O Tremor de terra foi advertido por algunhas persoas, según recolle o informe do Instituto Xeográfico Nacional, que rexistrou o seismo ás 20:53 horas deste pasado martes dia 24 de Novembro.

A magnitude deste pequeno terremoto foi de 2.8 e o epicentro na localidade de Portela de Riba, na parroquia de Coiras, esto é, no concello de Piñor.

Por medio do proxecto impulsado polo concello do Irixo para comercializar os productos ecolóxicos e artesáns elaborados no municipio xa poden adquirirse a través da tenda virtual que foi presentada polo alcalde Manuel Cerdeira e varios dos productores que participan desta inciativa.

Na páxina  "www.tendaoirixo.gal" poden encontarse esta oferta "con productos de calidade que se comercializan agora co distinto da marca O Irixo, un proxecto do que estamos moi contentos pola acollida recibida e que tamén queremos ampliar a outros productores da comarca", subliñou o rexedor municipal.

Ademáis, de forma expresa para a campaña de nadal, a tenda ofrece tres lotes navideños con distintos productos que terán un prezo, respectivamente, de 20, 35 e 50 euros. Os encargos serán enviados gratuítamente aos domicilios que pidan os clientes.

Sigue incrementándose o número de persoas afectadas polo brote de coronavirus declarado na Residencia de Maiores de Beariz, según os últimos datos de Sanidade xa xon 29 as persoas enfermas adscritas ao centro de saúde do concello bearicense.

Os contaxios activos permanecen se variacións no Carballiño (18) O Irixo (2) Maside (3) San Cristovo de Cea (3) Baixa en dous casos Piñor, que queda con 4, e un caso Boborás, que rexistra 3. E quedáse libre de virus o concello de Punxín, que se suma a San Amaro que xa tiña esta condición dende fai dias atrás.

O vicepresidente primeiro da Xunta, Alfonso Rueda, visitou hoxe as actuacións que se están a levar a cabo no mosteiro de Oseira para rehabilitar o antigo albergue, garantir a accesibilidade e construír novas dependencias para os peregrinos que percorren a ruta da Vía da Prata.
Os traballos enmárcanse no Plan de Albergues 2019-2021, dotado con 7 millóns de euros, co que se busca reforzar de cara ao Xacobeo 2021 a rede pública de albergues, que na actualidade conta con 70 establecementos. Ademais, neste caso, representa un exemplo da aposta da Xunta pola rehabilitación de edificios con valor histórico e patrimonial, que encaixa cos valores de sustentabilidade do Camiño de Santiago.

Os traballos inclúen a rehabilitación do antigo albergue con melloras na planta baixa e primeira planta nas zonas de vestíbulo ou aseos, xunto coa construción dun novo albergue de 40 prazas nun espazo do mosteiro en desuso que contará ademais con zona común, aseos, baño adaptado para persoas con discapacidade e cociña.Trátase, por tanto, dunhas instalacións accesibles co obxectivo de ofrecer un Camiño para todos, e nas que tamén se implantarán medidas de aforro enerxético. As dúas dependencias destinadas a peregrinos estarán plenamente integradas e conectadas entre si. Alfonso Rueda destacou que era preciso contar cun albergue “nun lugar tan emblemático e de parada obrigada” para os peregrinos que realizan esta ruta.

O Goberno galego continúa, pese ás restricións sanitarias, a ter todo a punto e nas mellores condicións para ofrecer a mellor imaxe de Galicia no Xacobeo 2021 coa mellora da sinalización das rutas xacobeas e co reforzo da rede pública de albergues a través dun Plan que inclúe a creación de novos locais, así como accións de mantemento, reforma ou ampliación dos xa existentes. O vicepresidente primeiro da Xunta incidiu en que con estas melloras preténdese “dotar de máis albergues e prazas á rede pública para acoller aos peregrinos que teñan previsto facer o Camiño”, aos que lembrou que “contarán con tódalas garantías con rutas seguras” nas que se levan a cabo tódalas medidas hixiénico-sanitarias fronte á covid-19 establecidas polo Instituto para a Calidade Turística (ICTE).

