O Carballiño baixa hoxe en 4 casos os contaxios activos en relación a onte, e sitúa a cifra actualizada en 12 persoas. Tamén descenden as persoas enfermas de Covid-19 en Cea, que onte tiña 3 positivos activos e hoxe quédase cun único caso.

Non hai variacións no resto dos concellos, no que destaca negativamente o concello de Beariz, que continúa con 30 contaxios activos. Maside, Piñor e Boborás mantéñense en 3 casos. No Irixo, 2 e con cero contaxios activos, libre de virus, estan outro dia máis San Amaro e Punxín.

O concello do Carballiño difundíu un manifesto institucional con motivo do Dia Internacional da Eliminación da Violencia contra as mulleres, que se conmemora cada ano o 25 de Novembro, coa cor morada lucindo tanto na fachada do consistorio carballiñés como no monumento ao emigrante.

Doutra parte, dende o Programa de Educación Familiar da Mancomunidade de Concellos do Carballiño viñamos traballando nos últimos anos en colaboración cos Concellos para a realización de actividades comunitarias, financiadas polo Fondo Social Europeo. Neste eido, leváronse a cabo diversas edicións de contacontos para toda a familia nos concellos integrantes: Bearíz, Boborás, Irixo, Piñor e San Amaro, sempre tendo unha gran acollida e participación.

Este ano, a pandemia provocada pola Covid-19 conleva unha serie de restricións que limitan a realización de actividades grupais presenciais dun xeito seguro e efectivo. Por este motivo, o Equipo Técnico do Programa pon en marcha a iniciativa innovadora denominada Contos pola Igualdade, que no canto de dirixirse a toda a poboación o que se centrará é en apoiar na tarefa de educar en igualdade nas familias coas que se está a realizar intervención familiar individualizada. É ben certo que son moitas as actividades comunitarias que se veñen realizando, pero é o traballo con familias en situación de risco é o punto central do mesmo, apoiando e axudando ás familias con menores a cargo con diversas problemáticas (conflitividade familiar, menores en situación de risco, drogodependencias...). O Programa de Educación Familiar da Mancomunidade de Concellos de O Carballiño conta cun equipo técnico formado por 4 educadoras familiares, que actualmente están a intervir con máis de 30 familias e cun total de 47 menores. Serán estes últimos os destinatarios da iniciativa Contos pola Igualdade, de maneira que ó longo deste mes as educadoras farán entrega ás familias dun conto para cada menor que trate temas vinculados á igualdade de xénero, para traballar de maneira amena e lúdica cos seus fillos e fillas . Os contos foron escollidos tendo en conta varios factores, incluída a idade, permitindo así levar a cabo unha actividade o máis individualizada posible. É importante a colaboración dos pais e nais nesta iniciativa, para acompañar a aqueles más cativos que aínda non saiban ler, e para apoiar e animar a aqueles más grandeiros a facer deste un mundo mellor e máis igualitario.

A incidencia acumulada durante os últimos 14 dias no municipio do Carballiño rexitra un total de 12 novos contaxios de coronavírus confirmadas por probas diagnósticas practicas polo Sergas, mentres que o núnero de contaxios activos descende hoxe en dúas persoas, e quédase en 16. Tamén baixaron no último dia o casos activos en Piñor, que pasou de 4 a 3, e sen variacións no resto dos concellos onde se manteñen os seguintes contaxios activos: Boborás (3) Cea (3) Maside (3) O Irixo (2) Punxín (0) San Amaro (0)

Continúa preocupando o concello de Beariz, que incrementa un caso máis que onte e alcanza os 30, a maioria deles vinculados ao brote no xeriátrico da localidade.

O Alcalde do Carballiño e responsable municipal de Urbanismo, Francisco Fumega, está citado na súa condición de investigado para tomarlle declaración o próximo dia 1 de Decembro no Xulgado de Primeira Instancia e Instrucción nº 2 do Carballiño, e no marco dun procedemento de dilixencias previas que foron abertas tras a denuncia presentada por un veciño exercendo a acción pública e cuestionando a actuación do concello do Carballiño en relación a unha resolución municipal de reposición da legalidade urbanística.
O conflicto urbanístico que da lugar a esta investigación xudicial remóntase ao ano 2008 con Carlos Montes na alcaldía, cando o concello dera un prazo de tres meses ao propietario dun edificio ubicado entre a Praza da Alameda e a rúa Rosalia de Castro, e con fachada a ambos lados, para que restituíse a legalidade urbanística, ordenando o derrubo dunha planta do edficio, tendo en conta que sobrepasaba a altura establecida no Plan Xeral de Ordenación Municipal –PXOM- vixente dende o ano 1999.
A Dirección Xeral de Urbanismo da Xunta rexeitara unha modificación puntual proposta polo concello carballiñés para pedir a compensación de alturas entre a rúa Rosalía de Castro e Alameda, polo que o ático non é legalizable. Non obstante, doce anos despóis non se executou a órden de derrubo, nin por parte do propietario nin por parte do concello.
A actuación municipal en relación a todo este asunto é o que motiva agora a investigación por presunta prevaricación ao actúal alcalde do Carballiño Francisco Fumega, que ademáis exerce directamente as competencias municipais de Urbanismo.

O Tremor de terra foi advertido por algunhas persoas, según recolle o informe do Instituto Xeográfico Nacional, que rexistrou o seismo ás 20:53 horas deste pasado martes dia 24 de Novembro.

A magnitude deste pequeno terremoto foi de 2.8 e o epicentro na localidade de Portela de Riba, na parroquia de Coiras, esto é, no concello de Piñor.

Por medio do proxecto impulsado polo concello do Irixo para comercializar os productos ecolóxicos e artesáns elaborados no municipio xa poden adquirirse a través da tenda virtual que foi presentada polo alcalde Manuel Cerdeira e varios dos productores que participan desta inciativa.

Na páxina  "www.tendaoirixo.gal" poden encontarse esta oferta "con productos de calidade que se comercializan agora co distinto da marca O Irixo, un proxecto do que estamos moi contentos pola acollida recibida e que tamén queremos ampliar a outros productores da comarca", subliñou o rexedor municipal.

Ademáis, de forma expresa para a campaña de nadal, a tenda ofrece tres lotes navideños con distintos productos que terán un prezo, respectivamente, de 20, 35 e 50 euros. Os encargos serán enviados gratuítamente aos domicilios que pidan os clientes.