A Xunta de Galicia, a través de Turismo de Galicia, da Vicepresidencia primeira, ven de informar favorablemente a concesión da categoría de interese turístico internacional para a Festa do Polbo do Carballiño, segundo a orde ITC/85/2019, do 25 de xullo, pola que se regula a declaración de festas de interese turístico nacional e internacional.

Así, e de acordo con esta normativa, o departamento do Goberno galego remitiulle hoxe á Secretaria de Estado de Turismo, do Ministerio de Industria, Comercio e Turismo o expediente administrativo co informe favorable da Xunta para a declaración desta festa co distintivo de interese internacional, xa que de acordo coa documentación presentada pola entidade promotora, neste caso o Concello do Carballiño, cúmprense os requisitos preceptivos para a concesión.

Segundo a antedita disposición administrativa do Goberno Central, para que unha festa poida optar á declaración de interese turístico internacional, debe contar previamente coa declaración de festa de interese autonómico e logo nacional, categoría esta última da que goza desde o ano 2012.

Arraigo e tradición
Na súa avaliación, Turismo de Galicia tivo en conta, entre outros factores o arraigo na sociedade e a tradición da Festa do Polbo, así como a capacidade organizativa e a posibilidades en materia de aloxamento para os visitantes. Ademais, a Xunta valorou o apartado de promoción e difusión da festa no ámbito dos medios de comunicación internacionais e a promoción a través dos propios medios dixitais, tales como as contas en redes sociais e a páxina web.

Na actualidade, a Festa do polbo do Carballiño é unha das celebracións que máis visitantes congrega no verán e das que máis sona ten no ámbito gastronómico. A orixe desta festa remóntase á antiga tradición gastronómica relacionada co polbo na comarca do Carballiño que se puxo en valor coa iniciativa dun grupo de veciños nunha romaría que comezou a celebrarse tradicionalmente no Parque municipal da vila ourensá.

Esta exaltación do polbo no Carballiño vense producindo cada segundo domingo de agosto desde a década dos anos 60 do século pasado, coa participación de milleiros de persoas que comparten degustacións e xantares populares.

O grupo municipal do BNG do Carballiño defenderá no vindeiro pleno municipal unha moción para activar de inmediato as consultas presenciais en Atención Primaria para dar resposta ás demandas derivadas da covid-19 e do resto das patoloxías e para rematar coas listas de espera neste nivel asistencial, co persoal e as medidas necesarias para a prevención de contaxios, para garantirlle unha atención sanitaria digna á poboación.

A decisión que tomou o Sergas ante a situación de pandemia foi que a atención sanitaria se centrara preferentemente na consulta telefónica, isto está ocasionando moitas dificultadas tanto os e as profesionais para poder prestar a asistencia sanitaria como no acceso da poboación á mesma.
As consecuencias son desastrosas, escasísimos profesionais, que están ao límite, cun esgotamento físico e mental insoportábel, listas de espera de semanas, incluso para unha consulta telefónica, doentes crónicos descompensados (persoas hipertensas, diabéticas, con cardiopatías, problemas renais, controis de saúde de pediatría con moitas demoras) persoas facendo cola á intemperie para acceder ao noso centro de saúde.

A voceira do BNG no Carballiño, Sofía García, ademáis de demandar a reactivación das consultas médicas, demandará instar á Xunta de Galiza aumentar nos centros de saúde co número de profesionais que sexa preciso para permitir aumentar o tempo e a calidade da atención asistencial así como incorporar as categorías profesionais imprescindíbeis para formar equipos multidisciplinares e prestar unha atención integral. Aumentar os orzamentos destinados a Atención Primaria até chegar ao 25%. E publicar de inmediato a situación das listas de espera hospitalarias e poñer en marcha un plan de choque para reducilas.

Para a o BNG a resposta á situación de pandemia non pode estar baseada en incrementar as restricións de acceso á asistencia ao sistema público, porque supón un claro risco para a saúde da poboación. “Esta situación pode levarnos a un problema de saúde colectiva, de cronificación de patoloxías, de atención tardía...”

A voceira nacionalista conclúe que “é preciso desconfinar a sanidade pública e reactivar a atención presencial con máis persoal, máis información e máis accesibilidade. É preciso dar resposta ás demandas de atención pola COVID 19, mais tamén ao resto das patoloxías.”

O Partido Popular fai un relato cronolóxico e recorda que "dende principios de outubro do presente ano, ante o avance de casos de COVID-19 no Concello do Carballiño, o noso municipio está a padecer unhas restricións en sectores prioritarios da nosa sociedade que están sendo asumidos estritamente por tódolos negocios afectados e pola poboación en xeral".

Afirman que "a día de hoxe vemos como aos Concellos do Carballiño xunto cos Concellos de Boborás e O Irixo, se lles decreta maiores restricións, podendo dicirse que son en conxunto os tres Concellos con maiores medidas restritivas para facer fronte ao COVID-19 do conxunto de toda España.
Somos e temos que ser respectuosos e cumpridores nas medidas que se indican como necesarias para frear o avance de contaxios no noso pobo e de feito estámolo sendo, pois somos sabedores que se toman por un comité composto `por profesionais que detectan puntos críticos e poñen medidas en función de parámetros concretos".

Os populares manifestan "que como Concello esteamos pendentes da situación económico-social que este xera no noso pobo principalmente aos sectores máis afectados como pode ser a hostalaría, restauración, hoteis e comercio e non debemos deixar de ser reivindicativos para trasladar a nosa preocupación e que esta se transforme en medidas concretas de apoio económico para que as restricións que se plantexan urxentes e prioritarias non sexan xeradoras de situacións económicas irreversibles en moitos negocios".

