Alternativa Veciñal do Carballiño, a formación política que se quedou sen representación na nova corporación municipal tras as eleccións do pasado 26-M, móstrase especialmente activa nesta nova situación política, e hoxe mesmo presentaba no rexistro municipal do concello carballiñés unha doble proposta.

Dunha parte, a creación dunha aplicación informática -APP- "para que a veciñanza do Carballiño poida informar de primeira man as deficiencias-incidencias que se dean no entorno do Carballiño, aparte de que solicitamos que se actualice a páxina web do concello"

Engade que "o funcionamento de esta APP respondería as necesidades de adaptar o noso concello as novas tecnoloxías e aproveitar as mesmas para solventar problemas e carencias de maneira máis axil trasladando as incidencias as áreas competentes e as brigadas que tiveran que actuar para dita resolución".

Doutra porte, Alternativa Veciñal propón ao concello a creación dun CONSELLO MUNICIPAL DE MOBILIDADE "buscando así acabar coas barreiras arquitectónicas nas instalacións, infraestruturas e servizos en este concello, facilitando a mobilidade e a accesibildade a tódlas persoas, prestando máxima atención as persoas con mobilidade reducida"

Tamén demandan a creación de un PLAN INTEGRAL DE ACCESIBILIDADE MUNICIPAL "para que o propio concello e os colectivos pertinentes poidan empezar a traballar na consecución dos obxetivos marcados polo real decreto lexislativo 1/2013 no tocante a accesibilidade urbana como un factor máis da inclusión social, educativa, laboral, lúdica e deportiva das persoas con discapacidade", subliñan.

A delegada territorial da Xunta en Ourense, Marisol Díaz Mouteira, visitou o obradoiro dual ‘Ribeiro en marcha’ no que 20 desempregados achegados dos concellos pertencentes á Mancomunidade do Ribeiro, promotora desta iniciativa de emprego, contan cun contrato de formación e aprendizaxe durante nove meses para especializarse en actividades auxiliares en viveiros, xardíns e centros de xardinería e fábrica de albanelería.

A representante autonómica, acompañada do presidente da mancomunidade do Ribeiro e alcalde de Leiro, Francisco Fernández, animou aos alumnos que están a participar neste taller a “aproveitar ao máximo a oportunidade que se lles brinda” e a seguir mellorando a súa cualificación para acceder a un posto de traballo. Ao fío, recordou que os obradoiros de emprego permiten, ademais, aos participantes recibir un certificado de profesionalidade con validez en todo o Estado.

Na visita, Díaz Mouteira indicou que os obradoiros forman parte do compromiso da Xunta coa formación, xa que, segundo a delegada territorial, é a chave que pode abrir as portas a un futuro de oportunidades laborais. Así referiuse á principal novidade da modalidade dual dos obradoiros que permite que parte dos seus participantes conten, unha vez finalizado o período inicial de nove meses, cun contrato en prácticas de polo menos tres meses máis nunha empresa emprazada na zona, e cunha actividade vinculada ás materias nas que se están formando.

Este tipo de programas mixtos de formación e emprego céntranse na realización de obras ou prestación de servizos de interese xeral e social que posibilitan un traballo que, xunto coa formación profesional para o emprego, procura a cualificación profesional e favorece a posterior inserción laboral das persoas desempregadas que o realizan. Tamén posibilitan que os participantes ademais de recibir formación tamén perciban o salario mínimo interprofesional.

A delegada territorial subliñou que os obradoiros son unha iniciativa, enmarcada na Axenda 20 para o Emprego, que o Goberno galego leva a cabo en colaboración cos concellos e que, polo tanto, fomenta a cooperación institucional.

Os 20 alumnos que se están a formar e traballar neste obradoiro realizan labores xardinería e albanelería en núcleos de poboación dos concellos pertencentes a esta entidade supramunicipal: Arnoia, Beade, Cenlle, Cortegada e Leiro.

Este programa mixto de formación e emprego ten previsto rematar a mediados do vindeiro mes de agosto e durante os nove meses da súa duración o alumnado desenvolveu, entre outras actuacións, o acondicionamento do espazo público para lecer nas Lombas, en Arnoia; a zona verde na área do Salgueiral e a cubrición dos vestiarios do campo de futbol de San Bartolomé, en Leiro; a recuperación ambiental do paseo das bieras do río Miño e a construción de beirarrúa e de zona axardinada fronte á Casa Consistorial, en Cenlle; a mellora de espazos públicos en Beade; e a recuperación dun sendeiro no parque termal A Carballeira e axardinamento das zonas verdes do campo da feira, en Cortegada.

Unha casa ao pé da ponte de Toscaña será o marco no que se desenvolva a primeira produción escénica do novo grupo de teatro DAR TRELA, que se estrenará o próximo venres, 5 de xuño, cun aforo limitado de vinte persoas, e para o que é preciso realizar a correspondente reserva.

Esta experiencia teatral, insólita e pioneira na provincia de Ourense e Galicia, foi presentada por tres integrantes do grupo, Clara Vázquez, Darío Rodríguez e Xabier Nóvoa) e o concelleiro de Cultura, Diego Fernández.

CAS ROHELIA non é unha obra de teatro ao uso, senón diversas formas de expresión (poesía conceptual, monicreques, teatro do absurdo, monólogos, microrelatos e teatro negro) que se suceden en diversos lugares dunha casa: afora, na cociña, no corredor, no salón e no fallado. E como remate, un coloquio entre os espectadores e os intérpretes.

Clara Vázquez explicou o contido do espectáculo: Os espectadores chegan á casa, que se atopa na baixada a Toscaña fronte á ponte. Non ten perda porque ten unha finca de millo. Afora da casa haberá unha sesión inicial cos convidados de poesía conceptual e monicreques. Xa no interior, na cociña, haberá unha mostra de teatro do absurdo. No corredor, un monólogo interior. No salón, microrelatos con temática de realismo social. E no fallado, unha mostra de teatro negro no que a temática será o medio ambiente. Finalmente, ao salir, haberá un coloquio entre actores e convidados.

É unha produción que se dirixe directamente ao mundo das emocións, dixo Clara Vázquez.

Non é comedia, senón unha nova experiencia, ou, como dixo Darío Rodríguez, unha nova forma de expresión e de interacción entre o espectador e os actores. Doce actores e actrices interpretan os diferentes roles desta proposta teatral que non deixará a ninguén indiferente.

O comezo do espectáculo está previsto para as 22,30 h., e terá unha duración aproximada de 1 h 30 mn., contando os desprazamentos polos diversos escenarios da vivenda. Ademáis da sesión inaugural o venres, 5 de xullo, haberá sesións o sábado e o domingo, 6 e 7 de xullo, á mesma hora.

O prezo da entrada é de 7 euros, e non se poderá adquirir en taquilla, senón de xeito anticipado a través de whatsapp ou chamando aos teléfonos: 645167278 ou 600829089.

Diego Fernández agradeceu o esforzo que realiza este grupo, que é novo pero que conta cunha gran experiencia teatral, por crear algo diferente e novidoso, e desexoulles moito éxito e parabéns.

Xabi Nóvoa agradeceu a Xesús Carballiño (Chechu) a composición da música do espectáculo, que é orixinal; A Chus Otero a elaboración do cartel e ao concello do Carballiño por ceder o auditorio para os ensaios. Finalmente, animou a vivir esta experiencia completamente diferente a calquera produción teatral convencional.