A Policia Local do Carballiño leva dende o inicio do estado de alerta facendo un control diario da mobilidade da poboación, fundamentalmente dentro do casco urbano do Carballiño, ata o momento non abríu ningún expediente sancionador por desobedecer  a restricción de quedarse na casa sen xustificación, centrándose sobre todo en funcións informativas.

Pois ben, a partir deste mércores dia 18 de Marzo comezará a pedir que se xustifique  a mobilidade dentro do municipio do Carballiño, tanto a peóns como a conductores de vehículos, según advirten dende a Xefatura da Policia Local carballiñesa, que dende a entrada en vigor do estado de alerta está baixo o mando único do Ministerio do Interior.

As multas por saltarse sen xustificación o confinamento domiciliario van dos 601 aos 30.000 euros, e prisión de tres meses a un ano se a resistencia á autoridade é grave.

Este  mesmo control de mobilidade das persoas durante o tempo que dure o estado de alarma tamén pode exercélo tanto a Garda Civil como a Policia Autonómica.

A Consellería de Sanidade vén de publicar, a través da páxina web https://coronavirus.sergas.gal, que o Servizo Galego de Saúde dedica de xeito exclusivo ao coronavirus, un autotest para que a cidadanía poda consultar síntomas e resolver dúbidas relacionadas con esta enfermidade.

Coa posta en marcha deste test interactivo, elaborado por persoal sanitario, proporciónase á poboación un sistema áxil e inmediato no que atopar información actualizada sobre cuestións relacionadas co coronavirus. Ademais o feito de que o test personalice as respostas, a través de preguntas concretas, permite ofrecer recomendacións adaptadas á situación particular de cada persoa.

Esta nova ferramenta de información e consulta, súmase a outras iniciativas relacionadas coa atención a esta enfermidade, xa postas en marcha desde Consellería de Sanidade, como o teléfono gratuíto 900 400 116 que nestes días incrementou a súa demanda asistencial ata nun 60%.

O test, que está dispoñible en galego e castelán, presenta catro entradas que formulan as diferentes situacións que poden estar a vivir as persoas que o realizan, así como información sobre as dúbidas máis frecuentes acerca de temas relacionados co coronavirus. No primeiro lugar está a opción para as persoas que teñan síntomas e que estean preocupadas porque cren que poda deberse ao coronavirus. Neste caso a través do recoñecemento dos síntomas que presenta a persoa (tose, dificultade para respirar, febre maior de 38º ou sen síntomas) e a través dun sinxelo interrogatorio danse recomendacións ou se indica como acceder ao sistema sanitario para que sexa atendido por profesionais sanitarios.

A segunda entrada é para aqueles que se atopan illados ou confinados na casa. Neste caso, danse unha serie de indicacións sobre o que deben facer mentres permanezan na súa vivenda. Tamén se indica o que deben facer no caso de que estean pendentes de que se lle tomen as mostras para saber se están contaxiados, no caso de que estean á espera dos resultados das mesmas ou se empeorou a súa clínica desde o confinamento.

A terceira entrada informa a aqueles que deran positivo nesta enfermidade e ofrece as recomendacións a seguir mestres estean confinados ou no caso de que a súa clínica empeorase desde que permanecen no domicilio. Por último, a cuarta entrada ofrece información sobre as dúbidas máis frecuentes acerca de temas relacionados co coronavirus.

Cómpre recordar que o novo coronavirus transmítese principalmente por vía respiratoria e polo contacto directo con secrecións respiratorias e que na maioría dos casos a infección por esta enfermidade é similar a un arrefriado común.

A Consellería de Sanidade solicita, unha vez máis, que se empregue o número 061 só para emerxencias ou casos graves e aconsella chamar os seus centros de saúde ou utilizar o número gratuíto 900 400 116, que vén de ser reforzado con máis persoal, para facilitar información xeral sobre o coronavirus. Neste número, pódense resolver as dúbidas dos cidadáns ao respecto e tamén consultar sintomatoloxía leve.

