Aconteceu esta pasada madrugada de mercores, os ladrós volveron conseguir entrar no interior do Restaurante-Pulpería Fuchela, e son xa oito veces dende a súa apertura en 2011.

Desta vez, accederon ao local tras romper cunha maza a cristalera da fachada, na Avenida 25 de Xullo do Carballiño, os ladróns tiñan como obxetivo apoderarse do diñeiro da máquina "tragaperras".

Dase a circustancia que este local, referencia na hostelería carballiñesa, permanece pechado por vacacións dende principios desta semana.

En outubro deste ano 2020 cumprirase o 85 aniversario da morte de Antonio Palacios, autor do proxecto arquitectónico do templo da Veracruz, e con tal motivo o concello desenvolverá unha serie de actividades sobre este monumento e emblema do Carballiño, que culminarán coa colocación dun busto do arquitecto porriñés no entorno do templo.

Entre as actividades a desenvolver, figuran diversos concertos, conferencias, a edición dun folleto divulgativo, visitas guiadas, a convocatoria dun concurso fotográfico, a mellora da iluminación exterior do templo e a colocación dun busto de Antonio Palacios.

De feito, o concello enmarca como preámbulo desta programación o concerto da Escolanía de Segovia, que se celebrará na apertura do Festival Internacional de Música “Pórtico do Paraíso”, o día 6 de marzo ás 20,30 h. A este concerto lle seguirán outros que protagonizarán as corais do Carballiño en datas posteriores.

Así mesmo, terán lugar unha serie de conferencias sobre o templo da Veracruz e Antonio Palacios, editarase un folleto divulgativo e programaranse unha serie de visitas guiadas. Tamén está previsto establecer un sistema de información a través dun código QR con audiosignoguía, cuxo obxectivo é facilitar a accesibilidad á información relativa ao templo ás persoas xordas ou con outro tipo de discapacidade. Ademais convocarase un concurso fotográfico sobre os distintos aspectos arquitectónicos do templo.

Con respecto á mellora do sistema de iluminación exterior, o concello estudia neste momento diversas posibilidades de financiamento para acometer este proxecto, que está xa en estudio, e que se levará a cabo neste mesmo ano. Finalmente, como colofón do programa, está previsto encargar a un obradoiro de escultura un busto do arquitecto Antonio Palacios, que será ubicado nun lugar do entorno exterior do templo no mes de outubro, coincidindo co 85 aniversario da súa morte.

O párroco promotor da construcción do templo, don Evaristo Vaamonde da Cortiña, conta cunha escultura de bronce no exterior e un busto no interior dende hai tempo, pero non existe ningún monumento que lembre ao arquitecto que o deseñou, polo que se considera que é unha iniciativa que ven a saldar unha débeda que ten O Carballiño con Antonio Palacios.

Para ultimar este programa, o concello contará coa colaboración das entidades culturais carballiñesas, así como da parroquia, co obxectivo de dar o maior realce posible aos actos que se programen.

O grupo municipal de Espazo Común ven de dar a coiñecer unha moción que presentará no próximo pleno da corporación munmcipal na que propón a creación dunha comisión de traballo para "o relanzamento das feiras do Carballiño"

Na parte expositiva desta moción, ESCO subliña como "o mercadiño quedou espallado por varias rúas co que perde forza e interese. A realidade é que hai moita xente que vive no Carballiño que nin se percata dos días que son feira pois, fóra desas rúas e dos cambios no tráfico, pasa case desapercibida".

Engade que son varios factores que evidencian que o modelo de feira que a maioría de nós temos na memoria, xa non existe nin vai voltar a existir.

"Iso non quere dicir que teñamos que renunciar a unha das nosas máis senlleiras sinais de identidade, máis ben o que esixe esta situación é que dende este Concello se busquen á maior urxencia accións e iniciativas que a revitalicen e a adapten aos novos tempos",propoñen dende Espazo Común.

E para elo, consideran,"compren medidas que posibiliten que a feira sexa de novo un referente conxugando tradición e novos costumes, compre recuperala coma o que sempre foi, un importantísimo balón de osixeno para a economía local".

