Espazo Común cita un informe da Xefatura da Polícia Local do Carballiño no que se afirma que existen excepcións no estado de alarma "deben limitarse a desprazarse desde as súas casas ao concello e coas liminatacións que temos calquera veciño."

"A semana pasada, deuse unha circunstancia pola que recibimos numerosas queixas de veciños de diferentes lugares do Carballiño. A visita a domicilio dalgúns concelleiros do goberno que semellan crer que a lei que obriga aos cidadáns a un confinamento para evitar contaxios, a eles non lles afecta, molestou a moitos veciños", subliñan.

A formación política liderada por Pachi Vázquez, Adolfo Noguiera e Érika Paz, aseguran que durante os últimos dias e por parte de varios membros do goberno local e pola do propio alcalde Fumega "estiveron a percorrer rúas e aldeas para facerse ver e entregar mascarillas a quen a eles lles parecera convinte, sen criterio sanitario algún e obviando a moita xente de risco".

Censuran este comportamento citando as manifestacións públicas dos dirixentes provincais do PSOE porque "como ben sinala o propio PsdeG-PSOE provincial nun comunicado onde censuran que alcaldes do PP estean a aproveitar a crise do coronavirus para facer publicidade electoral e afirman que o único que amosan con esta publicidade é a súa absoluta irresponsabilidade e indecencia política, facendo un uso partidista desta situación para obter un rédito electoral" e remarcan por elo dende Espazo Común "non o dicimos nós, dío o PSOE".

E recurren ao refraneiro para recordar que "semella moi acaído aquel dito da palla no ollo alleo e a viga no propio".

"Namentras moitos fillos e netos non poden achegarse a ver a seus pais ou avós, a reincidencia no comportamento e, polo tanto, nas protestas de moitos cidadáns que consideran que se pon en risco a saúde dos seus familiares, leváronnos a demandar un informe policial para clarexar se os concelleiros teñen algún privilexio sobre o resto da cidadanía que lles permita circular ao seu capricho", proclaman desde Espazo Común.

E aseguran que resposta "foi clara e contundente, non existe tal excepción e deben limitarse a desprazarse das súas casas ao Concello e ás limitacións que temos calquer outro veciño".

Finalmente, agardan que tras revelar publicamente este informe asinado polo xefe da Policía Local do Carballiño "deixen de levarse a cabo estas perigosas visitas que ignoran o confinamento para todos os cidadáns e se comece a predicar co exemplo por parte do grupo de goberno, proque a saúde debe ser o primeiro", conclúen.

O PSdeG-PSOE ven de presentar unha batería de medidas e iniciativas para levar a cabo no concello de Leiro por mor da crise ocasionada polo COVID-19. Con estas medidas, os socialistas amosan o seu apoio á veciñanza e tamén os sectores produtivos, autónomos e pequenas empresas ante unha crise sanitaria que está afectando a economía en todos os recunchos do país.

O voceiro socialista, Manuel Rodríguez, agarda que estas medidas “se poñan en marcha coa maior celeridade e urxencia posible para facilitar o día a día do municipio e paliar os efectos da pandemia”. Dende o PSdeG-PSOE de Leiro mantéñense á espera da duración desta situación tan excepcional e agardando que esta iniciativa sexa concluída canto antes para tal e como subliñan “coñecer de primeira man a situación individual de cada veciño e negocio ou empresa”.

Os socialistas tamén lle transmitiron o alcalde que os manteña informados dos casos e das medidas que se leven a cabo en Leiro con respecto o Covid-19, xa que consideran que “pór solución a situación en unha cousa de todos e todas e debemos estar máis unidos ca nunca ante unha pandemia que non fai distinción por cores” e amosan a súa disposición a “axudar no que faga falta ante a gravidade da situación”.

Medidas do PSdeG-PSOE para levar a cabo no concello de Leiro:

1.- Dotar dun número de teléfono a disposición dos cidadáns para atender necesidades sobrevidas a causa do illamento e que estea operativo as 24 horas do día, os sete días da semana e non só en horario de oficina para atender demanda de alimentos ou medicinas.

