Espazo Común acusou ao concelleiro socialista de protagonizar un reparto "caciquil e vergonzoso" de mascarillas de protección de forma discrecional sen ningún tipo de criterio sanitario e en base "á súa lista de amistades".

Consideraba como "moi grave" a actitude do concelleiro Manuel Dacal e mesmo pedía ao alcalde o "cese fulminante" do seu concelleiro.

Na sección "DENUNCIAS" desta mesma páxina Web podes ver íntegro o comunicado emitido por Espazo Común.

Pois ben, o PSOE cualifica as críticas de ESCO como "miserables" e defende a actuación do concelleiro socialista no reparto de mascarillas en base a unha lista do concello de persoas maiores de 80 anos ou que viven soas, afirman.

No arquivo adxunto podes acceder ao comunicado íntegro do PSOE do Carballiño. 

A pesar de todos os esforzos do persoal, que mesmo chegou a confinarse nunha casa de turismo rural para protexer aos residentes, non pudo evitarse que se confirme o primeiro caso de positivo en coronavirus na residencia de maiores Quercus de Leiro, unha das residencias con máis prazas -78- no ámbito intercomarcal O Ribeiro-O Carballiño.

Nas últimas horas ven de confirmarse que unha muller residente neste centro ven de dar positivo, tras a proba realizada. 

A muller viña dando síntomas de poder padecer a enfermidade dende facía algunhos dias, polo que permanecía illada na propia residencia, onde continúa. O resto das persoas coas que tiña relación máis directa deron negativo.

Trátase do segundo caso positivo confirmado com tal nas residencias de maiores nas comarcas O Carballiño-Ribeiro, xa que dias atrás unha traballadora da residencia Alvetus de Avión tamén foi diagnosticada co COVID-19.

Volve repuntar no número de contaxios na provincia de Ourense, tras contabilizarse 39 positivos en coronavirus na últimas 24 horas.

Como pode observarse na gráfica, a Área Sanitaria de Ourense está por riba da media tanto española como galega, ao superar os 325 contaxios por cada 100.000 habittantes, unha circustancia que é debido fundamentalmente aos casos de contaxios masivos en residencias de maiores, que son máis dun tercio do total de 1.041 persoas confirmadas co COVID 19.

A boa noticia está no número de pacientes nas UCIs do SERGAS, que sigue descendendo lentamente por sexto dia seguido, son en total 155 persoas ingresadas a dia de hoxe nas Unidades de Cuidados Intensivos, o que representa unha ocupación do 56% da capacidade total.

Asi o explicou nesta emisora de radio o portavoz do grupo popular Ricardo Peresa, os populares negocian co alcalde unha série de modificacións de distintas partidas que serán introducidas no orzamento unha vez que se proceda a súa aprobación definitiva.

Perea entende que esta é a mellor fórmula para adaptar o documento inicialmente aprobado en solitario polo PSOE para adaptálo a esta inesperada situación motivada pola crise do coronavirus.

O portavoz popular manifestou que "gustaríame que neste acordo no que traballamos e que se detallará nun documento participasen tamén os outros grupos, creo que sería o mellor neste momento, pero claro, é algo que xa non depende de nos", dixo.

Ademáis, o Partido Popular insta ao goberno municipal para aprazar a finais de ano o pagamento de do pago de taxas e impostos municipais, coa idea de que as familias teñan máis tempo para combatir os efectos do coronavirus, e mesmo propoñen que en caso de falta de liquidez acuda a unha operación de tesoureiría bancara a curto prazo "algo que a dia de hoxe non sería preciso", puntualizou Perea.

De feito, o grupo de goberno ábrese a esta posiblidade e ven de anunciar que "o concello estuda ampliar o periodo de cobro doutros impostos e taxas municipais, como son o IBI ou a taxa do lixo, co obxetivo de dar as maiores facilidades de pago posible".

Quenes sí presentaron alegacións foron tanto Espazo Común como BNG, tal como pode versedescargando os arquivos adxuntos:

A directora e 17 traballadores do centro de maiores “ Quercus” de Leiro decidiron illarse para coidar aos maiores e protexelos do coronavirus, a dia de hoxe non se rexistrou ningún caso de contaxio.

A súa directora, Maite Rodríguez Rivas, manifestou que era a “última carta que quedaba por xogar” para evitar que o coronavirus afecte aos residentes xa que, ata o de agora “puxéronse en marcha todos os protocolos recomendados” polas autoridades sanitarias e a Consellería de Política Social, e realizáronse “desinfeccións internas e externas” mesmo coa presenza da Unidade Militar de Emerxencias.

