O PSdeG-PSOE de Leiro impulsará no vindeiro pleno local, unha iniciativa co fin de activar a instalación dunha rede de fibra óptica neste municipio. Na moción, os socialistas reclaman ó grupo de gobernó local do PP que “se interese e execute a instalación da fibra óptica utilizando todos os medios ó seu alcance”, para que Leiro “deixe de ser de outro século no sector das telecomunicacións”, insistindo “unha vez máis en que este feito impide o crecemento e fomenta o atraso e o illamento”.

Tamén demandan que se estude a posibilidade de manter conversas con empresas subministradoras para estender esta rede, e que se dean algún tipo de facilidades ou incentivos para que a acometida destas obras sexa “interesante” para estas empresas. Igualmente piden solicitar algún tipo de axuda ou subvención á Xunta de Galicia, ó Goberno Central ou á Deputación de Ourense para así facilitar a implantación da fibra.

O portavoz do grupo municipal, Manuel Rodríguez, salienta que “as telecomunicacións son imprescindibles para o desenvolvemento e crecemento de calquera comunidade no século XXI, polas múltiples aplicacións que teñen para a vida diaria”. “É incomprensible que un municipio como o noso, tan próximo a núcleos de poboación importantes que sí teñen redes de fibra óptica en funcionamento, estea ancorado no século pasado por culpa do desleixo do actual goberno local do PP”, denuncia antes de recordar que “non fixeron absolutamente nada para sacar ó noso municipio deste atraso que prexudica importantemente á veciñanza e empresas de Leiro”. “É imprescindible actuar xa para mudar este situación”, destaca.

Rodríguez recorda que “o abandono do rural ten moitas facianas e unha delas é a fenda dixital que se comporta coma un círculo vicioso, no que as administracións non garanten un acceso ás novas tecnoloxías de xeito igualitario e, por iso, a xente moza e os emprendedores non van asentarse nos municipios que non son cidades ou grandes vilas”.

Os socialistas recordan que “hai moitos profesionais que traballan vía Internet, e mozos e mozas que utilizan a rede para os seus estudos”, polo que, sinalan, “ó acceso á información a unha velocidade rápida é imprescindible, sen esquecer que as redes sociais forman parte da vida de moitas persoas para comunicarse”. “A fibra óptica é a tecnoloxía idónea para mellorar a calidade destes servizos”, insisten antes de recordar que estas redes tamén son importantes para diversificar a oferta ofrecida polo sector audiovisual, xa que permiten ofrecer gran variedade de servizos en liña, a prezos máis asequibles que os contidos accesibles vía satélite.

O PSdeG-PSOE de Leiro conclúe recordando que “unha vez máis somos os socialistas os que traballamos polos intereses reais da veciñanza”. “De feito fomos abordados por numerosos veciños e veciñas que, ante a parálise do goberno popular e do alcalde con este asunto tan demandado, reclamaban ós socialistas información sobre a instalación desta necesaria fibra óptica, xa que na actualidade están a sufrir numerosas deficiencias derivadas da actual pésima rede de telecomunicacións ordinaria

O informe elaborado polo Partido Popular pon de manifesto que "o sobrecoste en gratificacións extraordinarias no ano 2018 foi de 147.725 € que sumado a seguridade social serían uns 189.000 €".

O grupo municipal do PP asegura ademáis que a maiores "débense de sumar 88.320€ en produtividades só polo feito de ir a traballar".

Con todo, o capítulo máis chamativo deste infomre sobre os costes do servizo de Policia Local no concello do Carballiño "son os 125.788 € que supón un 22% a maiores como media de incremento salarial dos axentes operativos, chegando nalgún caso ao incremento do 52% do soldo establecido".

"Dos decretos de gratificacións e produtividades asinados durante o 2018, se desprenden as cantidades antes mencionadas, polo que se ve que de unha previsión inicial para gratificacións de 36.390 € do orzamento para este concepto para todo o persoal, resultou que se gastaron 189.000 €, o que supón un incremento en materia de gratificacións extraordinarias do 519%", según os datos aportados polo Partido Popular.

Tamén engade como "dos 189.000€, a cantidade de 125.788 € foron destinados a gratificacións extraordinarias de policía local e os restantes 63.212€ para o resto de persoal que vai dende traballadores/as de administración como de diversas brigadas e servicios, sendo a que mais destaca o servicio da grúa".
Co gasto extra destinado a este servizo no concello do Carballiño "poderíase cubrir ata 4 novos postos de axentes, moi necesarios para reforzar un servizo moi debilitado e moi en precario, xa que o concello segue sen convocar as prazas"

Para o corpo de policía, as gratificacións fixábanse no orzamento en 6.390€ e ao ser gastados uns 125.788€ supuxo un incremento neste concepto do 1.969%.

Os populares inciden "sobre as gratificacións extraordinarias feitas neste departamento da Policía Local pois dado a carencia de efectivos fai que algúns deles tiveran que facer servicios extras para cubrir os operativos que seguen a ser igualmente moi deficientes".

O orzamento para a policía local tendo en conta 25 persoas (1 xefe, 2 oficiais, 15 axentes, 2 axentes en segunda actividade, 4 auxiliares de policía durante uns meses e un auxiliar administrativo) ascende a 744.942 € e resulta que contando durante o ano simplemente cun operativo moi mermado o gasto feito entre soldos e gratificacións é de 696.652 €, tan só uns 50.000 € por debaixo do total orzamentado que prevé a situación idónea,en opinión do grupo municipal popular no concello carballiñés.

