O grupo popular no concello do Carballiño fai referencia ao "Programa de Melloras de Centros de Saúde" que está desenvolvendo a Xunta e manifesta que "por poboación e antiguidade do noso centro de saúde, debemos estar vixiantes de que O Carballiño non se quede fora deste plan".

Recordan os populares como a principios deste ano o Parlamento Galego aprobou unha iniciativa do grupo socialista para "avaliar a situación das infraestructuras do Centro de Saúde do Carballiño para acometer reformas con cargo ás partidas consignadas nos orzamentos autonómicos", e posteriormente como o presidente da Xunta "comprometeuse nunha reunión co alcalde do Carballiño para avaliar a forma de mellorar as actúais instalacións, considerando como opcións a contrucción dun novo edificio ou acometer obras no actúal".

O Partido Popular mostra a súa preocupación porque a día de hoxe a corporación municipal do Carballiño descoñece cal vai ser a opción elixida e considera que "este concello debería instar á Xunta para que se tome a decisión maís oportuna e que se execute canto antes, e que en ningún caso O Carballiño quede fora do Programa de melloras dos Centros de Saúde" para este ano 2021.

Pregúntase qué pasaría se por parte da Xunta se descarte a ampliación do actúal centro de saúde por motivos técnicos ou sanitarios e polo tanto habería que plantexarse a construcción dun novo edificio. Neste caso, o Partido Popular quere que o concello avance nas posibles alternativas, buscando terreos para poñer a disposición da administracción autonómica, aínda que chegado este suposto, os populares carballiñeses xa teñen a súa propia alternativa, pasaría por propoñer á Xunta a construcción do novo centro de saúde na actúal estación de autobuses, unha vez que se anunciou o seu traslado á estación de ferrocarril. Esta proposta, a maiores, incluiría a solicitude á Xunta de cesión do actúal centro de saúde ao concello.

O director xeral do Instituto Galego da Vivenda e Solo (IGVS), Heriberto García, visitou esta mañá, xunto con varios representantes da empresa pública Xestur, os terreos nos que se pretende ampliar o parque empresarial do Carballiño.

Durante a visita, na que tamén estivo acompañado polo alcalde do Carballiño, Francisco José Fumega, e o de Maside, José Manuel Iglesias, o director do IGVS e mais os técnicos de Xestur analizaron sobre o terreo a idoneidade do ámbito proposto para a ampliación do actual parque, xa que compete ao IGVS tramitar a modificación do Plan sectorial de ordenación de áreas empresariais de Galicia (Psoaeg) para incluír este cambio.

Unha vez incluído o novo ámbito no Plan sectorial, será tamén o Instituto Galego da Vivenda e Solo o encargado da tramitación do proxecto sectorial do parque.

Actualmente, o organismo autonómico dispón de tres parcelas no parque empresarial do Carballiño, cunha superficie total de 9.117 metros cadrados e unha bonificación do 50% no prezo de venda das mesmas.

O grupo provincial popular na Deputación presentara ao pleno ordinario de abril unha moción na que esixe que se garanta o servizo público postal que presta Correos nas áreas rurais da provincia, onde contribúe á cohesión social, territorial e económica facilitando e dando acceso á veciñanza, ás empresas, ao comercio e ás administracións locais a un servizo de calidade e a prezos alcanzables.

Unha iniciativa que responde, explica o vicepresidente terceiro e portavoz do grupo popular, Plácido Álvarez, “á debilitación da estrutura postal nas zonas rurais, coa diminución de recursos e recortes de persoal froito dunha xestión por parte da dirección de Correos que só obtén resultados económicos negativos”. Os servizos postais están fortemente arraigados no rural e a súa prestación, segundo a lei, “debe atender ás condicións económicas e sociais do territorio e ás necesidades dos usuarios, de xeito especial polo que respecta aos puntos de acceso, á súa calidade e eficiencia, á igualdade de condicións respecto da poboación das grandes cidades, e sen discriminación algunha por razóns sociais ou xeográficas”, advirte Álvarez.

Na moción, o Partido Popular expresa a súa “profunda preocupación” pola situación deste servizo, onde só na provincia de Ourense Correos suprimiu vinte postos de traballo, cun recorte na contratación que deixa sen cubrir o emprego estrutural e calquera tipo de permiso ou licenza do persoal coa conseguinte redución na calidade, “e ademais sen ter informado nin consultado á Deputación de Ourense, malia que afecta gravemente ao traballo desta institución e aos intereses dos nosos concellos e da veciñanza á que nos debemos”.

“Non pode ser que desde o ámbito público esteamos a defender un rural con servizos dignos e de calidade e que unha entidade como Correos, tamén pública e de carácter universal polo seu ámbito de actuación, poña trabas ao desenvolvemento económico e social destas zonas”, critica o portavoz popular.

