Cine para todos os gustos e idades, ata cinco películas ofrece para estes dias e ata o xoves da semana entrante o Novocine de Leiro.

Os horarios de proxección son os que podes ver nesta carteleira.

O Consello da Xunta de Galicia aprobou un acordo polo que se autoriza a tramitación do expediente do gasto relativo á contratación administrattiva para o servizo de atención residencial para persoas maiores en situación de dependencia na Residencia pública do Carballiño.

Ademáis, o centro incrementará o seu número de prazas para persoas dependentes, que pasará das 25 actúais ás 50 que terá co novo contrato. A

principal novidade na licitación que sairá agora a concurso público ven dada polo incremento de prazas en relación ao contrato en vigor que remata o vindeiro dia 3 de Maio.

O importe da licitación ata final deste ano 2020 ascende aos 605.000 euros, dos que a Xunta achegará o 80% (484.000 euros)

Ademáis o contrato contemplará a posiblidade de que poida seguir en vigor ata o ano 2025, cun valor estimado de cinco millóns douscentos sesenta e sete mil euros.

O Consello da Xunta celebrado este xoves dia 27 de Febreiro ven de aprobar a declaración de "Festa de Interese Turistico Galego" para a Festa da Vendima de Leiro.

Este acontecemento festivo celébrase o derradeiro domingo de Agosto nesta vila ribeirán, e a súa singularidade radica no desfile de carrozas, con motivos aos traballos nas viñas e as adegas do ribeiro, e todo aquelo que ten relación co mundo do viño, un dos motores económicos da comarca ribeirán.

Esta declaración como "Festa de Interese Turístico Galego" vai permitirlle ao concello de Leiro o acceso a mellores subvencións para promover este evento, asi como unha mellor difusión  nas guias festivas.

Asi se desprende dos datos oficiais do INE, recollidos a través do último Padrón de habitantes, e que converten a O Carballiño no núcleo poboacional número 17 de toda Galicia.

Por diante do Carballiño (11.338 habitantes), e a maiores das sete grandes cidades, figuran os núcleos de Narón (32.655) Vilagarcía (19.742) Carballo (19.002) Monforte (16.043) Marín (15.935) Ribeira (13.545) Milladoiro (13.149) Arteixo (12.656) e Ponteareas (11.494).

Completan a poboación municipal carballiñesa as 2.689 persoas que están empadronadas no conxunto das 15 parroquias do rural, e que dan o número total de habitantes do municipio no último Padrón, 14.027 persoas.

Non obstante, o alcalde do Carballiño Francisco Fumega asegurou no transcurso dunha entrevista en COPE O Carballiño que a dia de hoxe, e tendo en conta o Padrón contínuo, o número de habitantes empadronados supera xa as 14.300 persoas. 

Tamén subliñou o rexedor municipal que dos datos que manexa o concello "a poboación do Carballiño achégase aos 18.000 habitantes, se temos en conta a gran cantidade de veciños que viven no Carballiño e están empadronados noutros concellos da Comarca".

A concellería de Igualdade e o Centro de Información da Muller organizan a IX Andaina solidaria “O Carballiño Camiña pola Igualdade”, que se celebrará o domingo 8 de marzo e que terá un recorrido de 15,7 km, cun trazado dun gran interese paisaxístico e histórico, pois transcurre polo sendeiro do Arenteiro ata Castro Cavadoso e regreso pola Reguenga, Miomás e o parque municipal.

A inscrición é gratuita e pode realizarse ata o próximo dia 5 de marzo no CIM, no correo: cim@carballino.gal ou no telf. 988531076. È absolutamente indispensable cubrir a folla de inscrición co nome, apelido, nº DNI e teléfono, pois a organización contratou un seguro colectivo, e é preciso aportar estes datos.

Ainda que a inscrición é gratuita, por tratarse dunha andaina solidaria a prol de Cáritas, os donativos irán destinados a esta entidade benéfica.

Nesta andaina, que partirá ás 10,00 h da Praza Maior, colaboran a Secretaría Xeral de Igualdade da Xunta de Galicia, Pacto de Estado contra a Violencia de Xénero, Ministerio de Presidencia, Asdifica, Cruz Vermella, Policía Local e os supermercados Gadis e Eroski, que facilitan o avituallamento.

