O ritual que se repite cada tarde cando o reloxio marca as 20 horas, a veciñanza do Carballiño agradece con aplausos dende ventás e balcóns, cancións e mesmo vitores o traballo de todo o persoal sanitario que loita contra a pandemia do coronavirus, e tamén das Forzas e Corpos de Seguridade do Estado, asi como do resto de profesionais que están garantindo o funcionamento dos servizos básicos durante o confinamento.

A Garda Civil e a Policia local corresponden patrullando as rúas do Carballiño facendo soar o sinal acústico dos seu vehículos.

Este aplauso unánime que se escoita en cada tarde carballiñesa está ademáis animado por actuacións musicais en directo por parte de algúns veciños, mentres que en moitas rúas escóitase o "Resistiréi" do Dúo Dinámico, a sintonia que COPE O Carballiño elixíu dende o primeiro dia do confinamento para dar ánimo a toda a súa audiencia.

Xuntos resistirémos mellor, xuntos somos máis fortes !!

O presidente da Deputación de Ourense, Manuel Baltar, anunciou hoxe que o goberno provincial mercou 36.000 máscaras e 43.000 pares de luvas, xunto con 500 litros de xel desinfectante, que serán repartidas entre concellos e entidades da provincia de Ourense, unha medida validada polo Comité de Seguimiento do Coronavirus da Deputación, e que forma parte da estratexia de colaboración coa Xunta de Galicia. A petición de axuda foi formulada polo Posto de Mando Avanzando (PMA) en Ourense.

Desta maneira, a xestión levada a cabo polo goberno provincial fai posible a adquisición deste material sanitario, que chegará a Ourense a próxima semana e que se unirá ao da Xunta de Galicia, para poder realizar un reparto conxunto.

Manuel Baltar valora como "sumamente importante unir esforzos para seguir cooperando, ademais dos labores que xa vimos desenvolvendo en materia de servizos sociais e infraestruturas, "con equipamentos que neste momento resultan imprescindibles para afrontar a pandemia do Covid-19".

O presidente do goberno provincial afirma que a cooperación "vai no ADN da Deputación de Ourense, e neste momento, unir esforzos coa Xunta de Galicia e conxuntar o material que mercamos para colaborar nesta crise é algo fundamental e centra todas as nosas estratexias", valora o presidente Baltar.

Unha dotación da Unidade Militar de Emerxencias realizou esta mañá labores de desinfección nas resindencias públicas de maiores do Carballiño, no Cornuval.

O alcalde do Carballiño Francisco Fumega confirmou a esta emisora de radio que, a maiores, tamén se realizan traballos de desinfección nos exteriores das dúas residencias de mairores privadas que temos no Carballiño, a de Partovia e a residencia dos Irmáns Prieto, que coas súas 119 praza é a de máis alta ocupación de toda a comarca.

Mentres, nos concellos de 5.000 habitantes, é decir todos os da comarca agás O Carballiño, son os bombeiros forestais e os profesionais do Servizo de prevención e extinción de incendios da Xunta de Galicia os que desde onte realizar labores de desinfección, que xa fixeron nos exteriores das residencias de Maside e San Amaro, e esta mesma mañá na casa de maiores de Dacón. 

Tamén actuarán nos exteriores dos centros de saúde, complementando os traballos que xa están levando a cabo os respectivos concellos.

Para executar estes traballos, informa a Xunta, os efectivos contan coa debida formación para facelos e con todo o material de protección necesario para asistir con todas as garantías sanitarias, así como cos protocolos de actuación pertinentes, seguindo en todo momento as recomendacións sanitarias ao efecto.

Tamén dispoñen da maquinaria e os produtos precisos para efectuar as desinfeccións. Ademais de desinfectar, establecerán contacto cos profesionais das residencias e reforzarán os seus protocolos de prevención.

A maiores, estes profesionais tamén se encargarán de vixiar as zonas de esparexemento no rural para garantir o confinamento e colaborarán nas comunicacións de posibles condutas irregulares a través da rede de emisoristas do propio Servizo de prevención e defensa contra incendios forestais (SPDCIF) de Galicia.

En concreto, estes labores executaranos os traballadores que participen voluntariamente na iniciativa durante as súas quendas de traballo. Con todo, é sabido que a súa función principal e primordial é a de prevención e extinción dos incendios forestais que se poidan rexistrar, unha cuestión que está garantida.

Así mesmo, ademais de dedicarse á disuasión de posibles comportamentos incendiarios, entre as funcións adicionais que se lle poden encomendar nun futuro poderán ser as de colaborar coas autoridades no auxilio a persoas residentes en zonas remotas ou de difícil acceso, así como no transporte de produtos como víveres ou material sanitario a zonas do rural galego.

Non obstante, a Consellería do Medio Rural insiste en que sempre estará garantida a dispoñibilidade prioritaria destes profesionais para os labores de vixilancia e extinción de incendios forestais.

O esposo da carballiñesa de 69 anos que se infectou co virus nunha viaxe fora de Galicia, deu negativo nas probas de coronavirus que lle realizaron, igual que o resto de famiiares e as poucas persoas coas que estivo en contacto tras regresar ao seu domicilio no Carballiño.

A muller continúa hospitalizada no CHOU e a súa evolución continúa sendo moi favorable.

Por vez pirmeira dende que entramos en estado de alerta a curva de contaxio polo COVI-19 é descendente, tanto en Galicia como na Área Sanitaria de Ourense, na que se contabilizaron 10 novos casos positivos en coronavirus nas útlimas 24 horas e según os datos actualizados este mediodia, que sitúa o número de persoas contaxiadas en 152 na provincia.

De todos os xeitos e según as previsións das autoridades sanitarias o pior da pandemia aínda estaría por chegar a Galicia, os especialistas sitúan o pico para a semana que ven.

No concello do Carballiño incorpouse un vehículo que está especialmente adaptado para esta función, xa que permite a desinfección de forma mecánica.

O concelleiro de seguridade, Manuel Sotelo, coordena os traballos que se priorizan dende a comisión de seguimento da alerta sanitaria do concello do Carballiño.

O alcalde, Francisco Fumega, comunicaba hoxe que esta actividade de desinfección xa se ven facendo desde a pasada semana naqueles espazos de máis afluencia de público, e desde esta semana van levarse a cabo noutras zonas do ámbito urbano, para esta mesma noite está previsto que a desinfección se acometa nas rúas que baixan dende o centro ata a avenida do Balneario.

Esta mesma actividade de desinfección de lugares sensibles está en marcha en todos os concellos da comarca, prestando especial atención nos centros de saúde, oficinas municipais, farmacias e establecementos de alimentación.