O brote declarado na Residencia de Maiores de Cea suma a maior parte dos 20 contaxios activos que notifica neste lúns 21 de Decembro O Sergas no concello de San Cristovo de Cea, cun incremento de 7 casos nas últimas 24 horas.

Tamén incrementa un caso O Carballiño, que ten hoxe 7 contaxios activos, os mesmos que tamén contabiilza o concello de Beariz. Cun único caso figura o municipio de Piñor.

A boa noticia da xornada é que, por vez primeira nos últimos meses, queda libre de virus o concello de Maside, que se suma así aos de Boborás, Punxín, San Amaro e O Irixo.

O Carballiño entra na semana de nadal nunha boa situación epidemiolóxica, con 6 contaxios activos de coronavirus, son dous casos máis que pasado xoves dia 17 cando alcanzou a cifra máis baixa dos últimos cinco meses, 4 casos, neste domingo son dous maís.

O municipio da comarca con máis contaxios activos é o de San Cristovo de Cea, que rexistra 13 casos, a maioria vinculados ao brote declarado na Residencia de Maiores da localidade. Beariz continúa con 7 casos, tamén asociados ao brote que se detectara o pasado dia 20 de Novembro na Residencia de Maiores bearicense.

Con 1 contaxio activo permanecen os concellos de Maside e Piñor. E sen contaxios activos continúan estando os municipios de Boborás, O Irixo, Punxín e San Amaro.

Unha fin de semana de tempo inestable e temperaturas diurnas con máximas no entorno dos 12 graos, e con diversidade de actividades, algunas delas ao aire libre.

Cine en O Carballiño e Leiro

O Cine-Club proxecta este domingo ás 19:00 horas no auditorio a película galega "Lúa Vermella", a última obra de Lois Patiño. No Novocine de Leiro cine de estrea coa película española "Hasta el Cielo", co galego Luis Tosar no reparto, en sesións -sábado e domingo- ás 16:00, 18:15 e 20:30 horas.

A cantante Lucía Pérez e Feitizo de Pau en Cea

O centro multiusos de San Cristovo de Cea acolle este sábado unha xornada de promoción da Vía da Prata-Camiño Mozárabe, que abrirá o grupo de música tradicional Feitizo de Pau ás 11:30 horas. Despois terán lugar tres relatorios sobre diversos aspéctos do Camiño Xacobeo, para dar paso seguidamente a actuación da eurovisiva  Lucía Pérez, antes dunha degustación de productos locais. A xornada concluirá cunha visita a un forno de Cea e o mosteiro de Oseira.

Mercado Navideño en Maside

Con postos de artesanía, productos locais, ou reposteiría, que se ubicarán baixo unha carpa, en horario de 11:00 a 18:00 horas do domingo na Alameda de Maside. Haberá sorteos entre o público asistente e antes de finalizar o mercado, á media tarde, fará acto de presenza Papá Noel.

Visita guiada en Boborás

O domingo ás 10:30 horas os participantes están convocados a reunirse na Igrexa de San Martiño de Camexia (Na foto), onde comezará a visita guiada. Tras coñecer esta xoia do románico, os participantes achegaránse ata o Castro de Cameixa, e finalmente visitarán  a "Casa da Gafa", en Laxas. Margarita Estévez -guía turística- e Jorge Lamas -arqueólogo- guiarán esta cita coa arte e  a arqueoloxía.

Sáude e boa fin de semana !

"Mellor local, mellor galego" este é o lema co que o BNG do carballiño, arrinca a campaña de apoio ao comercio local e aos produtos galegos e de proximidade. A concelleira Sofía García e o deputado no Pazo do Hórreo Iago Tabarés, deron conta esta mañá en rolda de prensa dos motivos que impulsan ao BNG a levar adiante esta iniciativa, ao tempo que piden a implicación de toda a veciñanza na mesma. Segundo Sofía García "con esta campaña queremos contribuir a paliar o feche de tendas e a destrución de postos de traballo como consecuencia da crise económica xerada pola COVID-19". García incidiu en que un dos obxectivos da campaña é "destacar a potencialidade e calidade dos produtos galegos como motor para a dinamización do pequeno comercio, comercio local que aposta pola calidade, pola innovación e pola especialización".

"O comercio local ofrece calidade, trato personalizado, produtos coidados e diferentes e vendidos por persoas as que coñecemos e tratamos ao ser parte das nosas vilas". Con esta afirmación, a concelleira Sofía García marca outro dos obxectivos fundamentais da campaña xa que "ese valor engadido só nolo da o comercio local". Outro dos aspectos fundamentais é o feito de que o comercio local e de proximidade é xerador de postos de traballo e polo tanto de dinamización social e económica nas nosas cidades e vilas. Sofía incidía en que coa campaña presentada, o BNG "quere aportar o seu grao de area para dinamizar a nosa vila e potenciar os produtos que xeran riqueza no noso país". "animamos a veciñanza a aproveitar estas datas para implicarse co noso comercio, coas nosas feiras e cos nosos produtos". Por último, García advertiu de que "debemos impedir que a nosa vila se convirta nun deserto".

