Faleceu en Dacón, onde nacera fai 105 anos, a aboa da Comarca do Carballiño, e a súa vez unha das galegas máis lonxevas, e tamén a segunda muller con máis anos na provincia de Ourense.

Carmen González Filgueira pasou os seus últimos anos de vida na Casa de Maiores de Dacón, conviviendo ata o seu falececemento, fai agora tres anos, co que foi o seu esposo, Manuel Crespo, nacido no lugar de Agro de Quinta, nesta mesma parroquia de Dacón.

Probablemente, o matrinomio formado por Carmen e Manuel, é o máis lonxevo da historia da nosa Comarca, xa que o esposo faleceu cando contaba 103 anos de idade, asi pois, entre os dous sumaron 208 anos de vida. ¿ Quén se atreve a superar o record ?

Na foto, o dia no que Carmen celebraba o seu 100 cumpleanos.

Os datos recollidos sobre as visitas guiadas ao mosteiro de Santa María A Real de Oseira reflícten un descenso notable se o comparamos coas cifras de fai unha e dúas décadas atrás, cando por Oseira pasaban unhas 40.000 persoas ao ano.

En 2019 realizaron a visita guiada ao mosteiro cisterciense algo máis de 26.000 persoas. En datas concretas do verán e Semana Santa acadáronse ata unha media de 300 visitas diarias, mentres que no mes de Decembro foi o de máis baixa afluencia.

Centro de Interpretación da Ruta Xacobea da Vía da Prata

O alcalde de Cea, José Luis Valladares, confirmou en COPE O Carballiño que a Xunta elixíu Oseira para ubicar o Centro de Interpretación do Camiño da Prata, concretamente na chamada "casa do cura" unha edificación anexa ao mosteiro, de cuxo recinto forma parte.

Este tipo de centros de interpretación, xestionados desde Turismo de Galicia a través do Xacobeo, outorgan un valor engadido á experiencia da peregrinación, xa que brindan aos camiñantes apoio, información e contidos complementarios que lles axudan a comprender e coñecer máis o Camiño de Santiago, en xeral, e o roteiro que están a percorrer en particular.

Ademáis, esta variante do Camiño Xacobeo que se achega dende a vila de Cea ata o mosteiro de Oseira contará cun novo albergue de peregrinos, que sustituirá ao que ofrece na actualidade a comunidade cisterciente nas dependencias do propio mosteiro.

O secretario xeral da Emigración, Antonio Rodríguez Miranda, avogou hoxe na súa visita a O Carballiño polo retorno emprendedor galego como eixo vertebrador sobre o que impulsar o reto demográfico e as melloras no eido empresarial.

O Secretario Xeral achegouse esta mañá no Carballiño á tenda de José Antonio Cota, emigrante retornado, que reabríu a antiga bouqtique do pan de panadería Manolo, na avda. de Julio Rodríguez Soto.

“Desde a Xunta estamos a traballar no retorno do talento galego espallado polo mundo”, salientou Miranda durante a súa visita a unha panadería artesá situada en O Carballiño. José Antonio Cota, emprendedor de 51 anos que regresou de México para impulsar unha Boutique na que ofrece, entre outros produtos, o tradicional pan da panadería Manolo, tradicional na vila ourensá, e que nas próximas datas incorporará produtos mexicanos a súa oferta.

“José Antonio amosa como se pode emprender recuperando un oficio tan antigo como o de panadeiro dende outra perspectiva innovadora”, proseguiu o secretario xeral, quen destacou as facilidades ofrecidas nesta volta á casa polo programa de apoio ao retorno emprendedor.

Estas axudas, explicou Miranda, están dotadas dunha contía fixa de 5.000 euros por cada retornada ou retornado emprendedor, que pode incrementarse en 1.000 euros máis se se trata dunha muller, e noutros 2.000 se, ademais, o negocio está establecido nun concello rural. O máximo que se pode obter por cada un dos beneficiarios ou beneficiarias será de 8.000 euros.

Desde a posta en marcha do programa, Miranda destaca que foron postos en marcha un total de 188 proxectos co apoio da Xunta. Destes, o titular do departamento autonómico subliña que no último ano a provincia de Ourense presentou un total de 13 proxectos, repartidos en 6 municipios: Ourense, Barbadás, Celanova, O Carballiño, Cualedro e Parada de Sil.

