Hoxe sí que os contaxios activos experimentan un siñificativo descenso no Carballiño, pasado dos 102 casos de onte aos 82 de hoxe, asi que son 20 menos.
A tendencia descendente é xeralizada en todos os concellos, agás no de San Amaro que incrementa (+1) os casos activos e suma 6, o único concello que agora mesmo vai contracorrente.
Os datos actualizados a este xoves dia 5 de Agosto, concello a concello, presentan os seguintes contaxios activos: Avión (18) Boborás (15) Beariz (9) Maside (7) Cea (3) Piñor (3) O Irixo (3) Leiro (2) Punxín (1)
No final da avenida do 25 de xullo algúns veciños, sempre os mesmos, adoitan a resgardar os seus vehiculos tanto da choiva como do sol enriva da beirarúa sin que a policía local deste concello faga acto de presencia. E como si o concello de Maside xa empezase aquí en vez de 50 metros mais adiante. Non vai con eles...
Eso sí estes veciños ao igual que os cans que andan ceibes deixan-nos os seus regaliños para que unha vez pisados os levemos para as nosas casas tan ricamente. ¿A Policía Local ten algo que dicir, ou soamentes teñen competencias no centro do pobo..?
Debe ser cousa da pandemia tamén...
O Carballiño non da baixado dos 100 contaxios activos, tras baixar antonte aos 101 casos hoxe repite o dato de onte e Sanidade volve notificar 102 casos activos.
Mellor son os datos da incidencia acumulada, tanto a 7 como a 14 días, indicadores nos que sí se aprecia unha melloría. Nos últimos 7 dias diagnosticáronse no Carballiño 31 novos positivos, mentres que no transcurso dos últimimos 14 dias acumuláronse 90 novos positivos no municipio carballiñés.
No resto de concellos continúa a tendencia á baixa en casos activos: Boborás (16) Beariz (9) Maside (9) San Amaro 5) O Irixo (3) Cea (3) Piñor (3) Leiro (2) Avión (20) Punxín (1)
Un total de 31 locais da hostalaría carballiñesa ofrecen a próxima fin de semana o seu menú da Festa do Pulpo, dende o concello piden a todas as persoas, familias e grupos de amigos, que fagan a reserva con antelación para evitar aglomeracións e asi pode cumprir a normativa de seguridade ante a covid.
Esta mañá, os responsables municipais co alcalde Francisco Fumega á cabeza ofreceron unha recepción institucional no concello carballiñés ás entidades colaboradoras e patrocinadores, aos que o rexedor municipal agradeceu o apoio que cada ano prestan á Festa do Pulpo, este ano por culpa da pandemia -igual que xa acontecera en 2020- reconvertida en formato de xornadas gastrómicas na restauración local.
Pola sua parte, o delegado territorial da Xunta, Gabriel Alén transmitíu os parabéns a todos os que fan posible a organización desta convocatoria gastronómica malia as dificultades existentes, ao tempo que facía un chamamento público para poder gozar desta celebración gardando todas as medidas precisas que fagan deste evento un exemplo a seguir no contexto actúal.
No arquivo adxunto podes acceder á relación completa dos 31 locais adheridos a estas xornadas gastronómicas desta próxima fin de semana, sábado 7 e domingo 8 de Agosto:
Se a finca fora dun de nós, xa nos terían MULTADO teriamos salido na prensa, etc, pero como son dun sitio privado, son silvas que pertencen a alta clase social, son de alto prestigio, non se poden cortar ou vós que pensades, aqui nesta Galiza todo se fai según a quen pertenzan as cousas. Esas Silvas e maleza non vos podedes imaxinar o poder económico que teñen, mais dun beneficiase de que sigan ahí. Por eso non dan a orden de cortalas e limpar o sitio, se a nos ós traseuntes nos molestan temonos que aguantar. Nós a pagar impostos e a calar. Según quen sexas e o que teñas serás tratado dunha maneira ou de outra.
a mascota octavio...madre mía...quen tivo a idea de pasear unha mascota nun coche de cabalos? dende que teño uso de razón creo que é o máis patético que levo visto neste pobo....NUN COCHE DE CABALOS!! quen tivo esa idea? algúen neste pobo parécelle atractiva a idea? e mellor non saber os cartos que costou...non vaia ser que empreguen esos cartos en limpar as rúas que dan pena o sucias que están
O Carballiño quédase hoxe nos 101 contaxios activos, 4 menos en relación a onte domingo. Tamén restan 1 caso tanto Avión como Boborás, que siguen sendo os outros concellos máis afectados no ámbito intercomarcal O Carballiño-Ribeiro, Avión mantén 22 casos activos e Boborás 18.
