O Carballiño sube hoxe a incidencia acumulada no indicador dos últimos 14 dias, que se sitúa hoxe nos 198 casos por 100.000 habitantes, onte estaba nos 191 casos. Ademáis, tamén se incrementa un caso os contaxios activos, que onte eran 29 e hoxe son 30 no municipio carballiñés.

No resto dos concellos da comarca, os casos activos según esta última actualización de datos son os seguintes: Boborás (5) Maside (4) Cea (3) Punxín (2)  O Irixo (1) San Amaro (0) Piñor (0) Beariz (0)

O Diario Oficial de Galicia (DOG) publica hoxe a convocatoria da nova liña de axudas directas ao sector da hostalaría e outras actividades pechadas polas medidas sanitarias adoptadas desde xaneiro, coa que se completa a activación íntegra do 2º Plan de rescate da Xunta, dotado en total con 75 millóns de euros.

O 2º Plan de rescate ten en conta, ademais das da hostalaría, as necesidades doutras actividades afectadas polas medidas sanitarias que obrigaron a pechar establecementos como poden ser os ximnasios, salas de espectáculos ou parques de ocio infantil, entre outros. A orde de hoxe destina 15 millóns de euros de maneira específica a compensar as consecuencias das medidas adoptadas polas autoridades sanitarias no mes de xaneiro, en aras a preservar a saúde das galegas e galegos nestes espazos.

As axudas concederanse por establecemento e suporán contías que irán dos 1.900 euros aos 3.700, mediante a ponderación da duración dos peches, e con compensacións para os negocios con 10 ou máis persoas empregadas. Unha mesma persoa empresaria pode multiplicar estas cantidades por cada un dos establecementos dos que dispoña.

O prazo de solicitude para acceder a esta nova liña ábrese mañá mércores. Os empresarios disporán dun mes para poder cursar as súas peticións. A Xunta artellou un procedemento electrónico moi sinxelo, sen burocracia e compromete achegar os primeiros pagamentos en cuestión de días, como ocorreu co primeiro plan.

Requisitos
Para acceder ás axudas da liña activada hoxe bastará con que os solicitantes desenvolvan a súa actividade nalgún concello de Galicia e tivesen que pechar polas restricións ordenadas en xaneiro polas autoridades sanitarias.

Ademais da hostalaría, nas ordes con medidas sanitarias aprobadas este ano víronse afectados, entre outros, sectores como o de espectáculos, actividades recreativas e de lecer, cines, teatros, auditorios, ximnasios, centros de lecer infantil, escolas de música e danza, ou de actividade feirante.

A Xunta terá en conta o tempo no que os locais non puideron ter aberto ao público. No caso da hostalaría, computará como tempo de inactividade, o período no que un determinado establecemento mantivese pechado o interior e a barra, a pesares de manter o servizo en terraza ou para recoller.

Excepcionalmente, por mor da situación actual, poderán acceder ás axudas os negocios que teñan contraído pequenas débedas coas administracións públicas, sen prexuízo de que deban cumprir coas súas obrigas tributarias e coa Seguridade Social.

Axudas acumulables
Coa convocatoria de hoxe complétase a activación íntegra do 2º Plan de rescate, que está estruturado en dúas liñas de axuda: a primeira, para persoas traballadoras autónomas e microempresas -que se abriu o pasado xoves e está dotada con 60 millóns de euros-; e esta segunda de hoxe, con axudas automáticas para o sector da hostalaría e outras actividades pechadas desde o pasado mes de xaneiro, cun orzamento de 15 millóns. Desde novembro, a Xunta de Galicia leva destinados máis de 160 millóns de euros a apoios directos ao tecido empresarial.

Todas as axudas do 2º Plan de rescate son acumulables entre si, polo que un mesmo beneficiario podería obter un máximo de 15.700 euros por negocio. Son, así mesmo, compatibles cos importes recibidos no 1º Plan de rescate. Deste xeito, un empresario que se beneficie de ambos os dous programas poderá percibir en catro meses axudas que van dun mínimo de 3.400 euros ata un máximo de 24.200 euros. Son ademais complementarias co resto das liñas de apoio artelladas polas diferentes administracións.

Para resolver dúbidas sobre o programa a Xunta ten habilitada a liña de teléfono 900 815 600 e a conta de correo electrónico hola@gohu.es; ademais da aplicación móbil Gohu dispoñible para iOS e Android. Tamén pode obterse toda a información por medio da web da Consellería de Emprego e Igualdade.

Acondicionamento de espazos
Onte mesmo, por outra banda, a Xunta ampliou ata os 7 millóns de euros a dotación da liña dirixida aos sectores da hostalería e a restauración para facilitar que a súa actividade sexa compatible coas medidas de protección da saúde ante a covid-19. Búscase asegurar a cobertura do maior número posible de investimentos que están a realizar os establecementos no acondicionamento dos espazos exteriores e na posta en marcha do servizo de vendas a domicilio ou para levar. Unha mostra máis do apoio decidido do Goberno galego a un dos sectores que peor o está a pasar por mor da pandemia.

Con apoios directos do 80% do investimento, o programa diríxese a autónomos e pemes de menos de 50 traballadores, sendo a axuda mínima de 1.200 euros e máxima de 20.000. Ademais, inclúe a achega de anticipos no momento da resolución favorable da axuda pola metade da contía dos gastos realizados. O prazo de presentación de solicitudes estará aberto ata o vindeiro día 28.

O Carballiño sitúa hoxe a incidencia acumulada a 14 dias nos 191 casos por cada cen mil habitantes, ao acumularse 27 novos positivos nos últimos 14 dias no municipio carballiñés. 

