27, Abril 2021

O delegado territorial da Xunta en Ourense, Gabriel Alén, destacou na súa visita ao concello de Boborás que por primeira vez a Xunta convoca unha orde de axudas para emendar e corrixir máis de 300 impactos paisaxísticos nos concellos galegos, á que destina 1 millón de euros.

Acompañado da alcaldesa, Patricia Torres, o delegado territorial animou aos veciños a solicitar esta orde de axudas para que os cidadáns leven a cabo pequenas intervencións nas vivendas e inmobles da súa propiedade, co obxectivo de mellorar visualmente a edificación e evitar un punto de impacto na contorna na que se asentan. Gabriel Alén recalcou que “ata o 31 de maio, os particulares ou comunidades que desexen acollerse a esta liña de axudas poden presentar a súa solicitude, que cubrirá o 70% do importe global da proxecto de mellora paisaxística, que poderá incluír unha ou varias actuacións, e que, en todo caso, non superará os 3.000 euros por solicitude”. Aos interesados só se lles poñerá unha condición: a actuación deberá adaptarse aos criterios que fixan a Guía de cores e materiais de Galicia e a Guía de boas prácticas de caracterización e integración paisaxística. Así, aquelas persoas que desexen cambiar un tellado ou mellorar o aspecto da medianeira do seu edificio poden pedir axuda para o tratamento da mesma; no caso de que unha persoa teña a fachada da súa vivenda con ladrillo á vista tamén pode solicitar unha subvención para revistar e pintar a fachada, así como para cambiar a tonalidade da pintura e renovar o exterior, seguindo a solución que a Guía de cor propón para a súa contorna.

Esta nova orde busca o esforzo e a implicación de todos para incrementar o valor patrimonial dos inmobles e da paisaxe de Galicia. Nese sentido, Gabriel Alén animou aos veciños de Boborás e de toda a provincia a levar a cabo este tipo de intervencións, axudándolles a asumir o custo que implica, e para o que deberá seguir unha tramitación fácil e simple, posto que só deberán presentar unha pequena memoria explicativa da actuación, unha reportaxe fotográfica, a factura da actuación e a xustificación do pago. Así mesmo, o representante do Goberno autonómico tamén incidiu na importancia da colaboración dos concellos, a administración máis próxima aos cidadáns, axilizando as xestións e trámites que son da súa competencia, como as autorizacións de carácter municipal que sexan necesarias para o desenvolvemento deste tipo de actuacións. Ademais, recalcou a necesidade do seu apoio para divulgar a información relativa a esta convocatoria de axudas entre os posibles beneficiarios.

26, Abril 2021

Os datos de diversos estudos que se están realizando evidencian o impacto do confinamento e, por suposto, da crise económica que terá consecuencias sociais e de saúde para as que temos ir preparándonos. A Organización Mundial da Saúde (OMS) advertiu xa a mediados do ano pasado das consecuencias para a saúde mental que está a ter a COVID-19 no mundo e as que vai ter no futuro, cun posible aumento de suicidios e de trastornos, e instou aos distintos gobernos a non deixar de lado a atención psicolóxica.

Na sanidade pública galega hai menos de catro psicólogos clínicos por cada 100.000 habitantes, o que provoca a demora na atención e unha maior periodicidade entre consultas. Estas deficiencias no sistema público non deixan outras alternativas aos pacientes cá medicación, ou a sanidade privada, á que a gran maioría da cidadanía non pode acceder.

“Ante esta situación, dende o Círculo de Podemos de O Carballiño propoñemos apostar polo reforzo da Saúde Mental na liña que marca o Plan de Saúde Mental de Galicia PostCOVID19 do SERGAS, que toma como referencia o Plan de Acción sobre Saúde Mental 2013-2020 da OMS” comenta o portavoz local, Manuel Nogueira. “E para iso suxerimos tres liñas de actuación que se resumen nos acordos que vimos de expoñer na nosa proposta e que estamos a presentar en outros concellos de toda Galicia” apunta Nogueira.

Os acordos que formulan dende a agrupación morada serían:

