O delegado territorial da Xunta en Ourense, Gabriel Alén, afirmou que a Vía da Plata conta cun enorme valor tanto no eido do patrimonio como no artístico e cultural.

Gabriel Alén destacou a importancia desta gran vía cultural para a nosa Comunidade, e ata para Europa, na presentación do libro Lo mejor del Camino de Santiago. Vía de la Plata publicado por Hércules de Ediciones no Centro Cultural Marcos Valcárcel en Ourense.

Segundo o delegado territorial, “trátase dunha recompilación dos máis destacados textos sobre a historia e a actualidade das cidades e paisaxes polos que transcorre esta calzada milenaria”. Ademais, “a obra, -continuou o representante do Goberno galego- que está cofinanciada pola Xunta de Galicia dentro do programa Ou teu Xacobeo, complétase cunha selección de fotografías espectaculares da vía de peregrinación do sur, baixo a mirada de José M. Salgado. Contido e imaxes evocarán as sensacións experimentadas aos que percorran este itinerario e queiran recordalo e ofrecerán unha certeira panorámica a aqueles que aínda non poidan percorrelo e queiran viaxar a través da lectura”.

Gabriel Alén sinalou que o Camiño é un gran axente dinamizador das zonas rurais, e que tamén vincularse ao Camiño supón asociarse cunha marca recoñecida internacionalmente e relacionada con valores universais”. No caso da Vía da Prata, hai que destacar que é unha ruta que vertebra España desde a época romana e o seu impulso podería contribuír á desestacionalización do Camiño e, polo tanto, do turismo en todas as comunidades polas que pasa este trazado.

O delegado territorial fixo referencia á simboloxía da frecha amarela do Camiño como unha medida que permitirá aos peregrinos identificar os sinais oficiais, que serán iguais en todos os itinerarios e en calquera comunidade autónoma, mellorando así a atención ao peregrino. Un labor á que contribúen as Asociacións de Amigos do Camiño.

A frecha amarela dixo “converteuse en poucos anos nun símbolo do Camiño de Santiago ao nivel da tradicional concha ou vieira. Os camiñantes recorren desde entón a esa referencia de sinalización en pedras, árbores ou postes para non perderse nalgúns cruces nos que aínda se enfrontan á dúbida”.

Trátase dunha iniciativa conxunta e compartida polos CCA do Carballiño e CCA de Celanova para facer intercambio de veciños. Unha familia, parella ou amigos celanoveses pasarán a fin de semana en Carballiño e uns carballiñeses pasarán a fin de semana en Celanova desfrutando da nosa gastronomía, do noso comercio, do noso patrimonio e da nosa xente a gastos pagos. A campaña, presentada hoxe, ten como Slogan:"Ti a O Carballiño e eu a Celanova/Ti a Celanova e eu a O Carballiño.

 Con compras no comercio local ou consumicións na hostalaría participarase no sorteo dunha fin de semana Ao comprar nos comercios ou consumir na hostalaría de Carballiño e Celanova haberá que completar unha rifa cos datos do cliente para participar no sorteo. 

A campaña comezará o 22 de xuño e rematará 12 de xullo (período no que os asociados entregarán as papeletas aos seus clientes) O sorteo realizarase o 14 de xullo e chamarase aos gañadores en directo Datas para desfrute da fin de semana: do 16 de xullo ao 31 de xullo e do 16 de agosto o 30 de setembro segundo dispoñibilidade no aloxamento elixido.

Os gañadores pasaran unha fin de semana ( 2 noites) en réxime de ALOXAMENTO E ALMORZO en cada localidade. -Entregaranse uns vales para consumir nos locais de hostalaría que eles elixan (2 XANTAR e 2 CEAS cun importe máximo de 30€ por SERVIZO). -Tamén se entregarán 60€ de desconto en VALES de 5€ para gastar no comercio local. -Visita turística gratuíta a Carballiño (Visita guiada ao Templo da Veracruz e centro da vila, visita guiada polo paseo fluvial do Arenteiro “Gran balneario do Carballiño, Muiño do Anxo, Pena dos Namorados, Fábrica de papel da Lavandeira” , percorrido polo Parque Municipal e unha sesión de Piscina dinámica e canal de fleboterapia de 90min no Balneario Caldas de Partovia) - Visita turística gratuíta en Celanova (Visita guiada ao Mosteiro de San Salvador e capela mozárabe de San Miguel, Percorrido guiado por Vilanova dos Infantes e Visita a fundación Curros Enríquez e visita ao castro de Castro Mao. 

A Plataforma Veciñal "SOS O Carballiño" reaparece de novo na escea pública xustificando que "logo dun parón de máis de dous anos na súa actividade, debido principalmente a dous motivos principais, por un lado agardar a evolución do Carballiño tras as eleccións municipais de maio de 2019 e por outro lado e a razón máis importante é a Pandemia que todos e todas estamos padecendo e que agardamos pronto se poda controlar".