No resto de municipios, os contaxios activos son os seguintes: Beariz (11) Maside (11) Piñor (4) O Irixo (3) San Amaro (3) Cea (3) Leiro (2) Punxín (2)
Union Fenosa ou como se chame, dando exemplo como todos os anos na Carreira, e o concello consentindo. ¿Cánto temos que esperar para que cumplan? ¿a qué esperan, a que non se poida pasar pola acera?
O Círculo Podemos no Carballiño vén de presentar unha proposta para traballar no desenvolvemento dos dereitos das persoas LGTBI e por unha vila libre de LGTBIfobia. Con isto pretende a implicación do conxunto de actores e veciñanza para frear a número crecente de agresións e vandalismo por motivos de LGTBIfobia.
“A loita contra a LGTBIfobia require do traballo conxunto das distintas institucións xunto a colectivos e veciñanza”, indica a enlace de feminismos do círculo, Alba González, quen continúa explicando que “por iso pedimos o respaldo da corporación a unha serie de medidas que van encamiñadas a dar unha resposta colectiva contra a LGTBIfobia”.
Esas medidas van dende o deseño dunha campaña para un ocio libre de LGTBIfobia, en colaboración coas asociacións de hostaleiros, ata a creación dun punto de información LGTBI municipal ou distintas iniciativas en colaboración cos centros de ensino posto que como sinala a enlace de feminismos, Alba González, “a educación é clave para erradicar a LGTBIfobia e máis cando falamos de que algúns destes actos violentos teñen como protagonistas a xente nova”.
Ademais, vimos de ter constancia de que entre a xuventude da vila se están a recibir ameazas nas redes sociais a certas mozos e mozas, ameazas que poñen como referente o ataque homófobo que se cobrou a vida de Samuel Luiz na Coruña, engade Manuel Nogueira voceiro local da agrupación morada, “ actitudes que son unha lacra e que repudiamos totalmente e contra as que a sociedade ten que loitar unida”.
Dende o círculo podemita poñerán en coñecemento das autoridades pertinentes as distintas capturas e mensaxes volcadas nas redes sociais das que teñen constancia, para que se actúe en consecuencia.
Finalmente, Podemos pide que a Xunta de Galicia se involucre poñendo os recursos para desenvolver de maneira axeitada a Lei 2/2014 pola igualdade de trato e a non discriminación de lesbianas, gays, transexuais, bisexuais e intersexuais, que lle dea impulso ao Observatorio galego contra a discriminación por orientación sexual e identidade de xénero para que sexa unha ferramenta eficaz e que, en diálogo cos colectivos LGTBI, redacte unha Lei Trans Galega.
Si xente e festa para adiante. Non esquecer que estamos nun concello, o do Carballiño, libre de Covid, ou non?.
Penso que si, ou eso parece a o ver as medidas de nivel alto que pon a Xunta, e as que fai respetar concello e fan os hosteleiros.
Ainda a dia de hoxe non me pediron certificado de vacunacion en moitos locias, para que, reduccion de terrazas tampouco, o contrario, mais que e Agosto e hai que facer cartiños, total estamos libre de covid e restriccions. Respaldos pegados, fumando nas terrazas, si fumando que ninguen abra os ollos que os ten coma os meus e ven, actividades do concello como si non pasase nada axudando a ese empuxe etc.
Pois ben que mais da, eo mesmo. Veña festas ,veña pulpo, e veña saltar medidas, cada vez mais, total e barra libre. Os que incumplen aproveitan, o que cumple non di nada, no concello miran si chove , a oposicion xoga o desgaste....que diivertido todo. Pois o dito felicito o concello por un carballiño libre de covid.
Si e que o final o traballo ben feito notase.....
Saudos...sen mascara, so faltaba.
Páxinas
- « primeira
- ‹ anterior
- …
- 247
- 248
- 249
- 250
- 251
- 252
- 253
- 254
- 255
- …
- seguinte ›
- última »