2.- Habilitar mecanismos para o control sanitario de todo o persoal municipal que faga tarefas de reparto por domicilio de persoas que o precisen e tamén o resto de persoal.
3.- Garantir un subministro suficiente de material sanitario a todo o persoal municipal, especialmente ás traballadoras do servizo de axuda do fogar, xa que debemos velar pola seguridade e saúde das auxiliares e dos veciños/as como colectivo excepcionalmente sensible o Coronavirus.

4.- Tamén, que se leve acabo por parte do Concello e coa a máxima urxencia fórmulas para eliminar o cobro de impostos e taxas a comercios, hostaleiros e veciños/as que estean vendo prexudicada a súa actividade profesional durante este período de estado de alarma. O tempo que estean sen ingresos, os pagamentos o Concello sexan suprimidos definitivamente.

5.- Implantación de outras consideracións que por parte dos técnicos municipais que non vaian contempladas nesta solicitude e poidan ser de interese/axuda para a veciñanza.

6.- Do mesmo xeito, que o cobro de recibos por parte do Concello como tamén da Mancomunidade do Ribeiro domiciliados de cargo en conta se retrasen o máximo posible ata unha data acordada por cada organismo. Véxase IBI, lixo IVTM...

7.- Solicitude dun fraccionamento do IBI, sen intereses ou facilidade de adíalo nun período de tempo acordado e solicitando previamente o interesado/a.

8.- Que se proceda a publicación dun bando informativo a toda veciñanza e poñendo en coñecemento ás autoridades e servizos sanitarios de calquera incidencia que podar xurdir.

9.- Publicar un bando informativo sobre a utilización dos colectores (verde, azul e amárelo) para a súa utilización axeitada e non deixar cartóns, vidro ou bolsas de lixo fora dos colectores, para así contribuír a levar unhas normas básicas de convivencia, decoro e limpeza ante o estado de alarma para a xestión da situación de crisis sanitaria ocasionada polo Covid-19.

10.- Levar acabo a desinfección preventiva do entorno dos supermercados, farmacia, centro de saúde, centro de día, residencia de xeriatría, entidade bancaria, Correos, Concello, chacinarías, bares, restaurantes, parques infantís, colectores de lixo e mobiliario público.

11. Crear unha LIÑA DE AXUDA desde o Concello para que tod@s autonomos, independentemente do sector. Sería a principal liña de axudas, autonomos,autoempregados de todos os sectores que xustifiquen paralización da sua actividade ou unha baixada xustificada na súa actividade. Esta liña de axuda ten que ir encamiñada para axudar os nosos veciños que tanto o necesitan neste momentos tan dificiles.

12.- Que se traballe desde o Concello de Leiro en salvar a brecha dixital, xa que ai alumnos sin acceso a internet nas suas vivendas e iso dificulta seguir as clases online en igualdad de condicions.

Os axentes da Policia Local do Carballiño comezaron a primeira hora desta tarde de mércores, nun control de mobilidade de persoas que realizaban na Avenida de Comnpostela, o reparto de máscaras de protección, que continuarán nos próximos dias.

Son, neste caso, mil máscaras de proteccón enviada dende a Subdelegación do Goberno, e nada teñen que ver coas 3.000 unidades compradas polo concello do Carballiño, que serán repartidas con outros criterios, aclarou en COPE O Carballiño o xefe da Policia Local, Francisco Valeiras.

"Nos farémos o reparto exclusivamente nas rúas, e aproveitando o traballo de control da mobilidade da poboación que realizamos diariamente, repartiránse entre as persoas que circulen a pe ou en automóbil e sempre con motivo xustificado", ademáis o responsable da Policia Local pedíu á cidadanía que se absteña de achegarse por este motivo ata as oficinas que ten a Policia Local na casa do concello "porque as imos entregar tan so nas rúas".

Deron comezo as obras de asfaltado e cunetas entre As Caldas e O Torrón. Estas obras execútanse en colaboración coa Deputación provincial, e forman parte dun conxunto de proxectos que se desenvolverán durante este ano, e moitos dos cales comezarán as próximas semanas.