A través dun comunicado remitido aos medios de comunicación, anuncian que "SOS O Carballiño vai realizar a súa actividade na medida que a sociedade carballiñesa precise dun altavoz para facerse eco das súas necesidades, inquedanzas ou dificultades para tratar de conseguir que O Carballiño prospere da mellor maneira posible".

Consideran que a día de hoxe existen varios proxectos que van reclamar a súa atención e sobre os que farán "un seguimento riguroso, facéndonos eco de todo aquelo que nos pareza necesario facerllo chegar e darllo a coñecer a veciñanza, estes aspectos que nos poden parecer máis relevantes son: as axudas COVID-19 prometidas polo alcalde do Carballiño para os autónomos que non acaban de chegar como deberían e como prometeu o equipo de goberno do Carballiño, por outro lado faremos un seguimento para comprobar que o alcalde cumpre cos seus compromisos adquiridos cos veciños e veciñas no arranxo das diferentes rúas do Carballiño como son a Rúa Castelao, Rúa Ourense entre outras moitas, tamén estaremos moi atentos sobre que pasa coa mellora ou construcción do novo centro de Saude, onde a día de hoxe o alcalde do Carballiño e o Presidente da Xunta de Galicia Alberto Nuñez Feijoo soamente nos deron titulares de prensa, logo hai outros proxectos dos que soamente hai promesas e titulares nos medios de comunicación como é o caso do Proxecto Integral do Parque Municipal, que pasa coa Fábrica de Papel, Balneario, entre outros", reproban dende SOS O Carballiño.

Asemade, poñen o punto de atención sobre "a nova concesión de auga da CHMS e a adxudicación dun novo contrato do Servizo de Auga que tamén caduca este ano e que se trata con toda seguridade do contrato máis grande da historia do Carballiño polo que demandamos do alcalde do Carballiño coa maior celeridade posible que nos dea aos veciños e veciñas as explicacións pertinentes xa que polo que pudemos averiguar dende SOS e pola información que saiu nalgún medio de comunicación poderíase poñer en perigo a viabilidade do no vovo Polígono industrial compartido con Maside, en canto ao suministro de auga, polo que convidamos ao alcalde do Carballiño a facer un debate público, participativo e sosegado sobre o que queremos para futuro da actividade económica do Carballiño e para o propio Río Arenteiro", subliñan.

Finalmente, SOS O Carballiño sinala que ten intención de dirixirse ao Ministerio de Fomento para que este teña en consideración a construcción dun ramal da Autovía Ourense-Lugo que conecte esta infraestructura co Carballiño concretamente na Ariz coa autoestrada Santiago-Ourense, "convertendo a Carballiño nun lugar xeoestratéxico en canto as comunicacións nos referimos que traería consecuencias moi positivas para o desenvolvemento da Comarca do Carballiño".

O conselleiro do Medio Rural, José González, acompañado da directora xeral da Axencia Galega de Desenvolvemento Rural, Inés Santé, mantivo un encontro telemático co alcalde do Irixo, Manuel Cerdeira, para coñecer as necesidades e demandas relativas ao agro dos veciños deste municipio e afondar nas posibles melloras nas súas infraestruturas. Neste senso, o conselleiro e o rexedor do municipio acordaron levar a cabo unha xornada informativa sobre a Lei de recuperación da terra agraria de Galicia no mes de setembro.

Esta acción celebrarase co propósito de explicar aos veciños da localidade as oportunidades derivadas desta lei no relativo á xestión da terra agroforestal, a súa ordenación de usos e o fomento da súa recuperación. O texto legal ten como obxectivo poñer a producir as terras arestora abandonadas e infrautilizadas e aportarlle base territorial suficiente a aquelas explotacións existentes que a precisan. Deste xeito, conséguese unha anticipación ante os lumes forestais, ao mesmo tempo que se traballa pola recuperación demográfica e o asentamento no rural.

Doutra banda, o conselleiro lembrou que o concello do Irixo beneficiouse dun total de 115.150,34 € nas últimas tres convocatorias do plan Marco para a mellora dos camiños municipais de acceso a parcelas agrícolas. Un orzamento que permitiu darlle un pulo ás condicións de vida dos veciños e veciñas da localidade ao mellorar as canles de entrada e saída das producións rurais do concello.

As obras do paseo consisten na substitución do pavimento de xabre actual por un novo a base de aripaq, resistente á erosión pola acción da auga, e na mellora da drenaxe e evacuación de augas pluviais nunha lonxitude de 2 Km, situados entre a Ponte Veiga e Rúa Astureses.