Espazo Común recorda que "foron moitos os meses que a cidadanía do Carballiño tivo que agardar para ver finalizada a obra dunha infraestrutura esencial no día a día de moitas familias como é a do Parque Infantil da Alameda".

No seu relato afirman como "atrás queda o despropósito do incomprensible e nunca explicado con veracidade tempo de atraso na súa execución; as promesas incumpridas por parte do goberno en canto a prazos e a máis que dúbidosa inversión de 170.000 € en dito proxecto.
Atrás quedan tamén a chapuza das pirámides e o verán perdido por usuarios e comerciantes que sufriron as consecuencias do oportunismo electoralista do partido no poder".

Engaden que tras a súa inauguración e a pesares dos rigores climatolóxicos do inverno galego, podemos comprobar que practicamente sempre hai nenos e nenas xogando nesta área de lecer, case a única destas características no centro da vila e, polo tanto, un dos poucos recursos dispoñibles para o esparcemento dos máis cativos".

E conlúen que "esto dá conta, aínda máis, da relevancia da Alameda e ao mesmo tempo tamén trouxo consigo as primeiras queixas por deficiencias estruturais e perigos diversos que, se ben poden ser comprensibles xusto despois dunha obra deste tipo, non se entende que, a pesares dos avisos, irrresponsablemente o Concello do Carballiño faga ouvidos xordos ante as queixas máis que habituais recibidas por tódalas canles".

Dende o Grupo Municipal coidan que sería fundamental revisar concienzudamente todas estas problemáticas antes de que chegue o bo tempo e a masificación dos columpios leve a un previsible incremento dos incidentes e obrigue a ter que tomar medidas cando sexa moito máis complexo ou incluso a ter que privar, de novo por outra pésima decisión política, do seu disfrute á veciñanza.

Por todo elo, Espazo Común solicitará ao pleno da Corporación Municipal do Carballiño o seguinte acordo:

1.Que se realice por parte do Concello do Carballiño unha auditoría de seguridade no Parque Infantil da Alameda.

2.Que en función dos resultados desta se fagan, con urxencia, as melloras necesarias para garantir un parque seguro para tódalas moitas familias que fan uso do mesmo.

O Carballiño que ten mar está na parroquia de Cesantes, no concello de Redondela, na zona rural máis habitada do municipio.

Según os últimos datos demográficos do IGE este lugar do Carballiño conta con 770 habitantes, que viven na súa maioria en vivendas unifamiliares, e localízase á beira da estrada N-550, que comunica Pontevedra con Redondela.

O Carballiño que ten mar ten unhas espectáculares vistas panorámicas sobre a ría de Vigo, coa ponte de Rande ao fondo e a toda a ensenada de San Simón, onde encontrarémos as famosas illas de San Simón e San Antón.

Unha boa parte da veciñanza da aldea do Carballiño ou "do barrio do Caralliño" como tamén se coñece en Redondela, adícase á pesca e ao marisqueo na ría, e mesmo conta cun pequeno peirao. O lugar conta con varios establecementos comerciais e de hostelería.

Pero alguén dubida que O Carballiño ten mar ? preguntouse en COPE O Carballiño o concelleiro de turismo de Redondela, Daniel Boullosa, que aproveitou a súa intervención nesta emisora de radio para invitar a todos os carballiñeses a coñecer este outro Carballiño "cunha magnifica praia da que podedes gozar,que conta con todos os servizos, un parque infantil e un paseo de quilómetro e medio" e achegarse ata a Illa de San Simón, que é visitable dende Xuño a Setembro.

Eso si, Boullosa recoñeceu que "este noso Carballiño ten mar, pero no voso Carballiño tendes o mellor pulpo á feira do mundo".

O grupo municipal popular considera que "no casco urbano do Carballiño temos a práctica totalidade dos pasos de peóns en condicións que non son as óptimas. Os fallos existentes son múltiples e variables e en cada un deles se debe de mellorar en un ou varios aspectos, incluso algún debe de mellorar en todos os aspectos".

Refírense a problemas de sinalización vertical ou horizontal, iluminación, ángulo de visión para o viandante ou para o propio condutor, así como a propia accesibilidade, ou incluso a redución efectiva da velocidade dos vehículos, polo que para os poppulares "fai que resulte urxente acometer un plan de mellora destes puntos que son imprescindibles para dar seguridade e facer do Carballiño un lugar de perfecta convivencia entre a circulación de vehículos e peóns, sen ter que levar sobresaltos por accidentes facilmente evitables".

