O médico e investigador faleceu hospital Alvaro Cunqueiro de Vigo, vítima do coronavirus. José Manuel Pérez Vázquez, natural da parroquia carballiñesa de Sagra, deixanos un extenso curriculum e unha vida entregada á medicina, a investigación e a docencia no mundo da oncoloxía e a medicina nuclear, con varias distinciós durante a súa traxectoria profesional.

Aínda que pasou a maior parte da súa vida en Madrid (O seu pai era xornalista do ABC) José Manuel Pérez Vázquez "Pepe" para os seus conveciños de Sagra, viaxaba con frecuencia ata O Carballiño, onde ten familia. Precisamente, unha das súas últimas visitas foi para acudir ao funeral dun familiar.

LABOR ACADÉMICA E PROFESIONAL

Licenciado en Medicina e Cirurxía pola Facultade de Medicina da Universidade Complutense de Madrid, obtendo a cualificación final de Sobresaliente na Licenciatura. Realización dos cursos Monográficos do Doutoramento na Facultade de Medicina de Madrid (Universidade Complutense) obtendo a cualificación de sobresaliente en todas e cada unha das materias. Doutor en Medicina e Cirurxía pola Universidade Complutense coa cualificación de sobresaliente Cum Laude por unanimidade e Premio Extraordinario. Especialista en Medicina Nuclear. Especialista en Radioterapia Oncolóxica. Especialista en Oncoloxía Clínica. Profesor Xefe do Servizo de Medicina Nuclear do Hospital Xeral Universitario Gregorio Marañón. C.A.M. e Universidade Complutense. Título Europeo de Acreditación Docente outorgado polo European Board of Nuclear Medicine. En posesión do Nivel V (Consultor Señor) máximo nivel alcanzable na Carreira Profesional Hospitalaria da C.A.M. Master en Dirección de Hospitais. Escola de Xerencia Hospitalaria. Ministerio de Sanidade e Consumo. Supervisor de Instalacións Radioactivas do Consello de Seguridade Nuclear. Director científico do Centro de Investigacións Nucleares Clínicas Asociadas. Académico de Número da Real Academia Médico-Cirúrxica Española. Vicepresidente 1º da Real Academia Médico-Cirúrxica Española. Membro do Consello Asesor do Ministerio de Sanidade. Profesor na Formación de Posgrao en todas as Promocións de M.I. R. en Medicina Nuclear do Hospital Ge- neral Universitario «Gregorio Marañón» Universidade Complutense. Director de Medicina Nuclear na Escola de Formación Profesional de 2º Grao (Escola Técnico-Profesional de Saúde da Comunidad de Madrid) desde a súa fundación ata a actualidade. Membro do Comité Asesor Científico de Revístaa Tecnoloxía Radiolóxica. (Publicación Oficial de Asóciaa- ción Española de Técnicos en Radioloxía). Profesor Licenciatura de Medicina e cirurxía. Universidade Complutense de Madrid. Materia: Clínica integrada en anatomía patolóxica, microbiología, radioloxía, rehabilitación e inmunología. Departamento: Radioloxía e Medicina Física.

PERÍODOS DE FORMACIÓN EN ONCOLOXÍA E MEDICINA NUCLEAR EN CENTROS HOSPITALARIOS ESTRANXEIROS

Ex médico residente do Instituto Gustave- Roussy ( Villejulf-París), no servizo de Curiterapia ( Prof. Chassegne) e no Departamento de Investigacións Oncolóxicas ( Prof. Mathé). Ex médico asistente do Departamento de Teleradioterapia e Curiterapia na Fundación Curie (París). Estancia como Especialista Bolseiro polo Goberno Francés no Servizo de Cancerología e Curiterapia do Prof. Pierquin, no Hospital Universitario Henry- Mondor, en Creteuil, París. Estancia como especialista Bolseiro polo Goberno Francés no Servizo de Curiterapia do Instituto Gustave- Roussy do Prof. Chassagne, en Villejuif, París. Estancia no Servizo de Radiofísica e Dosimetría. Instituto Gustave- Roussy, Prof. Dutreix, en Villejuif, París. Estancia no Instituto de Oncoloxía de Turín. Profesores Calderota e Dogliatti. Estancia mediante invitación do Goberno Francés no Servizo de Medicina Nuclear e Biofísica, Prof. Th. Planiol, do Centro Hospitalario Universitario de Circuítos, Francia. Decembro de 1978. Estancia mediante invitación de Goberno Francés no Servizo de Medicina Nuclear e Biofísica, Prof. Th Pla- niol, do Centro Hospitalario Universitario de Circuítos, Francia, Outubro de 1979.