Ademais, o proxecto contempla a substitución da cuberta dun lavadoiro da Toscaña, adxacente ao paseo, así como a adecuación dun acceso existente desde o vial Rúa Río Miño e o acondicionamento dunha leira próxima para a futura instalación dun parque infantil.

Estas obras foron adxudicadas á empresa Orega, S.L. por importe de 325.163,77 €, para ser executadas nun prazo máximo de 6 meses. A Confederación aporta o 80% do orzamento, e o concello do Carballiño o 20% restante.

O presidente da Confederación Hidrográfica do Miño-Sil, José Antonio Quiroga, e o alcalde do Carballiño Francisco Fumega, acompañados doutros responsables municipais, supervisaron esta mañá o inicio da obras.

Ademáis, o rexedor municipal avanzou que na zona que acondionará a Confederación neste barrio de Toscaña, crearáse un espazo de ocio infantil, que será "un parque de aventuras, para o que o concello xa ten reservados 150.000 euros, tal como nos demandan os nenos e nenas do Carballiño", subliñou Fumega.

Un accidente entre un camión e un vehículo, no concello de San Amaro, fixo que os bombeiros tiveran que liberar a unha persoa que, posteriormente, foi trasladada polos servizos sanitarios de urxencia. Foi pasadas as cinco da tarde, cando o 112 Galicia recibía o aviso, a través dun particular, dun sinistro entre un turismo e un camión que transportaba tellas, na estrada OU-0412, na parroquia de Anllo.

Con estes datos, os xestores do 112 Galicia, informaron ao Servizo de Urxencias Sanitarias de Galicia - 061, aos Bombeiros do Carballiño e Garda Civil. Xa no punto, foi o propio persoal sanitario quen solicitou un equipo de excarceración xa que, segundo sinalaban, non conseguían abrir a porta do turismo. Así, unha vez no lugar do accidente, os Bombeiros do Carballiño, procederon á excarceración e liberaron á ocupante do vehículo, unha muller, que foi trasladada en ambulancia ao Complexo Hospitalario de Ourense.

Ademais, tamén acudiron a Garda Civil de Tráfico e o servizo de mantemento de estradas, que se encargou da limpeza da vía.

A directora xeral de Administración Local, Natalia Prieto, visitou hoxe o pavillón polideportivo de Beariz, no que a Xunta colaborou no seu acondicionamento mediante a Orde de Infraestruturas de uso público. A través desta liña de axudas coa que o Goberno galego apoia aos concellos galegos na creación e mellora das súas infraestruturas destinadas a servizos municipais, o municipio de Beariz recibiu máis de 22.300 euros para reparar as filtracións de auga do pavillón.
O orzamento total da última convocatoria desta orde por parte da Administración autonómica dirixida a actuacións coma estas dos municipios da comunidade ascende a 4 millóns de euros. A Xunta mantén así a colaboración coas entidades locais en proxectos que contribúan a mellorar a calidade de vida da cidadanía.
Neste caso, os traballos no pavillón polideportivo de Beariz incluíron a substitución dalgunhas chapas translúcidas, do canalón de recollida de augas pluviais para evitar as filtracións de augas. Ademais, colocarase un novo alicatado en varias zonas dos aseos e vestiarios e instalarase unha nova porta de acceso ao almacén, así como un cadro xeral de distribución e termos eléctricos máis eficientes.
Trátase dunha das actuacións financiadas pola Xunta en Beariz o ano pasado, xunto con outros proxectos apoiados no marco do Fondo de Compensación Ambiental como a reforma de abastecemento de auga e de eficiencia enerxética en varios núcleos do municipio. Ademais, ao igual que en exercicios anteriores, tamén a través deste fondo, o Goberno galego colaborou nos gastos de funcionamento da Mancomunidade da Comarca do Carballiño e do seu servizo de protección ambiental, da que forma parte Beariz xunto cos concellos de O Carballiño, Boborás, O Irixo, Maside, Piñor, Punxín, San Amaro e San Cristovo de Cea. O investimento da Xunta nos últimos anos no concello supera os 720.000 euros.
Natalia Prieto incidiu na importancia da colaboración entre a Xunta e os concellos e tamén entre os propios municipios, por exemplo coma nesta mancomunidade, para compartir servizos e recursos co obxectivo de ser máis eficientes e evitar duplicidades.

Colaboración coas asociacións de veciños
Por outra parte, Natalia Prieto, visitou as melloras realizadas no local da asociación de veciños de Albite, que recibiu 14.000 euros para as obras de acondicionamento –cimentación, illamento térmico e revestimentos das fachadas, colocación do pavimento e instalación eléctrica e da fontanería 34 entidades da provincia de Ourense ás que a Xunta destinou 34.000 euros o ano pasado no marco das subvencións do Plan específico de acción comunitaria para apoiar a dinamización social e comunitaria das asociacións galegas.