Finalmente, dende Espazo Común piden nesta moción " creación vinculada á Mesa de Comercio Local dunha comisión na que participen asociacións de comerciantes, de empresarios, de pulpeiros, hostaleiros, culturais, veciñais, xuvenís e de calquer outra índole que poida ter interese en darlle un novo pulo á feira do Carballiño".

E tamén unha dotación orzamentaria singularizada nos orzamentos do 2020 para as accións que se poidan levar a cabo.

As festas do Entroido e da Cachucha deste ano contarán con moita animación musical de rúa. Tres orquestras (Gran Parada, La OcaBand e D´Moda), e seis charangas (Castro Bello, Doctor Anchoa, Ardores, CLK, Noroeste e Asociación Cultural Cobre), así como a batukada Percucar e o grupo folk tradicional Feitizo de Pau, farán o aporte musical nas verbenas e pasarrúas destas festas, que se desenvolverán entre o 18 de febreiro e o 1 de marzo, coa celebración da XXVI Festa da Cachucha.

O programa inclúe tres concursos de disfraces, peñas e comparsas (Sábado, 22, Festa-Concurso Infantil de Disfraces; luns, 24, Gran Concurso de Peñas “A Rutas dos Mil”; martes, 25, Gran Concurso de Comparsas do Martes de Entroido) e tres desfiles de comparsas (Martes de Entroido e dous o Domingo de Piñata), ademáis dun concerto do Conservatorio e da Escola de Música, unha exhibición da Escola de Danza, un obradoiro de máscaras, Contacontos musical de entroido, unha festa vaqueira, e a murga Os Liborianos, que interpretarán as súas coplas o domingo de entroido na Praza Maior.

Tampouco faltará a escenificación do enterro da sardiña o mércores a cargo de Aspadisi. A XXVI Festa da Cachucha terá unha das maiores participacións de restaurantes da súa historia, con 26 establecementos e outros 4 que xa teñen as reservas pechadas, e contará nos dous desfiles da mañá e da tarde, ademáis das comparsas gañadoras do Concurso do Martes de Entroido e outras comparsas convidadas, coa participación dos grupos tradicionais do entroido oriental ourensán, Arrieiros de Petín, Folión de Fradelo e o Folión de Tameirón.

O programa destes eventos foi presentado hoxe polos concelleiros de Cultura e Turismo, Diego Fernández e Manuel Dacal, respectivamente. Diego Fernández dixo que nestes últimos anos o entroido, e sobre to a Festa da Cachucha, adquirirán un auxe extraordinario, e que o programa deseñado vai dirixido a todo tipo de público, con moita animación de rúa. Agradeceu a implicación do sector hostaleiro, sobre todo na Ruta dos Mil do luns, que repartirá 1.500 euros en premios.

Manuel Dacal asegurou que a XXVI Festa da Cachucha ía a ser a de maior participación de locais hostaleiros da historia, con 30 locais participantes, e que xa había catro que tiñan pechadas as reservas do seu espazo, o que amosa a forte implicación da hostalería nesta celebración gastronómica.

Tamén dixo que desde o concello estase ultimando a tramitación da documentación necesaria para que esta festa sexa declarada de Interese Turístico de Galicia, e agradeceu a todos os departamentos municipais, así como á Policía Local, Garda Civil, Protección Civil e Grupo de Emerxencias a súa colaboración con estes eventos.

González é o apelido máis repetido na Comarca do Carballiño, e ademáis lidera o ranking de apelidos en seis dos nove concellos do territorio comarcal.

No municipio do Carballiño as persoas que levan o apelido González son 2.021, síguenlle Rodríguez (1728) Fernández (1566) e Pérez (1002).

En Maside, temos 467 González, mentres que o segundo apelido máis repetido e Fernández (383), a continuación están Rodríguez (368) e Álvarez (365), neste concello cólanse entre os 13 apelidos máis comúns Montoya e Gabarri, apelidos maioritarios entre a etnia xitana.