Entenden dende O PP que "a situación do persoal referida á policía local, debe de ser motivo da súa organización coa oportuna OFERTA PÚBLICA DE EMPREGO, que entendemos débese de facer de inmediato para cubrir todas as vacantes previstas, e ademais sumar as xubilacións que poderían ter que incrementarse en 2 oficiais e 5 axentes".

Agora ben, "debe de quedar medianamente claro que coa incorporación destes novos efectivos, non so se mellorará o servizo de cara aos veciños/as do pobo, senón que ademais, no departamento da policía se rebaixe dos 125.788 € gastados este ano aos 6.390€ previstos no orzamento para ese concepto de gratificacións. Alo menos, será o que pediremos como compromiso dende o Grupo Popular para poder contar co noso apoio", subliñan.

Finalmente, concluen que "non podemos ter un escenario que supoña pagar 7 soldos mais que poden ser uns 230.000€ e non ter planificado convenientemente o rebaixar os 125.788€ pagados en gratificacións extras".

E acaban considerando que "se ven indicios electoralistas nas gratificacións de algúns departamentos do concello dado o forte incremento no reparto das cantidades neste último ano".

O Concello de Avión, en colaboración coa Deputación de Ourense acaba de poñer en funcionamento o “SERVIZO DE RECOLLIDA DE VOLUMINOSOS A DOMICILIO” destinados a un punto limpo.

En ningún caso recolleranse cascallos, restos de obras, lixo, pneumáticos ou cristais.

O alcalde da localidade, Antonio Montero, pide mediante un bando distribído polas distnintas parroquias do municipio que os veciños non depositen os residuos ao lado dos colectores da recollida do lixo ata que os encargados do Servizo concreten unha cita para a recollida.

Todas as persoas que teñan voluminosos que tirar deberán poñerse en contacto co Concello de Avión no teléfono 988.486.000.

O Concello, con todos os avisos recibidos daralle traslado á Deputación, e seguidamente a entidade provincial avisará con tempo aos interesados do día da recollida para que deixen os voluminosos nun punto concreto.

Só se recollerán os voluminosos comunicados previamente ao Concello.

Os 3 cargos máis relevantes da Agrupación Socialista Local do Carballiño formalizaron hoxe a súa baixa como militantes do PSdeG-PSOE, unha decisión que chega despóis de darse de baixa este lúns como concelleiros do grupo socialista no concello e comunicar o seu paso ao grupo dos nons adscritos.

O Secretario Local, Adolfo Nogueira, a Secretaria de Organización Érika Paz, e a Secretaria de Política Municipal, Rosario González abandonan polo tanto os cargos orgánicos que exercían dende o mes de Xaneiro de 2018.

A Agrupación Socialista do Carballiño era ata o de agora a segunda máis numerosa da provincia, con preto de 100 militantes.

Adolfo Nogueira avanzou ademáis no transcurso dunha intervención hoxe nesta emisora de radio que son outros 60 afilidados e afiliadas da Agrupación Local do Carballiño os que tamén comunicaron xa ou comunicarán nas próximas horas a súa baixa no Partido Socialista.

Según os estatutos do PSOE cando dimite ou abandona por outras razóns o secretario local, o periodo que vai ata o nomeamento do seguinte estará rexido por unha Comisión Xestora, que ten todas as prerrogativas de dirección no ámbito local e deberá ser nombrada polo PSOE provincial.

Nogueira volveu culpar ao alcalde Fumega de provocar “a destrucción do PSOE no Carballiño”.

O xa exsecretario dos socialistas carballliñeses non quixo pronunciarse sobre presentación dunha candidatura para as eleccións do 26-M no concello do Carballiño que podería liderar Pachi Vázquez, ainda que tampouco a descartou, manifestando que nesa decisión terán moito que decir todas as persoas que agora se están dando de baixa como mlitantes socialistas.

Sí descartou que poidese integrarse en algúnha outra formación política "que non sexa do medio cara a esquerda", en alusión a que Ciudadanos poidese ser o seu destino político.

Cando no transcurso do pleno da pasada semana o alcalde Francisco Fumega asumía ante o BNG o compromiso de convocar un pleno extraordinario para debatir a acción de goberno "ärea por área municipal", tal como propuxo Chema Ferreiro, aínda non abondanaran a disciplina do grupo socialsita o concelleiro Adolfo Nogueira e as concelleiras Rosario González e Érika Paz.

Os últimos acontecementos levan agora ao grupo do Bloque Nacionalista Galego a reformular a súa proposta, xa non se propón un debate da situación de todas e cada unha das áreas municipais, tal como inicialmente plantexaron.

Agora, os nacionalsitas trasladarán ao pleno un acordo no que a corporación "reproba a Franscico Fumega PIñeiro, alcalde do Carballiño", e tamén que se solicita "a delegacción de todas as competencias posibles que estable a lei" a favor do pleno e para que éste "tome as medidas pertinentes para tentar correxir nos meses que quedan este vacio de poder".

Na exposición de motivos o BNG manifesta que diante o escenario pasado e presente "folga facer máis comentarios e concluir que o alcade, como coordenador do seu grupo, fracasou estrepitosamente e o que é máis grave, permitíu que se perderan catro anos".

A reprobación dun cargo político, tal como neste caso propòn o BNG co alcalde do Carballiño, tén simple carácter simbólico.