A corporación municipal carballiñesa está convocada para este domingo, ás 20,00 h., para celebrar unha sesión plenaria extraordinaria co gallo da conmemoración do Día Internacional contra a Violencia de Xénero.

A iniciativa partiu dunha proposta formulada polo grupo municipal do BNG, que foi asumida pola totalidade dos grupos municipais.
Como único punto na orde do pleno, ademáis da aprobación da acta da sesión anterior, figura: PROPOSTA DECLARACIÓN INSTITUCIONAL CONSENSUADA POLO 25 DE NOVEMBRO “DÍA INTERNACIONAL PARA A ELIMINACIÓN DA VIOLENCIA MACHISTA”.

Así pois, neste acto lerase unha declaración institucional consensuada entre todos os partidos poíticos con representación municipal, e tamén está previsto efectuar unha concentración na Praza Maior diante do concello.

A conselleira de Medio Ambiente, Territorio e Vivenda, Ángeles Vázquez, e o alcalde de Leiro, Franscisco José Fernández Pérez, comprometéronse a analizar e buscar vías de colaboración para establecer medidas que permitan poñer en valor o espazo natural de Pena Corneira, un espazo que tamén abrangue aos concellos de Carballeda de Avia e Avión.

Esta foi unha das conclusións á que chegaron a conselleira de Medio Ambiente, Territorio e Vivenda e o rexedor municipal no decurso dunha reunión celebrada en Santiago, para analizar as demandas e necesidades deste municipio.

Ángeles Vázquez destacou que un dos retos do Goberno galego é conservar e mellorar o patrimonio natural da Comunidade galega, para que os cidadáns coñezan a riqueza do mesmo e poidan transmitir os valores que posúen os espazos naturais, co fin de fomentar a conservación dos mesmos.

Durante a reunión, o alcalde tamén lle presentou un proxecto de humanización da contorna do Campo da Feira do Concello, co que conseguir mellorar un espazo para o esparcementodos cidadáns e habilitar un lugar para a organización de eventos sociais e culturais. A conselleira indicoulle que lle dará traslado do mesmo á Dirección Xeral de Ordenación do Territorio e Urbanismo para o seu análise e determinar as posibilidades orzamentarias do departamento co fin de colaborar na súa execución.

Asemade, neste encontro de traballo, tamén abordaron a necesidade de buscar fórmulas para mellorar o servizo de recollida de residuos urbanos, de cara a convertelo nun sistema máis eficaz, que preste un maior servizo aos cidadáns e que fomente a separación dos residuos, co fin de minorar as taxas de produción de lixo e incrementar as cotas de reciclaxe.

O director xeral de Emerxencias e Interior, Luis Menor, visitou  o concello de Piñor onde acompañado do alcalde da localidade, José Luis González coñeceu de primeira man a Agrupación de Voluntarios de Protección Civil.

Segundo indicou o director xeral, a Xunta fixo nestes últimos anos un esforzo importante no aporte de medios de emerxencias aos concellos para a súa utilización polas Agrupación e os servizos de emerxencia municipal, creando unhas liñas de axudas, polas cales foron entregados diversos equipamentos como vehículos pick up, furgóns de loxística, remolques de emerxencia, embarcacións pneumáticas, remolques con carpas para as emerxencias, esparexadores de sal e equipos de excarceración.

En total, na provincia de Ourense nos últimos tres anos foi distribuído equipamento por valor de preto de 2,7 millóns de euros. Concretamente, o concello de Piñor recibiu un vehículo todoterreo, un remolque de emerxencias, unha coitela quitaneves, un desfibrilador, un exparexador de sal e material para a loita contra a vespa velutina.

A Agrupación de Voluntarios de Piñor naceu no ano 1997 e dende entón sigue ininterrompidamente a súa labor na prevención e intervención das emerxencias, tanto no seu termo municipal como axudando aos concellos limítrofes. As principais actuación atendidas no último ano foron accidentes de tráfico, incendios forestais, participación en eventos de aglomeración de persoas, avisos e busca e persoas desaparecidas.

O concello do Carballiño procederá nos próximos días á licitación do proxecto de asfaltado das rúas Aller Ulloa, Alberto Vilanova, Tellado, un tramo da estrada a Treboedo e A Carreira.

Así mesmo, o proxecto inclúe o cambio da rede de abastecemento con tuberías de PVC. O orzamento de licitación previsto será de 169.347 euros, e o plazo de execución, de dous meses.

Estas obras forman parte do acordo levado a cabo entre o Grupo municipal de goberno e o Grupo Popular na aprobación do presuposto deste ano.
Neste proxecto figura a rúa Alberto Vilanova, de acceso ao centro de saúde, á delegación de Facenda e ao Instituto nº 1, que é unha das rúas máis transitadas tanto por vehículos como por peóns, así como un tramo da estrada de Señorín, que se atopan dende hai tempo en mal estado.

