Sergas ven de anunciar a convocatoria dun novo cribado masivo ao que serán citados 2.000 veciños e veciñas dos concellos de Maside, Punxín e O Carballiño, faráse de novo no Pavillón Paco Chao do Carballño e coa mesma finalidade do realizado o pasado domingo, detectar positivos asintomáticos de Covid-19.

A convocatoria faráse tamén via SMS, que recibirán nos próximos dias as persoas que serán seleccionadas aleatoriamente, e desta vez non so veciñas do Carballiño, senón tamén de Maside e Punxín. No Carballiño, das 1304 persoas que acudiron ao cribado do pasado domingo dia 31 de Xaneiro deron positivo 14, unha cifra considerada alta e os contaxios activos no municipio alcanzaron a cifra record desta terceira onda da pandemia, 115 casos, este pasado xoves dia 4 de Febreiro. En Punxín e Maside, municipios que comezaron o ano sen contaxios activos, acumulan 5 e 24 contaxios activos, respectivamente.

As persoas seleccionadas aleatoriamente serán convocadas para facerse unha PCR, ainda que ten carácter voluntario, dende o Sergas piden a máxima participación xa que os resultados serán de gran axuda para o control da pandemia ao detectar casos asintomáticos e cortar a transmisión aos seus contactos.

O Carballiño ten, a día de hoxe, 109 casos activos, multiplicando por 12 a súa incidencia desde o 1 de xaneiro, data na que contaban só con 9 casos, e ningún no caso de Maside ou Punxín, que hoxe teñen, respectivamente, 24 e 5.

A relación de casos activos, especialmente nestes dous últimos concellos, non supón un alto número, pero si preocupa a progresiva suba das súas taxas, que se incrementaron significativamente, nos últimos 14 días, ata acadar un indicador de 721 casos por 100.000 habitantes en Punxín, 813 en Maside e 741 no Carballiño, o que motiva esta nova actuación preventiva.

Importancia da participación na mostraxe
A situación de Carballiño preocupa especialmente pola súa evolución crecente pese as medidas restrictivas adoptadas, o que xa deu lugar a un cribado anterior, realizado o pasado día 31 de xaneiro, no que se detectaron 14 casos activos asintomáticos. Unha alta taxa de positividade pese a que só participaron o 65.2% das 2.000 persos citadas, polo que o Sergas decidiu duplicar os seus esforzos.

Os veciños e veciñas, seleccionados aleatoriamente, serán convocados por SMS nas próximas horas, para acudir, en horario de tarde, ao Pavillón Deportivo Paco Chao, onde tamén se realizou o cribado anterior.

O sistema elixido para esta mostraxe será unha mostra nasal para a realización dunha PCR. Como ven sendo habitual, nestes peneirados masivos que se están a suceder na nosa provincia, a proba será voluntaria, non si, as autoridades sanitarias solicitan a todos e todas as convocadas que participen, xa que os resultados serán de gran axuda no control da epidemia, ao detectar casos asintomáticos e cortar a transmisión aos seus contactos, e aportarán información de utilidade sobre a tipoloxía dos gromos e as súas vías de transmisión.

Recoméndase asemade seguir as instrucións, en canto a horarios e medidas de protección, e por suposto, non acudir en caso de non estar citados, ou non facelo de estar en illamento por un diagnóstico positivo, posterior á convocatoria, ou gardando corentena á espera do resultado dunha proba.

A citación, realizarase nas próximas horas a través dunha mensaxe de SMS, na que se indica a hora e lugar ao que denen acodir. A mensaxe enviarase ao teléfono que consta na ficha de cada usuario, polo que, novamente, o Servizo Galego de Saúde lembra a importancia de manter os datos de contacto actualizados, comprobando estar dado de alta no sistema de mensaxería telefónica do Sergas.

Igualmente prégase dar apoio aos achegados de maior idade, ou dificultades coas novas tecnoloxías, para comprobar se reciben o SMS de invitación. Estas probas non se deben confundir coas indicadas aos contactos directos ou estreitos dos pacientes positivos a COVID-19, que continúan realizándose por outras vías

Por primeira vez dende que comezou a progresión do coronavirus nesta terceira onda da pandemia a principios de Xaneiro, O Carballiño rexistra hoxe o primeiro descenso de contaxios activos (-6) ata os 109 casos neste venres dia 5 de Xaneiro. Tamén é relevante o dato de Boborás, que pasa dos 15 contaxios activos de onte aos 11 de hoxe. E Beariz, que tiña 2 quédase hoxe cun único contaxio activo.