LABOR DOCENTE

Director Docente da Escola de Técnicos Especialistas en Medicina Nuclear. Consellería de Saúde. C.A.M. Xefe de Estudos da Escola Profesional de Post-Graduados en Electroradiología do Hospital Provincial de Ma- drid e a Facultade de Medicina na Universidade Complutense (Anos 1974-1975-1976-1977). LABOR INVESTIGADOR Investigador Membro do Centro Coordinado de Investigacións Oncolóxicas do C. S.I. C. (Consello Superior de Investigacións Científicas). Autor de 106 publicacións, sociación 1 e, relatorios e leccións presentadas e ditadas en Congresos, Simpo- siums e Cursos Nacionais. Autor e coautor de 6 libros da Especialidade. 28 Cursos de Perfeccionamento e Actualización realizados en diversos Centros Hospitalarios e Universitarios Na- cionales e Estranxeiros. Membro Español do Working Group on Nuclear Cardiology European Society of Cardiology.

SOCIEDADES ÁS QUE PERTENCEU

Socio Fundador da Sociedade Española de Oncoloxía. Membro da Sociedade Italiana de Terapia de Tumores. Membro da Society of sociac Medicine of Ou.S.A. (xuño 1975) Membro da Sociedade Española de Medicina sociac. Membro de Grupo Europeo de Curiterapia. Membro correspondente da Asociación Española de Hepatología na Especialidade de Medicina Nuclear. Membro da Sociedade Alemá de Medicina Nuclear. Membro da Sociedade Europea de Medicina Nuclear. Membro da Sociedade Española de Directores e Xerentes de Hospitais. Membro da Sociedade Española de Protección Radiolóxica. Membro da Asociación Radioterapia e Oncoloxía A.E. R.Ou. Membro da Asociación Española de Senología e Patoloxía mamaria. Membro da Sociedade Española de Resonancia Magnética Nuclear.

Unha traballadora do Centro Integral de Servizos Sociais é o primeiro caso positivo de COVID 19 oficialmente confirmado por Sanidade nunha residencia de maiores no ámbito das comarcas do Carballiño-O Ribeiro.

A Xunta activou xa o protocolo para determinar se hai máis casos entre o persoal e as persoas residentes nesta residencia de maiores sita no lugar do Sifón, preto da capitalidade municipal do concello de Avión.

No resto das residencias de maiores do territorio intercomarcal, nas que residen na actualidade algo máis de 700 persoas en total, Sanidade non ten confirmado ningún caso positivo en coronavirus.

O home, auxiliar do Servizo de Axuda no Fogar na empresa que xestiona este servizo  municipal, sentíu os primeiros síntomas o pasado dia 14 de Marzo, e dende entón permanceceu en cuarentena, agora confírmase como o segundo caso positivo en coronavirus no municipio do Carballiño. Ningún usuario dos que atendía tivo síntomas.

Responsables de Sanidade confirmonlle esta mañá este segundo caso de coronavirus no municipio ao alcalde Francisco Fumega.

Ademáis, son varios veciños e veciñas do Carballiño que permanecen en cuarentena, con seguimento sobre o seu estado de saúde, tras sentir os síntomas do COVI 19, e a espera de que as probas poidan determinar se están infectados ou non.

O Carballiño recibe este martes dia 31 de Marzo lote de EPI enviado pola Xunta aos concellos galegos, no caso do Carballiño compónse de 350 máscaras cirúrxicas, 60 batas protectoras, 12 traxes antisalpicaduras, asi como distintas cantidades de desinfectante clorado e xel hidroalcohólico.

A composición de cada envio aos concellos faíse -afirman dende a Xunta- tendo en conta a poboación e o número de casos positivos en coronavirus.

O material chegará directamente dende o centro loxístico que a Xunta ven de poñer en marcha para centralizar a adquisición e distribución de equipos de protección individual durante o estado de alarma e a emerxencia sanitaria por coronavirus.

O vicepresidente da Xunta, Alfonso Rueda, explicou que este centro loxístico, denominado Clonegal, ponse en marcha tralo aumento do material que chegará ás administracións locais e tamén co obxectivo da axilización do reparto, xa que os concellos recibirán os envíos no seu propio municipio e non terán que desprazarse. Os medios foron adquiridos directamente polo Goberno autonómico ante a escasez de subministración do Goberno central.

