a compañía "A Tequerreté" coa obra "Confinad@s", que nace en clave de hilarante comedia, das experiencias sofridas durante o confinamento.

O domingo dia 10, "Tiruleque-Grupo de Teatro" volverá representar "A Farsa de Maitre Pathelin", un sarcástica e anónima obriña francesa do século XV.

E xa finalmente, baixará o telón deste ciclo teatral o sábado dia 16 a actuación do grupo vigués "Fauna 113" co drama "A última cea".

Todas as representacións serán ás 20:30 horas e o prezo das entradas será de 3 euros.

A voceira do BNG do Carballiño, Sofía García, trasladará ao pleno "as reiteradas queixas das familias carballiñesas polas eivas nas medidas de conciliación da vida familiar e laboral que oferta o concello". Para elo, a concelleira presentará ante a corporación unha moción na que volve insistir, igual que unhas semanas atrás, nesta demanda.

Dende o grupo nacionalista afirman que "comezou o curso académico 2021/2022 e non sabemos que alternativas de conciliación ofrecerá o concello do Carballiño. Levamos agardando dende o 2019 a que se defina con claridade e se informe como se vai configurar o SERVIZO DE CONCILIACIÓN DA VIDA FAMILIAR E LABORAL e que tipo de xornadas se van a prestar".

Lamentan que "nestes momentos o contrato do servizo de conciliación atópase prorrogado e hai unha ausencia total de información por parte do equipo de goberno a respecto das condicións futuras do servizo".

Para ter un amplo servizo de conciliación o BNG entende que deberíase prestar especial atención tamén ás distintas actividades extraescolares, toda vez que "as familias precisan compatibilizar a vida laboral coa educativa e non poden quedar sen unha ampla oferta de actividades que lle dean continuidade á xornada escolar".

O BNG demandará un Plan Municipal de Conciliación da vida laboral, persoal e familiar que inclúa, entre outros, un servizo de conciliación de mañá e de tarde con comedor ao mediodía e un amplo programa anual de actividades para todas as idades.

O concello do Carballiño advirte a todas as persoas posibles infractoras que se investigará a autoría dos verquidos incontrolados que nos últimos meses están proliferando na zona rural do municipio, e procederáse á apertura de procedementos sancionadores.

Recordan a prohibición de tirar resíduos en espazos non habilitados, xa que os vertedoiros incontrolados supoñen un serio risco para a saúde e danan o medio ambiente natural. Ademáis, dende o concello carballiñés infórmase do funcionamento do servizo municipal de recollida de voluminosos, simplemente hai que chamar ao teléfono 662 090 738 para facilitar os datos correspondentes, despóis indicaránlle o dia e hora para depositar os voluminosos. Tamén poden levarse directamente ao Punto Limpo, sito na estrada de Cea a carón da Mancomunidade, en horario de lúns a venres de 12 a 14 horas.

A comisión de festas de Cea recupera, en formato covid, a animación festiva da Saleta, aínda que tampouco este ano sen as súas multitudinarias verbenas, aínda que sí cun variado programa de actividades que se prolonga durante catro dias, entre o venres 24 e lúns 27, que ademáis será festivo de carácter local no municipio.

Venres 24

Ás 23 horas, na Praza Maior, "Música no Camiño" unha actividade do Xacobeo co dúo "Soul&Roll"

Sábado 25

Dende as 17 horas, na Praza Maior "Pan de Festa" unha degustación de productos galegos de calidade acompañados de pan de Cea. A esta mesma hora, comezarán a animar as rúas de Cea coa súa música a charanga CLK e o grupo "Feitizo de Pau", que ademáis desplazaráse ao pobos da parroquia. Os nenos terán un espectáculo infantil co mago "Deimi" e pola noite terá lugar unha actuación sorpresa.

Domingo 26

Pola mañá, haberá pasarrúas e acompañamento da procesión a cargo da Banda de Música de Vilatuxe, que despóis ofrecerá un concerto na Praza Maior. Pola tarde, música tradicional e para os nenos e nenas de Cea unha xornada de xogos medievais. äs 19 horas a Banda de Vilatuxe ofrecerá un novo concerto e pola noite outra sorpresa musical na Praza Maior.

Lúns 27

O dia festivo de ámbito local estará amenizado pola Banda de Música de Muimenta e o grupo de música tradicional "Terras do Arenteiro". Finalmente, ás 22:30 horas o grupo "De Perdidos al Trio" estará en concerto na Praza Maior de Cea.