A Plataforma Veciñal "SOS O Carballiño" reaparece de novo na escea pública xustificando que "logo dun parón de máis de dous anos na súa actividade, debido principalmente a dous motivos principais, por un lado agardar a evolución do Carballiño tras as eleccións municipais de maio de 2019 e por outro lado e a razón máis importante é a Pandemia que todos e todas estamos padecendo e que agardamos pronto se poda controlar".

A través dun comunicado remitido aos medios de comunicación, anuncian que "SOS O Carballiño vai realizar a súa actividade na medida que a sociedade carballiñesa precise dun altavoz para facerse eco das súas necesidades, inquedanzas ou dificultades para tratar de conseguir que O Carballiño prospere da mellor maneira posible".

Consideran que a día de hoxe existen varios proxectos que van reclamar a súa atención e sobre os que farán "un seguimento riguroso, facéndonos eco de todo aquelo que nos pareza necesario facerllo chegar e darllo a coñecer a veciñanza, estes aspectos que nos poden parecer máis relevantes son: as axudas COVID-19 prometidas polo alcalde do Carballiño para os autónomos que non acaban de chegar como deberían e como prometeu o equipo de goberno do Carballiño, por outro lado faremos un seguimento para comprobar que o alcalde cumpre cos seus compromisos adquiridos cos veciños e veciñas no arranxo das diferentes rúas do Carballiño como son a Rúa Castelao, Rúa Ourense entre outras moitas, tamén estaremos moi atentos sobre que pasa coa mellora ou construcción do novo centro de Saude, onde a día de hoxe o alcalde do Carballiño e o Presidente da Xunta de Galicia Alberto Nuñez Feijoo soamente nos deron titulares de prensa, logo hai outros proxectos dos que soamente hai promesas e titulares nos medios de comunicación como é o caso do Proxecto Integral do Parque Municipal, que pasa coa Fábrica de Papel, Balneario, entre outros", reproban dende SOS O Carballiño.

Asemade, poñen o punto de atención sobre "a nova concesión de auga da CHMS e a adxudicación dun novo contrato do Servizo de Auga que tamén caduca este ano e que se trata con toda seguridade do contrato máis grande da historia do Carballiño polo que demandamos do alcalde do Carballiño coa maior celeridade posible que nos dea aos veciños e veciñas as explicacións pertinentes xa que polo que pudemos averiguar dende SOS e pola información que saiu nalgún medio de comunicación poderíase poñer en perigo a viabilidade do no vovo Polígono industrial compartido con Maside, en canto ao suministro de auga, polo que convidamos ao alcalde do Carballiño a facer un debate público, participativo e sosegado sobre o que queremos para futuro da actividade económica do Carballiño e para o propio Río Arenteiro", subliñan.

Finalmente, SOS O Carballiño sinala que ten intención de dirixirse ao Ministerio de Fomento para que este teña en consideración a construcción dun ramal da Autovía Ourense-Lugo que conecte esta infraestructura co Carballiño concretamente na Ariz coa autoestrada Santiago-Ourense, "convertendo a Carballiño nun lugar xeoestratéxico en canto as comunicacións nos referimos que traería consecuencias moi positivas para o desenvolvemento da Comarca do Carballiño".

O conselleiro do Medio Rural, José González, acompañado da directora xeral da Axencia Galega de Desenvolvemento Rural, Inés Santé, mantivo un encontro telemático co alcalde do Irixo, Manuel Cerdeira, para coñecer as necesidades e demandas relativas ao agro dos veciños deste municipio e afondar nas posibles melloras nas súas infraestruturas. Neste senso, o conselleiro e o rexedor do municipio acordaron levar a cabo unha xornada informativa sobre a Lei de recuperación da terra agraria de Galicia no mes de setembro.

Esta acción celebrarase co propósito de explicar aos veciños da localidade as oportunidades derivadas desta lei no relativo á xestión da terra agroforestal, a súa ordenación de usos e o fomento da súa recuperación. O texto legal ten como obxectivo poñer a producir as terras arestora abandonadas e infrautilizadas e aportarlle base territorial suficiente a aquelas explotacións existentes que a precisan. Deste xeito, conséguese unha anticipación ante os lumes forestais, ao mesmo tempo que se traballa pola recuperación demográfica e o asentamento no rural.

