A alcaldesa de Boborás trasladoulle ao presidente da Xunta diversos proxectos para os que agarda o apoio da administración autonómica, para poder leválos a cabo, no trascurso dunha audiencia celebrada na sede da Presidencia da Xunta, en Santiago.

Entre eles, está a contrucción dunha piscina municipal, un proxecto comprometido pola agora alcaldesa durante a pasada campaña electoral, un proxecto para o que a rexedora tamén agarda a colaboración da Deputación de Ourense.

Patricia Torres avanzou en COPE O Carballiño que a ubicación deste novo equipamento será no entorno do colexio de Boborás, e tamén nesta mesma zona anunciou "temos a idea de promover a construcción dunha residencia de maiores, a través neste caso da  iniciativa privada", para o que está previsto acometer unha reforma puntual do Plan Xeral de Ordenación Urbana Municipal.

Tamén será precisa unha modificación no planeamento urbanístico nos terreos propiedade do concello sitos na localidade da Almuzara para outro dos proxectos nos que traballa o goberno municipal, a construcción de vivendas de promoción pública.

O premio nacional de arquitectúra en 1997 e 2018, o arquitécto carballiñés Manuel Gallego Jorreto será o encargado de pechar o ciclo de conferencias dedicado ao arquitécto bearicense Daniel Vázque Gulías, nun acto que será presentado polo tamén arquitécto, o masidao Óscar Gonfer.

Será este martes 17 de Decembro ás oito da tarde no salón noble do Liceo de Ourense, con entrada pública.

Nesta conferencia, Gallego Jorreto disertará sobre a arquitectura termal de Gullías e a súa intervención no balneario do Carballiño, obra do arquitécto de Beariz. Precisamente, de Gallego Jorreto é o proxecto de reforma e ampliación do balneario carballiñés, tras recibir este encargo en 2015.

Do proxecto trascendeu que incluirá a construcción dunha piscina interior acristalada e tres pozas termais exteriores, asi como instalacións de cafetería e restaurante, todo elo cun investimento superior aos 3 millóns de euros.

Non obstante, e tras varios anuncios feitos dende o concello sobre o que sería inmimente inicio da súa execución, o proxecto parece estar adormecido.

O persoal de enfermeiría do Centro de Saúde do Carballiño organiza dous obradoiros os días 18 e 19 de decembro dirixidos ás persoas que teñen ao seu cargo o coidado de persoas inmobilizadas.

Trátase de aportar información e experiencia referidas á alimentación, vestido, hixiene, mobilizacións, exercicio físico, primeiros auxilios, prevención de úlceras por presión, axuda psicolóxica e outras circunstancias que acontezan nestes ámbitos.

Os obradoiros terán lugar no propio centro de saúde (Aula 101-Planta 1), nos seguintes horarios: O 18 de decembro, de 10,00 a 11,30 h., ou ben o 19 de decembro, de 16,30 a 18,00 h.

Para participar hai que cubrir un formulario e entregarllo ao persoal de enfermería do centro de saúde.

O vicepresidente da Xunta, Alfonso Rueda, visitou o concello de Leiro xunto co seu alcalde Francisco José Fernández, para coñecer de primeira man as actuacións levadas a cabo con axudas deste departamento autonómico. Á visita tamén acudiu a directora xeral de Administración Local, Marta Fernández-Tapias, e a delegada territorial da Xunta en Ourense, Marisol Díaz Mouteira.

Alfonso Rueda indicou que as axudas deste ano foron destinadas ao financiamento de actuacións do Fondo de Compensación Ambiental, grazas ao cal foron investidos 30.000 euros na adquisición dun vehículo co que levar a cabo traballos de protección do medio ambiente e do espazo natural do concello co obxectivo de previr situacións de risco derivadas da caída de follas, ramaxes e troncos de árbores nas áreas recreativos e espazos públicos. Ademais, destináronse outros 2.000 euros á mellora do alumeado público no núcleo de Vilaverde.

Ademais, o titular da Vicepresidencia resaltou que este concello ribeirán é un exemplo a seguir no que se refire á colaboración entre entidades locais, xa que pertence á Mancomunidade do Ribeiro e á Mancomunidade turística do Carballiño, Ribadavia, Boborás e Leiro, coas que opta a axudas de maneira conxunta. AsÍ, a Mancomunidade Turística xa ten recibido nos anos 2012, 2014 e 2016 aportacións da Administración autonómica para o mantemento e a mellora dos seus servizos medioambientais. Ao abeiro do Fondo de Compensación Ambiental tamén se levaron a cabo traballos de equipamento de espazos naturais, así como de mellora da eficiencia enerxética e do alumeado público.

Tamén no marco destas axudas a Mancomunidade Intermunicipal Voluntaria do Ribeiro, da que forma parte Leiro xunto cos concellos de Arnoia, Beade, Cenlle e Cortegada, recibiu este ano unha achega de 69.000 euros para a mellora dos servizos de recollida de lixo e lumes. O proxecto recolle a adecuación das instalación de tránsito e depósito en materia de residuos sólidos urbanos nas dependencias da mancomunidade.

Para este venres dia 13 de Decembro, ademáis da ruta das tapas na hostelería local, o programa de nadal da concellería de cultura tamén inclúe a película que nos ofrece o Cine Club Carballiño, ás 20:00 e 22:30 no auditorio, a película española "Los años que vendrán".

Ademáis, dous eventos culturais protagonizarán esta fin de semana no Carballiño: Trátase do Concerto de Nadal e da Gala de Circo, recomendados ambos para todos os públicos, e que terán lugar no auditorio municipal Manuel María.

O Concerto de Nadal, que ofrecerán o sábado 14 conxuntamente a Coral Polifónica do Casino do Carballiño e a Banda de Música de Vilatuxe, comezará ás 20,00 h., coa entrada totalmente libre e gratuita.

A Gran Gala de Circo da compañía Pistacatro, terá lugar o domingo 15 ás 18,00 h. A entrada para este evento, que se leva a cabo dentro da Rede de Teatros e Auditorios de Galicia, será de 3,50 euros. Un importante elenco de artistas porá en escena un dos mellores espectáculos da variedades que se poidan ver: malabares, acrobacias, sketchs de humor…