En termos similares se manifestou o deputado por Ourense no Parlamento galego Iago Tabarés quen iniciou a súa intervención lembrando que desde o BNG "sempre se apostou polo comercio local, entendendo q ue é esencial na nosa vida económica e social, contribuíndo mesmo a dinamización das nosas vilas e cidades". Tabarés quixo afondar no feito de que "non todo é imputable á pandemia, posto que xa antes da mesma, o comercio local atopábase nunha situación moi difícil". Para Iago Tabarés temos que ter en conta a importancia que o comercio local ten en Galiza ao supor o 14% do PIB e o 13% do emprego". Tanto económica como socialmente é un sector "moi importante".

O deputado afondou durante a súa comparecencia no feito de que "nestas circunstancias, onde grandes plataformas, as cales, en moitas ocasións nin tan sequera tributan aquí, están comendo parte do mercado do comercio de proximidade, é o momento de apoiar decididamente ao comercio local". Os motivos esgrimidos por Tabarés para apostar polo comercio local resúmense en que primeiro "porque é mellor, ao oferecer produtos dunha altísima calidade". Segundo "por ser unha economía e un xeito de producir moito máis sustentábel e respectuoso co medio ambiente". En terceiro lugar porque "estes produtores e comerciantes revirten os seus ingresos na propia terra, e tributan na propia terra".

Por último, Tabarés apuntou que é preciso "humanizar e socializar as nosas vilas e as nosas cidades, o que da cor as nosas rúas son precisamente os pequenos comerciantes". De entre as medidas que hai que adoptar urxentemente, Iago Tabarés destacou en primeiro lugar, as axudas directas de carácter económico ao sector, en segundo lugar, declarar Galiza zona saturada de grandes superficies cunha regulación dos horarios comerciais que permita oa pequeno comercio competir en igualdade de condicións e poder conciliar a vida laboral e familiar. En terceiro lugar, o establecemento dunha marca de calidade para os produtos de horta galegos, "témolos e son de gran calidade, potenciémolos e diferenciémolos como produto galego". Por último, Iago Tabarés aposta por levar a cabo campañas de promoción e valorización das prazas de abastos, dos mercados tradicionais, das feiras e do comercio de proximidade". Por todas estas razóns desde o BNG lanzan a campaña de apoio ao comercio local e de proximidade polo que distribuirán cartelería para incentivar ao consumo nestes establecementos.

Un brote de coronavirus declarado na Residencia de Maiores "A Saleta" de San Cristovo de Cea afecta a 10 persoas usuarias, según a información dada a coñecer este xoves dia 17 de Decembro por Sanidade. Tras confirmarse un primeiro caso este pasado martes, practicouse un cribado no que outras nove residentes deron positivo na proba PCR. 

Na Residencia "San Antonio" de Beariz, oito persoas aínda continúan pasando pola enfermidade, tras o brote detectado neste xeriátrico o pasado dia 20 de Novembro.

En canto ao número de contaxios activos a dia de hoxe no resto dos concellos, os datos falicitados por Sanidade reducen a 4 os casos activos no Carballiño, 1 en Maside e 1 en Piñor.

Nos municipios de Punxín, San Amaro, Boborás e O Irixo non se rexistran contaxios activos no balance diario do Sergas.

O presidente da Deputación de Ourense, Manuel Baltar, e o alcalde do Carballiño, Francisco Fumega, reuníronse na sede da entidade provincial para ultimar a colaboración entre ambas administraccións en varios proxectos no concello carballiñés.

No plano cultural, ambos mandatarios mostráronse dacordo para que o museo etnográfico do río Arenteiro pase a integrarse na futura rede museística provincial, un proxecto que ultima a Deputación, e no que tamén se incluirá o museo do papel da Lavandeira, aínda pendiente de rematarse, unha actuación coa que tamén mostrou o seu compromiso o presidente provincial. Nesta mesma rede museística, tamén se quere incluir o museo ao aire libre da Insua dos Poetas, xestionado pola Fundación do mesmo nome.

Ademáis, nesta entrevista de traballo, Presidente da Deputación e Alcalde do Carballiño acordaron a obra de mellora da Travesía de Mesego, que incluirá un novo pavimento. Tamén se abordou a adxudicación da obra de construcción dunha senda peonil de acceso ao Bañiño de Arcos dende a estrada do Reino, na parroquial de Arcos.

