Despóis do carrusel festivo deste verán no que as distintas parroquias do municipio foron vestindo o traxe de festa, chega agora a traca final, primeiro coas festas patronais na capitalidade municipal e logo o venres dia 9 coa celebración da Festa Mexicana de Avión.

Sábado 3, domingo 4 e lúns 5 –festivo de carácter local neste concello- Avión celebra as festas dedicadas aos Santos Xusto e Pastor e a San Roque, e faino con misas solemnes e procesións, pasarrúas coas charangas “Europa”, “Charandonga” e “Vai de Baile”, concertos das bandas de música de Guláns e Celanova, verbenas coas orquestras América, Olympus, La Ola ADN e Assia, e as disco móviles Impacto e Mega CDC.

“Os Coribantes” ofrecerán un concertó de música tradicional o sábado 3 ás 20:00 h, e o domingo (00.01 horas da madrugada do lúns) será o gran espectáculo de fogos artificiais, único pola súa magnitude no ámbito das comarcas do Ribeiro–O Carballiñó.

Xa para o venres dia 9 de agosto celebraráse a 18 Festa Mexicana do concello de Avión, con 5 restaurantes que ofrecerán a súa gastronomía tradicional mexicana na Praza da Igrexa de Avión, unha festa que estará amenizada con dúas agrupacións de mariachis.

Toda a información deste acontecemento festivo podes escoitala en voz de Isabel Gabián, mentres que neste mesmo programa ESPECIAL DOS VENRES DE VERÁN DE COPE O CARBALLIÑO, o alcalde Antonio Montero fai un repaso pola actualidade municipal neste concello de Avión.

Escóitao aquí:

Ao igual que o viño do Ribeiro sempre estivo presente nas mesas durante a Festa do Pulpo e por iso se dedica esta 62 edición á Denominación de Orixe máis antiga das galegas, a música tamén ten un papel protagonista. Unha vintena de grupos actuarán nos quince días nos que se estende a programación da celebración declarada de interese turístico internacional.

Veciños e visitantes poderán disfrutar de actuacións como as de El Hechizo de Nora, Os Biruxes, Isidro Vidal, Terras do Arenteiro, Coribantes, Canta nas Croas, Cantareiras Madialeva, Auskelga ou Amigos do Acordeón Terras de Celanova, entre outros, algunhas delas dentro do Festival Folclórico de Música e Danza Tradicional, o mesmo día da Festa do Pulpo no Parque Municipal.

Outro dos puntos fortes do programa será a Mostra de Viños que terá como escenario a Praza Maior do Carballiño os días 3 e 4 de agosto en horario de 12.00 a 21.30 horas. Contarase coa participarán 6 bodegas: Arco da Vella-Adega do Eladio, Adega Viña-Carpazal, Eduardo Bravo, Casal de Armán, Pazo Tizón e Oryctes.

A programación combina a degustación do exquisito pulpo do Carballiño, do mellor do viño do Ribeiro e a mellor música folk, destacando a actuación de Óscar Ibáñez & Tribo, unha das bandas de folk máis destacadas de Galicia e que presentará o espectáculo Tribal 20 para celebrar dúas décadas de traxectoria. Será o 11 de agosto, ás 23.00 horas na Praza Maior.

Lembramos a programación para os próximos días:
SEMANA GRANDE PARA PEQUENOS
ACTIVIDADES INFANTÍS
Ata o 2 de agosto, a partir das 18.30 horas na Praza da Veracruz.

ANDAINA NOCTURNA AOS PETRÓGLIFOS DE CANGUES. Centro de Estudios Chamoso Lamas
Venres, 2 ás 21.30 h no Campo da Festa de Madarnás.

MOSTRA VIÑOS D.O. RIBEIRO
Sábado, 3- ás 12 h e ás 21.30 h na Praza Maior
Animación musical OS BIRUXES
- ás 20 h na Praza Maior
CONCERTO DE ISIDRO VIDAL
Domingo, 4 - ás 12 h e ás 21.30 h na Praza Maior
Animación musical OS BIRUXES
- ás 20 h na Praza Maior
CONCERTO - EL HECHIZO DE NORA

CONCERTO DE CLON MELA
Luns, 5 ás 20 h na Praza Maior

A TAPA XIGANTE MÁIS GRANDE DO MUNDO
Martes, 6- a partir das 19 h na Praza Maior
Animación musical TERRAS DO ARENTEIRO
- ás 21 h na Praza Maior
CONCERTO de SOUL & ROCK

