Este sábado, día 27 de Marzo, a Insua dos Poetas acollerá ás 12 horas o primeiro espectáculo de gran formato que se adica, na provincia de Ourense, á homenaxeada polo día das Letras Galegas. Xela Arias, unha das grandes poetas galegas, será a protagonista dun evento musical, poético e circense, deseñado pola compañía de espectáculos culturais Especialistas Hípica Celta. No mesmo tamén participarán dúas mulleres de gran relevancia como son a poeta Yolanda Castaño ou a actriz Rosa Puga Dávila, nominada aos Premios Goya 2021, como mellor actriz de reparto.

O espectáculo, titulado “Xela Arias en Liberdade: auga,árboles,palabras…”, pon de manifesto a importancia que tivo na Galicia literaria da súa época, sendo un referente e provocando un cambio revolucionario, pero tamén busca captar a atención dos espectadores, dunha forma dinámica, durante os 30 minutos que dura, ao estar pensada para un público familiar. Para elo, se van utilizar diferentes expresións artísticas como a música,o circo, a danza, a poesía ou as artes escénicas.

O evento, organizado pola Fundación Insua dos Poetas, será de balde e contará coa colaboración do Concello do Carballiño, da Deputación de Ourense e da Xunta de Galicia. Dende a organización recordan que o espazo , que terá aforo limitado, estará adaptado á normativa vixente de seguridade e hixiene sobre o Covid e contará con persoal para facilitar a entrada e saída ao recinto.

Terceiro cribado selectivo no que vai de ano no polideportivo Paco Chao carballiñés, desta vez o Sergas cita mediante mensaxes SMS a 1.000 persoas veciñas do municipio do Carballiño, no rango de idade entre os 18 e os 55 anos. Tomaránselle mostras nasais para a realización de probas PCR e coa finalidade de detectar persoas asintomáticas entre a poboación.

O cribado será este sábado 27 de Marzo en horario de 9 a 14 horas no pavillón de deportes Paco Chao do Carballiño.

O incremento de casos de coronavirus nos últimos dias no Carballiño leva ao Sergas á convocotoria deste novo cribado, nos dous anteriores celebrados a finais de Xaneiro e principios de Febreiro detectáranse 17 casos de asintomáticos entre as 2.533 veciños e veciñas do Carballiño que participaran nos dous cribados.

A programación cultural de Semana Santa da concellería de cultura do Carballiño inclúe dous espectáculos de teatro infantil, asi como o espectáculo de danza, poesía e música programado na Insua dos Poetas dedicado a Xela Arias. Completan este programa cultural para as próximas datas as dúas proxeccións cinematográficas do Cine-Club Carballiño e varias exposicións de fotografía da asociación Potiños.

Venres 26 e domingo 28 de Marzo ás 19:00 horas: proxección da película "Las Niñas" no auditorio do Carballiño.

Sábado 27 ás 12:00 horas: "Xela Arias en liberdade: auga, árbores, palabras..." Espectáculo de danza, poesía e música na Insua dos Poetas.

Xoves 1 de Abril ás 12:30 horas: teatro infantil coa compañía "Punkdemia" Novo Espectáculo Viral con "Peter PUnk Pallaso". na Praza da Veracruz..

Sábado 3 de Abril ás 18:00 horas: Teatro Avento Producións coa comedia musical "UMMM", na Praza da Veracruz.

Venres 9 e domingo 11 de Abril ás 19:00 horas: proxección da película "Deseando amar", no auditorio do Carballiño.

Durante os meses de Marzo e Abril terémos as seguintes exposicións de fotografía da asociación carballiñesa O Potiños:

JOSÉ LUIS MONTES - Concello /PotiExpo 2020 - Asador Veracruz/ Yeray DEPORTE - Café Peñasco /Luis Baños... NEW YORK - Café Plaza /FOTO FORUM 1 - Hotel Arenteiro /FOTO FORUM 2 - Pazo Almuzara

Estaba cantado, o incremento de novos casos de coronavirus que ven rexistrando O Carballiño nos últimos dias (20 novos positivos nos últimos 14 dias) levou ao comité clínico a endurecer o nivel de restricións no Carballiño, que pasa a nivel medio. Desta maneira, a hostelería pasará a ter aforo do 50% en terraza e 30% en interior dos locais ata as 21 horas, poderán reunirse ata un máximo de seis persoas en exteriores e catro en interiores dos locais de hostelería, e permítese a mobilidade en toda Galicia, excepto cos municipios con nivel máximo de restricións, como é o caso de Maside.

