A Comisión de Sanidade do Parlamento de Galicia aprobou por unanimidade unha proposición non de Lei presentada do Grupo Socialista para pedirlle á Xunta que incorpore a reforma do Centro de Saúde de O Carballiño nos Orzamentos para 2021. A iniciativa, transaccionada cunha emenda do PP, incorpora o compromiso de incluír obras maiores dentro do futuro Plan de Infraestruturas Sanitarias.

A parlamentaria socialista alertou das necesidades sanitarias urxentes deste concello, unha das cabeceiras de comarca máis importantes de Ourense cunha poboación de 14.300 persoas pero que da servizos a case 30.000 habitantes da zona. Ortega lembrou as demandas de mellora das infraestruturas sanitarias e de dotación de persoal, que se remontan ao ano 2016, cando ela mesma fixo estas peticións como concelleira en O Carballiño.

As demandas levaron á Corporación Municipal a acordar unha proposta unánime en decembro de 2019 reivindicando un novo Centro de Saúde ou ben a reforma ampliación do actual. Sinala que os facultativos teñen que atender actualmente máis de 50 pacientes cada día, con listas de agarda que se estenden por máis de 10 días, con eivas sinaladas nos auxiliares de enfermaría ou persoal para o control de acceso e mesmo no servizo de atención telefónica.

Ortega reclamou así a ampliación e mellora do Centro de Saúde, ademais do aumento do persoal médico, de psicoloxía, fisioterapia, enfermaría, auxiliares e mesmo persoal administrativo. Tamén reclamou a mellora da central de chamadas para atender apropiadamente á poboación, que hoxe vese obrigada a desprazarse ao Centro de Saúde para facer calquera trámite, e melloras das infraestruturas, como a recuperación da sala de espera da Radioloxía, hoxe reconvertida en almacén.

A responsable socialista reclamou aumentar os recursos en Pediatría, Xinecoloxía ou Fisioterapia, e puxo o acento na necesidade de “non escatimar esforzos en Saúde Mental” cando, explicou, “no contexto da pandemia, estes servizos supoñen ata un 40 por cento das consultas en Atención Primaria”.

Advertiu ademais a necesidade de atender á poboación dunha comarca que encabeza o envellecemento e que polo tanto ten necesidades específicas de cara a unha sanidade de proximidade. Reivindicou unha “sanidade de calidade e cercana” en resposta ao “mérito, responsabilidade e esforzo demostrados polos veciños e veciñas” e saudou que “logo de moitos anos sexan recollidas as propostas que repercutan na saúde e benestar dos veciños e veciñas”.

O BNG felicítase do acordo de incremento da subvención do concello de Leiro á Entidade Local Menor de Berán, aprobado polo pleno da corporación municipal despóis dunha proposta do concelleiro nacionalista. Os socialistas critican as formas e mesmo falan de "pinza" entre PP e BNG no concello de Leiro. Reproducimos íntegros os comunicados de prensa de ambos.

COMUNICADO DE PRENSA DO BNG

Despois de ser aprobada en pleno municipal a proposta do BNG de incrementar a subvención que a ELM de Berán vai recibir en 2021, o concello pasará de destinar 4.000€ a 7.000€ anuais a esta institución. Este incremento vese motivado en compensación polo IBI que o concello está cobrando polos bens inmóbeis da ELM (cifrados nun valor de 2.400€ anuais). Na moción presentada polos nacionalistas tamén se recolle un punto que, baseándose nos informes técnicos da Deputación de Ourense, así como da Secretaría-Intervención municipal, exixe ao grupo de goberno a seguir traballando para que, coa maior brevidade posíbel se bonifiquen os inmóbeis da ELM de Berán, dadas as súas especiais características económicas, sociais e culturais.

Desde o BNG sabemos que hai diferentes inversións que a ELM hoxe en día non está podendo execu-tar, entre outros motivos, por sentirse afogada económicamente e, desde o concello débese axudar a que esta institución, case centenaria sobreviva. Entendemos que é un orgullo para Leiro contar coa única ELM da provincia de Ourense e é a nosa obriga traballar para mantela nos anos.

