A Consellería de Sanidade activa a partir deste luns, 22 de xuño, un novo teléfono específico para atender a todas aquelas persoas que visiten Galicia nos vindeiros meses e evidencien sintomatoloxía covid-19 durante a súa estadía na comunidade.

A nova medida establecida pola Xunta de Galicia ten por obxecto extremar o diagnóstico precoz no territorio galego, ante a apertura das fronteiras, adiantada polo Goberno central, e a ausencia de limitacións na mobilidade das persoas.

Nesta mesma liña, a medida pretende facilitar que calquera persoa que visite Galicia nas vindeiras datas, e presente síntomas, poida contactar dun xeito sinxelo cos profesionais do Servizo Galego de Saúde e que estes podan decidir dun xeito áxil tanto á realización das probas de detección da covid-19 que consideren necesarias, como o seu tratamento, no caso de ser preciso.

Neste senso, no caso de que unha persoa que visite Galicia perciba algún dos síntomas propios da covid-19, esta poderá chamar ao novo número de atención 881 00 20 21 activado polo Servizo Galego de Saúde e, desde o mesmo, recibir toda a información que precise en cada momento.

Cómpre subliñar que, aínda que a persoa que presente sintomatoloxía covid-19 non dispoña da tarxeta sanitaria galega, o Sergas asignaralle unha cita cun profesional sanitario que, tras unha consulta telefónica inicial, poderá determinar o que proceda e, no seu caso, solicitar a proba diagnóstica que considere precisa.

No caso de que o resultado da proba sexa negativo, simplemente se lle informaría do seu resultado e lembraranse o conxunto de recomendacións hixiénico-sanitarias que ten establecidas a Xunta de Galicia. Non obstante, de confirmarse un caso positivo, o profesional sanitario continuará co proceso establecido, ademais de activarse, de ser posible, o sistema de seguimento domiciliario TELEA.

A decisión da casa rectora da congregación das "Hermanitas de los Ancianos Desamparados" con sede en Valencia está tomada, e salvo trasacordo, a comunidade relixioxa que dirixe dende fai 120 anos a residencia de maiores da Fundación Hermanos Prieto, sería trasladada a outros destinos de forma inminente, no transcurso dos próximos meses, abandonando desta maneira O Carballiño.

Asi pudo sabélo COPE O Carballiño de fontes de toda solvencia, que confirman esta información, que tamén recoñece a Superiora que está ao fronte da comunidade que mantén a once relixiosas na actualidade no Carballiño. A decisión foi acollida con tristeza no seo da propia comunidade.

Varios dos 40 traballadores e traballadoras do centro, algunhos aínda descoñecían a noticia este sábado, tamén manifestaron a súa preocupación pola repercusión que esta decisión pode ter no futuro inmediato na xestión do centro, que conta cunha capacidade para 110 persoas, válidas e asistidas, e con ocupacion plena dende fai anos.

A Residencia dos Irmáns Prieto, históricamente coñecido e aínda hoxe en dia chamado popularmente "o asilo" é propiedade da Fundación Hernanos Prieto, que está xestionada dende a súa creación fai 120 anos polas relixiosas "Hermanitas de los Ancianos Desamparados", nacida como parte da doazón dos Irmáns Prieto ao pobo do Carballiño, na mesma figuraba que tería que estar dirixida por unha comunidade relixiosa.

As instalacións ocupan varios miles de metros cadrados no centro urbano do Carballiño, cunha zona edificada, capela e espazos verdes, con fachada e acceso principal pola rúa Curros Enríquez. Con 110 prazas, é o xeriátrico con máis capacidade de toda a comarca do Carballiño.

O Patronato da Fundación, da que participa a Parroquia do Carballiño e o Bispado, e o alcade do Carballiño, deberán tomar unha decisión para garantir a continuidade da residencia.

As piscinas municipais do Carballiño -que inclúen outro ano máis servizo de cafetería e restaurante- están xa abertas dende este sábado 20 de Xuño, baixo un control de aforo para garantir as medidas de separación e seguridade. Para isto, o césped estará delimitado en cuadrículas, co obxectivo de que os usuarios podan dispoñer de espazos acotados coa debida separación para evitar posibles contaxios.