Entenden que "os pasos de peóns se debe de conseguir que exista unha luz propia que ilumine todo o traxecto do mesmo, facendo se fose necesario luminarias propias do paso de peóns. Non pode haber coches estacionados nin contedores de lixo ao carón mesmo destes pasos, pois imposibilitan a visión tanto de peóns como de condutores".

Tamén que "as beirarrúas deben de contar con sobreanchos que permitan levar a mesma ata a propia liña de circulación rodada para garantir que sexan vistos, evitando que os vehículos tamén o usen de praza de aparcamento".

Por todo elo, o Partido Popular considera que "a colocación dos propios pasos de peóns debe de ser motivo de revisión, pois é pouco entendible casos como o que coincida un paso de peóns cunha entrada de carruaxes con vado ou que nos apartemos da realidade que os propios peóns necesitan para non facer recorridos que van contra dos que resultarían razoables".

Neste Plan de mellora de seguridade que se solicita e que se espera sexa aprobado en pleno, emplazan tamén ao Goberno municipal para que se tome en serio esta proposta, "débese de ser ambicioso, protexendo ao máis indefenso nestes puntos, que é o viandante, ante un condutor ao que se lle deben de dar todas as facilidades para que tome conciencia ao chegar a estes puntos, reducindo o límite de velocidade si fixera falta",conclúen.

"É de sobra coñecida a querencia do actual goberno carballiñés por feiras e festas e, por suposto, non ían deixar pasar a oportunidade de poñer as súas mellores galas e viaxar a Madrid para facerse moreas de fotos no marco da Feira de Turismo Internacional FITUR",repróchanlle dende Espazo Común aos gobernantes muncipais.

E engaden que "se ben a presenza de representantes institucionais do Concello do Carballiño nesa cita debera ser unha boa nova, xa que se trata dun dos maiores escaparates promocionais a escala mundial para dar a coñecer a oferta turística dunha zona, neste caso concreto case que produce un certo sonroxo".

E mesmo critican dende ESCO que "tres persoas viaxaron ata alí gastando recursos públicos, curiosamente, as mesmas tres persoas que se desprazaron o ano pasado a Asturias, a conta do Concello, para “organizar” a posterior presentación da Festa do Pulpo. Non sabemos se son sempre tres para turnarse ao volante", ironizan.

"Semella de manual que cando se vai a un evento destas características, o que se quere por en valor para darlle visibilidade, debe terse moi claro. É dicir, hai que levar ideas novidosas e ter un proxecto, unha concreción de que é o que pode convencer a potenciais visitantes.
Ir a Madrid falar de termalismo, tendo que chegar a destacar a Fonte do Bañiño, que nin xiquera se pon en valor tendo un mantemento habitual para telo nunhas condicións adecuadas, explicao todo. Este pequeno manantial no lugar de Arcos é senlleiro para nós pero non parece ser un argumento convincente para que xente doutros lugares se desprace masivamente a O Carballiño", manifestan dende esta formación política da oposición municipal.

Pero aínda teñen máis doses de ironía ao afirmar que "aí remata todo o argumentario do trío de turistas desprazados porque é moi evidente que non hai unha estratexia".
As críticas ao concello do Carballiño tamén son extensibles á Mancomunidade Turítitica da que forma parte "accións concretas e tanxibles do Xeodestino ao que estamos adscritos contanse facilmente pola súa escaseza e capítulo aparte merece a Mancomunida Turística O Carballiño, Boborás, Ribadavia e Leiro, á que se fai unha aportación económica de 16.000 €".

Para o grupo de Espazo Común "a actuación máis relevante deste ente no Carballiño no ano 2019 foi a instalación duns aparatos de calistenia na finca das Barcias, en pleno Parque Municipal,suposta e oficialmente, a inversión foi de 8.000 € e fíxose construindo unhas bases de formigón nun entorno no que hai un acordo unánime de non facer ningunha actuación que poida interferir co Proxecto Integral do parque que está en proceso".

E finalizan mostrándose moi excepticos "descoñecemos cantos milleiros de turistas poden atraer estes aparellos pero si temos a certeza de que se O Carballiño quere presumir de vila turística máis alá da estacionalidade ou da semana da Festa do Pulpo tem que trazar un plan de futuro ambicioso e orixinal, que vaia máis alá de charangas, cantos de taberna, rutas de tapas e calistenia".