En concreto, estas rúas suman un total de 1.224 metros, sendo a rúa Alberto Vilanova a de maior lonxitude, con 655 metros; seguida da rúa Tellado (277 m), tramo da estrada de Treboedo –desde a rúa do Tellado co cruce coa Carreira- (152 m), Carreira –entre rúa Ourteiriño e rúa Xesteira- (87m), e a rúa Aller Ulloa –entre rúa Ourense e Alberto Vilanova- (53 m).

O acto central institucional do concello do Carballiño con motivo do Día Internacional contra a Violencia de Xénero, será o luns, 26 de novembro, e nel intervirán os centros educativos, Cruz Vermella, Aspadisi, Asdifica, asociacións de mulleres e, como colofón, a interpretación dunha canción a cargo de Almudena Mosquera Fernández, profesora de música e doctora en Musicoloxía pola Universidade de Salamanca.

Este acto terá lugar ás 12,00 h., no salón de plenos do concello, e celebrarase o luns porque o propio día da celebración é domingo, e non é posible contar cos centros educativos, que son unha parte importante do mesmo, según dixo a concelleira Marina Ortega.

O programa dos actos previstos para conmemorar esta efeméride foron prsentados esta mañá pola concelleira de Benestar Social, Igualdade e Sanidade, Marina Ortega, xunto con Patricia Nogueira e Marina Pérez, do Centro de Información da Muller.

O programa inclúe unha charla-coloquio sobre “A violencia machista no rural”, que será impartida por Rosa Arcos Caamaño, presidenta da Federación de Asociacións de Mulleres Rurais –FADEMUR GALICIA. Terá lugar o venres 30 de novembro, ás 19,30 h., no salón de plenos do concello, e presentarase un estudio sobre como a violencia machista está máis invisibilizada no medio rural.

Así mesmo, realizáronse dúas xornadas de formación das mesas locais de coordinación interinstitucional contra a violencia de xénero, unha actividade promovida pola Secretaría Xeral de Igualdade da Xunta de Galicia e a Fegamp, que tiveron lugar o 8 e o 15 de novembro.

E, finalmente, tamén se enmarca neste programa a reunión da mesa de coordinación para a mellora da atención ás vítimas de violencia de xénero, que terá lugar o 14 de decembro ás 13,00 h., tamén no salón de plenos do concello

O secretario xeral da Emigración, Antonio Rodríguez Miranda, animou os socios do Centro Partido do Carballiño a presumir de galeguidade durante os actos centrais de celebración do seu primeiro centenario, que tiveron lugar na sede da entidade coa presenza das delegacións municipais dos concellos do Carballiño e San Cristovo de Cea desplazadas con tal motivo a Buenos Aires, asi como o alcalde de San Amaro.

O titular galego da Emigración, acompañado polo delegado da Xunta na Arxentina, Alejandro López Dobarro, fixo extensiva a súa invitación a todos os galegos de América “nun día de ledicia para Galicia e para todos nós.

A conmemoración dun século de vida dunha entidade galega como a do Carballiño ten que ser un motivo de orgullo para todos e cada un dos galegos espallados polo mundo, porque implica que o lazo que nos une a todos a Galicia segue máis vivo ca nunca”.

O acto de conmemoración do centenario, que comezou cunha aperta simbólica cos grupos de baile, música e canto da colectividade, prolongouse ao longo de todo o día e xirou en torno ao xantar popular organizado polos socios da entidade e ás actuacións musicais do grupo de baile Airiños do Carballiño, entre outras.

O programa festivo deste pasado domingo, pon fin a preto dunha intensa semana de actividades culturais e sociais coas que os socios e as institucións públicas, entre as que se atopa a Secretaría Xeral da Emigración, quixeron celebrar a entrada do Centro Partido do Carballiño no reducido grupo dos centros galegos que contan con máis dun século de vida e esforzo en prol da colectividade galega na Arxentina.

Tal e como estaba previsto, a delegación municipal encabezada polo alcalde, Fancisco Fumega, e os concelleiros José Manuel Dacal, Argimiro Marnotes e Xosé Francisco Ferreiro, xunto co resto da delegación carballiñesa que acude aos actos de conmemoración do centenario do Centro do Carballiño en Bos Aires, visitaron a factoría de GRI Calviño Towers Argentina.

Dase a circunstancia de que esta factoría conta cun encargado e algunhos traballadores que se formaron na empresa de aeroxeradores ubicada no Polígono Industrial da Uceira no Carballiño.

Esta fábrica comezou a súa producción no segundo semestre do pasado ano tras o acordo subscrito entre GRI Renewable Industries (GRI), división industrial eólica da Corporaclión Acek, e a Metalurgia Calviño (CALVIÑO) para iniciar a fabricaclión de torres eólicas na Arxentina.

Está ubicada nas naves industriais que CALVIÑO posúe en Florencio Varela, na provincia de Bos Aires, a uns 26 kilómetros da capital, e que da traballo a arredor de 300 persoas.

É unha das doce fábricas que GRI ten repartidas por todo o mundo, incluida a fábrica do Carballiño.