Doutra banda, o conselleiro lembrou que o concello do Irixo beneficiouse dun total de 115.150,34 € nas últimas tres convocatorias do plan Marco para a mellora dos camiños municipais de acceso a parcelas agrícolas. Un orzamento que permitiu darlle un pulo ás condicións de vida dos veciños e veciñas da localidade ao mellorar as canles de entrada e saída das producións rurais do concello.

As obras do paseo consisten na substitución do pavimento de xabre actual por un novo a base de aripaq, resistente á erosión pola acción da auga, e na mellora da drenaxe e evacuación de augas pluviais nunha lonxitude de 2 Km, situados entre a Ponte Veiga e Rúa Astureses.

Ademais, o proxecto contempla a substitución da cuberta dun lavadoiro da Toscaña, adxacente ao paseo, así como a adecuación dun acceso existente desde o vial Rúa Río Miño e o acondicionamento dunha leira próxima para a futura instalación dun parque infantil.

Estas obras foron adxudicadas á empresa Orega, S.L. por importe de 325.163,77 €, para ser executadas nun prazo máximo de 6 meses. A Confederación aporta o 80% do orzamento, e o concello do Carballiño o 20% restante.

O presidente da Confederación Hidrográfica do Miño-Sil, José Antonio Quiroga, e o alcalde do Carballiño Francisco Fumega, acompañados doutros responsables municipais, supervisaron esta mañá o inicio da obras.

Ademáis, o rexedor municipal avanzou que na zona que acondionará a Confederación neste barrio de Toscaña, crearáse un espazo de ocio infantil, que será "un parque de aventuras, para o que o concello xa ten reservados 150.000 euros, tal como nos demandan os nenos e nenas do Carballiño", subliñou Fumega.

Un accidente entre un camión e un vehículo, no concello de San Amaro, fixo que os bombeiros tiveran que liberar a unha persoa que, posteriormente, foi trasladada polos servizos sanitarios de urxencia. Foi pasadas as cinco da tarde, cando o 112 Galicia recibía o aviso, a través dun particular, dun sinistro entre un turismo e un camión que transportaba tellas, na estrada OU-0412, na parroquia de Anllo.

Con estes datos, os xestores do 112 Galicia, informaron ao Servizo de Urxencias Sanitarias de Galicia - 061, aos Bombeiros do Carballiño e Garda Civil. Xa no punto, foi o propio persoal sanitario quen solicitou un equipo de excarceración xa que, segundo sinalaban, non conseguían abrir a porta do turismo. Así, unha vez no lugar do accidente, os Bombeiros do Carballiño, procederon á excarceración e liberaron á ocupante do vehículo, unha muller, que foi trasladada en ambulancia ao Complexo Hospitalario de Ourense.

Ademais, tamén acudiron a Garda Civil de Tráfico e o servizo de mantemento de estradas, que se encargou da limpeza da vía.

A directora xeral de Administración Local, Natalia Prieto, visitou hoxe o pavillón polideportivo de Beariz, no que a Xunta colaborou no seu acondicionamento mediante a Orde de Infraestruturas de uso público. A través desta liña de axudas coa que o Goberno galego apoia aos concellos galegos na creación e mellora das súas infraestruturas destinadas a servizos municipais, o municipio de Beariz recibiu máis de 22.300 euros para reparar as filtracións de auga do pavillón.
O orzamento total da última convocatoria desta orde por parte da Administración autonómica dirixida a actuacións coma estas dos municipios da comunidade ascende a 4 millóns de euros. A Xunta mantén así a colaboración coas entidades locais en proxectos que contribúan a mellorar a calidade de vida da cidadanía.
Neste caso, os traballos no pavillón polideportivo de Beariz incluíron a substitución dalgunhas chapas translúcidas, do canalón de recollida de augas pluviais para evitar as filtracións de augas. Ademais, colocarase un novo alicatado en varias zonas dos aseos e vestiarios e instalarase unha nova porta de acceso ao almacén, así como un cadro xeral de distribución e termos eléctricos máis eficientes.
Trátase dunha das actuacións financiadas pola Xunta en Beariz o ano pasado, xunto con outros proxectos apoiados no marco do Fondo de Compensación Ambiental como a reforma de abastecemento de auga e de eficiencia enerxética en varios núcleos do municipio. Ademais, ao igual que en exercicios anteriores, tamén a través deste fondo, o Goberno galego colaborou nos gastos de funcionamento da Mancomunidade da Comarca do Carballiño e do seu servizo de protección ambiental, da que forma parte Beariz xunto cos concellos de O Carballiño, Boborás, O Irixo, Maside, Piñor, Punxín, San Amaro e San Cristovo de Cea. O investimento da Xunta nos últimos anos no concello supera os 720.000 euros.
Natalia Prieto incidiu na importancia da colaboración entre a Xunta e os concellos e tamén entre os propios municipios, por exemplo coma nesta mancomunidade, para compartir servizos e recursos co obxectivo de ser máis eficientes e evitar duplicidades.