Neste sentido, pídese que as persoas que non formen parte da mesma unidade de convivencia, respecten as normas de separación entre usuarios.

Ainda con este control de aforo, non se prevé que haxa problemas de entradas, pois a cota máxima de usuarios nun só dia en anos anteriores foi de 700 persoas, e o aforo permitido, tendo en conta todas as normas de separación, supera ampliamente os 1.000 usuarios.

O horario de apertura será de 11 da mañá a 8,30 da tarde, de xeito ininterrumpido, durante todos os días da semana.
Os prezos da entrada permanecen invariables con respecto ao pasado ano. Así, para as persoas con idades comprenidas entre os 4 e os 16 anos, o prezo da entrada será de 1,60€. Mentres que para as persoas maiores de 16 anos, o prezo da entrada será de 2,60€.

Na taquilla das piscinas poderanse adquirir tanto as entradas diarias como os bonos de quince usos, trinta usos ou de tempada.
Ao igual que na anterior, os bonos de 15 días e 30 días serán por usos diarios, e non por quincenas ou mensualidades concretas, polo que se abarata significativamente o prezo das entradas.

Así, cun bono de 15 días de adultos (máis de 16 anos), cuxo prezo é de 24,70 euros, o custo de cada entrada queda en 1,64 euros. Cun bono de 15 días infantil (de 4 a 16 anos), cuxo prezo é de 12,20 euros, o custo de cada entrada queda en 0,81 euros.

Os bonos de adultos de 30 días costan 35,90 euros, co que cada entrada sae a 1,17 euros. Os bonos infantís de 30 días costan 18,30 euros, co que o prezo de cada entrada é de 0,61 euros.
O custo dos bonos familiares é o seguinte: 30 días, 84,10 euros; 15 días, 42,55 euros, e de tempada (3 meses), 206,35 euros.

Este lúns 22 abren as de Cea e a vindeira fin de semana as de Maside.

As piscinas de Cea terán dende a súa apertura este lúns 22 de Xuño horario diario de 3 a 8 da tarde. Este ano o uso estará restrinxido por cuestións de aforo á veciñanza dos concellos de Piñor e San Cristovo de Cea.

E xa para a vindeira fin de semana, derradeira deste mes de Xuño, o concello de Maside procederá a apertura das piscinas da Rañoa.

O Grupo Municipal Socialista traslada ao pleno do concello de Leiro dúas mocións este próximo lúns dia 22 sobre dúas cuestións importantes para a veciñanza xa que unha trata sobre a elaboración dun censo das persoas maiores que viven soas no concello "xa que entre as súas funcións por parte do Consistorio é velar polo benestar da veciñanza, especialmente daqueles veciños mais vulnerables", manifesstan os socialistas.

O feito de que Leiro sexa un concello menor en poboación é un activo para o grupo socialista "temos que aproveitar as vantaxes de ser un Concello pequeno, tanto en extensión como en poboación, o que nos facilita estar pendentes da poboación e especialmente os veciños que se atopan nesta situación de soidade, porque temos que ter claro que as consecuencias da mesma cos nosos maiores pois son persoas que deixan de alimentarse nalgún caso, severas depresións provocadas por ese illamento social,risco de sufrir agresión, roubos ou estafan", poñen de manifesto.

Por iso desde o Grupo Municipal demandan con esta moción que "desde o concello e coa colaboración dos servizos sociais aínda que estes xestiónense desde a Mancomunidade pois que se elabore un informe no que recolla o censo de persoas que viven soas dentro de noso termino municipal e que despois e @teniendo en cuenta ese informe realícese un seguimento periódico destas persoas que pode ser mesmo mediante chamadas tefefonicas periódicas".

A outra moción para o pleno deste lúns do grupo socialista é relativa á reforma das ordenanzas fiscais para fomentar o uso das enerxias renovables e redución da contaminación no noso municipio.

