A Deputación de Ourense colaborará cos empresarios da área industrial da Uceira, no Carballiño, para potenciar o asociacionismo e facilitar a prestación de servizos ás firmas instaladas no parque empresarial.

O presidente da Deputación, Luis Menor, comprometeu esta cooperación no transcurso do encontro de traballo que mantivo no Pazo Provincial coa directiva da Asociación de Empresarios da Área Industrial do Carballiño, encabezada polo seu presidente, Manuel Carballeda, que estivo acompañado por Daniel Atanes, membro da xunta directiva.

Os representantes da asociación explicaron a Luis Menor a realidade dun parque empresarial que acolle na actualidade a 57 empresas, con 1.400 traballadores e unha facturación do entorno dos 300 millóns de euros anuais.

Na entrevista tamén se expuxeron as necesidades que teñen os empresarios instalados neste espazo, tanto en cuestións que son competencia doutras administracións como aspectos nos que pode colaborar a Deputación.

Luis Menor lembrou que o pulo ao desenvolvemento das áreas industriais na provincia forma parte dos compromisos adquiridos no seu discurso de investidura como presidente provincial, "estratexia que encaixa perfectamente cun dos polos de emprego máis importantes da provincia".

O fomento do asociacionismo, engadiu, tamén redundará "na prestación de máis e mellores servizos aos empresarios da Uceira, fortalecendo este pulmón industrial que xera riqueza, emprego e mantén poboación na comarca".

Na Tertulia deste venres 11 de outubro contamos coa participación nos estudios de COPE O Carballiño de José Antono Barge, Manuel Noguiera, Fátima Gómez e Sebas Lamazares, moderados por Xan Pinal.

Como en cada tertulia tamén achegaron o seu punto de vista numerosos oíntes, sobre os asuntos que foron obxeto de debate.

Aquí podes escoitala íntegra, no PODCAST de COPE O Carballiño:

O concello de San Cristovo de Cea presentará unha demanda contra Naturgy-Unión Fenosa Distribución por ter a Cea 27 horas sen subministro eléctrico, tras unha incidencia desde as 10 horas deste pasado mércores dia 9 que non se resolveu ata primeira hora da tarde de hoxe xoves.

Asi a anunciaba nunha interveción o alcalde José Luis Valladares nunha intervención radiofónica en COPE O Carballiño, na que ademáis invitaba a todos os veciños perxudicados, especialmente a empresas e comerciantes, a sumarse a esta acción xudicial promovida pola institución munipal.

Escóitao aquí:

O secretario xeral da Emigración, Antonio Rodríguez Miranda, visitou aos participantes do programa Reencontros con Galicia na residencia de tempo libre do Carballiño. Miranda estivo acompañado polo delegado territorial da Xunta en Ourense, Manuel Pardo, para coñecer de primeira man as experiencias dos 94 galegos que recibíu a residencia carballiñesa.

Os beneficiarios deste programa, no que colabora a Consellería de Política Social e Igualdade, teñen unha media de idade de 78 anos e proceden da Arxentina, do Brasil, do Uruguai, de Venezuela e de Cuba. Entre eles destaca a persoa de maior idade, de 96 anos, que chegou desde O Uruguai para participar no reencontro coa súa terra de orixe, e a máis nova, que conta con 66 anos e procede da Arxentina.

Ademais, é significativo que unha decena de persoas non volveran a Galicia desde que emigraran, e algunhas levaban máis de 70 anos sen pisar a súa terra natal. Miranda puxo en valor a importancia deste programa, que busca non só facilitar o reencontro familiar, senón tamén permitir que os participantes coñezan a Galicia actual e o seu patrimonio cultural e natural.

Durante a visita, destacou a emoción que viven moitos dos participantes, especialmente aqueles que regresan despois de tantas décadas. O secretario xeral reafirmou o compromiso da Xunta de Galicia de seguir apoiando iniciativas que, como Reencontros con Galicia, manteñen vivos os vínculos entre os galegos do exterior e a súa terra. “Para a Xunta é unha prioridade facilitar estes reencontros, que permiten que os nosos maiores revivan as súas raíces e manteñan unha conexión emocional coa Galicia que deixaron atrás, pero que nunca esqueceron”, sinalou Miranda.

O Carballiño estivo presente na edición 2024 deste prestixioso foro gastrómico de nivel mundial, que se ven celebrando esta semana e que acolleu este pasado martes dia 8 a presenza do pulpeiro Cësar Álvarez, de restaurante Fuchela.

O carballliñés foi un dos participantes no "Foro de Tabernas e Taberneiros-el producto como emblema" no que falou da tradición pulpeira do Carballiño, achegou a súa experiencia profesional, e compartiu mesa redonda con  Francisco Martín de Bar FM de Granada, Carlos Castelló de Piripi de Alicante e Miguel Ángel Jimenez de La Catapa de Madrid.

Son numerosas as incidencias que nas útlimas horase están rexistrandose no suministro eléctrico nas comarcas do Carballiño e O Ribeiro.

En moitas localidades son varias horas sen servizo desde a noitiña deste martes, e poderían continuar tamén nas próximas horas coincidindo coa chegada dos efectos da borrasca KIRK, previstos para a madrugada e primeiras horas da mañá deste mércores dia 9 de outubro.

