Ven de crearse a nova Unidade de Atención Parroquial do Carballiño, que  estará integrada por un equipo sacerdotal de tres párrocos e un deles exercerá a función de moderador, según se recolle no decreto que ven de asinar o Bispo de Ourense Leonardo Lemos.

Tras a xubilación como párroco do Carballiño de Xose Benito Siero, a igrexa trata de adaptarse a actúal realidade social e demográfica e opta por un novo modelo de organización que xa veu implantando noutras zonas da Comarca e que pasa pola constitución dun equipo sacerdotal que atende varias parroquias, realizando as súas funcións de párrocos de forma solidaria.

No caso da nova Unidade de Atención Parroquial do Carballiño o equipo estará integrado polos sacerdotes Jorge Juan Pérez Gallego, que ademáis exercerá como moderador, xunto a Francisco López Gómez e Enmanuel Álvarez Lara.

A UaP do Carballiño terá a súa sede na parroquia de San Cibrao, e ademáis da mesma tamén pasan a integrala as parroquias de San Roque de Señorín e Santiago de Partovia.

Para descargar o decreto do Bispo no que se crea a UaP e noméase aos párrocos e moderador preme no arquivo adxunto:

A XXII Subida á Saleta contará con sesenta coches inscritos, entre eles, dúas barquetas e tres fórmulas, según confirmaron hoxe os directivos da Escudería Carballiño e da Federación Galega de Automobilismo durante a presentación da proba, que se efectuou este mediodía no salón de plenos do concello do Carballiño coa asistencia da concelleira de Deportes, Silvia Baranda; do portavoz do PP, Ricardo Perea, e da alcaldesa de Boborás, Patricia Torres, entre outros convidados.

Os organizadores valoraron positivamente o número de inscritos, habida conta das circunstancias que acaecen actualmente polo coronavirus. Neste sentido, recalcaron a necesidade de que os afeccionados que vaian a seguir a proba garden todas as medidas de separación e seguridade, mantendo as distancias, usando máscara e lavándose as mans con xel hidroalcólico. Tamén agradeceron a colaboración da institucións local, provincial e autonómica, e patrocinadores, así como das forzas de seguridade, Policía Local, Garda Civil, Protección Civil e colaboradores.

O parque de custodia dos coches participantes quedará instalado na avenida do Arenteiro, e abrirase ás 09,30 h do sábado, 22 de agosto. Os entrenamentos oficiais do sábado terán lugar ás 18,00 h (primeira manga) e ás 20,00 h (segunda manga). Os entrenamentos oficiais do domingo, 23 de agosto, serán ás 09,30 h, e a terceira e cuarta manga terán lugar a partir das 11,30 h. Tanto a presentación oficial dos pilotos, que se fará ás 14,00 h do sábado, como a entrega de premios do domingo faranse sen a presencia de público, en aplicación das medidas de prevención polo coronavirus, e só estará permitida a presencia dos medios de comunicación.

O vicepresidente da Deputación de Ourense, Rosendo Fernández, acompañado pola técnico que dirixirá a candidatura a fondos para o desenvolvemento de Plans de Sustentabilidade Turística para "Ourense Provincia Termal", Carmen Pardo, convocaron, no centro cultural "Marcos Valcárcel", unha reunión de traballo con trece alcaldes da provincia para presentarlles este proxecto que "require do traballo coordinado e conxunto de todos para propoñer accións que melloren a sustentabilidade do modelo de desenvolvemento turístico", dixo Rosendo Fernández.

Por medio da Fundación Juana de Vega, a Deputación de Ourense está a elaborar un Plan de Sustentabilidade Turística para o destino "Ourense Provincia Termal", logo da reunión mantida entre o presidente da Deputación de Ourense, Manuel Baltar, e o conselleiro de Cultura e Turismo, Román Rodríguez, na que acordaron desenvolver dito Plan que destaque o liderado da provincia como destino termal de referencia. Esta iniciativa, na que colaborarán a Xunta, o Goberno central e as entidades locais, pretende reactivar o sector turístico da man de actuacións respectuosas desde o punto de vista socioeconómico,

medioambiental e territorial. O obxectivo desta iniciativa é "facer despegar os nosos territorios termais en Ourense e conseguir este financiamento que pode ser vital", dixo o vicepresidente do goberno provincial. No encontro participaron os alcaldes e representantes dos concellos de Arnoia, Bande, Boborás, Baños de Molgas, Cortegada, Cenlle, Castrelo de Miño, Carballiño, Leiro, Lobios, Monterrei, Muíños e Ribadavia.