Para acceder ao autotest sigue a ligazón: https://coronavirus.sergas.gal

Afirman dende o grupo municipal do Partido Popular que "estes días son moitas as persoas que nos están a trasladar a súa preocupación por que non saben onde e a quen dirixirse, ben para solucionar os inconvenientes que o estado de alarma prodúcelles, ben porque queren axudar como voluntarios a solucionar os problemas dos máis. E o Concello do Carballiño non está a ser todo o operativo e eficaz que é de desexar nun momento de crise como o actual".

Entenden que se perdeu toda a fin de semana e que "a estas alturas, a piques de finalizar o luns 16, cando o Decreto de Estado de Alarma en España anunciouse o venres 13, decretouse o sábado 14 e aplicouse o Domingo 15, non teña nin sequera un bando claro, máis aló de sinalar os espazos municipais que se pechan e recomendacións básicas para combater o Coronavirus, bando feito o día 13 de marzo".

Tamén critican que a dia de hoxe non exista un "NÚMERO DE TELÉFONO ÚNICO" de uso exclusivo para atender calquera situación de emerxencia que poida ocorrer, para necesidades urxentes, para, principalmente, subliñan, persoas que vivan soas, preferentemente de avanzada idade, para necesidades de abastecemento de medicamentos ou mesmo de alimentos, co fin de que estas persoas non teñan que saír á rúa innecesariamente.

O Partido Popular manifesta, ademáis, que a crise do coronavirus está deixando ao descuberto que o censo de persoas que viven soas é unha falacia "desde hai varios meses que o Concello conta cunha listaxe de persoas que viven soas e que se está a contactar con elas, pois ben, estamos en condicións de asegurar que o único que ten o Concello é unha listaxe de persoas que aparecen empadroadas soas, pero que non se axusta á realidade, porque non se pescudou se en realidade as persoas desa listaxe viven en realidade no Carballiño, se contan con familiares que viven preto, ou os que en realidade viven sós, aínda que figuren outras persoas empadroadas no seu domicilio. Non se verificaron os datos coa teleasistencia da Deputación, ou coa Cruz Vermella, ou mesmo cos datos de axuda no fogar, polo que, para todos os efectos, a listaxe que manexan non é efectivo para o que se precisa neste momento. Por iso cremos que sería conveniente que, desde o Concello, verificásen os datos o máis pronto posible, e que tamén se solicitase a colaboración cidadá para determinar con precisión que persoas poden necesitar esa axuda especial", manifestan os populares.

E reprochanche a Fumega que "o Alcalde diga que vai reforzar o servizo de teleasistencia cando este non é un servizo municipal, a non ser que a estas alturas aínda non se decatase disto".

O Partido Popular recórdalle ao rexedor municipal que "O servizo de teleasistencia, que é propio da Deputación e que dá servizo tamén no Carballiño a un total de 131 persoas, sendo o municipio que máis usuarios ten na provincia, xa está a ser reforzado pola Deputación Provincial, polo que dese tema non ten que preocuparse, porque o reforzo está a facerse, mesmo sen que o concello do Carballiño pedíseo á Deputación".

E repróchanlle que "tiña que reunir durante toda a fin de semana ao operativo necesario para poñerse a funcionar. Nunha situación como esta non existen domingos, só existen días de risco continuo, e o alcalde non foi capaz de organizar un operativo con tempo, nin tampouco foi quen de informar os traballadores municipais para que cada un soubese, antes de chegar ao Concello, cal era a situación. Tampouco nos parecen adecuadas as condicións de traballo que se lles deron aos traballadores dos servizos municipais, pois se podería facer moito máis teletraballo que o que se prevé, simplemente dando máis acceso á administración electrónica do Concello".

Finalmente, o Grupo Popular, pónse "ao dispor do equipo de goberno para colaborar en todo o que precisen, e damos as grazas e ánimo a todo o persoal que está traballando para os veciños de O Carballiño".

Profesionais do servizo municipal de axuda no fogar do concello do Carballiño denunciaron nesta emisora de radio a situación de inseguridade sanitaria na que están desenvolvendo o seu traballo de atención domiciliaria, por falta do material máis elemental.

