Venres 21:

A partir das 12:45 horas desfile de entroido polas rúas de de San Cristovo de Cea do alumnado do cole de Cea.

Pola noite, dende as 23:00 horas en adiante, Festa Vaqueira nos locais da hostalaría carballiñesa.

Sábado 22:

Obradoiro infantil de máscaras na Praza Maior do Carballiño, de 11:30 a 13:30 horas.

Festa-Concurso infantil de disfraces na Praza Maior do Carballiño, con premios para os mellores, dende as 16:30 horas e coa animación do DJ Tibu, e batukada polas rúas do Carballiño.

Saen os Felos de Feás, nesta parroquia do concello de Boborás, a pratir das 16:30 horas en adiante.

Festa do entroido do concello de PIñor, dende as 16:30 horas no centro social de Cotelas, talleres infantís, música e outras actividades para toda a veciñanza.

Presentación e espectáculo sorpresa dos "Picapezas" na Praza Maior de Cea, ás 17 horas, despóis festa infantil de disfraces e dende as 20:30 horas verbena de entroido co grupo musical "Quién lo diría".

Gran desfile de comparsas do concello do Irixo, ás 17 horas, con saída dende o centro de saúde da localidade ata o pavillón de deportes do Irixo.

Verbena de entroido na Praza Maior do Carballiño coa orquestra "Gran Parada", de 20:30 a 21:00 horas e de 23:30 a 01:30 horas.

Domingo 23:

Ás 12:30 horas na Praza Maior do Carballiño, exhibición da Escola Municipal de Danza.

Pola tarde, presentación dos Liborianos, que cantarán as súas coplas ás 19 horas na Praza Maior.

A partir das 18:00 horas Gran Festa do Entroido no concello de Boborás, no pavillón de Deportes, con animación infantil e para todas as idades.

Lúns 24:

Na Praza Maior de Cea, benvida ás carrozas de Parada, ás 16:00 horas.

Gran desfile do entroido do concello de Maside, cos Felos de Garabás e as comparsas da Comarca, dende as 17 horas. Tamén participarán as carrozas do entroido de Parada.

A partir das 19 horas, gran concurso de peñas "A Ruta dos Mil", nos locais de hostalaría do Carballiño, e animación musical coas charangas Doctor Anchoa, Ardores e CLK.

Ás 22 horas, saen os Rodos en Pazos de Arenteiro.

Martes 25: 

Pola mañá, animación musical polas rúas do Carballiño, co grupo Feitizo de Pau e nova exhibición da Escola Municipal de Danza.

Ás 17 horas, Gran Desfile do Entroido polas rúas do Carballiño, e fin de festa na Praza Maior coa orquestra "La Ocaband".

Doble actividade este venres dia 21 de Febreiro no concello do Carballiño, primeiro ás once da mañá coa convocatoria do pleno e ás 13 horas coa convocatoria da comisión informativa na que se abordará o borrador do orzamento elaborado polo grupo de goberno para este ano 2020, previa a celebración do pleno corporativo que deberá aprobálo.

Esta convocatoria da comisión informativa con tan pouco tempo desde que recibiron o documento non sentou nada ben aos grupos da oposición, ao entender que para estudar un expediente tan complexo como é o dos orzamentos, precisarían máis tempo, polo que non entenden estas presas do grupo socialista.

O proxecto de orzamento para este ano cífrase en 9.496,515 euros, algo inferior o do último ano, 147.000 euros menos.

A modificación que máis chama a atención é a relativa ao gasto de persoal, cun notable incremento de preto de medio millón de euros, ao pasar dos 3.632,283 euros aos 4.128,477 euros que se destinará este ano a este capítulo, mentres que redúcese á metade a cantidade reservada para investimentos reais, apenas 285,518 euros para este ano.

Manteñense as subvenciós aos clubs deportivos e asociacións culturais, alguna delas de nova creación como a "Asociación de Amigos da Praza de Abastos".

Polo que respecta ao pleno extraordinario sobre a perda o obradoiro de emprego de 2019, e do que ademáis do Carballiño tamén participaban os concellos de Maside, Boborás e San Amaro, sesión convocada a instancias dos tres grupos da oposición, PP, ESCO e BNG, e como figura na propia convocatoria  pretende "dilucidar as responsabilidades deirivadas da perda do obradoiro de emprego promovido polo concello do Carballiño".

A documentación da solicitude deste obradoiro non foi presentada en tempo e forma ante a Xunta, polo que o proxecto quedou en suspenso.

Critican dende o PSOE de Leiro como pode ser posible que se gasten 9377,50€ neste circuito de calistenia "cuando su ubicación no es la mas idónea ya que yace agua como se puede apreciar en las fotos que vos adjuntamos, por lo que hay que utilizar botas de agua para poder hacer y llevar acabo los ejercicios pertinentes".

O concelleiro socialista en Leiro Manuel Rodriguez faise diversas preguntas "Era necesario hacer este circuito y malgastar el dinero publico, cuando tenemos otro tipo de necesidades mas urgentes en el Ayuntamiento?¿La ubicación es la ideal, cuando nace agua y esta es una de las zonas mas humedas del entorno? ¿Qué estudio abala que esta es la mejor ubicación? ¿A que tipo de gente va dirigido este circuito, si en el Ayuntamiento la mayoría de la población es muy mayor?