A pasada semana unha dotación da UME realizou traballos de desinfección na Residencia de Maiores do Cornuval, mentres que os traballadores do Servizo de Prevención e Extinción de Incendios da Xunta de Galicia veñen realizando esta labor nas residencias de maiores da comarca, ubicadas todas elas en concellos de menos 5.000 habitantes.

Ademáis, os distintos concellos tamén complementan con medios propios os traballos de desinfección nas residencias de maiores dos seus respectivos municipios, asi como noutros lugares considerados como sensibles ao contaxio do COVID 19.

Non obstante, sorprende que nos traballos deste operativo non se incluíse ata o dia de hoxe a residencia de máis capacidade de toda a comarca, como é o caso da residencia de maiores Irmáns Prieto do Carballiño, na que entre residentes e persoal suman 170 persoas.

Aínda que dende que se declarou o estado de alerta sanitaria restrinxíuse o rexime de visitas e extremaronse as medidas de prevención, traballadoras do centro mostraron a súa preocupación por esta tardanza en levar a cabo unhos traballos que sí xa se levaron a cabo na maioría dos centros de maiores.

Tamén dende o Partido Popular do Carballiño manifestaron a súa preocupación ao entender que a desinfección das residencias de maiores debe ser unha prioridade urxente agora mesmo. 

A partir deste martes 31 de Marzo e ata o vindeiro día 6 de abril, permanecerá aberto o prazo para solicitar as axudas de carácter directo dirixidas ás familias do alumnado beneficiario de bolsas de comedor escolar cuxo servizo xestiona a Consellería de Educación, Universidade e Formación Profesional, mentres estean suspendidas as clases presenciais.

Deste xeito, a Consellería de Educación aboará os menús escolares de todos os días lectivos mentres estean suspendidas as clases presenciais a aquelas familias que durante o curso son beneficiarias dunha bolsa de comedor gratuíta (que non pagan nada polo servizo) ou semigratuíta que pagan 1 euro/día, naqueles centros públicos cuxo servizo de comedor está xestionado pola Consellería.

Presentación de solicitudes

Tal e como publica este lúns dia 30 de Marzo o Diario Oficial de Galicia, a solicitude formal deberá presentarse de xeito obrigatorio a través da sede electrónica da Xunta de Galicia. Naqueles casos nos que as familias non dispoñan de acceso electrónico, poderán solicitar a colaboración dos equipos directivos dos centros de ensino onde estean escolarizados os seus fillos.

Cada familia presentará unha única solicitude na que incluirá a totalidade dos fillos e fillas (cada un deles debidamente identificado) que sexan comensais gratuítos e semigratuítos de 1 € no comedor escolar xestionado pola Consellería nun centro de ensino público; así como a información da conta bancaria onde realizar o ingreso da compensación.

Para tal fin a Consellería de Educación vén de habilitar un crédito de 3 millóns de euros, que é o estipulado para atender os 14 días lectivos que van entre o comezo da suspensión da actividade lectiva presencial e dos servizos educativos complementarios o pasado 16 de marzo ata o día 12 de abril; así como unha previsión no caso dunha eventual segunda prórroga da situación de alarma.

Tras o respiro deste pasado domingo, no que descendía, nas últimas 24 horas volve subir o rítmo de contaxio polo COVID 19 na Área Sanitaria de Ourense, na que se diagnosticaron 64 novos positivos, que eleva a cifra total a 479 persoas, según os datos actualizados a primeira hora desta tarde de lúns.

A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 3.476, deles 807 son da área da Coruña, 289 da de Lugo, 479 da de Ourense, 348 da de Pontevedra, 866 da área de Vigo, 529 da de Santiago, e 158 da de Ferrol.

Do total de pacientes positivos, 134 permanecen en UCI, 766 están en unidades de hospitalización e 2.576 no domicilio. Polo de agora, en Galicia rexistráronse 168 altas de pacientes e 79 falecementos.

O número de PCR realizadas é de 16.118.

A Policia Local do Carballiño cerrou a semana coa apertura de 48 expedientes sancionadores, a maioria deles nos últimos dias, abertos a veciños e veciñas do Carballiño por non respectar o confinamento domiciliario ao que estamo obrigados polo estado de alerta.

Trátase de persoas que paseaban  por espazos públicos e que non poideron xustificar os desprazamentos que estaban realizando, a maioría deles transitaban a pe pola zona do parque municipal do Carballiño e o paseo fluvíal do rio Arenteiro, onde os axentes da Policia Local do Carballiño realizaron controis a pe nos últimos  dias.