Finalmente, e tras esta exposición de motivos, completan a súa moción que agardan tratar no próximo pleno que celebre a corporación municipal "baixo a premisa de cumprimento de normas impostas por emerxencia sanitaria debemos de solicitar medidas económicas que acompañen aos nosos sectores afectados", e propoñen os seguintes acordos:

PRIMEIRO: Que o Concello do Carballiño, solicite á Xunta de Galicia medidas de acompañamento económico en apoio aos sectores máis afectados polas derradeiras medidas de restricións motivadas pola Pandemia do COVID-19 no Carballiño.

SEGUNDO: Que o Concello do Carballiño envíe copia deste acordo aos Concellos do Irixo e Boborás

As declaracións do conselleiro de Sanidade Julio García Comesaña na súa comparecencia informativa deste mércores e recollidas por diversos medios de ámbito galego, que apuntaban a positivos en coronavirus tomando café nunha cafetería do Carballiño, provocaron unha avalancha de comentarios no wasap de COPE O Carballiño, a maioria deles expresando estupor ou indignación polo relato feito polo conselleiro.

Tanto o alcalde do Carballiño Franscisco Fumega como o xefe da Policia Local, Francisco Valeiras, manifestaron a súa sorpresa, asegurando que descoñecían este feito ou a existencia de algunha denuncia sobre os feitos comentandos publicamente polo conselleiro.

O titular de Sanidade de maneira literal dixo "concretamente onte, falando con algún dos concellos da comarca do Carballiño nos relataban casos positivos tomando café nunha cafetería onte mesmo", tras comentar que o importante das medidas restrictivas era o seu cumprimento e que lle constaba que os concellos estaban facendo o posible para que se cumpran.

En realidade, e según pudo saber COPE O Carballiño, o episodio relatado polo conselleiro non aconteceu no Carballiño, senón no cocnello de Boborás, protagonizado por un veciño do Carballiño que se desprazou ata un bar sito nunha localidade de Boborás. Foi denunciado ante a Policia Autonómica, que prodeceu a súa identificación.

O alcalde Fancisco Fumega calificou de "grave" a situación epidemiolóxica do Carballiño e neste contexto afirmou que comparte e apoia todas as medidas que se están adoptando por parte da Xunta de Galicia "as cifras continúan sendo moi preocupantes, e os contaxios están dándose nas familias e grupos de amigos, toca facer piña e coa unidade de todos sairémos desta", proclamou o alcalde nunha intervención en COPE O Carballiño.

Fumega engadíu que será preciso acompañar as medidas restrictivas con outras de carácter económico "por eso vou pedirlle a Xunta que teña en conta esto, son necesarias medidas de apoio porque non parece que a solución vaia ser rápida". O rexedor municipal tamén anunciou que por parte do concello "estamos traballando para sacar unha segunda liña de axudas, mañá abrimos o prazo para que os beneficiarios das primeiras axudas aporten a documentación e poidan cobrar, axilizarémos o máximo o pago, pero estas axudas deben complementarse coas que debe dar a Xunta", subliñou, e destinadas todas elas a axudar aos sectores máis castigados pola crise sanitaria, hostelería e comercio, pequenas empresas e autónomos do Carballiño.

O Partido Popular mostra preocupación

O grupo municipal do PP no concello carballiñés mostrou esta mañá a súa preocupación "ante o retraso das axudas a autónomos e pequenas empresas comprometidas para este ano", aseguran que deberían estar aprobadas antes do 15 de Novembro "e a dia de hoxe ajínda non se abr´jiu o prazo para presentar a documentación". Ademáis, os populares instan ao grupo de goberno socialista a que "recapacite e dea marcha atrás na suba de taxas e impostos aprobada co voto en contra da oposición no último pleno"

Os concellos do Carballiño, Boborás e O Irixo pasarán a ter dende as 00:00 horas deste xoves 22 de Outubro as medidas máis restrictivas de toda España. O comité de expertos que asesora á Xunta de Galicia entende que a situación é grave, xa que as restricións implantadas ata agora non deron o resultado esperado, ao contabilizarse 236 novos contaxios nos últimos 14 dias e deles 109 na última semana.

O sector máis afectado polo endurecemento das medidas restrictivas volve ser o da hostelería, co peche total de bares e cafeterias, tan so poderán seguir abertos aqueles restaurantes que habiliten un servizo de recollida da comida no propio establecemento ou para levar a domicilio.

Desta vez, si poden continuar abertos os establecementos comerciais, coas limitacións de aforo xa en vigor. En canto as actividades consideradas non esenciais e que polo tanto deberán pechar, están as bibliotecas, auditorios, ximnasios, piscinas, salas de xogo e apostas, ocio infantil e parques (xa estaban) e recintos deportivos.

O chamado "comité de expertos" da Xunta de Galicia entende que "é preciso reforzar as medidas de prevención co obxecto de evitar a propagación do virus nestes municipios" e comunica que por elo decidíu restrinxir todas as actividades consideradas non esenciais nos concellos do Carballiño, O Irixo e Boborás dende as 00:00 horas do xoves dia 22 de Outubro.

Asimesmo, continuará en vigor a restrición de mobilidade perimetral nos tres citados concellos, asi como a limitación de xuntanzas entre grupos de persoas conviventes.

No resto dos concellos da comarca mantense a situación actuál de nivel 2 de alerta, non hai cámbeos.