O sector turístico está a ser un dos sectores máis afectados pola pandemia do COVID-19, por elo, o Goberno de España abriu prazo para presentar candidaturas ao Programa de Plans de Sustentabilidade Turística en Destinos que pretenden contribuír a que, cando volva a recuperación, sexa máis responsable e sostible. Este programa axudará a entidades locais xestoras dos destinos turísticos a artellar plans de acción locais que incorporen actuacións en resposta a esta crise, que melloren a sustentabilidade dos destinos e que, en estreita colaboración co sector privado, permitan recuperar, manter e atraer a demanda turística.

O bispo Leonardo Lemos oficiou esta mañá unha misa de acción de gracias no Templo da Veracruz dedicada á comunidade das "Hermanitas dos Anciáns Desamparados" que nestes dias completan o seu traslado a outras localidades por decisión das responsables desta congregación relixiosa.

Ponse asi punto e final a unha historia de relación das popularmente coñecidas no Carballiño como "as monxas do Asilo", onde desenvolveron a súa labor pastoral e social dende a súa chegada a O Carballiño, un dia 18 de Agosto de 1901, polo tanto cumplíanse onte os 119 anos daquéla chegada.

Nesta mesma celebración no Templo da Veracruz, o Bispo Leonardo Lemos, presidente do Padroado da Fundación Irmáns Prieto, propietaria do xeriátrico carballiñés anunciaba que a Fundación xa asinou un convenio con outra congregación de relixiosas "Servas de Xesús da Caridade" que pronto se incorporarán ao Asilo do Carballiño.

O grupo municipal popular no concello do Carballiño recorda que "o pasado día 4 de Agosto o BOE publicou o Real Decreto-Lei Real 27/2020, de 4 de agosto, de medidas financeiras, de carácter extraordinario e urxente, aplicables as entidades locais. Con esa norma, de feito, estase dando cobertura legal o espolio dos recursos que o longo dos anos xeraron os concellos, que pasarían agora o goberno central, para que este puidese gastalos como lles parecese" subliñan.

Entenden que "o sistema que pretende seguir o goberno central e sinxelo: non permite que os Concellos gasten os seus remanentes nas necesidades que xa teñen os seus veciños, e que os concellos coñecen mellor que ninguén, para despois solicitarlles que llos presten, e así poder gastalos eles como mellor lles pareza. E máis, atrévense a xustificar ese préstamo dicindo que esa e a única maneira que terían os concellos de gastar os seus propios cartos", remarcan.

Desde o punto de vista do Partido Popular do Carballiño, é o Concello que xerou eses remanentes quen debe decidir cales son as necesidades mais urxentes dos seus veciños, cales son os medios para solucionalas, e polo tanto, cal e o destino que se lle deben dar a ese cartos. E dacordo con este punto de vista, "xa no pleno celebrado o pasado mes de maio o grupo Popular presentou unha moción solicitando que o Concello do Carballiño se dirixise a FEMP e FEGAMP para que esixisen o Goberno Central que permitise a utilización destes remanentes".

De igual maneira tamén recordan que "a esa moción o Grupo Municipal Socialista votou a favor, polo que agora entendemos que debe cumprir o seu compromiso cos veciños do Carballiño, non entregando o seu remanente o goberno central". Os populares afirman que "o Real Decreto-Ley permite que os concellos que non o desexen non entreguen os seus fondos, polo que nos parece que o Alcalde de O Carballiño debe agora ser coherente co que pensaba en maio, e non entregar os cartos que lle están solicitando. Calquera outra postura sería traizoar os veciños do Carballiño, que puxeron nas súas mans a xestión do concello, precisamente para que fose el quen a levase a cabo, e non o seu partido en Madrid, que ademais saíu contundentemente derrotado nas últimas citas electorais", subraian.

E nin moito menos é un tema menor para o grupo popular toda vez que "o Concello do Carballiño tiña, a 31/12/19 un remanente de Tesourería que alcanzaba os 4.578.140,71 euros. E certo que hoxe esta cantidade viuse reducida, gracias o acordo alcanzado entre todos os grupos políticos do Concello, para poder loitar contra a crise provocada polo coronavirus, pero aínda así debe superar con creces os 3.500.000 euros. E unha cantidade que o Concello do Carballiño non pode permitirse prestar a ninguén, se non que ten que loitar para poder destinala as necesidades dos nosos veciños", destacan.

En definitiva, apuntan dende o Partido Popular, "o Alcalde do Carballiño debe decidir se lle fai caso os seus veciños ou o seu partido político. Pensamos que a decisión debería ser fácil para calquera que recibise un apoio dos veciños como o que recibiu o Sr. Fumega nas pasadas eleccións municipais".