Debido á situación na que este ano temos que traballar nos centros escolares, na que nos vemos obrigados polas circunstancias a reducir os contactos ao mínimo e polo tanto os xa tradicionais festivais de Nadal, decidimos facer a maior e máis grande Gala de Nadal, na que participarán exactamente 2.459 alumnos e alumnas de idades comprendidas entre os 3 e os 18 anos, de todos os centros educativos da comarca e de todas as etapas educativas.

Esta Gala terá un escenario principal que será o Auditorio do Carballiño e os outros escenarios, serán os 12 centros da comarca que se uniron á mesma de maneira espontánea e ilusionante.

No Auditorio levarase a cabo a presentación en directo da Gala, así como actuacións de Magos, artistas de circo, cantantes e músicos. O público estará sentado en cada un dos seus pupitres nas máis de 150 aulas.
Os outros escenarios serán os propios centros onde durante estas últimas semanas actuaron os propios alumnos e alumnas, gravándose en vídeo, as interpretacións, que formarán parte desa Gala.

Tamén haberá unha aula de cada centro que de maneira virtual estará presente, interactuando cos presentadores e artistas da mesma, no Auditorio.

No propio Auditorio, cumprindo coas medidas establecidas no momento, estarán presentes os alcaldes e concelleiros de educación dos concellos participantes e xa contamos coa presenza, confirmada da Xefatura Territorial e Inspección educativa da zona.
Ademais de todas as aulas dos centros educativos poderán presenciar a Gala en directo, todas as residencias de maiores da comarca, ás que lle faremos chegar o enlace para poder presenciala en directo.
En directo no auditorio estarán presentes 60 pais/nais representando proporcionalmente ao número de alumnos/as de cada centro, por rigorosa invitación levada a cabo dende as ANPAS.
O estilo vai ser Gala de entrega dos Goya, no que os vídeos dos centros sexan as películas, aínda que desta vez sen premios.

Isto será en resumo o que vai a ser a Gala Anti-Covid de todo o ensino nas terras do Carballiño. Tamén veremos como responden as comunicacións con todas as aulas conectadas á vez.

1ª Parte: Gala para alumnado de Infantil e Primaria
Hora comezo: 10:00 Hora finalización: 11:30

Actuacións:
Cada centro con alumnado de infantil e primaria terá 4 minutos de gravación dun ou varios vídeos dende os propios centros, nos que cada un fará o que desexe, música, baile, actuacións varias, etc. con intercalado entre as actuacións directas dende o escenario do Auditorio do Carballiño.

Actuacións no escenario:
.- Presentación a cargo do grupo de teatro “Dar Trela”
.- Actuación do Mago Kiko Pasteur
.- Actuación dunha equilibrista da “Ciudad de los Muchachos” Nerea Otero
Como fin da gala haberá unha actuación dos 408 alumnos e alumnas infantís de todos os centros da comarca cantando unha mesma canción.

2ª Parte: Gala para alumnado de Secundaria, Bacharelato, FP, Ciclos e Conservatorio.
Hora comezo: 11:45 Hora finalización: 13:10

Actuacións:

Cada centro con alumnado de secundaria, bacharelato, FP... terá 6 minutos de gravación dun ou varios vídeos dende os propios centros, nos que cada un fará o que desexe, música, baile, actuacións varias, etc. con intercalado entre as actuacións directas dende o escenario do Auditorio do Carballiño.

Actuacións no escenario:
.- Presentación a cargo do grupo de teatro “Dar Trela”
.- Actuación en varios actos do Mago Kiko Pasteur.
.- Actuación cantante do IES nº1 do Carballiño Noemi Duro de 12 anos .

A consellería de Educación informa do peche dunha aula por causa do coronavirus no IES Chamoso Lamas do Carballiño, ao rexistrarse un caso positivo dun alumno.

Según o protocolo que se ven aplicando dende o inicio do curso, non é o habitúal, que un único caso de Covid-19 leve á clausura da aula, aínda que neste caso acordouse asi ao tratarse dunha aula con tan so oito alumnos. De feito, é a primeira vez que esto acontece nos centros educativos do Carballliño, a pesar de que chegaron a rexistrar preto de medio cento de contaxios entre o alumnado no que levamos de curso. Precisamente, no propio IES Chamoso Lamas, Sanidade notifica outros dous casos positivos máis, polo que en total son 3 os que rexistra o centro.

Ademáis, na última actualización de datos, tamén figuran un contaxio activo no CPR Sagrado Corazón e CPR Vila do Arenteiro, respectivamente.