A directora sinalou que o persoal do centro de maiores “traballa en dúas quendas e dormen nunha casa de turismo rural, San Clodio” cuxo dono “a cedeu de forma altruísta e solidaria” e que se atopa á beira de “ Quercus”. Maite Rodríguez asegurou que os residentes son “76 persoas de distintas idades e distintos graos de dependencia” e que son de “máximo risco” para o coronavirus ao “ter varias patoloxías”.

Mentres, na Residencia Irmáns Prieto do Carballiño,a de máis alta capacidade das comarcas do Carballiño-Ribeiro, cunha comunidade de 170 persoas entre residentes e persoal, onde na semana pasada levouse a cabo unha desinfección a cargo dos bombeiros do parque do Carballiño, continúan a salvo do virus peroconsideran que sería convinte repetir esta mesma labor, pero de momento están á espera, mantendo a máxima alerta coas medidas de hixiene e seguridade en todas as dependencias do centro, sobre todos nas zonas de utilización común. 

Desde Espazo Común continúan a por enriba da mesa propostas que consideramos factibles e de gran utilidade para o cidadán do Carballiño.
Atendendo a que as cifras de contaxiados comezan a descender grazas aos efectos do confinamento e, polo tanto, amosase útil a estratexia de diminuir o contacto entre persoas para evitar a súa propagación, faise necesaria a previsión de medidas que van ser imprescindibles unha vez sexa posible levantar as situacións derivadas do estado de alarma".

Con esta proposta demandan ao Concello do Carballiño que se anticipe á circunstancia e garanta que cada veciño e veciña da nosa vila poida contar con mascarillas de protección para cando se poida saír á rúa, pois semella que este elemento vai a ser imprescindible, polo menos durante algunhas semanas máis.

A adquisición e distribución de 30.000 destas, tería -calculan dende Espazo Común- un custo de só uns 10.000 € para o Concello e "suporía un gran alivio para moitas familias que teñen dificultades para conseguilas, convertindo así a O Carballiño nunha vila máis segura".

Asemade dentro das medidas nas que Espazo Común está a traballar dentro do Plan O Carballiño CON-VIDA 20, desde esta formación política demandan a creación dunha Oficina Municipal de Información, Prevención e Loita contra o Covid-19.

Finalmente, subliñan que oobxectivo desta proposta debe ser dar toda a atención posible á cidadanía, contando cun teléfono único para asesorar a calquera que o precise en máteria sanitaria, de protección social ou posibles solucións a problemas económicos derivados desta crise.

A última entrega do "Estudio General de Medios" que ven de coñecerse este lúns dia 6 de Abril certifica que COPE O Carballiño continúa como a emisora líder absoluta en audiencia diaria no Carballiño e todo o seu ámbito de influencia, de lúns a venres, 9.000 persoas infórmanse e entreteñen no 91.9 do dial da FM, sendo a única emisora local de radio que logra incrementar a súa audiencia.

Ademáis, e como dato novidoso para COPE O Carballiño este último EGM constata que 3.000 oíntes diarios escoitan a emisora dende fora da provincia de Ourense.

Os datos deste "Estudio General de Medios" foron recollidos durante os meses de Xaneiro, Febreiro e ata o 17 de Marzo, polo que non reflicte o periodo correspondente o confinamento do estado de alarma, no que o consumo informativo da poboación experimentou un notable incremento.

Dende COPE O Carballiño achegamos o noso agradecemento a toda a audiencia e reafirmamos e aínda máis agora nestas circustancias que vivimos, en tempos convulsos tamén para os medios de comunicación, o noso compromiso informativo e social coa Comarca do Carballiño.

O concello de Maside ofrece este servizo para que os nenos e estudantes que precisen imprimir tarefas escolares ou académicas poidan facélo, deberán facer uso deste servizo enviando toda a documentación ao enderezo concello.maside.@eidolocal.es

Deberán ademáis indicar o número de copias, nome e dirección á que hai que levar o material, que será entregado no domicilio dos solicitantes, trátase dun servizo tanto para estudantes de infantil e primaria, como para os de secundaria, bacharelato ou mesmo universitarios.

O concello de Boborás tamén ven de poñer en marcha este mesmo servizo de impresión, que mesmo pode ampliarse co de préstamo de ordenadores para os estuadantes que carezan de medios ou posiblidades para seguir con normalidade as clases durante o periodo que dure o confinamento

O acceso online ás solicitudes pode facerse a través do enderezo: http://estudonacasa.boboras.gal Tamén pode salicitarse este servizo por escrito ou chamando ao teléfono da casa do concello de Boborás, o 988 402008

Tamén o concello de San Cristovo de Cea ofrece xa este servizo de impresión  "que estará en funcionamento durante Estado de Alarma, mediante o cal as familias que así o demanden poderán enviarnos as tarefas escolares dos cativos, imprímenselle e leváselle aos seus domicilios. Voluntarios de Protección Civil colaboran na entrega dos traballos impresos", informan dende o concello ceense.