O Carballiño, que hoxe sábado alcanza os 31 casos supera xa a Ribadavia (30) en contaxios activos no territorio intercomarcal O Carballiño-Ribeiro. Tamén incrementa os contaxios o concello de Avión (+2) e alcanza os 6 contaxios activos.

Na actualización deste 10 de Xullo non non se observan variacións no resto de municipios, que manteñen os seguintes casos Covid:
Beariz (2) Boborás (1) O Irixo (1) Maside (1) Piñor (3)A Arnoia (4) Beade (2) Carballeda de Avia (5) Cenlle (1) Cortegada (2) e Melón (1). Continúan resistindo o avance desta nova onda, de momento sen que rexistren casos, os concellos de Leiro, Castrelo, Punxín, San Amaro e Cea.

O Portavoz do Grupo Municipal Socialista do Concello de O Irixo, Iago Fariñas Valiña, presenta unha moción para ser tratada no próximo Pleno da Corporación, PARA DOTAR DE SANEAMENTO OS MÁIS DE 30 POBOS DO IRIXO QUE NON TEÑEN.
Os socialistas na súa moción expoñen:
PRIMEIRO.- Que xa o pasado 8 de setembro de 2017, os socialistas presentamos e levamos o pleno unha moción para DOTAR DE SANEAMENTO OS MÁIS DE 30 POBOS DO IRIXO QUE NON TEÑEN, case 4 anos despois O Irixo segue con esta gran deficiencia dun servizo básico tan importante, xa que O Irixo na actualidade ten máis de 30 núcleos de poboación sen servizo de saneamento, algún incluso sen abastecemento de auga corrente.
SEGUNDO.- Que o grupo socialista ven de constatar que de forma total ou parcial no Irixo os seguintes núcleos carecen de Saneamento: Segade, Cangues, A Pedriña, Santiso, Outeiro de Readegos, Cerdeira de arriba, Cerdeira de abaixo, As Antas, Valdesoiro, Paredes, A Ermida, Frixe, Surribas de Froufe, Zebral, O Espiño, Sidre, Covelo, Espiñeira, A Esfarrapa de abaixo, Vila, Trabazón, Munin, Nabas, Barro de San Cosme, Rio, O Coto, Chelos, Zacarade.... e outros moitos...
TERCEIRO.- Que é impensable que en pleno século XXI un goberno municipal non so non sexa capaz de acometer estes servicios básicos para a súa veciñanza, senón que anuncie a construción de pistas de padel e outras custosas infraestruturas para o desfrute principalmente de foráneos, e non sexa quen de ter este servicio básico cuberto para a súa veciñanza, con axuda de outras administracións ou cos seus propios recursos, o saneamento de todos estes pobos ou núcleos de poboación.
CUARTO.- Que debemos recordar que nos últimos días o alcalde do Irixo ve de facer alarde dunha gran inversión na estación dun centro deportivos para as familias, con pistas de padel e outras infraestruturas cando a escasos metros os pobos e a veciñanza carecen dos servizos esenciais para poder vivir dignamente no rural.
QUINTO.- Que entendemos que e imperdoable que se anuncien obras e proxectos para atraer os de afora O Irixo mentres non se fai nada por mellorar a vida polos que residen dentro do Irixo.
SEXTO.- Que entendemos unha falta de traballo imperdoable do goberno municipal, que tendo medios e recursos económicos para acometer o saneamento dos núcleos de poboación do concello non o fai, mestres gasta parte dos seus recursos noutras obras que non son prioritarias como si o é que os veciños teñan o saneamento das súas vivendas garantido.
SEPTIMO.- Que é especialmente preocupante que nalgún pobo se acometese a instalación de saneamento das casas do pobo e finalmente se canalizase e deixase a ceo aberto vertendo por un rego sen finalizar nunha fosa séptica.
Por todo o manifestado, o Grupo Municipal Socialista do Concello de O Irixo presenta para a súa consideración e aceptación polo Pleno Municipal a seguinte MOCIÓN instando ó Concello a:
Que o Concello de O Irixo mediante unha modificación de crédito habilite unha partida orzamentaria para poñer en marcha cos seus propios medios e/ou a axuda de outras administracións o saneamento integral de tódolos pobos de O Irixo como prioridade máxima para o Concello fronte a outros proxectos non necesarios.