Nestas circustancias de adversidade meteorolóxica e no caso de que as incidencias na rede eléctrica afecten ao centro emisor da FM de COPE O Carballiño, recordamos a toda a audiencia que toda a nosa programación, incluída a emisión local poderá seguirse por Streaming a través da Internet, e nesta mesma páxina WEB.

Espazo Común insiste en considerar que a alianza entre PSOE e PP no concello do Carballiño é un caso de transfuguismo polo que “o alcalde tería que pasar ao grupo mixto”, algo que “non é un tema menor para a organización do concello”, subliñou Pachi Vázquez nunha comparecencia esta mañá convocada para facer balance dos cen primeiros días de goberno municpal no concello carballiñés, tralo pacto entre socialistas e populares.

Un goberno “que é un fracaso total, o goberno das fotos, as sillas e as zancadillas no que cada un intenta matar ao outro”, ironizou Pachi Vázquez para definir ao actúal grupo de goberno integrado por PSOE e PP.

O líder de Espazo Común e concelleiro tamén avanzou que o seu grupo presentará no rexistro municipal a solicitude de convocatoria dun pleno extraordinario da corporación para celebrar o debate sobre o estado do municipio “para debatir sobre o estado real do Carballiño e falar das cousas importantes”, dixo.

Escóitao aquí, no PODCCAST de COPE O Carballiño:

O alcalde de San Amaro, Fernando Redondo, e actúal presidente da Mancomunidade de Concellos do Carballiño aproveitou hoxe a súa intervención en COPE O Carballiño para lanzar unha chamada de socorro aos alcaldes da comarca para salvar a entidade comarcal.

Redondo defende a continuidade da Mancomunidade porque "se os concellos se involucran nun proxecto común sería viable e sería beneficioso para todos", pola contra na situación actúal e con so catro concellos mancomunados a súa viabilidade corre serio perigo.

Neste contexto, e tras reunirse dias atrás co presidente da Deputación Luis Menor, iniciou contactos cos responsables municipais do Carballiño, en concreto co alcalde Fumega, para buscar vias de colaboración co concello que obstenta a capitalidade comarcal xa que "sen o seu compromiso a Mancomunidade ten dificil poder seguir", dixo Redondo.

Escóitao aquí:

O proxecto ATLAS PALACIOS 2024-2026, a herencia gastronómica dos mosteiros, a biografía de Bernardo Pereira Valeiras Arrieiro da Raíña e tres ponencias sobre a viticultura no Ribeiro, conforman algún dos temas que serán expostos este domingo na última xornada do congreso do Centro de Estudios Chamoso Lamas, que se desenvolverá pola mañá en Cabanelas e pola tarde na Adega Pazo Tizón.

O colectivo investigador carballiñés porá un microbús a disposición das persoas interesadas en acudir a esta xornada de peche. Así, un sairá ás 10 da mañá da rúa Evaristo Vaamonde cara a Cabanelas, con regreso ás 13,45 h. E outro o fará pola tarde dende o mesmo lugar de saída pero ás 15,45 h cara aAdega Pazo Tizón de Moldes e regreso sobre as 21,00 h.

DOMINGO, 6
CASA DE BAXANCA-CABANELAS-O CARBALLIÑO

10,30 h. “A xurisdición da Encomenda de Pazos de Arenteiro no século XVI”. Autoría: Victor Rodríguez Muñiz e Ana María Gordín.

11,15 h. PRESENTACIÓN do Proxecto ATLAS PALACIOS 2024-2026. Autoría: José Manuel Mouriño. Investigador e documentalista.

12,00 h. “José Vázquez Senra, un innovador pedagóxico, da “Escuela activa”, autor dun método pioneiro de escritura-lectura en 1934”. Autoría: Alba Vázquez Paz.
13,00 h. “Sagra: a parroquia de San Martiño de Sagra. Historia, relixiosidade, arte”. Autoría: Juan J. Docampo.

13,45 h. Remate da xornada matinal.

ADEGA PAZO TIZÓN-MOLDES-BOBORÁS

16,00 h. “Bernardo Pereira Valeiras Arrieiro da Raiña”. Autoría: Carlos Montes.

17,00 h. “Herencia gastronómica de los monasterios de O Carballiño y O Ribeiro. Inventario de la repostería de la zona desde los ingredientes, las recetas y las prácticas de consumo”. Autoría: Carla Di Simone.
17,45 h. “ O viño da vida e da morte: o final do camiño no Ribeiro do Avia na Idade Moderna”. Autoría: Juan Manuel Rodríguez Rodríguez.

18,15 h. “O Ribeiro. Unha viticultura no Camiño de Santiago”.
Autoría: César Fernández Portal.
19,00 h. CONFERENCIA: “Novas estratexias para a optimización e o desenvolvemento sostible da colleita en viticultura”. Autoría: Javier Rodríguez Rajo.

20,00 h. Homenaxe a Xosé Manuel Cid, exdecano da Facultade de Educación e Traballo Social no Campus de Ourense da Universidade de Vigo.

20,30 h. Acto de clausura e entrega de diplomas.

21,00 h. Remate do congreso.