Con este acordo en pleno o que queren os socialistas "é que desde o Concello comprométase a estudar e incluír bonificacións fiscais no imposto sobre bens e inmobles (IBI) no imposto sobre vehículos de tracción mecánica (IVTM) e por ultimo no imposto sobre construcións, instalación e obras ( ICIO)".

Ambas mosción serán defendidas polo concelleiro socialista Manuel Rodríguez.

A voceira do BNG no Concello de San Amaro, Mariana Rivera, reclámalle á equipa de goberno que desenvolva os trámites e as xestións pertinentes para garantir o dereito a unha conexión á rede nas condicións establecidas no Plan de Banda Larga de Galiza 2020- Asemade, desde a formación nacionalista solicitaron que se instalen dispositivos técnicos precisos nos locais sociais das nosas parroquias para que a veciñanza poida desfrutar dunha adecuada conexión a internet.

O BNG de San Amaro ven de presentar un escrito no rexistro do Concello despois das fortes consecuencias sufridas no ámbito educativo e as deficiencias do sistema de conexión que posúen as veciñas e veciños do municipio. A crise da covid-19 supuxo a suspensión de aulas presenciais polo que as estudantes tiveron que facer un uso extraordinario dos dispositivos informáticos e de conexión a internet.

“Moitas estudantes non puideron facer uso do seu dereito a unha educación sen que a situación económica xogara un papel fundamental” apuntou a voceira do BNG en San Amaro, Mariana Rivera. Asemade, lembrou que para paliar estas desigualdades “xa no ano 2015 aprobouse o Plan de Banda Larga de Galicia 2020, da man da Xunta de Galicia e financiado por fondos europeos, que permitiría que os veciños e as veciñas do Concello do San Amaro tiveran acceso a internet de alta velocidade”.

A Folla de Ruta dirixe a intervención entorno a tres itinerarios: innovación, eficiencia e intelixencia desenvolvidas en rutas de acción. O primeiro deles é o que ten cabida no Concello do San Amaro, presentándose cun ano de demora xa que unha das rutas tivo que levarse a cabo nun período estipulado entre o 2016 ate o 2019.

Por iso, desde o BNG rexistraron unha solicitude para que a equipa de goberno municipal desenvolva os trámites para garantir o dereita a unha conexión á rede nas condicións establecidas no Plan de Banda Larga de 2020. “Exiximos que se realicen os traballos anteriores coa premura que precisa para dar cobertura que precisan todas as veciñas” engadíu Rivera. Así mesmo, tamén pularon no escrito para que se instalen dispositivos técnicos nos locais sociais das nosas parroquias, para que a veciñanza poida desfrutar dunha adecuada conexión a internet.

A Xunta de Galicia publicou hoxe a licitación para rehabilitar o Mosteiro de Santa María a Real de Oseira, en San Cristovo de Cea, que se incorporará á rede de albergues dispoñibles na Vía da Prata.

Esta actuación, que se enmarca no Plan de Albergues, inclúe unha achega dun millón de euros para mellorar o espazo existente de acollida de grupos, garantir a accesibilidade e construír novas dependencias para os peregrinos que percorren esta Ruta Xacobea. Na actualidade o Mosteiro de Oseira conta cunha nave destinada a acoller a grupos.

Trátase dun espazo con problemas importantes de humidade e accesibilidade que non ten posibilidade de ventilación e iluminación natural. Para mellorar as condicións e ofrecer unha maior capacidade, o proxecto propón reconverter unha das naves abandonadas para crear un albergue de peregrinos recuperando un espazo con importante valor patrimonial. Concretamente, as actuacións contemplan a renovación das instalacións mantendo o uso de albergar grupos e dotándoas de instalacións sanitarias accesibles e adecuadas.

Ademais, rehabilitarase un dos alpendres, ampliando o seu espazo, para crear o novo albergue de peregrinos. Trátase dunha construción que permitirá poñer en valor unha edificación en desuso e que contará con dormitorios, aseos e espazos comúns. Ao remate deste proceso, o Mosteiro de Oseira contará con dúas dependencias destinadas a peregrinos plenamente integradas e conectadas por unha cuberta horizontal ofrecendo unha sensación de calma e intimidade aos visitantes nun espazo histórico próximo ao trazado xacobeo.

