En tempos de resistencia, e por segundo ano por culpa da pandemia de non festa do pulpo, O Carballiño volveu a atraer a miles de persoas ansiosas de degustar o pulpo á feira, un dos pratos estrela da gastronomia galega nacido no Carballiño da man mestra das pulpeiras e os pulpeiros de Arcos, distribuídos polo casco urbano para abastecer de polbo á feira comedores e terrazas da hostelaría local, e por suposto, aos comedores dos fogares carballiñeses tal como acontece neste segundo domingo de Agosto dende fai 59 anos. Igual que o ano pasado, o parque municipal estivo baleiro.

A afluencia de visitantes a O Carballiño foi unha constante nos últimos dias, e incrementouse coincidindo coa fin de semana, con cheo nos 31 establecementos que ofreceron este domingo o menú da Festa do Pulpo. En boa parte deste locais as reservas xa completaran o aforo dende fai dias, polo que as Xornadas Gastronómicas do Pulpo hai que consideralas como un éxito de convocatoria neste contexto de pandemia no que a situación sanitaria non permite un formato de participación multitudinaria como é a Festa do Pulpo. Asi o acreditan, sen excepción, todos os hostaleiros consultados por COPE O Carballiño.

O concello do Carballiño non celebrou ningún acto institucional este domingo, pero sí veu organizando diversas actividades no transcurso de toda a semana, aínda que condicionadas polo protocolo Covid, e que se completan nesta xornada de domingo coa actuación da agrupación folclórica galega "Cantigas e Agarimos", ás 8 da tarde no auditorio da Praza da Veracruz.

A Praza do concello do Irixo é dende hoxe oficialmente Praza de Manuel Penedo, o exalcade que gobernou este concello durante 32 anos, entre os anos 1987 e 2019. Foron os irmáns do finado alcalde, Maria Jesús e Isaac, os encargados de descubrir a placa identificativa co novo nome que dende hoxe recibe esta Praza, sita a carón da casa do concello.

Ademáis, o pleno da corporación acordou nomear ao exalcade, coincidindo co segundo cabodano do seu pasamento, como fillo predilecto do concello do Irixo,a titulo póstumo. Foi unha emotiva xornada na matinal deste sábado 7 de Agosto, na que participaron veciños e veciñas do Irixo, familiares de Penedo, concelleiros, e representantes institucionais entre os que se encontraban o delegado da Xunta,Gabriel Alén e a deputada provincial Patricia Torres.

O presidente do Parlamento de Galicia, Miguel Ángel Santalices foi o encargado de ler os méritos que xustifican o nomeamento do exalcalde como fillo predilecto do Irixo, a título póstumo. Santalices salientou que "o punto forte de Manuel Penedo sempre foi o contacto coa xente, a atención persoal aos cidadáns e as relacións con todos os veciños, tratando sempre de solucionar os problemas que puidesen presentarse". Para o presidente da Cámara Galega, o alcalde Penedo foi "un exemplo de servizo ao ben común, sempre necesario, quizais hoxe máis que nunca". Santalices actuou como instrutor do expediente por petición do actual alcalde do Irixo, Manuel Cerdeira, que colleu o relevo na alcaldia tras o pasamemento de Manuel Penedo Paradela.

Encontro Musical na Praza Alcalde Manuel Penedo- Sábado 7 ás 19:30 horas

O concello do Irixo organiza unha gran velada musical na que actuarán a Banda de Gaitas e Danzas do Irixo, a Agrupación de Acordeonistas Terras de Celanova e o grupo de música folc "Leirabuxo".

Circo-Danza no campo da festa de Paredes (Albarellos)-Sábado 7 ás 19:30 horas

O concello de Boborás continúa coa súa programación de verán e desta vez ofrécenos un espectáculo de acrobacia aérea, xogo e voz cantada en directo con Sue Moreno e Maria Move, un espectáculo da productora Culturactiva.

Cine en Cea e Leiro-Sábado e Domingo

O concello de Cea converte a Praza Maior de Cea nun cine ao aire libre, ás 22:30 horas deste sábado, coa proxección da película Maria Soliña, coa presenza do seu director Ignacio Vilar, que ao rematar a proxección protagonizará unha charla-coloquio cos espectadores.