COMUNICADO DE PRENSA DO PSdeG-PSOOE

O PSdeG-PSOE de Leiro critica a pinza formada a estás alturas por BNG e Partido Popular, a cal non e a primeira vez e cun único obxectivo, “invadir” as competencias dun organismo autónomo como é a Entidad Menor de Beran. Os socialistas acusan a populares e nacionalistas de “tratar de solapar” as funcions a entidad menor. Os socialistas abstiveronse na votación da moción do BNG, porque non entendemos como se pode pisotear e pasar por encima da independencia de outra administración co único pretexto de ser protagonista non sei de que con un obxetivo claro do redito político e non polo ben do interés xeral, en todos los aspectos e que contou co inestimable apoio dos populares, que utilizan o bng de leiro “como conejillo de indias” e na que pedían incrementar a cantidade orzamentaria anual que recibe na actualidade a ELM de Beran, dos 4.000€ a 7.000€ coa suposta intención de “compensar o IBI”. Cousa que pasou no anterior mandato no que houbo un Presidente Socialista e tamen se subirón 3000€ e non se solaparon os intereses e a independencia da Entidad, esa e a gran diferencia de que estea no goberno un socialista e agora o Partido popular coa axuda neste caso do BNG de Leiro.

O voceiro socialista en Leiro considera que “sendo como e a entidad un organismo independente, debe ser ela a que faga as peticions pertinentes para exención do IBI, ou para unha bonificación ou axuda económica e non un membro da Corporación de Leiro neste caso o Portavoz do BNG coa apoio do Alcalde do PP, que para quedar ben ante o seu electorado fai “un brindis o sol” traiga este tipo de mocions, xunto co PP que quere remediar o seu entortó o non querer apoiar a proposta de desenrolo económico como e o paso do camino xacobeo e aforcan toda a posibilidade de autonomía económica para a Entidad.

O que si temos claro os socialistas e o reflexamos no Pleno que nos nos congratulamos coa subida económica, pero o que non pode ser xa que o imposto do IBI e estatal e o concello de Leiro e un mero recaudador do mesmo, que recibe unha compensación e que aplica unas tablas dos tantos por cen de mais a menos, pero esto mismo o pode facer a propia Entidad que e “pedir ou solicitar a sua exención, porque pola contra e estar solapando as suas funcions, e os membros da corporación non estamos lexitimados para actuar no seu, como si fixeron tanto o BNG e PP nesta moción” Tamen o noso portavoz municipal lle manifestou o Portavoz do BNG que quedara sobre a mesa e non se aprobara dita moción ata que a propia Entidad solicitara tanto a exención, bonificación ou axuda económica, cousa que rexeitou o representante do BNG.

O alcalde do Carballliño manifestou "comprender e compartir" varios comentarios de ointes de COPE O Carballiño que expresaban a súa preocupación polo incumprimento das nornas de prevención para evitar a propagación do coronavirus, e máis concretamente, co incumprimento das normas en algunhos locais da hostelería carballiñesa.

Fumega manifestou ver "comportamentos que non son normais e non axudan, non pode ser que unha parte do Caballiño cumpra e outra viva alegremente" e mesmo engadíu que son xa varios os locais "que están están en fase de peche, con propostas de sancións duras, ten que quedar claro que as normas son para todo o mundo, o que a faga vaina pagar", asegurou o alcalde, dando conta que por parte de Policia Local, Garda Civil e Policia Autonómica, son varios os expedientes sancionadores que tramitaron. Recordou que o concello do Carballiño adheríuse ao convenio da Xunta de Galicia para a tramitación e resolución das propostas de sanción por incumprimento nas normas do estado de alarma "e imoslle dar duro, duro, duro", dixo, "porque ou todos cumprimos ou como haxa dous que non o fagan, estragan o traballo que fai  a maioria".

Tamén tivo o alcalde do Carballiño palabras de agradecemento "para a maioría do pobo, que si cumpre, e grazas  eso temos estas boas cifras de contaxios, O Carballiño sigue sendo modelo, por eso non podemos permitir que unhos poucos desfagan o sacrificio da maioría", remarcou. Fumega aproveitou a súa intervención radiofónica para facer un chamento público a toda a veciñanza carballiñesa para celebrar a noitevella "con moito sentidiño" e "non ter que lamentarnos despóis".

Ano tras ano, o espazo cultural A Insua dos Poetas, ve medrar o número de esculturas que se agochan entre a natureza deste lugar con encanto da Esgueva, na parroquia de Madarnás. Por iso o Concello do Carballiño ven de tomar a decisión de editar uns folletos informativos para poñer en valor e difundir o que está chamado a ser un dos parques escultóricos máis importantes de Galicia, ademáis de ser un espazo cultural de gran interese e dinamismo.