Precisamente, en relación ao concello de Maside, o comité clínico recomenda que siga no máximo nivel de restricións, aínda tendo en conta a melloría dos últimos dias, xa coa incidencia acumulada por debaixo dos 500 casos por 100.000 habitantes. Polo tanto, Maside continúa con peche perimetral municipal e reunións limitadas a conviventes, e coa hostalaría pechada, tan so con servizo a domicilio ou recoller no local.

Boborás pasa a nivel medio-baixo, o máis flexible de restricións. A hostelería pode funcionar  cun aforo do 50% en interiores e 75% en exteriores, poden xuntarse ata seis persoas en terraza e catro en interiores. Está permitida a mobilidade a toda Galicia, excepto aos municipios con nivel máximo de restricións. No mesmo nivel medio-baixo permanecen o resto de municipios das comarcas do Ribeiro-O Carballiño, agás Ribadavia (nivel medio) e Beade (nivel máximo).

As novas medidas para O Carballiño e Boborás entran en vigor a partir das 00:00 horas deste próximo venres dia 26 de Marzo. No caso de Maside non hai cámbios.

O Carballiño continúa empeorando os datos do coronavirus, na IA a 14 dias rexistra hoxe 141 casos por 100.000 habitantes, con 2 casos máis rebasaría a barreira dos 150 casos, o que levaría a O Carballiño a pasar do nivel de restrición medio-baixo no que se encontra ao nivel medio. A tendencia é perigosa, xa que en apenas unha semana O Carballiño multiplicou por catro os contaxios activos, que continúan hoxe sendo 20, os mesmos de onte.

Boborás, con 2 contaxios activos, está en situación de sair do actúal nivel alto de restricións e pasar o máis flexible, o nivel medio-baixo, sen novos casos diagnosticados nas últimas semanas.

Tamén mellora a situación en Maside, que logra baixar do umbral dos 500 casos por 100000 habitantes, e resta 2 contaxios activos en relación a onte, quédase hoxe con 11 persoas con infección activa no municipio.

Cea e Piñor continúan cun único contaxio activo, mentres que o resto de municipios da comarca están libres de virus.

No concello carballinés viven máis de 3000 persoas maiores de 70 anos. O grupo municipal de Espazo Comun ven de dar a coñecer unha moción que trasladará ao pleno da corporación na que critica como "o actúal goberno leva 5 anos prometendo a súa confección pero a demanda da Policia Local da pasada semana deixa en evidencia que sen rematarse, o cal é de todo punto incomprensible a estas alturas". Pídenlle ao goberno municipal que elaboren nun prazo de tres meses este censo de persoas maiores que viven soas no Carballiño.

Manifestan que "cada vez son máis as tristes novas relacionadas con falecementos de anciáns que viven e morren en soidade, en moitos casos sen que as adminisraccións cheguen a ter coñecemento da súa situación ata que xa é demasiádo tarde" polo que Espazo Común entende que "ter localizado a este grupo da poboación pode axudar moito a facilitarlles unha vida mellor e a previr estes casos, vitimas de falla de información , dunha vez máis fonda desconexión da realidade, caen no abandono en materia de saúde e hixiene".

Unha problemática que "aínda se ve máis agravada no mundo rural, onde a despoboación provoca incluso que haxa maiores viviendo sos nunha aldea sen ninguén máis en quilómetros arredor", por eso entenden que sería prioritario facerlle un seguimento e para elo é necesario unha ferramenta como é este censo de persoas maiores que viven soas no municipio.