ORQUESTRA AMÉRICA
Mércores, 7 ás 23 h na Praza Maior

ORQUESTRA COMBO DOMINICANO
Xoves, 8 ás 23 h na Praza da Vera Cruz

PARTIDO DE FÚTBOL C.D ARENTEIRO – PONTEVEDRA C.F
Venres, 9 ás 19.30 h no Campo do Espiñedo

DISCO MÓBIL GRAMOLA
Venres, 9 ás 23 h na Praza Maior

FESTA DAS CAMISETAS – ANIMACIÓN MUSICAL DE DJs
Sábado, 10 ás 17 h na Praza Maior

FESTA DO PULPO
Domingo, 11- a partir das 11 no Parque Municipal e rúas da vila
Animación musical de CHARANGAS / GRUPOS DE MÚSICA TRADICIONAL
- de 12 h a 18 h no Parque Municipal
FESTIVAL DE MÚSICA E DANZA TRADICIONAL: CORIBANTES /CANTA NAS CROAS / CANTAREIRAS MADIALEVA / AUSKELGA
- ás 20.30 h na Praza Maior
CONCERTO AMIGOS DO ACORDEÓN TERRAS DE CELANOVA
- ás 23 h na Praza Maior
CONCERTO de OSCAR IBÁÑEZ & TRIBO

As Xornadas de Folclore volven un ano máis á provincia nun dos eventos máis esperados do verán cultural ourensán, que nesta 39 edición contará coa participación de seis agrupacións folclóricas procedentes de Colombia, México, Panamá, Serbia, Senegal e Taiwán.

No Carballiño o festival terá lugar o sábado 17 de agosto a partir das 22:30 horas, na Prza Maior. Neste dia actuarán no Carballiño as agrupacións procedentes de México, Senegal e Panamá.

O vicepresidente segundo da Deputación, César Fernández; o director xeral de Cultura da Xunta de Galicia, Anxo Lorenzo; e o director das xornadas, Julio Fernández Senra, explicaron esta mañá no Pazo Provincial os detalles dun evento que se celebra en Ourense desde o ano 1984.

César Fernández destacou na súa intervención a importante resposta do público, cunha media aproximada de 25.000 espectadores grazas a ese carácter itinerante pola provincia, permitindo coñecer as manifestacións folclóricas doutras culturas, "sempre moi enriquecedor para unha terra como Ourense, tamén cunha tradición folclórica e etnográfica moi importante". Un festival "de máxima calidade" do que destacou ademais a cooperación institucional a través da "colaboración permanente" da Xunta de Galicia, agradecendo tamén ao director das xornadas e a toda a organización o enorme traballo para lograr a "excelencia artística".

Pola súa parte, Anxo Lorenzo subliñou que con estas xornadas enriquécese o panorama galego, "xa de por si rico", de manifestacións do folclore da cultura tradicional, ofrecendo cada ano unha visión do folclore doutras partes do mundo, o que resulta "todo un luxo e un privilexio". Felicitou ademais á Deputación e á organización por apostar pola descentralización da cultura, ao facer chegar estas xornadas a case unha vintena de puntos da provincia.

Xulio Fernández quixo recoñecer o gran labor que hai detrás deste evento, citando a coordinación de Xabier Álvarez, aos guías e voluntarios que traballarán a diario cos máis de 170 artistas que actuarán na provincia, aos directores dos centros de acollida e "a implicación da cidadanía nun espectáculo de máximo nivel e de referencia en España".

Dous espectáculos por noite en dúas vilas da provincia A Deputación de Ourense, a través do Centro de Cultura Popular Xaquín Lorenzo, organiza este festival coa colaboración da Consellería de Cultura, Lingua e Xuventude da Xunta e dos diferentes concellos que acollen este evento.

Durante a súa celebración, cada noite haberá dous espectáculos en dúas vilas diferentes da provincia protagonizados en cada lugar por tres agrupacións, agás na cidade de Ourense e en Ribadavia onde actuarán os seis grupos. Así, a programación desta edición comezará o 12 de agosto no Teatro Principal coa cerimonia inaugural e prolongarase ata o 21 de agosto con actuacións nas vilas do O Barco de Valdeorras, Celanova, Maceda, Verín, Entrimo, Viana, A Rúa, Allariz, Trives, Carballiño (Dia 17) Castro Caldelas, Xinzo, Manzaneda, Bande, ademais de Ourense cidade e Ribadavia.

