O concello do Carballiño rematou o proceso de licitación para a realización das melloras que buscan solucionar, de forma definitiva, as inundacións da rúa Evaristo Vaamonde. Nesta primeira fase levarase a cabo a recollida das augas procedentes da rúa Eusebio Lorenzo, que serán canalizadas hacia o colector xeral que atravesa a rúa 25 de xullo. As obras foron adxudicadas á empresa Viaqua por un importe aproximado de 40.000 euros.

Nunha fase posterior procederase á sustitución do colector da rúa Conde Vallellano ca finalidade de aumentar a sección do desaugue, pois na actualidade o cruce entre as augas procedentes de Evaristo Vaamonde e este colector sufren importantes retencións como consecuencia da falta da capacidade do colector de Conde Vallellano, producíndose retornos que inundan os baixos de varios edificios.

O Comité Clínico actualizará esta semana o nivel de restrición de cada concello en base á súa situación epidemiolóxica. Punxín, que está no nivel 2 coa mobilidade restrinxida ao propio concello, ten un único contaxio activo e unha incidencia a 14 dias no rango entre 50 e 150 casos por 100.000 habitantes. 

Boborás, con 6 contaxios activos, manténse no parámetro 150-250 casos por 100.000 habitantes de incidencia acumulada a 14 dias, a aparición de novos casos pode poñer en risco a súa continuidade no nivel 3, o que siñificaría pasar o nivel 2 de restricións, con peche perimetral e hostelería sen poder utilizar os interiores dos locais.

No resto de municipios, a situación mánténse estable, con 11 contaxios activos no Carballiño (IA de 63 casos por 100.000 habitantes), Cea ten 2 contaxios activos e Maside 1. San Amaro, Piñor, O Irixo e Beariz non teñen contaxios. 

Sanidade notifica hoxe domingo 11 contaxios activos no Carballiño, e a incidencia acumulada a 14 dias de novos positivos diagnosticados cae ata os 63 casos por 100.000 habitantes.

Boborás continúa con 6 contaxios activos, Cea con 3, e Maside e Punxín con 1 contaxio activo, respectivamente. Catro concellos non teñen contaxios activos, son os de Beariz, O Irixo, Piñor e San Amaro.

A directora xeral de Administración Local, Natalia Prieto, visitou o proxecto Irixoga, un parque infantil cuberto destinado a fomentar a conciencia ecolóxica no que a Xunta colaborou no marco da Orde de Infraestruturas de uso público cunha achega de máis de 34.000 euros. Á visita tamén acudiu o delegado territorial da Xunta en Ourense, Gabriel Alén.

O parque sitúase fronte ao pavillón municipal de deportes e accesible desde o CEIP da Virxe da Pena. O espazo conta con xogos adaptados a distintos rangos de idade, cun pavimento que garanta a seguridade e con catro parterres, un areeiro con pá e un mesa de traballo para que os nenos e nenas poidan adquirir conciencia do respecto do medio ambiente levando a cabo labores de plantado ou de coidado de especies vexetais.

O Goberno galego destina este exercicio á convocatoria da Orde de Infraestruturas de uso público 4 millóns de euros, mantendo o orzamento do ano pasado despois de incrementalo en 2020 nun millón de euros. Así, a Administración autonómica financia os proxectos dos concellos galegos para a creación e/ou mellora das infraestruturas, dotacións, instalacións e equipamentos vinculados á prestación de servizos municipais.

En concreto, a construción, ampliación ou mellora das redes de luz pública; parques infantís, incluíndo a posta en marcha de parques cubertos como Irixoga ou a cubrición dos existentes; así como edificios ou dependencias municipais destinados á prestación de servizos municipais e instalacións deportivas de uso público, onde tamén se apoiará a mellora da súa accesibilidade e a dotación de equipamentos

Natalia Prieto destacou o compromiso da Xunta por manter o apoio que precisan os municipios para levar a cabo actuacións que contribúan a mellorar a calidade dos seus veciños e, sobre todo, a paliar as consecuencias económicas da crise sanitaria da covid-19 dos concellos en canto á prestación de servizos.

A Xunta leva investidos no concello do Irixo máis de 900.000 euros nos últimos anos en melloras ambientais e de infraestruturas como a creación deste parque infantil cuberto Irixoga ou a pavimentación de varias vías municipais. Tamén se inclúen actuacións que se enmarcan no Fondo de Compensación Ambiental, ao que o Goberno galego destina este ano 12 millóns de euros, para melloras de eficiencia enerxética no alumeado público ou na rede de saneamento e recuperación de espazos ambientais.

Outro día máis no que sigue mellorando a situación epidemiolóxica do Carballiño, onde a incidencia acumulada a 14 dias  cae hoxe sábado ata os 92 casos por 100.000 habitantes, ao contabilizarse 13 novos positivos diagnosticados neste intervalo de tempo. Tamén sigue en caída o número de contaxios activos, que hoxe son 12 no municipio.