1. Que o Pleno do Concello de O Carballiño inste ao SERGAS e ao Goberno da Xunta de Galicia á ampliación da área de psicoloxía do centro médico de O Carballiño.
2. Solicitar por parte do Concello ao Goberno da Xunta de Galicia e ao SERGAS a creación do ETAC (Equipo de Tratamento Asertivo Comunitario) no CHUO co obxectivo de garantir o servizo de saúde mental a domicilio de pacientes e usuarias no noso hospital comarcal de Ourense.
3. Instar á Xunta de Galicia a realizar unha diagnose sobre o impacto da COVID19 na saúde mental da poboación galega que reflicta a realidade do noso Concello.
4. Deseñar un plan de saúde mental municipal co fin de dotar ao Concello de O Carballiño dunha estratexia para abordar as políticas de mellora neste ámbito que inclúa:
◦ A Creación dun Gabinete Psicolóxico Municipal para complementar e coordinarse co servizo que teña que prestar o ETAC ás distintas pacientes e usuarias do concello de O Carballiño.
◦ Un programa de asesoramento e apoio en saúde mental a entidades sociais e profesionais que facilite a detección precoz de problemas psicolóxicos durante as súas actividades.
◦ Apoio ás entidades que traballan na inserción sociolaboral e psicosocial das persoas con problemas de saúde mental, para reforzar os servizos e programas de acompañamento e orientación no ámbito laboral ás persoas afectadas, baixo supervisión pública e cláusulas sociais.
◦ Desenvolvemento das competencias municipais en materia de saúde e sanidade. Reivindicación do papel dos concellos en materia de promoción da saúde, hábitos de consumo e saúde ambiental.
◦ Reactivación de tódolos órganos de participación do noso concello para a elaboración de plans de saúde mental coa participación de profesionais da rede de saúde mental pública, persoas relevantes do campo da saúde mental no noso concello e persoal con experiencia propia.
◦ Integración do noso Concello nos órganos de participación que dende o SERGAS e as distintas administracións van a desenvolver e avaliar as distintas liñas do Plan de Saúde Mental de Galicia PostCOVID-19 20202024 do SERGAS.
◦ A realización de campañas de sensibilización e contra a estigmatización das persoas con problemas de saúde mental.

26, Abril 2021

O presidente da Deputación de Ourense, Manuel Baltar, recibiu no Pazo Provincial ao gran triunfador dos XIX Premios "Mestre Mateo", o director Alfonso Zarauza -quen conseguiu este ano 9 dos 12 galardóns aos que aspiraba coa película Ons-, xuntanza na que lle confirmou o apoio da institución provincial á que será a vindeira película do guionista e director galego, Malencolía, filme que se rodará na comarca do Carballiño, concretamente nos distintos escenarios dos concellos do Irixo e O Carballiño.

Baltar trasladoulle a Zarauza os parabéns polo éxito logrado nos Mestre Mateo, "o que supón un gran aval de calidade para o seu próximo proxecto, no que Ourense tamén será protagonista a través dos seus magníficos escenarios naturais, no marco da decidida aposta da Deputación polo ámbito audiovisual". No encontro no Pazo Provincial tamén participaron o produtor Martín Calviño e o asesor de Cultura da Deputación, Aurelio Gómez Villar.

Producida por Maruxiña Films, compañía fundada polos irmáns Alfonso e Rubén Zarauza e con numerosas distincións nacionais e internacionais, Malencolía está concibida como unha película de terror con temática tradicional galega, rodada integramente en galego e cun equipo técnico e artístico cen por cen do país.

25, Abril 2021

Os datos facilitados por Sanidade neste domingo 25 de Abril reflicten a situación estacionaria das últimas semanas, a Comarca continúa mantendo a raia ao coronavirus.

O Carballiño, que ten 7 contaxios activos, e San Cristovo de Cea con 1 caso, son a dia de hoxe os dous únicos concellos da comarca afectados polo Covid, xa que o resto de municipios permanecen limpos de virus. Trátase da menor incidencia na comarca dende os inicios da pandemia.

Piñor, O Irixo, Boborás, Beariz, Punxín, San Amaro e Maside non teñen casos activos, tampouco os concellos de Leiro e Avión.

23, Abril 2021

Natural da parroquia de A Corna, no concello de Piñor, Xosé Paz faleceu hoxe aos 76 anos de idade. 

Durante a súa traxectoria como profesor e pedagogo, na que estivo vinculado á Asociación Socio-Pedagóxica Galega, estudoso e investigador, desenvolveu unha gran actividade como animador cultural, tamén foi un dos precursores do cineclubismo na provincia. 

Non obstante, a súa gran paixón foi a figura do escritor Rabindranath Tagore, que o levou a viaxar de forma frecuente á India, e reunir a biblioteca máis importante que existe en España sobre este escritor, máis de 30.000 volumes. Precisamente, na última aparición pública que tivo fai unhas semanas co presidente da Deputación, Xosé Paz expresáralle a súa vontade de doar á entidade provincial  todas as publicacións de Tagore asi como o resto da súa biblioteca persoal e colección cinematrográfica, manifestando o seu desexo de que unha parte do material cedido vaia parar á súa localidade natal, en A Corna.

 

23, Abril 2021

Lo escuchado hoy en la tertulia de boca de Manuel Nogueira debería sonrojar a todo el gobierno socialista de  Carballino.
Los datos aportados, las cantidades que se debieron gastar en la gente, en ayudas, en cubrir necesidades y que no se hicieron son de escándalo. De escándalo mayúsculo y de vergüenza ajena.
El señor Nogueira hoy dejó claro en que falla este gobierno del señor Fumega.
Y frente a argumentos sostenidos en datos no hay réplica posible.

Menos mal que aún hay quien cuenta las cosas como son, aportando datos y explicando las cosas de manera clara. Muchas gracias a los tertulianos por vuestras opiniones y aportaciones.

Espabile señor Fumega y póngase a trabajar de verdad por la gente de Carballino y sino olvídese de una tercera mayoría. El cemento y las farolas no le van a salvar esta vez.