Dunha parte, entre estes proxectos, que financia o concello co superávit do ano 2018, cunha inversión de case 600.000 euros, inclúense as seguintes obras de mellora de saneamento, asfaltado e beirarrúas nas rúas Saleta, Magdalena, San Benito e Solaina; Baleares, Rioxa, País Vasco, Navarra, Aragón, Extramadura, Madrid e Cataluña; Bearíz, Boborás, Leiro, Maside, Punxín e San Amaro; Eusebio Lorenzo e Blanco Amor; así como o plan de iluminación led entre O Torrón e As Caldas.

Tamen se levarán a cabo co financiamento do concello as obras de renovación do saneamento na Baixada a Flores e rúa Azucena, a mellora de diversas rúas en Arcos e a ampliación da rotonda de Flores en Aquilino Sánchez.

Doutra parte, figuran os proxectos que se realizan en colaboración con outras administración, e que son: Plan de cambio da iluminación led en parroquias do rural, melloras no paseo do río Arenteiro, asfaltado e cunetas entre Mudelos e Paciños, asfaltado no entorno do pavillón Paco chao, asfaltado das rúas Volante, Pico Sacro e Pena Grande.

En total, o investimento global previsto neste plan de inversións para a mellora de infraestruturas no municipio carballiñés é de 1,5 millóns de euros, aproximadamente.

Unha tormenta que descargou a media tarde deste martes 14 de Abril unha gran cantidade de sarabia sorprendeu á veciñanza confinada nas súas casas, vendo como provocaba danos considerables nos cultivos de horta,  moitos recén prantados, e nas árbores frutais en varias zonas da comarca.

Concretamente, a área máis afectada foi o triángulo definido polo norte do concello do Carballiño, o este do municipio de Maside e o sur de San Cristovo de Cea, e as aldeas máis afectadas as das parroquias de Seoane, A Piteira, ou San Facundo. No mesmo parque empresarial do Carballiño a sarabiada foi monumental.

As estradas desta contorna quedaron brancas e con varios centímetros de espesor de pedra caída, que motivou incidencias no tráfico, xa que os conductores víronse obrigados a deter a circulación dos vehículos, mesmo na autovía de Santiago ao seu paso por esta zona, sen que haxa que lamentar accidentes.

Os 67 test realizados tanto a usuarios como ao persoal do Centro Integral de Servizos Sociais de Avión deron resultado negativo, asi o comunicou nesta emisora de radio o alcalde do concello de Avión, Antonio Montero.

Tan so 3 persoas están pendientes de recibir o resultado, según comunicou tamén o rexedor municipal.

Dias atrás, dera positivo unha traballadora desta residencia de maiores, que xa está recuperada erecibíu a alta do seguinte médico ao que estivo sometida a diario no seu domicilio.

Nunha primeira fase de medidas urxentes para adaptar o orzamento municipal á nova realidade derivada da incidencia polo coronavirus, o Partido Popular propón mobilizar un total de 588.742 euros, que deberían ampilarse con outros 600.000 euros nunha segunda fase para lograr o impulso socioeconómico do Carballiño, axudando aos sectores máis afectados.

