A muller, de 69 anos de idade e con domicilio no Carballiño, fixera unha viaxe fora de Galicia unhos dias antes de decretarse o estado de alarma.

Xa no Carballiño, comezou a sentir os síntomas máis comúns do virus, tos e febre, polo que acudíu a urxencias, fixéronlle a proba e quedou en observación, ata que confirmaron que se trataba dun contaxio de COVID 19.

Encóntrase ingresada no CHUO, a súa evolución é favorable, según confirmaron a COPE O Carballiño dende a súa familia.

Podemos vai achegar por escrito ao grupo de goberno unha série de medidas concretas coa convicción de que o concello do Carballiño non pode permanecer alleo á crise económica e social xerada polo coronavirus, que precisa unha reacción por parte de todas as administraccións, entre elas a municipal.

Para elo, Podemos da algunhas claves, que serían as seguintes:

Modificar os orzamentos, concretamente incrementar a cantidade de 10.000 € recollida na política de gasto de servizos Sociais no subprograma 231,13,480 00, para Emerxencia Social e facer uso da mesma (non como en anos anteriores), recortando en outras áreas como actuacións e espectáculos (subprograma 334,12,227 06 dotado de 45.000 e, por exemplo).

A situación de excepcionalidade require que os orzamentos se modifiquen de acordo á emerxencia social e se adiante as necesidades que poidan aparecer por parte da veciñanza do Carballiño.

Usar e asignar o Remanente de Tesourería (superávit) de 4.000.000 de euros, para axudar as persoas autónomas, PYMEs e comercio local do noso concello de xeito directo, así como para as familias que se verán en situacións difíciles estes días.

Esta dotación e reasignación orzamentaria usarase de xeito discrecional baixo a xestión da Área de Asuntos Sociais e buscará cubrir demandas de alimentos, medicacións, productos de hixiene e outros de primeira necesidade, así como para familias que precisen de pagar alugueiros, subministracións de luz, auga e gas de ser o caso. Quedará aberto a calquera outra necesidade (como podería ser cubrir o custo de transporte en certas situacións de urxencia) se estivese suficientemente motivada.

Os cargos electos, nun xesto de solidariedade e compromiso coa veciñanza, donen ametade das súas asignacións dos meses de marzo e abril para contribuír a sufragar esas necesidades dos colectivos e familias nomeadas no punto anterior.

Creación de un protocolo de Asistencia a Xente sen Fogar. Para dito protocolo constituirase unha unidade de intervención asistencial, seguindo coa lexislación vixente e baixo a formación sanitaria pertinente, para dar asistencia e acollida a persoas sin fogar.

Dotarase e habilitaranse estruturas municipais como o Pavillón de Deportes ou o Cámping do Carballiño para dar acollida a estas persoas.

Tamén correrán por conta do Concello a alimentación básica e o reparto de Kits de limpeza e hixiene corporal, para garantir un mínimo de condicións hixiénicas e vitais dignas, na medida do posible.

Este protocolo de Asistencia dando cobixo, alimento e asistencia, poderase estender a familias que se vexan na necesidade de solicitalo, sexan polos motivos que sexan.

Un dos grupos de maior risco polo contaxio de coronavirus é o das persoas maiores, que no caso do concello do Irixo contitúe o segmento maioritario, xa que do total de 1.466 habitantes que ten o municipio o 60% supera os 60 anos de idade, e dentro deles o grupo máis numeroso é daquélas persoas que teñen máis de 80 anos.

Neste contexto, a situación de alerta sanitaria polo coronavirus, motiva que unha da poboacion estea sendo obxeto dun seguimento especial por parte do concello, tratando de atender as necesidades básicas para estas persoas, que en non poucos casos viven soas e mesmo alonxadas 10 kilómetros e máis da capitalidade municipal, como acontece con distintas localidades da zona de montaña do concello do Irixo.

O alcalde Manuel Cerdeira encabeza o grupo de traballadores e voluntarios que está distribuindo alimentos de aldea en aldea, e atendendo outras necesidades.

Para calquera aviso, o concello do Irixo recorda que os teléfonos aos que hai que chamar son : 653 640 678 e 988 287 400.

Debido ao estado de alarma polo COVID-19, o período de cobro de impostos e servizos municipais que finalizaban a primeiros de abril, quedan prorrogados nun principio ata o 30 de abril. Trátase do Imposto de vehículos e Axuda no fogar do mes de febreiro.

Así mesmo, quedan suspendidos os cobros de Bo Día Familia Quincenal, Cursos de Natación para maiores e das escolas de Artes Escénicas e Musicais.

En relación ao derradeiro día para domiciliar recibos para diversas taxas, que remataba o 1 de abril, queda prorrogado nun principio para o 30 de abril.

No caso de AUTOLIQUIDACIÓNS, os administrados deberán comunicarse telefónicamente coa oficina de Recadación, que lles facilitará o recibo para proceder ao seu pago.

Tamén informamos que a oficina de recadación permanece pechada, e as xestións con este departamento deberán facerse telefónicamente nos números: 988 27 49 57 ou 988 22 62 14.

Finalmente, informamos que os pagos dos tributos e prezos públicos municipais farase mediante transferencia bancaria ou nos caixeiros automáticos das Entidades Colaboradoras (CAIXA RURAL, BBVA e ABANCA). No caso de escoller a transferencia bancaria a oficina de recadación facilitará o IBAN da conta de Recadación onde deben realizar os ingresos.