A iniciativa do PP inclúe sete puntos para a súa aprobación, que en síntese son:

1.Reforzar o financiamento do servizo público postal, claramente insuficiente na actualidade, no próximo Plan de Prestación a aprobar polo Consello de Ministros.

2.Incluír a Correos na repartición dos Fondos para a Recuperación, Transformación e Resiliencia.

3.Actualización e mantemento das oficinas auxiliares e unidades de repartición existentes nas zonas rurais, básicas na reversión da España despoboada.

4.Lograr o maior achegamento aos cidadáns en condicións óptimas de accesibilidade marcadas pola Lei Postal e a Directiva Europea.

5.Garantir a cobertura dos postos de traballo estruturais necesarios, na actualidade insuficientes.

6.Instar o cumprimento dos parámetros de calidade determinados pola Lei Postal e o Regulamento que regula a prestación do Servizo Postal Universal, asegurando que todos os habitantes da provincia de Ourense reciban a súa correspondencia polo menos 5 días á semana.

7.Dar traslado deste acordo ao Goberno, grupos parlamentarios do Congreso, á Sociedade Estatal Correos e Telégrafos, á Sociedade Estatal de Participacións Industriais, e aos ministerios de Transportes e Facenda.

O Concello do Carballiño xa ten listas as bases que regularán a convocatoria para a concesión de axudas destinadas a traballadores autónomos, microempresas e pequenas empresas cuxo domicilio fiscal, domicilio social ou local comercial radique no termo municipal do Carballiño e cumpran os requisitos que se establecen nas bases. Unha das novidades con respecto á edición anterior é a inclusión dos negocios que teñen o domicilio fiscal fora do Carballiño, aínda que dende o Concello do Carballiño saliéntase que o correcto é ter o domicilio fiscal e social no mesmo lugar, e por iso se recomenda correxir esta situación.

O goberno municipal ten o obxectivo de financiar parte do gasto corrente das persoas autónomas, micropemes e pemes do Carballiño que foron consideradas actividades non esenciais e, polo tanto, pechadas, total ou parcialmente, como consecuencia da adopción da ORDE de 21 de outubro de 2020 da Xunta de Galicia sobre medidas de prevención froito da evolución da situación epidemiolóxica derivada do COVID-19 nas comarcas de Allariz-Maceda, O Carballiño, Ourense, O Ribeiro, Terra de Celanova, Valdeorras e Verín, na provincia de Ourense e a ORDE de 26 de xaneiro de 2021 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia.

Nesta ocasión, a concesión das subvencións reguladas nesta convocatoria realizaranse en réxime de concorrencia non competitiva, polo que se terá en conta a orde temporal de entrada da solicitude ata rematar o crédito orzamentario destinado a esta finalidade, que é de 300.000 euros. Ademais, as axudas serán compatibles con calquera outra para a mesma finalidade, sempre que o importe total subvencionado non supere o gasto total realizado e xustificado. Asimesmo se establece un límite máximo de subvención do 100% do total do gasto subvencionable, e os límites máximos de subvención por beneficiario serán de 1.000 euros. Tamén salientan dende o concello que nesta segunda liña de axudas serán gastos elixibles todos aqueles derivados da actividade empresarial e comercial, directamente vencellados á xestión da mesma nos que os solicitantes tiveran incorrido dende o 1 de outubro de 2020 ata a data de finalización do prazo de presentación da solicitude de subvención. Así, atópanse entre os gastos elexibles os de alugueiro de local, os de consultaría e xestoría, os de suministros (electricidade, auga, etc..), os de marketing e promoción dixital ou os sanitarios e de desinfección (mascarillas, xel, luvas, limpezas especiais do establecemento…).

Ademais, o goberno municipal do Carballiño tamén pretende incluir os gastos de adquisición de sistemas de rexistro de clientes analóxicos ou dixitais, os medidores de concentración de CO2 ou os filtros HEPA, sempre que non exceda o seu coste unitario de 500 euros. Finalmente, os responsables municipais entenden que estas bases melloran as anteriores e pretenden que o proceso poda quedar finalizado durante o mes de maio. De feito vanse facilitar as bases con tempo suficiente para que os solicitantes podan ir preparando a documentación, incluso na próxima semana celebrarase unha reunión cos responsables do CCA para tratar este tema. Dende o concello do Carballiño, saliéntase que é un dos gobernos locais que fixeron un maior esforzo na protección social fronte aos efectos da pandemia e adiantan que en breve poranse en marcha outras medidas como as dos bonos locais de comercio ou turísticos.

O patrón de roubo consiste en facerse pasar por comerciais dunha empresa de telefonia, desta maneira acceden ao interior dos edificios e unha vez dentro forzan a porta de entrada dos pisos nos que non lle contesta ninguén, e fano preferentemente en horario de mediodia e primeiras horas da tarde. 