Tamén en Boborás domina González, con 276 persoas que levan este apelido, seguidos dos Fernández, Rodríguez e Pérez.  Como apelidos máis locais figuran tamén entre os máis comúns os Otero, Estévez e Cerdeira.

No Irixo, tamén é González o que máis abunda na poboación do municipio, seguido de Rodríguez, e cólase na terceira posición o apelido Nogueira, por diante de López e Pérez.

Tamén dominan os González en San Amaro, seguidos dos Rodríguez, Fernández e Vázquez. Como apelidos maís locais tamén son frecuentes os Alén e Mosquera.

No concello de Punxín, despóis de González, son Fernández, Rodríguez e Vázquez os primeiros por este órden.

En dous municipios, os de San Cristovo de Cea e PIñor, Fernández é o apelido máis común, e tamén en ambos concellos o segundo máis repetido é Rodríguez, relegándose González á terceira posición. Como apelidos locais, tamén son numerosos Crespo e Mosquera en Cea e Cibeira en Piñor.

E xa finalmente, o concello máis díscolo sen dúbida é o de Beariz, no que o apelido máis común é Pérez, ao que lle seguen por este órden, Lamas, Muradás, Lorenzo, Valiñas, Ogando e Gulías.

O Salón Internacional de Turísmo Gastronómico "Xantar" que celébrase ata este próximo doningo en Expourense, acolleu este venres dia 7 o dia dedicado ao Xeodestino Turístico O Carballiño-O Ribeiro.

No acto central da xornada, o presidente da Mancomunidade Turística e o Xeodestino, Francisco Fernández, puxo en valor a riqueza cultural, artística e natural das comarcas do Ribeiro e O Carballiño.

E por suposto, no marco de Xantar, destacou a oferta gastronómica na que os productos estrela son "o polbo á feira, o pan de de Cea e os pementos da Arnoia, e o viño do Ribeiro", "os que proban, repiten sempre", subliñou.

Espazo Común quere que se aclare a situación legal que afecta ao actúal portavoz do grupo municipal socialista e concelleiro de cultura, Diego Fernández, en relación ao cobros percibidos pola súa condición de deputado e concelleiro.

Según Espazo Común, ademáis da remuneración recibida como deputado provincial socialista, Diego Fernández tamén cobra pola asistencia a plenos e comisións no concello do Carballiño.

Para acceder ao comunicado de Espazo Común, prema no arquivo adxunto:

O conselleiro do Medio Rural, José González, reuniuse co alcalde de Avión, Antonio Montero, para coñecer de primeira man as necesidades e demandas dos veciños deste concello ourensán relacionadas co agro. Así, entre os temas tratados, destacou a posibilidade de crear unha aldea modelo neste municipio e así poñer de exemplo de prevención e de desenvolvemento económico a un núcleo deste concello. Concretamente, falouse do núcleo de Cortegazas como posible candidato a este proxecto de recuperación de terras.

Durante a reunión, tanto o conselleiro como o director xeral de Desenvolvemento Rural, Miguel Pérez Dubois, que tamén estivo presente no encontro, explicaron en que consiste esta iniciativa que ten como principal obxectivo defender as persoas e os bens dos incendios forestais mediante diversas actuacións enfocadas á posta en marcha de actividade agrogandeira na franxa dos 50 metros próxima ás vivendas. Neste caso apostaríase por orientar eses terreos a diversas producións agrícolas relacionadas coa comarca ourensá do ribeiro, á que pertence este concello.

Neste senso, o alcalde mostrouse moi interesado e comprometeuse a analizar a situación actual do núcleo de Cortegazas para comprobar que se axusta ás características deste tipo de proxectos de recuperación. Pola súa banda, o titular de Medio Rural agradeceu a súa disposición para traballar todos xuntos na protección do rural e incidiu en que, a través desta figura, ademais de executar a limpeza das chamadas franxas secundarias é determinante poñelas a producir para que actúen como devasa natural fronte aos lumes forestais.