O alcalde Fancisco Fumega calificou de "grave" a situación epidemiolóxica do Carballiño e neste contexto afirmou que comparte e apoia todas as medidas que se están adoptando por parte da Xunta de Galicia "as cifras continúan sendo moi preocupantes, e os contaxios están dándose nas familias e grupos de amigos, toca facer piña e coa unidade de todos sairémos desta", proclamou o alcalde nunha intervención en COPE O Carballiño.

Fumega engadíu que será preciso acompañar as medidas restrictivas con outras de carácter económico "por eso vou pedirlle a Xunta que teña en conta esto, son necesarias medidas de apoio porque non parece que a solución vaia ser rápida". O rexedor municipal tamén anunciou que por parte do concello "estamos traballando para sacar unha segunda liña de axudas, mañá abrimos o prazo para que os beneficiarios das primeiras axudas aporten a documentación e poidan cobrar, axilizarémos o máximo o pago, pero estas axudas deben complementarse coas que debe dar a Xunta", subliñou, e destinadas todas elas a axudar aos sectores máis castigados pola crise sanitaria, hostelería e comercio, pequenas empresas e autónomos do Carballiño.

O Partido Popular mostra preocupación

O grupo municipal do PP no concello carballiñés mostrou esta mañá a súa preocupación "ante o retraso das axudas a autónomos e pequenas empresas comprometidas para este ano", aseguran que deberían estar aprobadas antes do 15 de Novembro "e a dia de hoxe ajínda non se abr´jiu o prazo para presentar a documentación". Ademáis, os populares instan ao grupo de goberno socialista a que "recapacite e dea marcha atrás na suba de taxas e impostos aprobada co voto en contra da oposición no último pleno"

Os concellos do Carballiño, Boborás e O Irixo pasarán a ter dende as 00:00 horas deste xoves 22 de Outubro as medidas máis restrictivas de toda España. O comité de expertos que asesora á Xunta de Galicia entende que a situación é grave, xa que as restricións implantadas ata agora non deron o resultado esperado, ao contabilizarse 236 novos contaxios nos últimos 14 dias e deles 109 na última semana.

O sector máis afectado polo endurecemento das medidas restrictivas volve ser o da hostelería, co peche total de bares e cafeterias, tan so poderán seguir abertos aqueles restaurantes que habiliten un servizo de recollida da comida no propio establecemento ou para levar a domicilio.

Desta vez, si poden continuar abertos os establecementos comerciais, coas limitacións de aforo xa en vigor. En canto as actividades consideradas non esenciais e que polo tanto deberán pechar, están as bibliotecas, auditorios, ximnasios, piscinas, salas de xogo e apostas, ocio infantil e parques (xa estaban) e recintos deportivos.

O chamado "comité de expertos" da Xunta de Galicia entende que "é preciso reforzar as medidas de prevención co obxecto de evitar a propagación do virus nestes municipios" e comunica que por elo decidíu restrinxir todas as actividades consideradas non esenciais nos concellos do Carballiño, O Irixo e Boborás dende as 00:00 horas do xoves dia 22 de Outubro.

Asimesmo, continuará en vigor a restrición de mobilidade perimetral nos tres citados concellos, asi como a limitación de xuntanzas entre grupos de persoas conviventes.

No resto dos concellos da comarca mantense a situación actuál de nivel 2 de alerta, non hai cámbeos.

A  situación epidemiolóxica polo Covid-19 experimentou unha boa evolución na última semana no concello de Avión, que según os datos notificados hoxe por Sanidade ten 3 contaxios activos, rexistrando un importante descenso en relación tras chegar a acumular 10 casos semanas atrás.

Non acontece o mesmo en Leiro, que rexistra 11 contaxios activos, a cifra maís alta dende que se declarou a pandemia, o doble de casos que tiña o pasado dia 10. Neste concello, os socialistas presentaron un escrito no rexistro municipal do concello de Leiro no que piden ao alcalde que convoque con carácter de urxencia a xunta de portavoces "ante as informacións, o alarmismo e preocupación pola crise sanitaria no noso termo municipal". Demandan información do rexedor municipal  "para evitar rumores e se cabe adoptar  algunha medida neste sentido".

A comarca do Carballiño continúa incrementando o número de contaxios activos, según os datos deste martes 20 de Outubro, son xa 248.

Continúa sendo moi preocupante a evolución epidemiolóxica do Carballiño, que rexistra un aumento e 13 contaxios activos e alcanza os 188. Tamén preocupa Boborás, que notifica 3 casos máis ca onte e chega aos 30 contaxios activos no dia de hoxe.

No resto dos concellos a pandemia parece estar moito máis controlada, aínda que son siñificativos os casos de O Irixo (10) e Beariz (7). Maside ten un caso máis ca onte, e rexistra 4,e permacen inalterables os datos de San Cristovo de Cea (6) Piñor (1) Punxín (1) e San Amaro (1)

O Instituto Xeográfico Nacional rexistrou este lúns dia 19 de Outubro, ás 22:18 horas, un terremoto con epicentro no municipio de Maside, que alcanzou unha magnitude de 3.0 na escala de Richter, e dunha profundidade dun kilómetro.

O tremor de terra foi perceptible por parte de numerosos veciños, tanto no concello de Maside, como nos concellos limítrofes, sobre todo Punxín e San Amaro, e mesmo no casco urbano do Carballiño, onde ademáis varias persoas manifestaron a esta emisora de radio "ter escoitado un ruído como se fose unha explosión", ademáis de advertir o tremor nos seus domicilios.

Axentes da Policía Autonómica levaron a cabo durante esta fin de semana 36 dispositivos na provincia de Ourense no marco do plan de actuacións específicas destinadas á prevención, inspección e control do cumprimento das medidas adoptadas polas autoridades competentes pola covid-19. Ao abeiro destes controis, os axentes realizaron 63 inspeccións en 4 concellos da provincia na pasada fin de semana, nos que se identificaron a 476 persoas e se tramitaron 8 denuncias.

En base a este Plan, a Policía Autonómica destinou efectivos entre o 16 ao 18 de outubro a controlar que se están a cumprir as medidas vixentes para frear a expansión do virus. Leváronse a cabo 36 dispositivos nos municipios de Ourense, Boborás, O Carballiño e Verín. Estes dispositivos enmarcase no seo da colaboración entre as forzas e corpos de seguridade do Estado, cada unha no marco das súas competencias, tamén realizaron operativos a Garda Civil, sobre todos no concello de Boborás, e a Policia Local do Carballiño, neste municipio.

Durante os operativos, os axentes controlaron que nos establecementos abertos ao público, terrazas e espectáculos públicos se estaban a cumprir as medidas aprobadas polas autoridades sanitarias para facer fronte á covid-19, como o uso obrigatorio de máscara, o cumprimento da distancia de seguridade, así como o aforo e o horario de peche dos locais e a prevención do botellón.