Según o testimonio de varios veciños trátase dun grupo que actúa perfectamente organizado integrado por catro homes e unha muller e con este "modus operandi" terían levado a cabo unha decena de roubos nos transcurso da última semana en varios edificios do casco urbano do Carballiño situados na zona dos Catro Camiños, na Avenida do Balneario e nas rúas Cuba e República Argentina. Tanto na Policía Local como na Garda Civil rexistráronse varias denuncias por parte dos propietarios das vivendas nas que actuaron os ladrós e a Policia Xudicial xa abríu unha investigación tras a toma de datos nos edificios afectados por esta vaga de roubos dos últimos dias.

Dende a Policía Local fan unha chamada á veciñanza para permanecer en alerta, e evitar que esta banda siga actuando no Carballiño, poñendo en coñecemento das forzas e corpos de seguridade calquera información que poida ser de interese, asi como denunciando calquera conducta delictiva que se observe.

Un home precisou ser evacuado en helicóptero medicalizado tras sufrir unha caída nunha pista forestal de difícil acceso no concello do Carballiño, localizada entre os lugares de Cima de Vila, na parroquia de Cabanelas, e Fonteantiga, na parroquia do Barón. A alerta entrou na central do 112 Galicia a través da chamada dun particular, ás seis e media da tarde. A persoa requería asistencia sanitaria para un home que acababa de caer da súa bicicleta, no medio do monte, e perder a consciencia no golpe.

Inmediatamente, os xestores do CIAE-112 alertaron aos axentes da Garda Civil e da Policía Local, aos Bombeiros e membros de Protección Civil do Carballiño e ao 061. Os propios servizos sanitarios confirmaron que o helicóptero medicalizado con base no CHUO desplazouse ata unha zona próxima para proceder á evacuación do ferido, que foi trasladado ata o Complexo Hospitalario Universitario de Ourense.

Os sucesivos peches perimetrais dos concellos e a hora do toque de queda fixada nas 10 de noite, levaron ao Novocine de Leiro a suspender a súa actividade á volta do nadal.

Agora, recupera a súa actividade cinematográfica e faino dende este venres dia 16 de Abril coa proxección da película galega "Cuñados", de recente estrea e película de moda agora mesmo, que chega ademáis para quedarse na carteleira do Novocine de Leiro durante as próximas 3 semanas. De momento, para estes dias do venres 16 ao domingo 18 en horarios ás 17 e 20 horas, e lúns e xoves en sesión única ás 20 horas.

O portavoz do grupo popular no concello do Carballiño "mantivo varias reunións co Alcalde Francisco Fumega, co obxectivo de que se poidan aprobar unha serie de actuacións na modificación orzamentaria que incorporará o remanente de tesourería e que se consideran importantes de cara a poder ser executadas no prazo de tempo mais corto posible", poñen de manifesto desde o PP carballiñés.

Aseguran os populares que as actuacións solicitadas ao Alcalde "foron atendidas e consideradas importantes, e mostrouse receptivo en todo momento.Non podíamos mais que colaborar dende o Grupo Popular na aportación de iniciativas, pois o expediente que se prevé de modificación orzamentaria e de contía importante, e ten que resultar o máis favorable posible para os interese xerais da veciñanza".

Entre as actuacións incluidas neste acordo entre alcaldía e Partido Popular figuran as seguintes:

- Reposición do firme na Avda. Castelao.
- Proxecto de reforma e humanización da rúa da Carreira.
- Apertura da Rúa costa Rica.
- Desenvolvemento das áreas de reparto AR-14 e AR-15 para apertura do derradeiro tramo da rúa Faustino Santalices, ata a rúa da Carreira.
- Melloras de alumeados en instalacións deportivas e na Praza da Veracruz.
- Construción do cemiterio civil.
- Construción de un depósito de auga en Costoia
- Posta en marcha do concurso de ideas do parque municipal.
- Solución do tema da nave de protección civil
- Reforzo das axudas a autónomos e pequenas empresas.
- Reforzo de axudas ao Carballiño CCA
- Creación de Bonos turísticos para canxear en hoteis, restaurantes e Balnearios da vila, con fin de recuperar o turismo unha vez se estabilice a situación sanitaria.

O Partido Popular considera que "todas as propostas son factibles e que pola súa contía conxunta son perfectamente encaixables no remanente de que dispón o Concello, que vai superar os 4.000.000 de euros. Entendemos dende o Grupo Popular, que este ano, máis que facer alegacións ao orzamento municipal, era máis importante centrarse na incorporación de esta cantidade, e de aí o noso compromiso co alcalde para non presentar alegacións e si facer aportacións ao expediente no que se incorporará o remanente".