No concello de Boborás, permanecen 6 contaxios activos e unha incidencia acumulada a 14 dias que está perigosamente rondando os 250 casos por 100.000 habitantes, se rebasa ese rango na próxima revisión que fará a principios da semana o comité clínico siñificaría pasar ao nivel 2 de restricións, no que agora mesmo está Punxín, con mobilidade restrinxida ao propio municipio.

Nos demáis concellos non hai variacións e os contaxios activos son os seguintes: Cea (3) Punxín (1) Maside (1) San Amaro (0) O Irixo (0) Beariz (0)

O Concello do Carballiño, o I.E.S. Chamoso Lamas, GRI TOWERS e Grupo DIZMAR veñen de reunirse para colaborar e impulsar a implantación da Formación Profesional Dual en Soldadura e Caldeirería, co obxectivo de mellorar a empregabilidade a través dunha formación de calidade, así como a dotación a estas empresas de profesionais axustados as súas necesidades reais.

Esta iniciativa conta coa colaboración de dúas empresas punteiras do sector do metal de Galicia, como son Grupo DIZMAR e GRI TOWERS. Por unha banda, o Grupo DIZMAR está especializado na fabricación e montaxe de estruturas metálicas con importantes proxectos de obras nacionais e internacionais. Entre as súas obras emblemáticas dos últimos anos, figura a ponte St. Laurence ( Montreal-Canadá), o viaduto Kwame Nhrumah (Ghana) o subministro de pezas para a ampliación da Ponte de Rande e recentemente a estrutura para o Hospital de Epidemias da Comunidade de Madrid. Por outra banda, Gri Towers é provedora de torres e bridas para o sector eólico, produce unhas 8 torres eólicas por semana, o que supón unhas 400 torres cada ano. Opera principalmente en España, Francia, Italia, Suecia, Finlandia, Noruega, EEUU, Norte de África e Europa do Este. Gañou máis dimensión ao incorporar no ano 2018 as seccións de corte e biselado.

O sector do metal imponse como xeradora de emprego na Comarca do Carballiño, con un total de aproximadamente 600 traballadores e traballadoras, segundo os datos facilitados por Carlos Rivas (Grupo Dizmar) e Fernando Puente (Gri Towers). Estas empresas insisten na importancia da contratación local e dinamización do mercado laboral. Ademais ,sinala Fernando Puente (Gri Towers), o apoio a maior incorporación da muller no sector do metal, e atraer o talento feminino. Ambas empresas manifestan o seu compromiso para traballar conxuntamente co Centro educativo, facilitando os períodos de prácticas e o apoio de profesionais con ampla experiencia neste sector.

A esta xuntanza tamén asistiu José Manuel Vázquez López, director do I.E.S. Chamoso Lamas e José Luís Osorio, dinamizador FP Dual deste Centro, como impulsores da iniciativa de ampliar a oferta formativa e dar resposta ás demandas do mercado laboral. O alcalde de O Carballiño, Francisco Fumega e o Concelleiro de Emprego, Manuel Dacal, manifestan o seu compromiso con esta iniciativa e ven unha gran oportunidade para mellorar a formación e inserción no mercado laboral. O Concelleiro de Emprego, Manuel Dacal, comprometeuse a concertar unha reunión coa Consellería de Educación da Xunta de Galicia para a solicitude da posta en marcha deste proxecto para o vindeiro curso escolar.

Outro dia máis de melloria dos indicadores do coronavirus no concello do Carballiño, a incidencia acumulada sitúase hoxe nos 113 casos por 100.000 habitantes, e os contaxios activos baixan ata os 15, nesta última actualizacion de datos feita por Sanidade.

No resto de municipios a única nota discordante é a de Boborás, que incrementa hoxe o número de contaxios activos, 2 máis que onte, polo que son 6 as persoas con infección activa neste concello.  Con repetición de datos nos demáis municipios, que notifican os seguintes casos: Cea (3) Punxín (1) O Irxo (1) Maside (1) Beariz (0) San Amaro (0) Piñor (0)

A totalidade dos postos que cada quince dias se instalan na feira do Carballiño poderán volver facélo este sábado dia 27 de Febreiro, unha vez que O Carballiño figura no nivel 3 de restricións en vigor deste o 26 de Febreiro. Este mes, que so ten 28 dias, o derradeiro cadra en domingo e en consecuencia a feira adiántase ao dia anterior.

Asi ven de comunicalo o concello do Carballiño "logo da retirada de parte das restricións que dificultaban a realización da feira, a concelleira de servizos públicos, Rosa Fuentes, anuncia que o sábado 27 de febreiro volverán a ter presenza na vila todos os postos adxudicados, xa que nas anteriores edicións só estiveron presentes os postos de agro e alimentación". Ademáis, nestas últimas feiras a hostelería estivo pechada.

En todo caso, o concello carballiñés recorda que "os postos deberán ter unha separación de 1'5m entre os mesmos e cumprirán as normas vixentes en materia sanitaria. Ademais, Rosa Fuentes, fai un chamamento á veciñanza e aos visitantes para que disfruten da feira con responsabilidade e prudencia".