O Novocine de Leiro mantén en carteleira dúas películas esta fin de semana, que son "A todo tren, destino Asturias" e "Jungle Cruise"

Pulpo e folclore no Carballiño

20 pulpeiros e pulpeiras de Arcos instalan as súas caldeiras -sábado e domingo- no casco urbano do Carballiño, coincidindo coas Xornadas Gastronómicas do Pulpo, nas que 31 establecementos da hostalaría carballñesa ofrecen o menú típico da Festa do PUlpo.

Ás 20 horas do domingo, na Praza da Veracruz, actuación da agrupación folclórica galega "Cantigas e Agarimos".

Unha patrulla da Garda Civil de Beariz sorprendeu de madrugada, sobrea as 3:30 da madrugada, a unhas 50 persoas que participaban nunha festa ilegal nunha casa en obras en Beariz "equipada cun potente equipo de música e luces", según a información falicitada pola mesma Garda Civil.

Unha boa parte dos asistentes conseguiron fuxir cando advertiron a presenza policial, aínda asi a Garda Civil logrou identificar posteriormente a un total de 18 persoas, todas elas veciñas de Beariz, contra as que formulou denuncia por infracción da Lei de Saúde de Galicia, por incumprimento das normas para a contención da pandemia da Covid.

Ademáis, tamén tomou declaración en calidade de investigado por un delito de danos a F.A.V.V., de 24 anos e veciño do concello de Avión, como presunto autor dun delito de danos en varios vehículos que estaban estacionados nas próximidades, cando trataba de burlar a presenza dos axentes da Garda Civil.

Hoxe sí que os contaxios activos experimentan un siñificativo descenso no Carballiño, pasado dos 102 casos de onte aos 82 de hoxe, asi que son 20 menos.

A tendencia descendente é xeralizada en todos os concellos, agás no de San Amaro que incrementa (+1) os casos activos e suma 6, o único concello que agora mesmo vai contracorrente.

Os datos actualizados a este xoves dia 5 de Agosto, concello a concello, presentan os seguintes contaxios activos: Avión (18) Boborás (15) Beariz (9) Maside (7) Cea (3) Piñor (3) O Irixo (3) Leiro (2) Punxín (1)

O Carballiño non da baixado dos 100 contaxios activos, tras baixar antonte aos 101 casos hoxe repite o dato de onte e Sanidade volve notificar 102 casos activos. 

Mellor son os datos da incidencia acumulada, tanto a 7 como a 14 días, indicadores nos que sí se aprecia unha melloría. Nos últimos 7 dias diagnosticáronse no Carballiño 31 novos positivos, mentres que no transcurso dos últimimos 14 dias acumuláronse 90 novos positivos no municipio carballiñés.

No resto de concellos continúa a tendencia á baixa en casos activos: Boborás (16) Beariz (9) Maside (9) San Amaro 5) O Irixo (3) Cea (3) Piñor (3) Leiro (2)  Avión (20) Punxín (1)

Un total de 31 locais da hostalaría carballiñesa ofrecen a próxima fin de semana o seu menú da Festa do Pulpo, dende o concello piden a todas as persoas, familias e grupos de amigos, que fagan a reserva con antelación para evitar aglomeracións e asi pode cumprir a normativa de seguridade ante a covid.

Esta mañá, os responsables municipais co alcalde Francisco Fumega á cabeza ofreceron unha recepción institucional no concello carballiñés ás entidades colaboradoras e patrocinadores, aos que o rexedor municipal agradeceu o apoio que cada ano prestan á Festa do Pulpo, este ano por culpa da pandemia -igual que xa acontecera en 2020- reconvertida en formato de xornadas gastrómicas na restauración local.

Pola sua parte, o delegado territorial da Xunta, Gabriel Alén transmitíu os parabéns a todos os que fan posible a organización desta convocatoria gastronómica malia as dificultades existentes, ao tempo que facía un chamamento público para poder gozar desta celebración gardando todas as medidas precisas que fagan deste evento un exemplo a seguir no contexto actúal.

No arquivo adxunto podes acceder á relación completa dos 31 locais adheridos a estas xornadas gastronómicas desta próxima fin de semana, sábado 7 e domingo 8 de Agosto: