Unha tormenta que descargou a media tarde deste martes 14 de Abril unha gran cantidade de sarabia sorprendeu á veciñanza confinada nas súas casas, vendo como provocaba danos considerables nos cultivos de horta,  moitos recén prantados, e nas árbores frutais en varias zonas da comarca.

Concretamente, a área máis afectada foi o triángulo definido polo norte do concello do Carballiño, o este do municipio de Maside e o sur de San Cristovo de Cea, e as aldeas máis afectadas as das parroquias de Seoane, A Piteira, ou San Facundo. No mesmo parque empresarial do Carballiño a sarabiada foi monumental.

As estradas desta contorna quedaron brancas e con varios centímetros de espesor de pedra caída, que motivou incidencias no tráfico, xa que os conductores víronse obrigados a deter a circulación dos vehículos, mesmo na autovía de Santiago ao seu paso por esta zona, sen que haxa que lamentar accidentes.

Os 67 test realizados tanto a usuarios como ao persoal do Centro Integral de Servizos Sociais de Avión deron resultado negativo, asi o comunicou nesta emisora de radio o alcalde do concello de Avión, Antonio Montero.

Tan so 3 persoas están pendientes de recibir o resultado, según comunicou tamén o rexedor municipal.

Dias atrás, dera positivo unha traballadora desta residencia de maiores, que xa está recuperada erecibíu a alta do seguinte médico ao que estivo sometida a diario no seu domicilio.

Nunha primeira fase de medidas urxentes para adaptar o orzamento municipal á nova realidade derivada da incidencia polo coronavirus, o Partido Popular propón mobilizar un total de 588.742 euros, que deberían ampilarse con outros 600.000 euros nunha segunda fase para lograr o impulso socioeconómico do Carballiño, axudando aos sectores máis afectados.

1.- AXUDAS AUTÓNOMO, E PEQUENAS EMPRESAS: 300.222,50€
A)Axudas de contía fixa de 1.200 € para persoas físicas e xurídicas con ou sen traballadores ao seu cargo cando a actividade que desenvolvan se tivese visto afectada polo peche de establecementos.
B)Axudas de contía fixa de 750 € para persoas físicas ou xurídicas con ou sen traballadores ao seu cargo que non se viron afectados polo peche de establecementos, sempre que sufran unha redución da súa facturación no mes anterior á solicitude desta subvención de polo menos o 75%, en relación coa media efectuada no semestre natural anterior á declaración do estado de alarma.
C)As contías anteriores incrementaranse nas seguintes contías:
C.1.- En 600 € por traballador en caso de ter ata 9 traballadores (inclusive) a data 1 de marzo de 2020, no caso de acreditar que non se ten tramitado expediente de regulación temporal de emprego no momento de solicitar a subvención así como comprometerse a non solicitalo nos 3 meses inmediatamente posteriores á súa concesión.
C.2.- En 450 € por traballador en caso de ter entre 10 e 49 traballadores (inclusive) a data 1 de marzo de 2020, no caso de acreditar que non se ten tramitado expediente de regulación temporal de emprego, no momento de solicitar a subvención así como comprometerse a non solicitalo nos 3 meses inmediatamente posteriores á súa concesión.
C.3.- En 180 € por traballador en caso de ter ata 9 traballadores (inclusive) a data 1 de marzo de 2020, no caso de acreditar que, solicitado ou concedido o expediente de regulación temporal de emprego solicitado, se ten chegado a un acordo cos traballadores ou coa súa representación sindical, de complemento salarial ate completar o 100 % da base reguladora daqueles traballadores afectados polo ERTE.
C.4.-En 120 € por traballador en caso de ter entre 10 e 49 traballadores (inclusive) a data 1 de marzo de 2020, no caso de acreditar que, solicitado ou concedido o expediente de regulación temporal de emprego solicitado, se ten chegado a un acordo cos traballadores ou coa súa representación sindical, de complemento salarial ate completar o 100 % da base reguladora daqueles traballadores afectados polo ERTE.
D) Axudas á conciliación da vida familiar e laboral por situacións derivadas da crise sanitaria ocasionada polo Covid-19, destinando unha contía fixa de 100 euros as persoas físicas traballadores por conta allea que experimentaran unha diminución nos seus ingresos a consecuencia de ser incluídos nun expediente de regulación temporal de emprego, ou tido necesidade de solicitar excedencia ou redución de xornada para a atención de fillos menores de 12 anos aos que lles tivera afectado o peche dos centros educativos con motivo da crise sanitaria ocasionada polo Covid-19. Para o caso de máis dun fillo a cargo, as contías serán de 150 € se foran 2 fillos a cargo e de 175 € se foran 3 ou máis fillos a cargo.
E)Tamén poderán ser beneficiarios destas axudas á conciliación da vida familiar e laboral os traballadores/as autónomos/as sempre que cumpran os requisitos sinalados.

2.- ACTUACIONS EN FOMENTO DE EMPREGO: 60.000 euros.
É necesario tamén que desde o Concello se acaden acordos coas outras administracións tendentes a xerar emprego tras o cese do estado de alarma. Recordamos aquí a importancia das dúas escolas taller actualmente solicitadas a Xunta de Galicia, pero entendemos que se deben complementar con acordos co Servicio Público de Emprego Estatal que permitan conveniar a contratación excepcional de persoas en situación de desemprego.

3.- COMERCIO, HOSTELERIA: 122.520,00€

3.1-DINAMIZACION COMERCIAL: 84.320,00€
O comercio local, incluíndo nel á hostalería, ten que ter unha especial atención, pois é un pilar da nosa economía e ten que seguir a flote sexa como sexa. Neste senso as dúas partidas que se promoven son as de Dinamización comercial con ata 84.320€ para que dende o Concello se poidan facer promocións para incentivar o comercio local, tanto entre a veciñanza do noso pobo como de quen se acerque ao Carballiño e mesmo axudando á creación de mercados online.
3.2.-CENTRO COMERCIAL ABERTO 31.200,00€
Subvención directa ao CCAA para que poidan organizar actividades promocionais ou axudas directas aos seus asociados para afrontar gastos de funcionamento.
3.3.-PRAZA DE ABASTOS:7.000,00€
Asociación de praceiros para que poidan potenciar o seu comercio de calidade.

4.- PERSOAS, CONCILIACION: 106.000,00€

4.1.-EMERXENCIA SOCIAL: 40.000,00€
A partida de emerxencia social, regulada pola ordenanza existente en tramitación no Concello, polo que urxe a súa aprobación definitiva, servirá para paliar situacións puntuais e excepcionais de emerxencia individual e familiar.
4.2.-PERSOAS MAIORES:30.000,00€
As persoas maiores deben de ter un protagonismo especial, polo que, se facilitará a atención a moitas persoas en franxas horarias adaptadas a cada familia para poder ser atendidas en centro de día, e proxectos de atención a persoas maiores que viven soas
4.3.- CARITAS:12.000,00€
Con Cáritas se deberá de seguir colaborando e con más forza e tamén para sufragar gastos directos de xestión pola labor que veñen facendo durante todo este tempo
4.4.-CRUZ VERMELLA:6.000,00€
Compre tamén apoiar a Cruz Vermella, tanto nos seus gastos directos como nos de xestión que xera a súa actividade.
4.5.-ANPAS PRIMARIA:9.000,00€
A conciliación faise imprescindible, e a bo seguro que as AMPAS dos colexios de primaria do noso pobo, tanto públicos como concertadas, terán moito que facer e traballar nesta cuestión, polo que se fai necesario partida económica suficiente.
4.6.- AXUDA ESCOLAR: 9.000,00€
O mes de setembro será un mes especialmente duro para moitas familias co arranque do curso escolar, polo que é de interese prevelo e adiantarse incrementando o gasto, polo que se debe de variar as bases da convocatoria para este ano 2020, regulando unha nova base impositiva mínima para as familias e así cubrir máis espectro social e conseguir gastar o importe da subvención, que ademais repercutirá no comercio local.

Para unha segunda fase das medidas de impulso socioeconómico COVID-19, se deberían de incorporar outros 600.000,00€ que se incorporarían ao grupo A) AXUDAS A AUTÓNOMOS E PEQUENAS EMPRESAS.

Para cubrir este mínimo de 600.000€ teríase que facer outro cribado do propio orzamento municipal, pois non se pode tomar certas decisións ata dentro dun tempo, para saber gasto referido a actividades, eventos e actuacións de todo tipo que se poden ver afectadas por futuras restricións de mobilidade ou de concentracións, e de ser necesario, para completar esta cantidade se debería tirar, na medida do posible, do remanente de tesourería, dándolle a forma legal necesaria.
As medidas que se propoñen esténdense tanto a política impositiva que debe seguir o Concello, como a política de gastos, pois cabe recordar aquí o xa solicitado o día 9 de abril tamén no concello para modificar o calendario fiscal, retrasando o período de pago voluntario de todos os tributos locais ata finais de ano, e adaptar a totalidade dos padróns das taxas municipais aos servicios que realmente prestase o Concello.
O Grupo popular fai estas propostas concretas, que están enriba da mesa do Alcalde do Carballiño, para que se podan aprobar como modificación orzamentaria urxente para que entre en aplicación canto antes.

O alcalde do Carballiño avanzou nunha intervención nesta emisora de radio que este martes dia 14 de Abril agarda que cheguen ao concello as 3.000 máscaras de protección que foron adquiridas pola institución municipal.

Fumega anuncio que esta mesma semana comezarán a distrubuírse porta a porta entre a veciñanza de máis idade, por ser a máis vulnerable ao contaxio do COVID-19.

Este reparto faráse con medios do propio concello e tamén podería ser "a través dos servizos dunha empresa de reparto domiciliario que poderiámos contratar", según informou en COPE O Carballiño o propio alcalde. 

Ademáis, Fumega tamén comunicou que na mañá deste martes dia 14, de 7 a 9 da mañá, continuaráse o reparto por parte da Garda Civil e a Policia Local nos lugares de máis afluencia aos centros de traballo no Carballiño.

A nai, unha octoxenaria e o seu fillo, de 59 anos, naturais da aldea do Viñao, no concello de Punxín, faleceron no transcurso dos últimos dias vítimas do coronavirus en Madrid, onde residían ambos nun piso.

Faleceron nun pequeno intervalo de dias, primeiro a nai e despóis o fillo, éste último o pasado venres, ambos foran diagnosticados co COVID-19, a noticia causou fonda tristeza e pesar entre a veciñanza do Viñao, onde pasaban tempadas de vacacións.

Con estas dúas mortes, son xa 7 as vitimas por coronavirus entre persoas naturais da comarca do Carballiño dende que comezou a pandemia, todos eles residentes fora da comarca, 5 en Madrid, 1 en Vigo e 1 no Barco de Valdeorras, éste último nunha residencia de maiores. 

A Policia Local do Carballiño suma xa a apertura de  90 expedientes sancionadores a veciños e veciñas do Carballiño por saltarse as normas do confinamento dende o inicio do esado de alarma.

Durante os últimos dias da fin de semana os axentes incoaron 20 expedientes de sanción, a maioria a persoas que paseaban pola zona de Corzos, o parque municipal e o paseo do río Arenteiro.

Contra os expedientes abertos poden presentarse alegacións, e no caso de que rematen en sanción, ésta podería ser aínda obxeto de recurso por parte do denunciado.

A Unidade Militar de Emerxencias distribuirá a primeira hora da mañá deste lúns dia 13 de Abril máscaras de protección na Área Industrial do Carballiño, na que traballan unhas 1.100 persoas, a maioria delas reincorporánse este lúns aos seus postos de traballo tras o paro decretado nas actividades non esenciais, desde o pasado 30 de marzo. 

Tamén realizarán este mesmo reparto noutros centros de traballo do concello do Carballiño, non obstante na comunicación da Delegación do Goberno non se informa do número de unidades que se distribuirán.

Doutra parte, este domingo, soldados da UME levaron a cabo traballos de desinfección na Residencia Irmáns Prieto do Carballiño

O BNG de San Cristovo de Cea está favor "como non podía ser doutro xeito" de que o Concello se ocupe de aplicar todas as medidas posibles para protexer a saúde da poboación.

Tamén considera "loable a predisposición de persoas particulares, autónomos ou empresas para colaborar na elaboración de máscaras caseiras ou para voluntariamente axudar a enfrontar a grave situación na que nos atopamos".

O BNG de Cea Expresa o recoñecemento e agredecemento a todas as persoas que colaboran voluntariamente, "pero o hai situacións nas que a boa vontade non é suficiente, sendo necesario extremar as medidas e cumplir os protocolos establecidos", manifestan.

Non lles parece tan ben a forma de repartir mascariñas pobo a pobo "efectuada polos membros do goberno municipal, posto que distribuir material para previr o contaxio do virus non é o mesmo, nin pode efectuarse do mesmo xeito, que un simple reparto de papeletas para unha campaña electoral ordinaria".