E a maneira de conclusión, engade que "no tiene razón de ser, traer este tipo de circuito, cuando hay multitud de razones que echan para atrás este proyecto, que no tiene sentido ninguno traerlo a nuestro termino municipal. Lo que si es muy necesario es el arreglo de infraestructuras, caminos vecinales, ctra municipales que están en un estado lamentable".

Trátase do pior dato dos últimos anos, O Carballiño perde 140 traballadores activos nun só mes, este pasado de Xaneiro de 2020.

E esto acontece polo descenso no número de cotizantes na industria, que rexistrou unha caída de 135 afliacións. Ademáis, tamén é o balance negativo entre os autónomos, 3 menos, e 2 traballadores adscritos o rexime do fogar. Permanece inalterable o rexime agrario, que tan so ten 9 cotizantes no municipio do Carballiño.

Desta maneira, o dato actualizado deixa as afiliacións á Seguridade Social en 4.089 persoas no concello carballiñés.

No resto dos municipios da Comarca, a evolución tamén é negativa en Maside (-9), San Cristovo de Cea (-5), Boborás (-3) Beariz (-3) e Punxín (-1).

Os únicos datos positivos dánse nos concellos de PIñor, onde a industria consigue 11 novos cotizantes, e no concello do Irixo, con seis altas como traballadores autónomos.

"Ourense decide" ésta podería ser a marca electoral coa que Espazo Común se presente ás próximas eleccións autonómicas en Galicia para o vindeiro dia 5 de Abril.

O que sí está decidido, e asi o avanzou o presidente desta formación política Pachi Vázquez é que Espazo Común presentaráse a esta autonómicas coa idea "de que a provincia de Ourense teña voz no Parlamento de Galicia", e asi "influencia na política galega".

E asi o confirmou tamén o portavoz municipal de ESCO Adolfo Nogueira en COPE O Carballiño "estamos á espera de posibles alianzas de última hora, pero o que sí temos claro é que Ourense ten que ser decisivo", dixo.

Como cabeza de lista da candidatura dase como moi posible o nome de Francisco José Fraga, actúal portavoz e exalcalde do concello de Piñor.

As concelleiras socialistas en Punxín veñen de solicitar a convocatoria dun pleno extraordinario para pedir que se inicien os trámites para a declaración de Indicación Xeográfica Protexida do pemento de Punxín.

Dende o Grupo Municipal Socialista indican que se trata dunha medida que podería supoñer, sen dúbida, un pulo para Punxín. Segundo as concelleiras socialistas, “Punxín sempre destacou pola súa riqueza hortícola e nun momento no que se está a poñer en valor o producto de proximidade e ecolóxico, non podemos quedar sen facer nada”.

A voceira socialista, Lorena Peleteiro, destaca que “temos un producto cunhas características propias e que o fan singular fronte a outras variedades, temos que comezar a poñelo en valor. Punxín gozou sempre dun recoñecido prestixio en canto a productos da horta e a declaración de Indicación Xeográfica Protexida do pemento de Punxín pode supoñer un revulsivo para a economía de Punxín”.

O PSdeG de Punxín destaca que está claro que as políticas de abandono á que ten sometido o grupo de goberno ó noso Concello non nos van a levar a ningún lado, precisamos un cambio, políticas que fagan virar a dinámica deste Concello, e dende a oposición, as Concelleiras socialistas están a traballar para que así sexa, e esta é outra demostración delo.

O populares presentan unha moción na que na súa parte expositiva subliñan que "no Carballiño e comarca, temos como clube de futbol de referencia, ao CD Arenteiro, que na actualidade compite na terceira División nacional".

E recordan como "dende fai moitos anos, o estado do cespede do campo de futbol de Espiñedo é lamentable e duramente criticado non só polos equipos que nos visitan ao Carballiño, senón que tamén por parte de toda a afición que acude a ver ao seu equipo cada 15 días, que falan de que parece mentira que un pobo como O Carballiño teña o campo de futbol con estas condicións do seu terreo de xogo, de feito, moi dificílmente se poderá acabar esta tempada xogando os partidos da casa en Espiñedo".

En canto ás luminarias afirman que "dado o seu desgaste, non son o suficientemente potentes para poder xogar os partidos en horarios atractivos para o público e o seu consumo, incluso nos entrenamentos é elevado para o Concello polo tipo de luminiaria".

En canto ao sistema de iluminación do municipal de Espiñedo lembran os populares que foi a Deputación Provincial de Ourense quen as financiou xa fai unhs 15 anos e recentemente as instalacións en xeral xa se viron melloradas por importantes aportacións económicas da Deputación Provincial de Ourense, sendo que se fixo unha actuación integral de mellora dos vestiarios e colocáronse cadeiras en toda a grada de tribuna.

Por todo elo, o grupo municipal popular demandará do pleno da corporación os seguintes acordos:

PRIMEIRO:Que se realice por parte do Concello do Carballiño o proxecto técnico para a unha obra íntegral de renovación do cespede natural de Espiñedo que leve aparelladda un mantemento durante os 4 primeiros anos, así como o cambio de sistema de iluminación a led.

SEGUNDO: Que se solicite dende O Concello do Carballiño á Deputación Provincial de Ourense e á Secretaría Xeral para o Deporte da Xunta de Galicia, a execución das obras de cambio cambio de cespede natural e cambio de luminarias a led.

TERCEIRO: Se proceda a adxudicar estas obras no menor tempo posible.