Aseguran que dende o inicio da pandemia do coronavirus, e mesmo xa declarado o estado de alerta, siguen sen contar co equipamento de protección máis básico "so temos guantes, pero nada maís, nin batas desechables nin tan xiquera unha máscara", aseguran, "estamos cansas de pedilo pero pásanse a bola dunhos a outros e está en xogo non so a nosa saúde, senón a dos nosos maiores, que son os máis vulnerables, é unha absoluta irresponsablidade", remarcan.

O alcalde do Carballiño, Francisco Fumega asegou -a preguntas de COPE O Carballiño- que esta mesma mañá xa mantivo unha conversa cos responsables da empresa que xestiona este servizo, e que lle manifestaron as dificultades que estaban tendo co abastecemento deste tipo de material, que estaba en vías de solución.

Doutra parte, nesta mañá de lúns reuníuse por vez primeira a comsión de seguimento constituída no concello do Carballiño das medidas que entraron en vigor a través dunha resolución da alcaldía do Carballiño pola crise do coronavirus.

As oficinas municipais atenderán ao público presencialmente de 9 a 14 horas, ainda que se pide que tan so para xestións imprescindibles.

Para o protocolo de atención ás persoas maiores que non poidan desplazarse e atender as súas necesidades básicas (medicamentos, alimentos, etc) a veciñanza pode solicitar este servizo chamando aos teléfonos 988 531076, 988 530006 e 988 530007.

O concello de Boborás anunciou esta mañá, mediante un Bando da alcaldesa Patricia Torres, que con motivo da situación de contención reforzada de Estado de Alerta para previr o contaxio polo COVID 19, e coa finalidade de colaborar coas persoas maiores ou máis vulnerables pon en marcha un servizo municipal.

O mesmo consistirá en atender a demanda das persoas que necesiten medicamentos e alimentos e non poidan desplazarse, neste caso deberán contactar co teléfono 667 552 726

Protección Civil de Boborás será a encargada de facer este servizo e atender calquera necesidade da veciñanza de Boborás.

Tamén o concello do Irixo xa ten en marcha un servizo de atención domiciliaria, que pode solicitarse no teléfono 988 287400

Pola súa parte, o alcalde de Maside José Manuel Iglesias, confirmou que o concello tamén organiza un servizo destas mesmas características para os veciños e vecñas do municipio que o precisen, este martes publicaráse un bando da alcadía de Maside que informará máis ao detalle da posta en marcha deste servizo.

A hora de apertura de algunhos dos supermerados volveu provocar pequenos indidentes polas presas dos clientes que , en moitos casos agardaban dende moito antes da hora de abrirse as portas.

 Tivo que intervir a Garda Civil para organizar a cola de espera, coa correspondente distancia de seguridade, pasadas as primeiras horas de apertura a afluencia de clientes foi diminuíndo, ainda que contínua.

O pasado sábado xa tivera que intervir a Policia Local en idénticas circustancias, a pesar de que as autoridades insisten unha e outra vez que non hai nin haberá problemas de abastecemento na alimentación.

O primeiro dia do estado de alarma desenvolveuse con total normalidade no Carballiño, e con moi poucas persoas nas rúas, a maioria delas para achegarse aos establecementos autorizados que permanecían abertos, como a Farmacía Fontaíñas, que está de garda, quioscos, e os establecementos de alimentación, pequenas tendas, panaderías e confiterías que abren habitualmente todos os domingos.

Esta situación inédita tamén se vivíu con normalidade en todos os concellos da comarca, no ámbito rural, onde o peche das igrexas parroquiais deixou sen o habitúal movemento unha mañá de domingo.

Coa declaración do estado de alarma en España, desde a noite do sábado 14 de marzo todos os cidadáns están obrigados a permanecer nas súas casas e non saír salvo por necesidades básicas.