Esta nova onda de coronavirus continúa avanzando no concello do Carballiño, con 4 positivos diagnosticados nas últimas horas, polo que o municipio rexistra xa 27 contaxios activos. Tamén incrementa casos (+2) Piñor, que suma 3 contaxios activos, e continúan cun único caso Beariz, O Irixo e Maside. Tamén notificva hoxe un  caso o concello de Boborás, que de momento mantíñase libre de covid.

O concello de Avión suma outros dous casos e xa son 4, mentres que o concello de Leiro continúa resistindo libre de virus.

A deputada por Ourense no Parlamento de Galiza Noa Presas e a concelleira nacionalista na vila do Arenteiro Sofía García, reclamaron esta mañá a construción dun novo centro que de cobertura ás necesidades da zona xa que o actual "quedou raquítico e desfasado".

Segundo Noa Presas, "Despois de anos de demandas, en xaneiro Feijóo xuntábase co Alcalde e afirmaban que os técnicos da Xunta ían avaliar se facer unha reforma ou construír un novo", ao que engade, "Pasaron seis meses e a semana pasada escoitamos como vén Feijoo a Ourense facer promesas en materia de infraestruturas sanitarias, comprometer obras ou novas construcións para 13 concellos e do Carballiño o único que di é que están a avaliar se ampliar este centro ou facer un novo".
Para Presas "seis meses despois seguimos igual nin un euro consignado para o centro de saúde do Carballiño nin un prazo temporal, e isto é un escándalo".

Desde o BNG, demandan compromisos claros da Xunta e que pare de tomarlle o pelo ao Carballiño. "Esiximos prazos e orzamentos porque a partida para os centros de saúde que vai nos orzamentos é raquítica, unicamente hai dúas partidas xenéricas para todo Galiza que suman 9 millóns dos que a Ourense lle correspondería só o 4 por cento, polo que resulta difícil de crer que cunha contía aproximada de 360.000 euros se poidan financiar un novo centro de saúde, a reforma de 12 e engadir algunha actuación no Carballiño".

Noa Presas é clara á hora de reclamar da Xunta "menos anuncios e máis compromisos". "Hoxe tiña que estar decidido xa se ampliar ou construír un novo centro, tiñamos que estar falando de proxectos e de ubicacións e no lugar diso o que temos son anuncios e propaganda. Ademais, reclamamos que se adopten medidas urxentes de reforzo de persoal para o mantemento de servizos xa que desmantelaron xinecoloxía, cun día a semana, cun profesional distinto cada vez, non teñen servizo de pediatría polas tardes, nin de radioloxía,e iso non é tolerable".

Ademais de propostas para O Carballiño, o BNG rexistrou no Parlamento galego unha batería de iniciativas para achegar solucións á situación de deterioro e colapso na que se atopa a Atención Primaria ao longo do país cun Plan de reforzo dos recursos humanos e a incorporación á carteira de servizos de Atención Primaria das categorías imprescindibles para prestar unha atención integral, como profesionais de psicoloxía clínica, terapia ocupacional, traballo social, logopedia ou podoloxía.

Catro novos casos detectados na últimas horas elevan ata os 23 os contaxios activos no Carballiño, según os datos oficiais de Sanidade que se corresponden con este xoves dia 8 de Xullo. A incidencia acumulada a 14 dias xa se sitúa nos 156 casos por 100.000 habitantes, o que sitúa a O Carballiño en risco alto.