Ademais, a proposta da Xunta reserva a idea de converter nun futuro o antigo colexio nun centro de recepción dos visitantes que acoden ao conxunto monacal.

Trazado con gran potencial

As actuacións previstas permitirán mellorar os servizos que se ofrecen aos peregrinos que percorren a Vía da Prata, un trazado que conta cun gran potencial polas paisaxes e elementos patrimoniais que atesoura, atravesando, ao longo do seu trazado, catro cidades declaradas Patrimonio da Humanidade.

Trátase, en definitiva, dun dos itinerarios xacobeos máis importantes e só no pasado ano foi percorrido por preto de 10.000 persoas. Este proxecto enmárcase no Plan de Albergues da Xunta que aposta pola rehabilitación de edificios de valor histórico e patrimonial, como o Mosteiro de Santa María a Real de Oseira, e pola posta en valor das diferentes rutas de peregrinación.

A área de Medio Ambiente do concello do Carballiño, que coordina a concelleira Rita Soto, procede dende hai máis dunha semana á limpeza e acondicionamento de beirarrúas, xardíns, zonas verdes e espazos públicos do casco urbano do Carballiño.

Trátase de seis peóns forestais e dous xardiñeiros, que se encargan dos xardíns e zonas verdes. Tres peóns forestais máis, da mancomunidade turística O Carballiño-O Ribeiro, que se ocupan do desbroce e acondicionamento dos sendeiros do río Arenteiro. E outros catro operarios do servizo de limpeza, que se encargan da limpeza viaria.

Neste período lévanse limpado os viais e espazos públicos, e acondicionado os xardíns e zonas verdes da Uceira, Avenida de Compostela, Castelao, Catro Camiños, rotonda da Casa Azul, Alameda, Praza Maior, Praza do Cercis, Veracruz, Auditorio e Avenida do Parque, entre outros lugares, e agora os traballos de acondicionamento centraranse no parque municipal e no resto das rúas da vila e tamén no rural, co obxectivo de que O Carballiño poda ofrecer a súa mellor imaxe durante a tempada de verán que comeza esta fin de s

De cumplirse as previsións avanzadas pola concelleira Silvia Baranda, responsable desta área municipal, este sábado dia 20 de Xuño quedarán abertas as piscinas públcas do Carballiño.

Contan xa cos permisos necesarios para a súa apertura e tamén están a punto as instalacións, polo que tan so resta realizar a sinalización da parcelación do recinto, tal como fixa a nova normativa de prevención do Covid-19 para este tipo de infraestructuras, que tamén inclúe a obrigatoriedade de reducir o aforo autorizado.

A parcelación realizarase cunha sinalización de pintura no recinto habilitado para os bañistas.

Este venres 19 de xuño, celebrarase de novo o SHOPPING DAY (DÍA ESPECIAL DAS COMPRAS) no Carballiño. Con esta nova edición do evento, a Asociación Carballiño Centro Comercial Aberto retoma as súas campañas de dinamización pero con cambios e sempre adaptándose a situación actual.

Respetaranse todas as medidas de seguridade nos establecementos participantes e nesta ocasión, non haberá pasarela de moda, nin animación de rúas por mor e para evitar posibles aglomeracións.

Os establecementos participantes son un total de 43, dos cales 36 son comercios que ofrecerán aos clientes descontos e promocións en artigos de tempada, ampliando o horario ata as nove da noite; e 7 son establecementos hostaleiros que colaboran agasallando tapas a cada cliente que cando merque nos comercios recibirán una invitación para dita degustación.

Como en edicións anteriores e continuando coa dinámica da Asociación Carballiño Centro comercial Aberto, premiarase a fidelidade dos clientes, os cales unha vez realicen a súa compra conseguirán unha papeleta de participación para un sorteo que se realizará o mesmo día as 21:30h; de 300€ en vales de compra de 50€ cada un e tamén sortearanse dous tratamentos de beleza e estética.

Ademáis unha vez acudan a depositar dita participación na furna do CCA sitada na Praza Maior, recibirán unha bolsa reutilizable da Asociación Carballiño CCA.