Colaboración coas asociacións de veciños
Por outra parte, Natalia Prieto, visitou as melloras realizadas no local da asociación de veciños de Albite, que recibiu 14.000 euros para as obras de acondicionamento –cimentación, illamento térmico e revestimentos das fachadas, colocación do pavimento e instalación eléctrica e da fontanería 34 entidades da provincia de Ourense ás que a Xunta destinou 34.000 euros o ano pasado no marco das subvencións do Plan específico de acción comunitaria para apoiar a dinamización social e comunitaria das asociacións galegas.

O delegado territorial da Xunta en Ourense, Gabriel Alén, desprazouse ata a Residencia de Tempo Libre do Carballiño para supervisar as obras de acondicionamento das instalacións que acollerán as familias a través dos diferentes programas convocados pola Consellería de Política Social.

Acompañado da xefa territorial, María José Fernández, o delegado da Xunta subliñou a oferta de lecer que ofrece este centro, indicando que “os usuarios da Residencia de Tempo Libre do Carballiño poderán combinar a súa estadía en pensión completa con actividades lúdicas programadas pola propia residencia con visitas turísticas e culturais a diferentes puntos da vila, da provincia e mesmo da comunidade autónoma, o que sen dúbida repercutirá na economía da zona”.

A Residencia de Tempo Libre do Carballiño recuperará a actividade de novo tras o ano 2020 marcado pola covid, no que, aínda así, se desenvolveron actividades de lecer para a mocidade no marco da Campaña de Verán durante os meses de xullo, agosto e setembro, e que este ano volverán a repetirse nas mesmas datas.

Deste xeito, a oferta da RTL inclúe a posibilidade de actividades dirixidas a entidades que soliciten reserva de estadías coa finalidade de desenvolver diferentes programas de convivencia e que farán posible a apertura das instalacións. Nos vindeiros meses tense previsto desenvolver actividades dirixidas a asociacións de mulleres, a grupos de xoves, a maiores ou a colectivos de persoas afectadas por algún tipo de discapacidade.

As obras, a piques de rematar e nas que a Xunta investiu preto de 80.000 euros, nos últimos dous anos consistiron na reparación parcial do tellado do comedor, o acondicionamento do aparcadoiro, a poda das árbores e o pintado interior da planta baixa, pasillo e habitacións. En 2020, o Goberno galego xa acometera o arranxo da calefacción, a instalación dun sistema antiincendios, a rede wifi e a construción dun novo valado do parque infantil.

Aforo completo, as mil entradas gratuítas que se ofrecían dende o pasado sábado, esgotáronse nas útlimas horas, e para esta verbena piloto que amenizará a orquestra Cinema entre as 21 ás 23 horas deste sábado dia 19 de Xuño, na finca das Barcias, na zona do parque municipal do Carballiño.

Finalmente, no recinto tan so haberá zona de bailes, sen atraccións de feira e servizo de pulpeira, tal como estaba programado inicialmente. Con este evento, a Xunta pretende avaliar o protocolo de seguridade anti-covid para implantar este verán nas verbenas galegas.