1.- AXUDAS AUTÓNOMO, E PEQUENAS EMPRESAS: 300.222,50€
A)Axudas de contía fixa de 1.200 € para persoas físicas e xurídicas con ou sen traballadores ao seu cargo cando a actividade que desenvolvan se tivese visto afectada polo peche de establecementos.
B)Axudas de contía fixa de 750 € para persoas físicas ou xurídicas con ou sen traballadores ao seu cargo que non se viron afectados polo peche de establecementos, sempre que sufran unha redución da súa facturación no mes anterior á solicitude desta subvención de polo menos o 75%, en relación coa media efectuada no semestre natural anterior á declaración do estado de alarma.
C)As contías anteriores incrementaranse nas seguintes contías:
C.1.- En 600 € por traballador en caso de ter ata 9 traballadores (inclusive) a data 1 de marzo de 2020, no caso de acreditar que non se ten tramitado expediente de regulación temporal de emprego no momento de solicitar a subvención así como comprometerse a non solicitalo nos 3 meses inmediatamente posteriores á súa concesión.
C.2.- En 450 € por traballador en caso de ter entre 10 e 49 traballadores (inclusive) a data 1 de marzo de 2020, no caso de acreditar que non se ten tramitado expediente de regulación temporal de emprego, no momento de solicitar a subvención así como comprometerse a non solicitalo nos 3 meses inmediatamente posteriores á súa concesión.
C.3.- En 180 € por traballador en caso de ter ata 9 traballadores (inclusive) a data 1 de marzo de 2020, no caso de acreditar que, solicitado ou concedido o expediente de regulación temporal de emprego solicitado, se ten chegado a un acordo cos traballadores ou coa súa representación sindical, de complemento salarial ate completar o 100 % da base reguladora daqueles traballadores afectados polo ERTE.
C.4.-En 120 € por traballador en caso de ter entre 10 e 49 traballadores (inclusive) a data 1 de marzo de 2020, no caso de acreditar que, solicitado ou concedido o expediente de regulación temporal de emprego solicitado, se ten chegado a un acordo cos traballadores ou coa súa representación sindical, de complemento salarial ate completar o 100 % da base reguladora daqueles traballadores afectados polo ERTE.
D) Axudas á conciliación da vida familiar e laboral por situacións derivadas da crise sanitaria ocasionada polo Covid-19, destinando unha contía fixa de 100 euros as persoas físicas traballadores por conta allea que experimentaran unha diminución nos seus ingresos a consecuencia de ser incluídos nun expediente de regulación temporal de emprego, ou tido necesidade de solicitar excedencia ou redución de xornada para a atención de fillos menores de 12 anos aos que lles tivera afectado o peche dos centros educativos con motivo da crise sanitaria ocasionada polo Covid-19. Para o caso de máis dun fillo a cargo, as contías serán de 150 € se foran 2 fillos a cargo e de 175 € se foran 3 ou máis fillos a cargo.
E)Tamén poderán ser beneficiarios destas axudas á conciliación da vida familiar e laboral os traballadores/as autónomos/as sempre que cumpran os requisitos sinalados.

2.- ACTUACIONS EN FOMENTO DE EMPREGO: 60.000 euros.
É necesario tamén que desde o Concello se acaden acordos coas outras administracións tendentes a xerar emprego tras o cese do estado de alarma. Recordamos aquí a importancia das dúas escolas taller actualmente solicitadas a Xunta de Galicia, pero entendemos que se deben complementar con acordos co Servicio Público de Emprego Estatal que permitan conveniar a contratación excepcional de persoas en situación de desemprego.

3.- COMERCIO, HOSTELERIA: 122.520,00€

3.1-DINAMIZACION COMERCIAL: 84.320,00€
O comercio local, incluíndo nel á hostalería, ten que ter unha especial atención, pois é un pilar da nosa economía e ten que seguir a flote sexa como sexa. Neste senso as dúas partidas que se promoven son as de Dinamización comercial con ata 84.320€ para que dende o Concello se poidan facer promocións para incentivar o comercio local, tanto entre a veciñanza do noso pobo como de quen se acerque ao Carballiño e mesmo axudando á creación de mercados online.
3.2.-CENTRO COMERCIAL ABERTO 31.200,00€
Subvención directa ao CCAA para que poidan organizar actividades promocionais ou axudas directas aos seus asociados para afrontar gastos de funcionamento.
3.3.-PRAZA DE ABASTOS:7.000,00€
Asociación de praceiros para que poidan potenciar o seu comercio de calidade.