A melloría experimentada nos últimos dias vai permitir a O Carballiño entrar no nivel 3 de restricións (Incidencia Acumulada por debaixo dos 250 casos por 100.000 habitantes) o que siñificará a reapertura da hostelería local  a partir do próximo venres. Bares, cafeterías e restaurantes poderán atender en interior cun aforo do 30% e en terraza cunha ocupación do 50%,, de momento en horario ata as 6 da tarde. As reunións de non conviventes poderán ser de ata 4 persoas.

A outra gran novidade en canto a restricións, será a da mobilidade ata o de agora rexistrinda ao propio muniicipio, a partir do próximo venres haberá libertade para poder desprazarse entre concellos que están na mesma situación epidemiolóxica.

Igual que O Carballliño, tamén estarían en condiciós de aliviar as restricións o resto dos concellos, agás dous, os de Boborás e Punxín, que aínda están cunha incidencia acumulada por riba dos 250 casos por 100.000 habitantes, aínda que a situación agárdase que poida mellorar nos próximos dias.

O núcleo de Beariz leva sen cobertura de telefonía móbil de Movistar desde o pasado mércores 17 de febreiro. Reiteradas chamadas de veciños e autoridades a Movistar reciben atención lenta e respostas vagas pero non se concreta unha resposta con prazo de reparación da suposta avaría.

Este problema cobra maior importancia porque moitos aboados están á espera da chamada para recibir a cita para a vacinación contra a COVID-19. Esta inquedanza vai en aumento cada día que se retrasa a avaría e mentras Movistar segue sen dar unha resposta satisfactoria ás reclamacións de restauración do servizo.

O Carballiño sitúase por debaixo do nivel de máximo risco de propagación do coronavirus no indicador da incidencia acumulada a 14 dias, o que utiliza Sanidade para determinar os distintos niveis de risco sanitario pola pandemia. Os 29 novos positivos diagnosticados nos últimos 14 dias sitúan a O Carballiño por debaixo do parámetro dos 250 casos por cada 100.000 habitantes, concretamente O Carballiño ten hoxe unha incidencia acumulada de 205 casos por 100.000 habitantes.

En canto a contaxios activos, O Carballiño resta hoxe 5 casos ata e quédase con 31 nesta ultima actualización de datos do Sergas de hoxe domingo. Tamén resta un caso Punxín, que baixa aos 4. E sen cambios no resto de municipios: Boborás (6) Cea (4) Maside (4) O Irixo (1) Beariz (0) San Amaro (0) Piñor (0)

A avaría, según os datos facilitados por Naturgy deixou sen suministro a 238 clientes da rede eléctrica, aínda que o número de persoas afectadas é moito maior, tanto no pobo de Dacón como en varias localidades próximas.

O corte na subministración eléctrica rexistrouse ás 16:58 horas deste sábado dia 20 de Febreiro, e ben entrada a noite o servizo continuaba sen restablecerse. A indignación é manifesta entre a veciñanza e numerosos oíntes de COPE O Carballiño asi o están manifestando "levamos seis horas sen luz, e non conseguimos que polo menos nos dean unha explicación do que está pasando", afirma unha veciña de Dacón, "a única explicación que temos é a de un contestador automático que nos dí que a avaría está en resolucion".

"Temos unha poboación que é maior ou de avanzada idade, non pode ser que cada vez que caen unhas gotas ou sopla o vento pase esto en pleno século XXI, coas tarifas máis caras e en plena pandemia, esto é intolerable" tamén recordan que en Dacón está ubicada unha residencia de maiores, unha gasolineira, bares e outros negocios que saen perxudicados por unha avaría tan prolongada.

Continúa en boa liña a tendencia á baixa na incidencia do coronavirus, tanto no Carballliño como no conxunto dos concellos da comarca. Nesta actualización de sábado dia 20 de Febreiro, a incidencia acumulada a 14 dias no Carballliño baixa ata os 38 casos, a un paso de situarse xa por debaixo dos 250 casos por cen mil habitantes, o principal parámetro que utiliza o Sergas para determinar o nivel de restricións. Os contaxios activos no municipio carballiñes descenden hoxe ata os 36 casos, son 6 menos que onte.

Tamén se rexistra un notable descenso dos casos activos no concello de Cea (-4) e quédase con outros catro, Boborás (-3) sitúase con 6 e Maside tamén resta un caso para quedarse con 4 persoas con infección activa. Sen cambios en Punxín (5) O Irixo (1) San Amaro (0) Beariz (0) Finalmente, recibe a alta médica a única persoa que estaba pasando pola enfermidade en Piñor, que pasa hoxe a ser concello libre de virus.

A incidencia acumulada de Covid-19 continúa caendo en picado no municipio do Carballiño, neste indicador que reflicte a aparición de novos casos confirmados con probas diagnosticas nos últimos 14 dias, son 43 os casos de coronavirus notificados nos últimos 14 días.

Son xa tres os concellos da comarca, os de Beariz, Piñor e San Amaro, nos que non se notificaron novos contaxios de coronavirus nas últimas dúas semanas.

En canto a contaxios activos, O Carballiño (-14) rexistra hoxe 42 persoas pasando a enfermidade, Cea (-2) quédase con 8, Maside (-3) ten 6, Punxín continúa con 5, Piñor con 1 igual que O Irixo. E continúan libres de virus San Amaro e Beariz. O único concello que rompe esta tendencia á baixa hoxe é o de Boborás (+1) e sitúase con 9 contaxios activos.