Non se poderán facer pagos mediante o sistema TPV, instalados nas oficinas municipais.

Estas medidas poden consultarse integramente no Bando da Alcaldía publicado na páxina web e no facebook do concello do Carballiño.

O enterro tivo lugar a primeira hora da tarde deste sábado no cemiterio da parroquia de San Xoán de Seone, no concello do Carballiño, no medio de fortes medidas de seguridade, tan so coa presenza dos profesionais da funeraria. Non asistíu ningún dos familiares directos, xa que se encontran en cuarentena en Madrid.

O cadáver foi trasladado directamente ata cemiterio de Seone dende Madrid, onde faleceu como consecuencia do COVID-19.

Trátase dun home, que supera os 70 anos, e que alternaba domicilio por tempadas entre a parroquia de Seoane e Madrid, a principios deste mes de Marzo foise para Madrid, onde resultou contaxiado. Atópase, polo tanto, entre as 1.326 vitimas mortais que segundo os datos oficiais publicados nesta xornada de sábado faleceron xa en España polos efectos do virus.

Desde Espazo Común do Carballiño consideran "que agora mesmo, o máis importante é garantir a saúde e o maior benestar posible para a veciñanza, deixando de lado confrontamentos políticos e críticas partidistas. Cando todo esto remate, chegará o momento de facer balance e xulgar a xestión realizada por uns e outros, hoxe por hoxe, toca arrimar o ombreiro e remar todos na mesma dirección".

Unha situación -remarcan- totalmente insólita e que, por tanto, demanda á sua vez, medidas excepcionais e actuacións rápidas e dilixentes.

"É importante ter presente que estamos ante un escenario no que os erros, a improvisación ou o efectismo populista poden chegar a custar vidas. Polo de agora no noso pobo non temos un gran problema de contaxios pero vendo o que acontece moi preto de nós, toda precaución é pouca para que siga sendo así".

Espazo Común destaca o papel que poden facer os concellos "como institución máis cercana á veciñanza, os concellos teñen a enorme responsabilidade de protexer máis ca nunca aos moitos que están a padecer maiores dificultades por causa desta epidemia do COVID19.
Por todo o antedito e co máximo afán de colaborar nesta tarefa, dende Espazo Común imos dar traslado ao alcalde Fumega dunha serie de propostas que se deben acometer dende o Concello do Carballiño para por en marcha tódolos mecanismos muncipais dispoñibles".

En primeiro termo, consideran imprescindible que os teléfonos postos a disposición dos cidadáns para atender necesidades sobrevidas por causa do illamento, estean operativos 24 horas ao día, os sete días da semana e non só en horario de oficiña de 09:00 a 14:00 como está a acontecer ata o de agora. A demanda de alimentos ou mediciñas pode xurdir polas tardes, en fin de semana ou festivos. Neste eido tamén sería aconsellable habilitar un único número que concentrase tódalas chamadas recibidas, aconsellan.

"É importantísimo habilitar mecanismos para o control sanitario de todo aquel persoal municipal que faga tarefas de reparto por domicilios de persoas que o precisen e que está laboura só sexa realizada por persoal preparado para tal función",subliñan.

Consideran tamén imprescindible garantir un suministro suficiente de material sanitario a todo o persoal municipal, especialmente ás traballadoras do Servizo de Axuda no Fogar, dado que este servizo, competencia do Concello aínda que estea externalizado, debe velar pola seguridade e a saúde das auxiliares e dos usuarios, colectivo excepcionalmente sensible ao coronavirus e que debe ser protexido a calquer custo.

Demandan tamén que os departamentos xurídico e económico do Concello retomen o seu horario habitual, "eso sí, sen atenciónn ao público para previr posibles contaxios".

Tamén entende desde ESCO que "no caso destas áreas, débese traballar con celeridade para axilizar o pagamento de facturas a proveedores que serviría para dar algo de osíxeno ás empresas locais e que traballen para o organismo municipal. Tamén se deben procurar con urxencia fórmulas para eliminar o cobro de impostos e taxas a comercios, hostaleiros e cidadáns que estean vendo perxudicada a súa actividade profesiónal durante este período de alarma. A nosa proposta é que o tempo que estean sen ingresos, os pagamentos ao Concello sexan suprimidos definitivamente".

Débese elaborar - propoñen- un plan para que o Remanente de Tesourería de 4.000.000 de € anunciado polo alcalde Fumega repercuta o antes posible de xeito directo no apoio aos colectivos máis perxudicados na súa actividade : comerciantes, hostaleiros, autónomos..., así coma nas familias que queden nunha situación máis delicada que non van ser poucas.

Por último, dende Espazo Común agradecen publicamente o enorme esforzo que están a facer moitos traballadores municipais e colaboradores. Policía, Grupo de Emerxencias, Agrupación de Voluntarios de Protección Civil, traballadoras de Axuda no Fogar e moitos máis que seguen tentando que O Carballiño se manteña libre de coronavirus e a veciñanza protexida.

E brindan toda a colaboración que poidar achegar dende Espazo Común para que O Carballiño poida superar esta situación sen precedentes.