A nevarada caída este venres dia 4 de Decembro provocou numerosas incidencias nas zonas de media e alta montaña en varios concellos, sendo os de Avión, Beariz e Boborás os máis afectados, e en menor medida nos concellos do Irixo, Piñor e San Cristovo de Cea. Nalgunhos puntos nas zonas máis altas de Boborás -na parroquia do Regueiro- chegaron a acumularse 8 cm. de neve, mentres que nalgunhas localidades de Avión o espesor da neve chegou ata os 12 cm.

A zona con maiores incidencias foi o concello de Avión, onde os efectivos do Grupo Supramunicipal de Emerxencias (Ambas fotos corresponden aos traballos que realizaron) tiveron que multiplicarse para deixar transitables as estradas do municipio, aínda que varias localidades quedaron incomunicadas por estrada, entre elas A Hedreira, Camposancos e Cortegazas. Dende o concello de Avión recomendan aos veciños evitar desprazamentos se non son urxentes.

No transcurso da tarde foron varias as saídas de vehículos, como os que se rexistraron na rede viaria dos concellos do Irixo e Boboras. En Beariz, na estrada N-541 un vehículo colidíu cunha máquina quitaneves, cunha persoa ferida -a conductora do vehículo- que precisou de asistencia sanitaria. Árbores e ramas caídas sobre na estradas motivaron numerosas incidencias para o tráfico, ata que foron retiradas polos equipos de emerxencias e de mantemento de estradas. Os cortes de suministro eléctrico tamén foron unha constante no transcurso da xornada, aínda que a primeira hora da noite a situación parece normalizada.

Voluntarios dos dous colectivos, da Asociación Camiño Miñoto Ribeiro e a Plataforma Berán no Camiño, están levando a cabo traballos de limpeza e desbroce no tramo Beade-Berán-Lebosende do "Camiño da Geira-Arrieiro", unha via de peregrinaxe xacobea recoñecida "por resolución do Arcebispado de Compostela dende Marzo de 2019, recordan dende ambos colectivos, que manteñen diverxencias coa asociación impulsada polos concellos que promoven esta mesma ruta, xa que no trazado "oficial" deixaron fora este tramo que atravesa a parroquia de Berán, e que propiciou precisamente a creación da plataforma "Berán no Camiño", que conta co apoio da asociación creada fai anos para reivindicar esta ruta xacobea que partindo dende a cidade portuguesa de Braga percorre as comarcas do Ribeiro e O Carballiño en dirección a  Terra de Montes.

Ademáis, están a ultimar o proxecto de sinalización deste mesmo tramo Beade-Berán-Lebosende, e anuncian que están a traballar nun programa de actividade cara  o Ano Xacobeo 2021 "ademáis de seguir investigando no denso patrimonio histórico-artístico deste itinenarario do camiño da Geira-Arrieiro".

O alcalde do Carballliño avanza un 2021 que será o máis inversor dos últimos anos "van investirse case catro millóns de euros en obras, imos darlle unha volta tanto o rural como a vila,  O Carballiño non o vai coñecer nin quen o inventou", remarcou , no transcurso dunha intervención en COPE O Carballiño. Aclarou, ademáis, que serán sufragadas con fondos municipais "se ben é certo que solicitarémos axudas á Xunta para completar a financiación, pero en todo caso están aseguradas igualmente", dixo.

Fumega tamén avanzou que as inversións repartiránse a partes iguais entre a zona urbana e o rural "investirémos 140.000 euros en cada unha das parroquias" e entre as actuacións que se levarán a cabo no ámbito urbano citou a obra de reforma integral da rúa Ourense "que sobrepasa o medio millón de euros, e incluirá redes de saneamento e abastecemento, beirarrúas, iluminación, rotonda e pavimentación, será unha das obras que se executarán o ano que ven", asegurou.

Investigacións xudiciais

O rexedor municipal manifestou que non está seguindo o xuizo que se está celebrando estes dias aos exalcaldes Pachi Vazquez e Carlos Montes, xulgados por presunta prevaricación continuada na contratación de traballadores municipais no concello do Carballiño entre 1999 e 2011, Fumega confesou que "estiven máis centrado na acusación que me fixeron a min por non derrubar un ático nun edificio da rúa Principal, o que fixen foi e será cumplir a legalidade urbanística, pasaréi á historia por ser o alcalde que derrubou un ático que leva 20 anos en situación irregular", subliñou.

Reapertura de parques infantís

Fumega anunciou nesta intervención radiofónica en COPE O Carballiño a reapertura dos parques infantís "de inmediato, estamos evaluando a apertura dos parques da Veracruz, Catro Camiños e o da Alameda, aínda que precintarémos o tobogán porque non temos medios para poder desinfectar". O alcalde eloxiou a lección dos cativos carballiñeses durante a pandemia "están tendo un comportamento exemplar, vou escribirlle aos Reis Magos para pedirlle algo especial para eles", destacou.

O presidente do Goberno galego, Alberto Núñez Feijóo, abordou hoxe coa alcaldesa de Boborás, Patricia Torres, a colaboración da Xunta na construción dun novo centro de saúde. Feijóo comprometeuse a trasladar á Consellería de Sanidade a posibilidade de encargar a redacción do proxecto construtivo en canto o Concello poña a disposición os terreos para a súa construción e cando as necesidades asistenciais así o confirmen. De levarse a cabo este proxecto, o edificio que ocupa o actual centro de saúde destinaríase a un espazo de coworking.

Así mesmo, na reunión abordaron a execución de diversas reformas no CEIP Nosa Señora de Xuvencos e, no eido das instalacións deportivas, Feijóo incidiu na inclusión no cadro de investimentos do proxecto para a construción da piscina pública no núcleo de Boborás. A Xunta aportará o 45% do investimento, mentres que a Deputación de Ourense financiará outro 45% e o Concello o 10% restante. Durante a xuntanza, o titular do Executivo galego destacou a colaboración entre ambas administracións, coa entrega de material -máscaras, xel hidroalcólico, luvas, batas, traxes, desinfectantes e pantallas faciais- para a loita contra a covid por parte da Xunta.