Alcalde de Piñor entre 2003 e 2015, vicepresidente executivo da FEGAMP entre 2007 e 2011 ao que suma a portavocía do Grupo Socialista na Deputación de Ourense, Francisco Fraga "pode presumir de ter sido un dos rexedores máis novos de Galicia e de ter loitado a brazo partido dende este posto contra a inercia negativa dos concellos pequenos desta provincia", destacan dende Espazo Común, que xunto a Recortes Cero e Os verdes preséntanse a estas próximas eleccións autonómicas coa marca electoral "Ourense decide".

E poñen en valor os avances que baixo a súa xestión experimentou o concello de Piñor "conseguiu un enlace coa autovía Ourense-Santiago que evitou o illamento deste concello; creou servizos daquela case inéditos para a atención das persoas maiores coma o de lavandería ou xantar a domicilio; puxo en marcha servizos de conciliación para fixar a poboación máis nova, impulsou a compostaxe doméstica e conseguiu que Piñor fose un referente en Galicia en materia de medidas de apoio á poboación rural".

Fran Fraga afronta o reto cunha tremenda ilusión e consciente "das dificultades que conleva levar a unha coalición de pequenos partidos a pelexar por un posto no parlamento galego cos grandes partidos tradicionais e o seu poderío". Non obstante, afirma ter a certeza de que “desta volta, Ourense espertará e fará valer a súa voz para dicir basta”.

Fraga cifra en 10.000 votos os necesarios para que a provincia de poida contar á fin con representación propia e exclusiva en Santiago.

“É necesario que alguén defenda a Ourense sen ter que render contas a Madrid, Santiago ou Vigo. Nesas ecuacións sempre saimos perdendo. Os datos e a involución de tódolos indicadores socioeconómicos falan por si mesmos”,subliña.

Confía en elaborar unha lista "o máis representativa posible das comarcas, das problemáticas e das realidades de cada recuncho da xeografía provincial para que a cidadanía teña cada vez máis claro que de querelo así e apoiar a súa candidatura", conseguir desa maneira que á fin “Ourense decide”.

O Xurado estivo integrado por un representante de cada unha das comparsas participantes no concurso e acordou outorgar o primeiro premio á comparsa "Amor á Mexicana" dos Arrieiriños de Dacón, que dous anos despóis volven gañar neste desfile do martes de entroido organizado polo concello do Carballiño.

A comparsa daconense lévase 1.300 euros, cos que estaba dotado este primeiro premio do entroido carballiñés.

O segundo premio foi para a comparsa da asociación Lumareda do Carballiño e seu "Orgullo Galego", inspirado na tradición pulpeira, que se leva mil euros.

A Asociación Entroula e a Ampa do Colexio da Uceira conseguiron o terceiro premio deste concurso, correspóndenlle 800 euros.

Os cuarto, quinto e sexto premio, que reciben 400, 350 e 300 foron respectivamente  paras as comparsas Fantasía de Partovia, Os Azucarados de Maside e Fantasía Boreal da asociación O Castro de San Amaro.

Completan a relación de premiados, séptimo e octavo, Aspadisi e Os Nevadinos, que reciben 250 e 200 euros, respectivamente, e recibindo accésits de 120 euros, o resto das comparsas participantes.

O desfile foi seguido por un numeroso público ao seu paso polas rúas do Carballiño, sobre todo a altura de Conde Vallellano, Rotonda da Alameda, primeiro tramo de Julio Rodríguez Soto, Rúa do Paseo e Praza Maior.

O Concurso do Martes de Entroido congregará a unha vintena de comparsas e a máis de mil persoas, que fesfilarán polas rúas céntricas da vila a partir das 5 da tarde.

O desfile partirá da rúa Otero Pedrayo e transcorrerá polas rúas Conde Vallellano, Xullo R. Soto, Calvo Sotelo e Rúa do Paseo.

Máis de 6.000 euros en premios serán entregados ao remate do desfile, no escenario da orquestra La OcaBand, que animará a verbena a partir das 7 da tarde na Praza Maior.

Ademais das comparsas que optan ao premios, desfilarán como invitadas dúas das comparsas máis representativas da provincia de Pontevedra, e que cada ano sorprenden polas súas escenografías, como son Os 100 Tolos e Os da Caña.

Pola mañá haberá animación de rúa a cargo deo grupo de música tradicional Feitizo de Pau, e ás 12,30 h., haberá exhibición de baile pola Escola Municipal de Danza.