Por eso, dende o BNG de Cea enumeran unha serie de medidas que deberían consideranse:

a) que se trata de material homologado e convintemente esterilizado,
b) que o reparto se axuste a un protocolo axeitado, supervisado por algún experto e coas instrucións oportunas sobre esterilización, modo de uso, tempos, etc.
c) que o persoal encargado de efectuar o reparto leve a protección axeitada, respetando os protocolos establecidos que garanta a prevención da epidemia, evitando neglixencias no reparto.

Asemade, indican que "o reparte en grupos ou sen utilizar guantes, mascariñas ou gardar as mínimas distancias parécenos unha irresponsabilidade que contrasta co estricto confinamento que ven observando a poboación. Non todo vale en calquer circunstancia.
Pareceríanos unha medida máis aséptica, tanto desde o punto de vista bacteriolóxico como político, que fose protección civil, debidamente equipada, quen se encargara de efectuar dito reparto".

Advirten que "hai que tomalo en serio posto que se están dirixindo ás persoas máis sensibles da sociedade, as que máis risco parecen correr (maiores de 65 anos, en xeral), polo que se deben extremar as precaucións, tratando de reducir as posibilidades de contaxiar ou contaxiarse durante o propio reparto. Non vaia ser que o remedio sexa peor que a enfemedade".

E finalmene, o BNG conclúe manifetando que síguese carecendo de datos sobre o número de afectados e a súa situación e "desde o Concello todo se sigue facendo de costas á Corporación, sin informala de nada, como se de unha cuestión partidaria se tratase. Sabido é que en Cea nunca se convoca á xunta de portavoces nin existen comisión sectoriais, de modo que seguimos a niveis predemocráticos".

A convocotoria foi feita no transcurso da semana a través do teléfono pol alcalde de Maside, José Manuel Iglesias, coa idea de reunir aos alcaldes da comarca do Carballiño e intercambear experiencias, buscar a maneira de compartir medios e deseñar unha fronte intermunicipal para a xestión da crise do coronavirus.

Pero á hora fixada para a convocatoria, ás 12 do mediodia deste sábado, na casa do concello do Carballiño tan so compareceron os rexedores municipais de San Amaro e  O Carballiño, ademáis do promotor da reunión, os tres alcaldes socialistas da comarca.

O alcalde de Maside lamentaba a ausencia do resto dos alcaldes, os seis restantes, todos do Partido Popular , e non disimulaba a súa decepción "é certo que algúns excusaron a súa presenza, pero dous nin xiquera me colleron o teléfono nin tampouco me constestaron despois as chamadas", asegurou.

Os tres alcaldes presentes coincidiron no deficit de material de prevención e protección,  e analizaron a posiblidade de comprar conxuntamente este tipo de material, asi como a posibilidade de compartir servizos entre os concellos, optimizando da mellor maneira posible os recursos dispoñibles.

Ao presentar esta proposta desde ESCO volven reeditar as súas críticas sobre a polémica xerada polo repsrto de máscaras por parte do concello "namentras dende o grupo de goberno se adica a unha utilización totalmente lamentable dos recursos públicos cun reparto de mascarillas a capricho e outras accións só destinadas ao escaparatismo sen fondo algún, dende Espazo Común seguimos a traballar en medidas concretas e reais de apoio á cidadanía".

Inciden unha vez máis no feito de que entre "as máis grandes problemáticas que vai deixar tras de sí esta pandemia do COVID-19 é a difícil situación económica na que vai quedar gran parte do comercio, da hostalaría e, en xeral, dos autonómos". Por iso, anuncian que siguen a traballar en propostas que permitan paliar na medida do posible este complexo futuro que se presenta, tendo en conta que son sectores esencias no Carballiño.

Recordan como en días pasados, presentaaron unha proposta para que sexa debatida no pleno de aprobación definitiva dos orzamentos para o exercicio 2020 unha serie de alegacións que tería como obxetivo permutar 270.000 € das partidas de festexos e outras "que se fan menos necesarias ca nunca ás de apoio á economía local e Servizos Sociais".

Finalmente, dende Espazo Común informan que veñen de rexistrar unha nova iniciativa "para que pola vía da modificación de crédito, xa que só se pode facer despois da aprobación definitiva das contas, se trasvasen outros 360.000 € para liñas de apoio ao pequeno empresariado carballiñés".