Aínda asi, a mellor noticia do dia é para o concello do Irixo, que se converte no primeiro da comarca en quedar libre de virus nesta terceira onda da pandemia. Continúan cos mesmos contaxios activos en Punxín (5) San Amaro (4) e Piñor (2) Dous concellos aumentan os contaxios activos, San Cristovo de Cea (+1) (14) e Maside (+1) (24)

A Consellería de Medio Ambiente, Territorio e Vivenda e o Concello do Irixo analizarán a posibilidade de colaborar nalgún proxecto que permita poñer a disposición dos veciños do municipio vivendas de promoción pública. Este foi o asunto central da reunión por videoconferencia que mantiveron a conselleira Ángeles Vázquez e o rexedor Manuel Cerdeira.

Neste sentido, o alcalde do Irixo trasladoulle o seu interese por incrementar o actual parque público residencial do municipio, ben sexa a través da promoción de novas construcións ou pola vía da rehabilitación.

Precisamente co obxectivo de poñer a disposición dos cidadáns vivenda pública a prezos vantaxosos, a conselleira explicoulle que o seu departamento, a través do Instituto Galego da Vivenda e Solo (IGVS), conta con diferentes liñas de axudas e programas de financiamento dirixidos a apoiar ás entidades locais á hora de rehabilitar edificios e vivendas.

Concretamente, referiuse ao Fondo de cooperación de apoio a entidades locais de menos de 50.000 habitantes, un instrumento creado no ano 2017 para ofrecerlles préstamos sen xuros e en condicións favorables cos que poder acometer obras de rehabilitación e conservación do patrimonio construído.

Ademais, lembroulle tamén ao rexedor que nas próximas semanas publicarase unha nova convocatoria de axudas para rehabilitación dirixida neste caso a concellos de menos de 20.000 habitantes interesados en recuperar edificios e vivendas de titularidade municipal para destinalos a alugamento social. A dotación desta orde será de 1,7 millóns de euros, un crédito inicial que poderá ser ampliado.

Tendo en conta que no caso do Irixo existen varios núcleos rurais en situación de abandono total ou parcial, a conselleira explicoulle que á opción de rehabilitar inmobles e edificios xa existentes parece adaptarse ás súas necesidades actuais, polo que o emprazou a valorar as opcións anteriormente mencionadas para ver cal se podería adaptar mellor ao seu caso.

Así mesmo, tamén lle trasladou que o Concello podería incluír os seus núcleos en estado de abandono na futura plataforma informática de núcleos rurais abandonados, deseñada e promovida polo IGVS co fin de poñelos a disposición de posibles persoas interesadas en adquirir ou alugar inmobles nos mesmos.

Son xa catro as aulas pechadas nos centros educativos da comarca por culpa do coronavirus, dúas na Escola Infantil Trastes do Carballiño, unha no Colexio Vila do Arenteiro e unha no CEIP Nosa Señora de Xuvencos de Boborás.

En canto a casos positivos -que hoxe soben ata os 25 en total- os centros afectados son os seguintes: IES Chamoso Lamas (6) CPR Sagrado Corazón (5) IES nº 1 (4) CPR Vila do Arenteiro (3) CEIP Calvo Sotelo (3) CIP Terras de Maside (2) CEIP Boborás (1) E.I. Trastes (1)

O coronavirus non parece ter freo no Carballliño, que rexistra hoxe un incremento de 6 contaxios activos e alcanza a cifra record desta terceira onda da pandemia, 115 persoas con infección activa neste xoves 4 de Febreiro no Carballliño.

Tamén incrementan os casos activos en Boborás (+1) (15) Cea (+2) (13) e  Punxín (+1) (5). Baixan un caso Beariz (-1) (2) e Maside (-1) (23) Sen variacións en San Amaro (4) Piñor (2) e O Irixo (1).

O delegado territorial da Xunta en Ourense, Gabriel Alén, mantivo por videoconferencia un encontro cos alcaldes de Avión, Antonio Montero, Castrelo de Miño, Avelino Pazos, Cortegada, Avelino de Francisco, e a alcaldesa de Porqueira, Susana Vázquez, aos que informou sobre a concesión de 95. 479,84 euros para proxectos de mellora enerxética nos catro municipios.