E xa finalmente, o Grupo Municipal do Partido Popular pídelle ao alcalde do Carballiño "que baixo ningún concepto se comprometa a poñer a disposición da Administración Xeral do Estado o remanente de tesourería, por coherencia co acordo que tomou o Pleno o día 12 de maio de 2020, e por responsabilidade cos veciños do Carballiño".

Chegaba a O Carballiño en 1992, asi que agora e tras 28 anos de exercio sacerdotal ao fronte da parroquía de San Cibrán do Carballiño, Xosé Benito Siero xa fixo efectiva a xubilación canónica ante o Bispado da diócese de Ourense.

E chegara a O Carballiño con polémica, xa que a algúns feligreses non lles gustaba que o novo cura utilizara a lingua galega nas celebracíóns relixiosas, o que motivara que outros feligreses sairan en apoio do párroco promovendo unha recollida de sinaturas reivindicando a lingua galega nas misas da Veracruz.

"Son 88 anos e xa son horas de xubilarse, é lei de vida" dixo o xa exparroco en COPE O Carballiño, que fixa a súa nova residencia na cidade de Vigo, para estar xunto á súa familia. O concello do Carballiño anunciara no pasado mes de Xuño que estaba preparando unha homenaxe para recoñecer os seus 28 anos de relación co Carballiño, unha homenaxe que podería facerse coincidir coa festividade do patrón da parroquia do Carballiño, San Cibrán, o próximo dia 17 de Setembro.

O alcalde do Irixo quere poñer a disposición das empresas e os comercios do municipio una nova fórmula para promocionar os seus productos ante os consumidores, a marca “O Irixo”, coa que se identifique a orixe do producto local con garantías de sostenibilidade e calidade.

Manuel Cerdeira, que ven de cumplir este pasado dia 12 de Agosto un ano na alcaldía do Irixo, á que accedera tras o pasamento do exalcalde Manuel Penedo, considera que sería un gran paso para impulsar a economía local “porque cada un pola súa conta é máis difícil, pero todos xuntos podemos chegar máis lonxe e darnos a coñecer máis e mellor”.

O rexedor razonou asi a súa idea “temos un potencial que non estamos explotando como deberíamos, temos que poñer en valor a marca O Irixo, da que temos un gran referente na Cooperativa de Santa Mariña de Loureiro, co seu leite, iogur, queixo, kéfir e agora tamén o seu requeixo, pero tamén temos outros como a carne de Ferradás que xa goza de recoñecemento mesmo en restaurantes Michelín, productores de mel, ou de pan artesán, e outros que poden sumarse”, relatou na súa intervención en COPE O Carballiño.

A marca “O Irixo” terá como obxetivo poñer en valor aos productores locais “porque se logramos traballo e benestar o noso concello terá moito futuro”, subliñou o alcalde Manuel Cerdeira que, ademáis, avanzou outra iniciativa de promoción deste distintivo local, un expositor permanente de todos os productos da marca “O Irixo” que podería ubicarse no complexo turístico, deportivo e cultural que o concello vai promover na estación de ferrocarril da localidade.

Son 18 novos casos activos de Covid 19 na Área Sanitaria de Ourense-Verín-Valdeorras os notificados este domingo 16 de Agosto polas autoridades sanitarias, o que eleva a cifra total  de persoas afectadas pola a dia de hoxe pola enfermidade no territorio provincial, son 16 máis ca onte sábado, xa que se produciron dúas altas. Desta maneira, o número de casos activos sitúase en 94 según esta última actualización de datos.

En canto aos 18 novos positivos contabilizados ese domingo ningún deles está asociado aos dous brotes do Carballiño, son casos illados ou de dúas persoas, e non se consideran como novos brotes porque para que sexa así deben sumar máis de tres casos, según os cómputos de Sanidade.

O Festival de Títeres chega a súa XII edición, e nesta ocasión desenvolverase en cinco xornadas coa participación de cinco compañías que presentarán os seus espectáculos no polideportivo do colexio da Uceira ás 19,00 h. As representacións, obradoiros, xogos e contacontos terán lugar nun recinto acotado e co aforo limitado polo cumprimento da normativa de separación e seguridade polo coronavirus. O festival conta coa colaboración da Deputación Provincial de Ourense, e a entrada aos diferentes espectáculos e actividades será completamente gratuíta.

PROGRAMA

Día 17: FILIPA COS CONTOS – Títeres Bandullo Azul

Día 18: GYROVAGUS + obradoiro de monicreques – Micromina Títeres

Día 19: XAN DAS ONDAS + obradoiro de monicreques – Barafunda

Día 20: O SHOW DE BARALLOCAS – Marionetas Trécola

Día 21: ESTRAFALARIA + xornada de xogos – Xarope Tulú