Esta decisión, consecuencia da aprobación do estado de alarma, acórdase para un período de 15 días prorrogable, durante os cales o Goberno asume o control de todas as actuacións que sexa necesario tomar para frear a expansión do Covid-19. As Forzas de Seguridade do Estado e tamén a Forzas Armadas, se fose necesario, serán as encargadas de que se cumpra.

Pero, que podes e que non podes facer tras esta declaración? Segundo publicou o Boletín Oficial do Estado (BOE) durante a vixencia do estado de alarma as persoas unicamente poderán circular polas vías de uso público para a realización das seguintes actividades:

a) Adquisición de alimentos, produtos farmacéuticos e de primeira necesidade.

b) Asistencia a centros, servizos e establecementos sanitarios.

c) Desprazamento ao lugar de traballo para efectuar a súa prestación laboral, profesional ou empresarial.

d) Retorno ao lugar de residencia habitual.

e) Asistencia e coidado a maiores, menores, dependentes, persoas con discapacidade ou persoas especialmente vulnerables.

f) Desprazamento a entidades financeiras e de seguros.

g) Por causa de forza maior ou situación de necesidade.

h) Calquera outra actividade de análoga natureza que haberá de facerse individualmente, salvo que se acompañe a persoas con discapacidade ou por outra causa xustificada.

Igualmente, permitirase a circulación de vehículos particulares polas vías de uso público para a realización das actividades referidas no apartado anterior ou para a reposición en gasolineiras ou estacións de servizo. En todo caso, a continuación, tratamos de aclarar algunhas posibles dúbidas:

Podo saír a facer deporte?

Non, o decreto do Goberno non che permite saír a facer deporte. Non é un dos supostos permitidos.

E levar aos nenos ao parque?

Ademais de que os parques do Carballiño están pechados ao público, é algo que tampouco prevé o decreto. Tes que quedarte na casa.

Podo sacar a pasear ao meu can?

Si, mantendo as distancias e medidas de protección e seguridade. Sacar á rúa aos animais domésticos é unha das excepcións á restrición de uso do espazo público. Iso si, desde o Goberno instan a “utilizar o sentido común”, sacar a pasear ás mascotas de forma individual e que isto non se utilice como unha forma de paseo.

Que é o que estará aberto?

Alimentación, bebidas, produtos e bens de primeira necesidade Establecementos farmacéuticos, médicos, ópticas e produtos ortopédicos Produtos hixiénicos Perruquerías. Prensa e papelería Combustible para a automoción Estancos Equipos tecnolóxicos e de telecomunicacións Alimentos para animais de compañía Comercio por internet, telefónico ou correspondencia Tinturerías e lavanderías.

Con quen podo quedar?

Tecnicamente, non podes visitar a ninguén salvo que se trate dunha persoa dependente que estea ao teu cargo. Pola contra, aproveita as novas tecnoloxías, as videochamadas, o teléfono e ata os memes de Whatsapp.

Investigadores da Universitat Rovira i Virgili ( URV) e a Universidade de Zaragoza ( Unizar) retomaron a actualización do mapa de risco epidémico por COVID-19 que desenvolveron conxuntamente e lograron estender as predicións a catro días vista, no ámbito local.

Este mapa de risco é o resultado dun modelo matemático que contén os datos de mobilidade e o censo dos municipios de España, así como a dinámica dos contaxios producida por SARS- CoV-2.

O modelo calcula as probabilidades de contaxio en cada municipio en función dos parámetros epidémicos coñecidos para este virus e a mobilidade interurbana da poboación activa, permitindo extrapolar a varios días para monitorar a evolución deste risco.

Como resultado deste modelo, e no que respecta ao noso ámbito comarcal, vemos que o concello con máis alto risco é o de Punxín, seguido e pola seguinte órde e de máis a menos por Maside, San Cristovo de Cea, O Carballiño, Leiro, San Amaro, O Irixo, Boborás, Piñor, Avión e por último, o concello con risco máis baixo, Beariz.

Para ver o mapa sigue a seguinte ligazón: https://deim.urv.cat/~alephsys/COVID-19/spain/es/index.html