Os expedientes abertos son agora remitidos á Subdelegación do Goberno, para a súa tramitación e resolución.

As persoas denunciadas enfróntanse a multas que poden ir dos 600 aos 30.000 euros en casos que sexan reincidentes ou que supoñan un delito de desobediencia grave á autoridade.

Continúa aumentado o número de contaxios en toda Galicia, tamén na Área Sanitaria de Ourense, aínda que nas últimas 24 horas baixa o rítmo de persoas contaxiadas, tanto en Galicia como na provincia de Ourense, onde se rexistraron 44 novos positivos de coronavirus, fronte os 71 deste pasado sábado.

A comarca do Carballiño, de momento está aínda a salvo de rexistrar focos de contaxio,como xa ocorre noutras comarcas da provincia, xa que os coñecidos ata o de agora son casos illados, e gardando a cuarentena domiciliaria.

A Dirección Xeral de Saúde Pública da Consellería de Sanidade informa que, na última actualización correspondente á mañá deste domingo 29 de Marzo, o número de casos de coronavirus en Galicia ascende a 2.925, deles 639 son da área da Coruña, 244 da de Lugo, 415 da de Ourense, 324 da de Pontevedra, 681 da área de Vigo, 480 da de Santiago, e 142 da de Ferrol.

Do total de pacientes positivos, 122 permanecen en UCI, 707 están en unidades de hospitalización e 2.096 no domicilio. Polo de agora, en Galicia rexistráronse 153 altas de pacientes e 61 falecementos. O número de PCR realizadas é de 14.440.

Uso do 061 para casos graves e emerxencias, e o 900 400 116 para dúbidas

A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.

Sinalar, ademais, que o Sergas ten a disposición da cidadanía unha páxina web coronavirus.sergas.gal), na que se pode consultar información dirixida á poboación, aos profesionais sanitarios e a outros colectivos.

Así mesmo, o departamento sanitario galego ten a disposición da poboación o teléfono 900 400 116, que vén de ser reforzado con máis persoal, para dar información xeral sobre o coronavirus. Neste número pódense resolver todas as dúbidas dos cidadáns ao respecto e tamén consultar sintomatoloxía leve.

Recomendacións

Os técnicos da Dirección Xeral de Saúde Pública da Consellería de Sanidade volven reiterar as recomendacións consensuadas entre as comunidades autónomas e o Ministerio de Sanidade, e lembran que, en liñas xerais, aconséllase adoptar as medidas de autoprotección e limitación da diseminación do virus común a calquera infección respiratoria, como a gripe. Así, extremarase a hixiene de mans, lavándoas frecuentemente, especialmente despois de tusir ou soarse, e cubrirase o nariz e a boca cun pano -preferentemente desbotable- ao tusir ou esbirrar, ou se non se dispón de pano, na cara interna do cóbado. Ademais, evitarase tocar os oll

A Biblioteca Pública Municipal de Beariz súmase aos servizos accesibles do Concello de Beariz e ofrece durante estes días de confinamento, o servizo de préstamo de libros a domicilio en combinación cos servizos municipais de entrega a domicilio de medicinas e outros bens necesarios. 

A Biblioteca de Beariz que leva en funcionamento desde o ano 1998, está situada no edificio do CEIP de Beariz e conta con máis de 10.000 títulos que están disponibles para a consulta en sala pero actualmente, debido ao Estado de Alarma, atópase pechada ó público. 

Este servicio municipal está rexentado na actualidade por Marta Pérez Lamas, esta licenciada en Historia e unha auténtica dinamizadora da lectura entre os máis de 850 socios que ten a a biblioteca na actualidade. Marta é creadora tamén do club de lectura de Beariz e apoio directo ao CEIP de Beariz donde é unha referencia cultural para calquera dos alumnos.

En canto alguén se fai socio recibe dúas obras de Leopoldo Durán que foron donadas á biblioteca pola súa irmá Erundina Durán. 

Ademais cómpre lembrar que co carné da biblioteca pódese acceder á plataforma de prestamo online da Xunta de Galicia, este servicio tamén contén películas en diferentes idiomas.

Calquera veciño que estes días de confinamento queira ler algún dos títulos da Biblioteca Pública Municipal de Beariz só ten que poñerse en contacto con Marta por WhatsApp no 647173820 ou chamar ó concello para que lle faciliten o seu contacto e acordar con ela os detalles do libro que queren, despois o concello realizará as entregas e devolucións unha vez á semana coas debidas medidas de desinfección e precaucións necesarias neste Estado de Alarma.