22, Abril 2021

O Carballiño é, entre os concellos con maior poboación da Galicia Central e tamén na provincia de Ourense, o que mellor resiste a sangría demográfica no transcurso da última decada, según os datos oficiais dos padróns municipais publicados polo INE.

Asi, observamos que no periodo 2010-2020 O Carballiño perdeu 47 habitantes, pasando dos 14.136 que tiña no ano 2010 aos 14.089 que rexistra en 2020, un retroceso de apenas o 0,3% da súa poboación municipal, mentres que os outros concellos máis importantes da chamada Galicia Central presentan datos moito máis negativos.

Neste mesmo intervalo de tempo, o concello de Lalín perdeu o 5% da súa poboación, a capital do Deza ten dez anos despóis 1.009 habitantes menos. A Estrada, que en 10 anos experimentou un descenso de 1.477 habitantes, o que representa a perda do 6,5% da poboación que tiña este concello en 2010. Tamén é relevante o descenso da poboación de Monforte de Lemos, o 6%, ao perder 1291 veciños no padrón municipal . E aínda peor é o caso do concello de Chantada, cunha perda do 9% dos seus habitantes.

Se repasamos os datos dos principais concellos da provincia de Ourense, tamén vemos que todos eles tiveron un comportamento demográfico moi negativo. A capital provincial, o concello de Ourennse perdeu preto do 3% da súa poboación na última década, e os outros dous concellos máis poboados da provincia, despois do Carballiño, que son Verín e O Barco de Valdeorras perderon -respectivamente- o 5% e o 7% da súa poboación durante os útimos dous lustros. Unha sangría demográfica da que parece salvarse O Carballiño con esa perda de apenas o 0,3% na segunda década do século 21.

20, Abril 2021

O grupo popular no concello do Carballiño fai referencia ao "Programa de Melloras de Centros de Saúde" que está desenvolvendo a Xunta e manifesta que "por poboación e antiguidade do noso centro de saúde, debemos estar vixiantes de que O Carballiño non se quede fora deste plan".

Recordan os populares como a principios deste ano o Parlamento Galego aprobou unha iniciativa do grupo socialista para "avaliar a situación das infraestructuras do Centro de Saúde do Carballiño para acometer reformas con cargo ás partidas consignadas nos orzamentos autonómicos", e posteriormente como o presidente da Xunta "comprometeuse nunha reunión co alcalde do Carballiño para avaliar a forma de mellorar as actúais instalacións, considerando como opcións a contrucción dun novo edificio ou acometer obras no actúal".

O Partido Popular mostra a súa preocupación porque a día de hoxe a corporación municipal do Carballiño descoñece cal vai ser a opción elixida e considera que "este concello debería instar á Xunta para que se tome a decisión maís oportuna e que se execute canto antes, e que en ningún caso O Carballiño quede fora do Programa de melloras dos Centros de Saúde" para este ano 2021.

Pregúntase qué pasaría se por parte da Xunta se descarte a ampliación do actúal centro de saúde por motivos técnicos ou sanitarios e polo tanto habería que plantexarse a construcción dun novo edificio. Neste caso, o Partido Popular quere que o concello avance nas posibles alternativas, buscando terreos para poñer a disposición da administracción autonómica, aínda que chegado este suposto, os populares carballiñeses xa teñen a súa propia alternativa, pasaría por propoñer á Xunta a construcción do novo centro de saúde na actúal estación de autobuses, unha vez que se anunciou o seu traslado á estación de ferrocarril. Esta proposta, a maiores, incluiría a solicitude á Xunta de cesión do actúal centro de saúde ao concello.

20, Abril 2021

O director xeral do Instituto Galego da Vivenda e Solo (IGVS), Heriberto García, visitou esta mañá, xunto con varios representantes da empresa pública Xestur, os terreos nos que se pretende ampliar o parque empresarial do Carballiño.

Durante a visita, na que tamén estivo acompañado polo alcalde do Carballiño, Francisco José Fumega, e o de Maside, José Manuel Iglesias, o director do IGVS e mais os técnicos de Xestur analizaron sobre o terreo a idoneidade do ámbito proposto para a ampliación do actual parque, xa que compete ao IGVS tramitar a modificación do Plan sectorial de ordenación de áreas empresariais de Galicia (Psoaeg) para incluír este cambio.

Unha vez incluído o novo ámbito no Plan sectorial, será tamén o Instituto Galego da Vivenda e Solo o encargado da tramitación do proxecto sectorial do parque.

Actualmente, o organismo autonómico dispón de tres parcelas no parque empresarial do Carballiño, cunha superficie total de 9.117 metros cadrados e unha bonificación do 50% no prezo de venda das mesmas.

20, Abril 2021

A lei de saúde de Feijóo barría con dereitos fundamentais sen ter potestade normativa pra regular dereitos fundamentais. De momento o Tribunal Constitucional xa paralizou a obriga da vacinación (o ínclito Feijóo foi o único presidente autonómico en atreverse a este disparate xurídico) https://www.abc.es/espana/galicia/abci-tribunal-constitucional-suspende-...

 

Páxinas

Subscribirse a Copecarballiño.es RSS