O alcalde de Cea, José Luis Valladares, e Alejandro Rubín en representación da Órden do Camiño de Santiago, presentaron a programación de actividades que desenvolveránse en Cea este próximo sábado 19 de Decembro, dedicada á promoción da Vía da Prata-Camiño Mozárabe, unha iniciativa enmarcada no programa " O Teu Xacobeo" cofinanciado por Turismo de Galicia.

A xornada celebraráse no centro multiusos de San Cristovo de Cea e contará con tres conferencias. A primeira delas estará a cargo de José Luis Rodríguez Cid, que falará da Vía da Prata, a segunda abordará aspéctos medioambientais, que impartirá Bruno del Llano. E o terceiro relatorio será o de Jesús Francisco Ares, que fará un repaso histórico polas etapas e a evolución dos camiños de Santiago como ruta cultural europea.

Para a apertura, ás 11:30 horas actuará o grupo musical "Feitizo de Pau" e ás 13:00 horas, antes dunha degustación de productos locais, actuará a cantante galega Lucía Pérez. Ademáis, haberá visitas a un forno do Pan de Cea e o Mosteiro de Oseira.

A inscripción, gratuíta, faráse enviando un correo electrónico á dirección: secretaria@ordendelcaminodesantiago.es

A Consellería de Medio Ambiente, Territorio e Vivenda adxudicou o mes pasado por un importe de 95.052,76 euros, IVE incluído, o contrato de rexeneración do conxunto de Santa María do Campo, no concello ourensán do Irixo. As obras sobre o terreo, das que se encargará a empresa Vipeca, Obras y Servicios, SL., empezarán en xaneiro e terán unha duración de aproximadamente cinco meses, segundo o prazo de execución que consta no contrato.

Todas as actuacións previstas teñen o obxectivo común de rexenerar o espazo público así como os bens que se asentan no mesmo, respectando as características e a esencia do lugar e o seu carácter eminentemente rural. Partindo desta premisa, os tres obxectivos da solución proposta pasan por primar a continuidade do espazo público, conservar e manter os principais elementos que o compoñen, tales como o cruceiro, a antiga escola unitaria ou a carballeira central, e mellorar a infraestrutura pública para a dotación dos servizos esenciais. Así, rexenerarase o espazo central da carballeira, recuperando e saneando o arborado e redirixindo a circulación peonil e impedindo a circulación de vehículos polo seu interior.

Ademais, substituiranse aqueles exemplares de especies foráneas por carballos de gran porte e outros novos que lle devolvan fortaleza ao conxunto. Ademais, xunto á antiga unitaria, que actualmente se utiliza como tanatorio, crearase un espazo aberto cuberto que permita a xuntanza de xente, unha peza de volume e dimensións acordes ás do edificio adxacente. En canto ás instalacións relacionadas cos servizos, como o alumeado público, o tendido telefónico ou as liñas de baixa tensión serán conducidas de forma subterránea para minimizar a súa presenza e o impacto na contorna.

A iluminación urbana, así mesmo, resolverase empregando dúas pequenas luminarias de parede pero que ofrezan luz suficiente. Santa María do Campo é un punto de encontro para a veciñanza e un dos lugares nos que se materializan parte dos acontecementos máis relevantes da vida en común do Irixo, como as celebracións festivas, procesións e romarías.

A Consellería de Infraestruturas e Mobilidade vén de iniciar hoxe as obras de reparación da cuberta das dársenas da estación de autobuses do Carballiño. Os traballos, cun investimento autonómico de preto de 11.000 euros, contan cun prazo de execución de 1 mes. A intervención que se levará a cabo na estación de autobuses de Carballiño ten por obxecto a substitución dos máis de 250 m2 da zona central da cuberta de policarbonato das dársenas por unhas novas chapas, con cumbreira.

Os traballos inclúen tamén actuacións na zona do encontro da cuberta co edificio da estación, para evitar que se produzan filtracións de auga. Esta actuación responde ao compromiso da conselleira de Infraestruturas e Mobilidade, Ethel Vázquez, na última xuntanza mantida co alcalde do Carballiño, Francisco José Fumega. Na reunión, a conselleira avanzou a realización destas obras como paso previo á cesión do edificio da actual estación de buses ao Concello. Ademais, propúxolle ao Concello trasladar os servizos de autobuses ao carón da estación de ferrocarril coa fin de facilitar a intermodalidade.

Este proposta da Consellería de Infraestruturas e Mobilidade permitirá facilitar un intercambio áxil e seguro entre os distintos modos de transporte público, facendo posible atender a demanda do Concello de destinar a actual estación de autobuses a usos sociais.