O concelleiro de cultura, Diego Fernández, sinala a importancia da Insua dos Poetas como recurso turístico, pois “poder ver as obras dos máximos expoñentes galegos contemporáneos das artes plásticas nun entorno natural ao aire libre fai deste espazo algo único”. Por iso sinala que se editarán uns folletos informativos para promover a difusión deste patrimonio e que está previsto que podan estar na rúa antes de Semana Santa. Desta maneira O Carballiño aumenta a súa oferta turística ao tempo que se promove a posta en valor deste patrimonio cultural.

Veciños e visitantes poderán percorrer este espazo, coa axuda dunha guía, e ver obras monumentais de Buciños, Antón Pulido ou Acisclo Manzano, entre outros, paseando entre fontes e carballos. As fotografías dos folletos correrán a cargo do colectivo cultural O´Potiños e os textos están a ser redactados polo escritor e presidente da Fundación Insua dos Poetas, Luis González Tosar, quen ademais está traballando na creación dunha páxina “web” que amplíe os contidos sobre este espazo cultural.

Parece que, definitivamente, O Carballiño poderá celebrar o "Feirón" do 31 de Decembro grazas a boa situación epidemiolóxica que presenta o municipio carballiñés, que mantén estable o número de casos activos de coronavirus, que son hoxe 6, os mesmo que onte.

Boborás e Beariz -respectivamente- mantéñense con 2 contaxios, e San Cristovo de Cea continúa cos mesmos 21 dos últimos dias, a maioria persoas residentes no xeriátrico da localdade.

A boa noticia deste antepenúltimo dia de 2020 na comarca é a do concello de Piñor, que consigue hoxe quedar libre de virus, sumandose asi á lista na que continúan os concellos de Maside, Punxín, O Irixo e San  Amaro.

Son en total 2.000 tarxetas cargadas con 50 euros, 25 que paga o cliente pola tarxeta e outros 25 euros que aporta o concello do Carballiño, promotor desta campaña "O Carballiño Contigo" acordada pola corporación municipal dentro do paquete de medidas para favorecer a reactivación do comercio e a hostelería, os sectores máis castigados pola crise do coronavirus.

As tarxetas están venda na Oficina de Turismo da Alameda, ata fin de existencias, en horario de 10 a 14 e de 17 a 21 horas. Cada persoa, maior de 18 anos, poderá retirar ata 3 tarxetas, unha persoal e as outras dúas en represntación de outras dúas persoas, neste caso deberán presentar unha autorización por escrito, cuxo modelo pode descargarse na páxina web "O Carballiño Contigo", onde tamén pode encontrarse a relación dos 132 establecementos do Carballiño que participan nesta campaña, e nos que deberán gastarse o diñeiro de cada tarxeta, que terán como data de caducidade o dia 31 de Xaneiro de 2021. Pode solicitar a tarxeta calquera cliente do comercio e hostalaría do Carballiño, sexa cal sexa o seu domicilio, no Carballiño ou calquera outro concello.

A comarca do Carballiño continúa aumentado a súa media da idade cada ano que pasa, según os últimos datos que se corresponden aínda ao ano 2019,  a maioria dos concellos están preto de alcanzar os 60 anos de idade media, unha barreira que xa superan os concellos do Irixo e Beariz.

Os municipios "máis xóvenes" pero aínda asi "maiores" en relación coa idade media galega e española, son os do Carballiño, con 48,08 anos, e Maside, que chega aos 52,56 anos. A idade media española está nos 44 anos, e a galega nos 47,24 anos.

Pero aínda máis envellecidos están os outros sete municipios da comarca carballiñesa, con O Irixo á cabeza e xa 61 anos de media da súa poboación, de preto séguelle Beariz con 60,07 e San Cristovo de Cea con 58,05. E camiño de ser "sesentós" tamén se sitúan San Amaro con 57,53 anos de idade media na súa poboación, Boborás con 57,45 anos , Punxín con 57,37 anos e Piñor, que conta cunha media de 56,02 anos.

Tras a celebración da noiteboa e o nadal os datos do coronavirus permanen prácticamente inalterables na comarca, con lixeiras variacións. O concello de San Cristovo de Cea notifica hoxe 21 contaxios activos, un menos que onte. O Carballiño mantén 7 casos activos, os mesmos que onte, e dous máis que o dia de noiteboa. Repiten dato Boborás (2) Beariz (2) e Piñor (1).

Catro concellos mantéñense libres de virus outro dia máis, que son os de Maside, Punxín, O Irixo e San Amaro.