4.- PERSOAS, CONCILIACION: 106.000,00€

4.1.-EMERXENCIA SOCIAL: 40.000,00€
A partida de emerxencia social, regulada pola ordenanza existente en tramitación no Concello, polo que urxe a súa aprobación definitiva, servirá para paliar situacións puntuais e excepcionais de emerxencia individual e familiar.
4.2.-PERSOAS MAIORES:30.000,00€
As persoas maiores deben de ter un protagonismo especial, polo que, se facilitará a atención a moitas persoas en franxas horarias adaptadas a cada familia para poder ser atendidas en centro de día, e proxectos de atención a persoas maiores que viven soas
4.3.- CARITAS:12.000,00€
Con Cáritas se deberá de seguir colaborando e con más forza e tamén para sufragar gastos directos de xestión pola labor que veñen facendo durante todo este tempo
4.4.-CRUZ VERMELLA:6.000,00€
Compre tamén apoiar a Cruz Vermella, tanto nos seus gastos directos como nos de xestión que xera a súa actividade.
4.5.-ANPAS PRIMARIA:9.000,00€
A conciliación faise imprescindible, e a bo seguro que as AMPAS dos colexios de primaria do noso pobo, tanto públicos como concertadas, terán moito que facer e traballar nesta cuestión, polo que se fai necesario partida económica suficiente.
4.6.- AXUDA ESCOLAR: 9.000,00€
O mes de setembro será un mes especialmente duro para moitas familias co arranque do curso escolar, polo que é de interese prevelo e adiantarse incrementando o gasto, polo que se debe de variar as bases da convocatoria para este ano 2020, regulando unha nova base impositiva mínima para as familias e así cubrir máis espectro social e conseguir gastar o importe da subvención, que ademais repercutirá no comercio local.

Para unha segunda fase das medidas de impulso socioeconómico COVID-19, se deberían de incorporar outros 600.000,00€ que se incorporarían ao grupo A) AXUDAS A AUTÓNOMOS E PEQUENAS EMPRESAS.

Para cubrir este mínimo de 600.000€ teríase que facer outro cribado do propio orzamento municipal, pois non se pode tomar certas decisións ata dentro dun tempo, para saber gasto referido a actividades, eventos e actuacións de todo tipo que se poden ver afectadas por futuras restricións de mobilidade ou de concentracións, e de ser necesario, para completar esta cantidade se debería tirar, na medida do posible, do remanente de tesourería, dándolle a forma legal necesaria.
As medidas que se propoñen esténdense tanto a política impositiva que debe seguir o Concello, como a política de gastos, pois cabe recordar aquí o xa solicitado o día 9 de abril tamén no concello para modificar o calendario fiscal, retrasando o período de pago voluntario de todos os tributos locais ata finais de ano, e adaptar a totalidade dos padróns das taxas municipais aos servicios que realmente prestase o Concello.
O Grupo popular fai estas propostas concretas, que están enriba da mesa do Alcalde do Carballiño, para que se podan aprobar como modificación orzamentaria urxente para que entre en aplicación canto antes.

O alcalde do Carballiño avanzou nunha intervención nesta emisora de radio que este martes dia 14 de Abril agarda que cheguen ao concello as 3.000 máscaras de protección que foron adquiridas pola institución municipal.

Fumega anuncio que esta mesma semana comezarán a distrubuírse porta a porta entre a veciñanza de máis idade, por ser a máis vulnerable ao contaxio do COVID-19.

Este reparto faráse con medios do propio concello e tamén podería ser "a través dos servizos dunha empresa de reparto domiciliario que poderiámos contratar", según informou en COPE O Carballiño o propio alcalde. 

Ademáis, Fumega tamén comunicou que na mañá deste martes dia 14, de 7 a 9 da mañá, continuaráse o reparto por parte da Garda Civil e a Policia Local nos lugares de máis afluencia aos centros de traballo no Carballiño.

A nai, unha octoxenaria e o seu fillo, de 59 anos, naturais da aldea do Viñao, no concello de Punxín, faleceron no transcurso dos últimos dias vítimas do coronavirus en Madrid, onde residían ambos nun piso.

Faleceron nun pequeno intervalo de dias, primeiro a nai e despóis o fillo, éste último o pasado venres, ambos foran diagnosticados co COVID-19, a noticia causou fonda tristeza e pesar entre a veciñanza do Viñao, onde pasaban tempadas de vacacións.

Con estas dúas mortes, son xa 7 as vitimas por coronavirus entre persoas naturais da comarca do Carballiño dende que comezou a pandemia, todos eles residentes fora da comarca, 5 en Madrid, 1 en Vigo e 1 no Barco de Valdeorras, éste último nunha residencia de maiores.