Unha muller de 87 anos de idade  que estaba ingresada no CHUO convértese na quinta vítima do coronavirus na Residencia de Maiores San Antonio de Beariz, según ven de notificar a Consellería de Política Social neste domingo 13 de Decembro.

O primeiro falecemento no xeriátrico bearicense notificouse o pasado dia 6, unha muller de 95 anos. O dia 8 falecía outra usuaria que se encontraba hospitalizada, de 80 anos de idade. Ao dia seguinte, o pasado mércores dia 9, coñeciamos o falecemento doutras dúas persoas tamén usuarias desta Residencia de Maiores San Antonio de Beariz, un home de 86 anos e unha muller de 100 anos.

O foco de coronavirus neste xeriátrico declarouse o pasado dia 20 de Novembro, afectando a 33 usuarios e 8 traballadores. Tras os cinco falecementos  e as altas médicas xa rexistradas, o brote mantén 20 contaxios activos, 16 usuarios e 4 traballadores.

Os datos aportados por Sanidade nesta mañá de sábado dia 12 de Decembro sitúan a cifra de contaxios activos no Carballiño en 4 casos, o mellor dato dos últimos cinco meses en canto a datos diarios de casos activos de coronavirus. 

Beariz mantén 18 contaxios activos, e tras notificar Sanidade esta semana o falecemento de dúas persoas que foran diagnosticadas con Covid-19, un home de 86 anos e unha muller de 100 anos, ambas usuarias da Residencia de Maiores de Beariz. No resto dos concellos permanecen contaxios activos en Maside (2) e San Cristovo de Cea (1) E continúan libres de virus os municipios de Piñor, Punxín, O Irixo, Boborás e San Amaro.

O Grupo Municipal Socialista puxo en marcha atraves de un video nas Redes Sociais unha Campaña de apoio o pequeno comercio, hosteleria, autonomos e pemes para promover entre os ciudadans que nestas datas, nas que aumenta o consumo, as compras as fagan nas tendas, hosteleria e empresas do municipio.
Faixo o lema “Eu compro o 100% en Leiro” ten un obxetivo claro e non e outro que “defender tanto o comercio, hosteleria, autonomos, pemes”.

"Ainda que debemos mercar nos nosos establecementos todo o ano, nestas datas que facemos moitas compras on line, en grandes superficies, en franquicias, non debemos olvidar o mercado de toda a vida, o que nos coñecemos de pequenos, o que en moitos casos pasou de xeneración en xeneración, o que nos da unha calidade nos productos e na atención cercana que so ai en Leiro", remarcan.

O portavoz socialista Manuel Rodríguez pon en valor "que ademáis do trato e os productos que ofrece tanto o comercio como a hosteleria no noso concello, que son empresas que xeneran emprego, autonomos, emprendedores que con moito esforzo levantan as persianas dos seus negocios e fan que avance o noso Concello".

Subliñan que “é unha campaña moi modesta, pero que queremos desde o Grupo Municipal aporta o noso gran de area, de apoio a estos sectores do noso concello que o están pasando verdadeiramente mal debido a moitos factores, pero que este ano se recudece coa crise sanitaria que estamos a padecer en xeral, polo que desexamos que non solo teña un efecto para mellor esta campaña tan modesta nestas datas que senon que sirva para que teñamos conciencia de que ai que mercar e consumir no noso Concello todo o ano”

Cine e teatro no auditorio e un novidoso e sorprendente espectáculo circense, forman a proposta cultural para esta fin de semana no Carballiño.

"Reboiras, acción e corazón" a película galega que proxecta o Cine-Club

Será o venres 11 e o sábado 12, ás 20:00 horas no auditorio do Carballiño. Con esta producción dirixida por Alberte Mera, que está presente e participará nun coloquio na sesión do sábado, a entidade cineclubista celebra o 10 aniversario dende que a finais de 2010 retomou as proxeccións semanais.

"O Carballiño, á luz da lúa"

O sábado 12 ás 18:00 horas na Praza da Veracruz. Trátase dun espectáculo de circo no que se pon en valor diferentes técnicas circenses, entre as que domina a acrobacia. Eso sí, no canto de realizar as acrobacias en estructuras, lévanse a cabo con 80 globos de helio de 1,5 metros de diámetro cada un. O espectáculo, programado polo concello do Carballiño, está patrocinado polo Fondo de Proxectos Culturais Xacobeo 2021. Gratuíto.

"Mai, Mai", teatro infantil coa compañía Baobad Teatro

O domingo 13 ás 17:30 horas no auditorio do Carballiño. Unha representación teatrl para un público familiar e infantil recomendado a partir dos 5 anos en adiante. "Mai, Mai" é a historia do último Oso Panda do planeta e a súa loita por sobrevivir. Entrada: 3,5 euros.