Finalmente, Espazo Común reproba ao goberno municipal que non traballe para mellorar a calidade de vida da poboación máis necesitada "compre que o alcalde e concelleira de servizos sociais deixen de facer fotos e dar titulares valeiros e que se poñan a traballar para que, dunha vez, este censo sexa unha realidade".

O Carballiño volve estar no punto de mira debido o incremento de casos de coronavirus nas últimas semanas, empeorando tanto no indicador da incidencia acumulada a 7 dias -11 novos positivos diagnosticados- como a 14 dias -15 positivos diagnosticados- o que se traduce nunha incidencia acumulada neste intervalo de tempo de 106 casos por 100.000 habitantes.

Sanidade notifica hoxe lúns 20 contaxios activos no municipio carballiñés, multiplica por 4 o número de casos de coronavirus, en apenas unha semana. Un dato moi preocupante.

Maside estabiliza o número de contaxios activos, dende o xoves da pasada semana repite dato, son 13 persoas con infección activa no municipio masidao.

Boborás está en situación de nova normalidade, sen novos casos nas úlitmas semanas, e con tan so 2 contaxios activos. Piñor e Cea continúan cun único contaxio activo, e o resto de concellos permanecen sen contaxios Covid.

O empate do Arenteiro no Baltasar Pujales de Bouzas e o pinchazo do Arousa en Ribadumia fan que os verdes se proclamen campións do grupo 1B de terceira división a falta de xogarse un partido para completar a primeira fase do campionato, o que desputará o proximo domingo dende as 17 horas en Espiñedo precisamente ante o Ribadumia.

No partido xogado na matinal deste domingo á beira da ría de Vigo o Arenteiro deixou escapar dous puntos nunha desafortunada xogada, que ademáis foi a derradeira do encontro cando ían 97 minutos de xogo, un disparo sen aparente perigo sobre a portería de Diego García fixo que o balón pegase en Renan, que non pudo evitar marcar en propia porteria. 

Apenas ían 2 minutos de xogo cando o árbitro sinalou un penalti sobre Javi Pazos que o especialista Renan transformou no 0-1. O temperan gol propiciou que o Arenteiro cedese o balón ao Rapido, nun dominio bastante ficticio que non se traducía en perigo real sobre a portería do Arenteiro, pola contra a mellor ocasión desta primeira parte foi para o Arenteiro nun testarazo de Joni que acertou a despexar por dúas veces o exarenterio Rui, agora defendendo a meta do equipo boucense.

O partido púxose de cara xa na segunda parte cando un centro de Eimil foi rematado de cabeza por Javi Pazos, desta vez Rui non pudo evitar o 0-2. Pero todo se torceu no minuto 67, cando o árbitro interpretou mans de Portela dentro da área, foi a xogada clave da mañá, porque ademáis de meter ao Rapido no partido (1-2) siñificou a expulsión de Portela por segundo cartón amarelo, deixando ao Arenteiro en inferioridade e con moito partido por diante. Tocaba sufrir, Alex Fernández retrasou a súa posición á defensa e o Arenteiro aguantou ata ceder o empate no último suspiro do partido. 

Para ver a ficha do partido sigue a ligazón: http://futgal.es/pnfg/NPcd/NFG_CmpPartido?cod_primaria=1000120&CodActa=7...

Levaba semanas libre de virus, pero nesta última actualización de datos Piñor volve entrar na relación de concellos afectados ao notificar un contaxio activo. Tamén cun único caso activo figura dende fai dias o concello de San Cistovo de Cea.

Á cabeza do coronavirus na comarca manténse O Carballiño, que tras tres dias de incremento, hoxe repite dato, polo que mantén 14 contaxios activos. Maside tamén estabiliza o seu número de persoas con infección activa, que son 13. Boborás resta un caso ao rexistrarse outra alta médica, e quédase con 3 contaxios activos neste sábado 20 de Marzo.

Finalmente, permanecen libres de virus os concellos de Punxín, O Irixo, Beariz, San Amaro, Leiro e Avión.