Comeza este lúns 23 de Novembro a vista oral no Xulgado Nº 2 de Ourense que se prolongará durante once dias no xuízo aos exalcaldes do concello do Carballiño Pachi Vázquez e Carlos Montes, e a outros tres exconcelleiros socialistas que no seu dia tiveron responsabilidades na contratación de persoal, de todos eles tan só Pachi Vazquez continúa na vida politica activa, agora como concelleiro de Espazo Comun, a formación política que promoveu tras abandonar o PSOE.

Todos eles enfróntanse a unha petición de penas de inhabilitación especial para emprego e cargo público que oscilan entre os 10 anos e os 8 anos e 9 meses, a fiscalía acusaos de cometer un delito de prevaricación continuada nun total de 60 contratos de traballadores no concello carballiñés, entre 1999 e 2011. A acusación entende que os traballadores conseguiron os seus postos no concello do Carballiño sen que se tivesen en conta requisitos básicos para a contratación pública, como a publicidade nos procedementos, para que todas as persoas poidesen acceder aos postos de traballos dacorde aos principios de mérito e de capacidade. Os acusados consideran que sí se respectaron os principios constitucionais nos diversos procedementos.

Ademáis dos cinco responsables municipais aos que se xulga, ante a Xuíza do Xulgado do Penal nº 2 tamén deberán declaran 70 testigos.

O brote de Covid-19 declarado na Residencia de Maiores de Beariz convérte a este concello no de máis número de contaxios activos na comarca, superando a O Carballiño que se mantén con 18 casos. Nos datos de hoxe domingo o concello de Beariz rexistra 20 persoas con infección activa, son dúas máis que onte, pero o brote que afecta a residencia de maiores da localidade é aínda maior, toda vez que varias traballadoras do xeriátrico están adscritas a outros centros de saúde e polo tanto non entran dentro das 20 persoas que Sanidade notifica como atribuídas ao centro de saúde bearicense.

Nos demáis concellos non se rexistran variacións, polo que se manteñen os mesmos contaxios activos de onte: Piñor (6) Boborás (4) Maside (4) San Cristovo de Cea (3) O Irixo (2) Punxín (1) San Amaro (0)

O Concello de Maside leva a traballar na promoción da igualdade de xénero e contra as violencias machistas dende fai anos. Dende o grupo de goberno considérase imprescindible o traballo neste eido de maneira trasversal en tódolas áreas que abarca o traballo municipal, é por elo que quere darlle visibilidade a ese traballo agora que se acerca o Día Internacional Contra a Violencia de Xénero (25N), para que toda a poboación se faga eco da labor desenvolta ata o de agora.

O Concello de Maside comezará a semana estreando un novo sistema de alumeado led na fachada do edificio consistorial que permite que o edificio do concello adquira unha cor morada para conmemorar o 25N. O luns día 23 de novembro o Concello de Maside organiza “Entre Mulleres Anda o Xogo”, para nenos e nenas de Educación Infantil e Educación Primaria do CPI Terras de Maside onde se traballarán os valores da Igualdade e a Non Violencia contra as Mulleres. O Concello de Maside ven de por en marcha unha campaña de promoción da Igualdade e Contra a Violencia de Xénero: Maside Libre de Violencias Machistas en colaboración cos distintos negocios, comercios, do municipio.

Elaborouse un logo que pretende ser a imaxe de Maside na loita contra a Violencia Machista. Este logo foi impreso en pegatinas que se entregarán ó longo dos vindeiros días a tódolos negocios do municipio para que estes a luzan nos escaparates. Así tamén se elaboraron bolsas co mesmo logotipo para entregar a tódolos comercios e que as repartan entre a súa clientela, estas tamén estarán a disposición de calquera cidadán interesado nas oficinas dos Servizos Sociais a onde poderán dirixirse para solicitar a súa. Outra das actuacións emprendidas foi a edición dun video promocional coa colaboración das mulleres do municipio, onde as protagonistas son veciñas do concello. Elas son as que ante situacións de maltrato, violencia contra as mulleres ou cativos levantan a súa voz #EuTamenDouACara. Este esperamos sexa o primeiro dunha serie de spots que promocionen a Igualdade e a Non Violencia contra as Mulleres onde os protagonistas sexan os nosos veciños/as, onde eles se sintan participes das actuacións que neste eido se poñen en marcha. Todas estas actuacións contan coa colaboración da Secretaría Xeral da Igualdade en desenvolvemento do Pacto de Estado Contra a Violencia de Xénero.