Os outros concellos da comarca que rexistran casos activos son Piñor (2) Maside (1) O Irixo (1) e Beariz (1)

Peor é a situación no Ribeiro onde o coronavirus volve estar presente en todos os concellos, agás nos de Leiro e Castrelo de Miño. Á cabeza está Ribadavia, que xa alcanza os 27 contaxios activos, e tamén rexistran casos A Arnoia (4) Carballeda de Avia (3) Cortegada (2) Avión (2) Beade (1) Melón (1) Cenlle (1)

A figura da escritora Emilia Pardo Bazán e O Carballiño están estreitamente vencellados. A autora de pasou longas tempadas na vila de onde era orixinario o seu home, José Quiroga (da parroquia de Banga), e a mesma converteuse en protagonista na súa novela . A casa familiar da Praza Maior do Carballiño, os pazos dos Quiroga en Banga e Cabanelas, o Gran Balneario da vila, o Casino (edificio da antiga Ferretería Soto), o río Arenteiro ou O Ribeiro foron referentes para a escritora nas súas estadías carballiñesas.

Neste 2021 estase a celebrar o centenario do seu pasamento e un dos aspectos nos que se está a incidir é na súa relación con Benito Pérez Galdós. Dos 32 anos nos que mantiveron a súa relación –con diferentes etapas e mesmo crises provocadas por terceiras persoas- consérvanse 90 cartas e ese foi o material co que traballaron a actriz María Galiana e o barítono Luis Santana para crear o espectáculo

A montaxe que este sábado chega a O Carballiño –o único espazo de Galicia onde se poderá ver xunto coa cidade de A Coruña- é un recital poético dedicado a Emilia Pardo Bazán ao redor das cartas de amor remitidas a Benito Pérez Galdós. A palabra de María Galiana estará acompañada da voz do barítono Luis Santana.

María Galiana.
De sobra coñecida polo seu papel de Herminia, a avoa da exitosa serie de televisión , Galiana é Licenciada en Filosofía e Letras e exerceu como profesora de Historia e Historia da Arte ate a súa xubilación no ano 2000. Entre os recoñecementos conseguidos na súa carreira como actriz está o Goya á mellor actriz de reparto polo seu papel na película .

Luis Santana.
Barítono zamorano, comezou os seus estudos musicais aos cinco anos baixo a ensinanza de grandes mestres. Na actualidade faino co tenor español Pedro Lavirgen e con Teresa Berganza. Ten actuado nas salas de concertos e teatros máis importantes do Estado e en cidades como Roma, París, Milán, Nápoles, Budapest, Lisboa ou Viena, entre outras.

A actualización de datos correspondente a este mércores dia 7 de Xullo, deixanos un incremento de 6 casos activos en relación a onte, que eran 13 e pasan a ser hoxe 19.

No resto dos concellos da comarca, mantéñense casos illados -1 en cada concello- en Beariz, Piñor, O Irixo e Maside.

A segunda onda do Estudio Xeral de Medios deste ano 2021 que ven de coñecerse este pasado dia 6 de Xullo, sitúa á programación local de mediodia de COPE O Carballiño -de 12:30 a 14:30 horas- entre as que máis audiencia rexistran nesta franxa horaria entre o total de 77 emisoras de radio en Galicia, incluidas as que emiten dende as grandes cidades e as súas áreas metropolitanas.

Coincidindo con este horario de mediodia, no que as emisoras de radio ofrecen a súa programación local, COPE O Carballiño figura no terceiro posto neste ranking galego de audiencias. A diario, de lúns a venres, 10.000 ointes infórmanse do que aconcente no noso ámbito local e comarcal no 91.9 da FM.

Na provincia de Ourense, COPE O Carballiño é líder en audiencia en varias franxas horarias da mañá e mediodia, según este último Estudio Xeral de Medios.

O concello de Leiro deberá aportar 107.000 de fondos propios a este lote de obras e proxectos, que ascenden a un total de 570.000 euros, e que se financian na súa maior parte coas aportacións doutras administracións públicas.

O barrio de máis poboación da vila de Leiro, o dos Carris, beneficiaráse da segunda fase da reforma da iluminación pública, e a estrada que comunica as localidades de Orega e Paredes será dotada dun novo asfaltado, na actualidade atópase moi deteriorada, e a veciñanza viña reclamando unha intervención neste vial.

As outras inversións que se inclúen nesta aportación económica  que ven de aprobar o concello de Leiro, inclúese o proxecto de mellora do abastecemento de auga ao municipio, e unha nova tubaxe dende o punto de captación de auga no río Viñao. Tamén obras de mellora no campo municipal de fútbol.