Gabriel Alén informou que as axudas permitirán substituír as actuais caldeiras de gasóleo por biomasa na "Casa Roxa" de Avión cunha achega de 11.616 euros, e na Casa do Concello, de 22.860 euros. Dúas caldeiras de biomasa no concello de Castrelo de Miño, na vivenda comunitaria, 8.228 euros e na aula CeMIT, 9.680 euros. No concello de Cortegada, a instalación dunha caldeira de biomasa no Centro Cultural, 8.571 euros, e unha caldeira de biomasa na residencia e maiores do concello de Porqueira por un importe de 34.523 euros.

Unha suma de 95. 479,84 euros en axudas aos catro concellos, aos que hai que engadir a liña orzamentaria destinada a empresas e particulares cunha achega de 328.251 euros; que fan un total de 423.730 euros na provincia de Ourense.

Deste xeito, o delegado territorial da Xunta destacou a aposta do Goberno galego por lograr unha Galicia máis verde, a través de apoios que buscan fomentar tanto o uso das enerxías renovables como unha maior eficiencia enerxética, tanto no eido dos fogares galegos, como das administracións, empresas e entidades.

Gabriel Alén tamén subliñou que “a Xunta de Galicia segue co seu labor de apoio aos concellos en todas as áreas e atendendo ás súas necesidades e, loxicamente, unha cuestión de tanta importancia como a eficiencia enerxética, que permite aforrar recursos e dotar aos espazos públicos de maior comodidade, está entre as prioridades do Goberno galego”.

Convocatorias abertas para empresas e autónomos

Por outra banda, cómpre lembrar que xa están abertas dúas convocatorias para impulsar as enerxías renovables e a eficiencia enerxética nas empresas. Trátase, en concreto, da liña de axudas para proxectos de empresas e autónomos do sector agrícola primario que contan cun orzamento de 2,5 millóns de euros, o que facilitará a mobilización dun investimento final público-privado de 8,5M€ en aproximadamente 200 iniciativas. Promoveranse instalacións de biomasa, biogás, aerotermia, xeotermia, solar térmica, fotovoltaica e eólica, así como actuacións de mellora da eficiencia que reduzan o consumo inicial en polo menos un 40% en proxectos de iluminación ou nun 10% no resto de iniciativas.

Tamén está aberto o prazo para solicitar axudas para realizar proxectos de aforro e eficiencia enerxética en empresas dos sectores industrial e de servizos. Destinaranse 10M€ co obxectivo de mobilizar máis de 42M€, e propiciar un aforro enerxético equivalente a nove millóns de litros de gasóleo ao ano, así como un aforro económico de 7M€ anuais nas facturas enerxéticas e a creación de 340 empregos.

Soben os casos de positivos nos centros educativos do Carballiño e comarca, ademáis xa son tres as aulas pechadas en aplicación do protocolo anti-covid, dúas na Escola Infantil Trastes e unha no Colexio Vila do Arenteiro.

Os centros afectados e os casos que rexistran -que suman 23 en total- son os seguintes: CPR Sagrado Corazón (6) IES Chamoso Lamas (5) IES nº 1 (4) CEIP Calvo Sotelo (2) CPR Vila do Arenteiro (2) CIP Terras de Maside (2) CEIP Boborás (1) Escola Infantil Trastes (1)

O Concello do Carballiño asinou un convenio ca empresa pública de servizos agrarios SEAGA para a elaboración do Plan De Incendios e o establecemento dun sistema de xestión da biomasa nos montes ou terreos forestais incluídos nas redes de faixas secundarias de xestión de biomasa . Así, a partires do próximo mes, comezará a limpeza das marxes das estradas daqueles núcleos rurais que presenten maior perigo, sendo prioritarios os que teñen unha soa entrada e saída.
A concelleira de Medio Rural, Rosa Fuentes, apunta, entre outros, os seguintes tramos: Varille-Montegrande-As Caldas, As Lámparas-Sagra-A Fraga, Pena Cobertoira- Bouteiro, Seoane-Mouriz, Saa-A Granxa- A Lama-Pol e a entrada a San Félix de Barón. Tamén recorda o valor de levar a cabo accións na eliminación desta masa forestal para previr a propagación dos lumes e facilitar a actuación contra os mesmos establecendo líneas de defensa. Facendo así, un chamamento ”á sensibilidade e participación cidadá na prevención e loita contra os incendios forestais, que por unha beira poñen en risco ás persoas,pero tamén, por outra, ao noso patrimonio natural”.
Ademais, o Concello publicará un bando ,para avisar con antelación, do prazo do que dispoñen os propietarios para a corta das árbores afectadas pola franxa de seguridade marcada no plan de incendios . No caso de que non se efectúe dita corta, será SEAGA a que realice as cortas e retire a madeira, co fin de que non quede combustible que facilite o avance do lume.