Os encargados de espallar a súa música, baile e tradicións pola provincia de Ourense serán 173 artistas das seis agrupacións: Colombia (Fundación Ballet Folclórico de Nobsa Colombia), México (Ballet Folk. Instituto Tecnológico de Celaya), Panamá (Academia Andrés Valiente, Danzas y Proyecciones Folklóricas), Serbia (Kud Srem), Senegal (Ballet Jammu) e Taiwán (Yuan Yuan Dance Group). O Centro Residencial Docente de Ourense e o IES Universidade Laboral serán as instalacións que acollerán aos grupos participantes durante a súa estadía na provincia.

No PODCAST de COPE O Carballiño podes escoitar o programa "O milagre de Alvite"  especial dedicado a esta aldea singular do municipio de Beariz, na comarca natural da Terra de Montes.

O pulpo do Carballiño sempre estivo vencellando ao viño do Ribeiro e nunca faltou nas mesas do xantar popular que se celebra o segundo domingo de cada mes de agosto. Por iso, e tal e como explicou o concelleiro de Turismo, Manuel Dacal, no acto de presentación que tivo o Museo do Viño de Galicia como escenario singular emprazado en Santo André de Camporredondo, “é de xustiza dedicarlle á Denominación de Orixe esta 62 edición, a terceira que conta coa declaración de Festa de Interese Turístico Internacional”.

O edil quixo estender a homenaxe “aos seus protagonistas, os pulpeiros e pulpeiras, viticultores e bodegueiros que souberon perpetuar unhas antigas tradicións e convertelas en símbolos de excelencia gastronómica na Galicia do século XXI”. No acto tamén interviñeron o alcalde en funcións do Carballiño, Pepe Castro; o alcalde de Ribadavia e vicepresidente da Deputación de Ourense, César Fernández, e a presidenta do Consello Regulador da D. O. Ribeiro, Concha Iglesias.

Castro explicou que é fundamental seguir potenciando estes produtos e manifestou o “gran orgullo que supón a unión entre O Carballiño e O Ribeiro” e manifestou a intención de seguir loitando para que a festa, que conta dende o 2022 coa declaración de interese turístico internacional, siga medrando.
O rexedor de Ribadavia e vicepresidente da Deputación subliñou a importancia de “institucionalizar a relación ancestral entre o pulpo do Carballiño e o viño do Ribeiro e que estas dúas comarcas vaian da man polos recursos que temos en común, que nos converten en destino único”.
Concha Iglesias agradeceu ao Concello do Carballiño que tivera en conta ao viño do Ribeiro, porque “co pulpo non hai mellor maridaxe” e engadiu que esta festa é un lanzamento ao exterior, “unha forma de patrocinarnos de xeito internacional”.

No acto de presentación tamén se puxo en valor a simboloxía do cartel da Festa do Pulpo deste ano, no que a artista carballiñesa Ari Quintas mestura un acio de uvas nunha tapa de talladas de pulpo, como unha representación da simbiose que existe entre ambos produtos. Os asistentes á presentación tiveron ocasión de probar o exquisito pulpo de Carballiño nos exteriores do Museo do Viño de Galicia, xa que ata o lugar se desprazou unha pulpeira.

Seis bodegas participarán na Mostra de Viños

A programación desta edición da Festa do Pulpo ten moi resente aos bodegueiros e por iso organizouse a Mostra de Viños que terá como escenario a Praza Maior do Carballiño os días 3 e 4 de agosto en horario de 12.00 a 21.30 horas. Contarase coa participación de 6 bodegas: Arco da Vella-Adega do Eladio, Adega Viña-Carpazal, Eduardo Bravo, Casal de Armán, Pazo Tizón e Oryctes.

A música tamén será un dos pratos fortes do programa. En total, ao longo dos 15 días de festa actuarán una quincena de grupos de música folk e tradicional, sen contar os de outros estilos musicais. Entre eles destacará a de Óscar Ibáñez & Tribo, unha das bandas de folk máis destacadas de Galicia e que presentará o espectáculo Tribal 20 para celebrar dúas décadas de traxectoria.

Será o día 6 de agosto cando chegue un dos momentos máis esperados: os pulpeiros e pulpeiras intentarán bater un ano máis o recórd da tapa máis grande do mundo, a partir das 19.00 horas. E para do día grande, o 11 de agosto, programáronse actuacións musicais no Parque Municipal dende as 11.00 horas. Para o xantar popular poranse as entradas á venda mañá, a partir das 9.00 horas nas oficinas municipais. O prezo de cada unha é de 45 euros.