Tres agrupacións corais -Coral Polifónica de Rodeiro (Lalín), Grupo Coral de Oiâ (Aveiro-Portugal) e Coral Polifónica Casino do Carballiño-, participarán este sábado no Festival Galaico-Portugués de Polifonía e Canto Coral, que celebra o seu 35 aniversario. A gala terá lugar no salón de actos do Casino este sábado, 20 de outubro, ás 20,30 h., coa entrada totalmente libre.

O evento foi presentado esta mañá nun acto ao que asistiron, entre outros, o alcalde, Francisco Fumega; o concelleiro de Cultura, Diego Fernández; a deputada provincial e concelleira Teresa Cerdeira; o director da Coral do Casino, Jaime González Pichel, e a vicepresidenta desta agrupación, Pilar Caballero, entre outras representantes da entidade organizadora.

Francisco Fumega amosou o seu orgullo por contar no Carballiño cunha entidade coa historia e sona da Coral do Casino, que representa á nosa vila por todos os lugares por onde viaxa. E expresou os seus parabéns por acadar a 35 edición dun festival con tanta tradición e calidade como o Galaico-Portugués.

Diego Fernández sumouse á loubanza do alcalde e tamén lle agradeceu á Coral do Casino o mantemento ao longo do tempo do gran nivel do festival, así como do grupo.

Teresa Cerdeira expresou en nome da Deputación a satisfacción por colaborar unha vez máis con este festival, e reiterou a felicitación por acadar a 35 edición.

Jaime González Pichel referiuse ao gran nivel que teñen na actualidade as corais portuguesas e de aí a importancia deste festival. Neste senso, recordou a participación recente nun concerto en Guimarâes, e tamén destacou a actuación da Coral do Casino na Misa Pontificia de Coronación da Virxe do Corpiño como un evento musical salientable. Finalmente, realizou unha glosa das corais participantes nesta edición do festival.

Pilar Caballero pechou a quenda de intervencións agradecendo ao Casino, Concello e Deputación a súa colaboración, e anunciou as próximas citas do coral, entre as que están unha o 15 de decembro no auditorio Manuel María e outra o 25 do mesmo mes na Vearacruz. Pediu tamén o apoio do público para que acuda este sábado ao festival.

O programa do festival é ameno e variado. Así, a Coral de Rodeiro interpretará música popular de Galicia e Latinoamérica, entre outras músicas de polifonia; O Grupo Coral de Oiä ofrecerá o repertorio máis completo do festival con obras de compositores portugueses e brasileños, entre outros, e a Coral do Casino interpretará Tres Cantos Galegos (Rogelio Grobas-Julio Domínguez), Haleluja (Häendel), o tango El día que me quieras e un espiritual negro.

A mostra “Arenteiro Fotográfico”, que se desenvolverá nos meses e novembro e decembro en dez espacios do Carballiño, incluirá unha vintena de exposicións individuais e colectivas.

Esta iniciativa, que organiza a Asociación Fotográfica O´Potiños, e que foi presentada esta mañá como “un paréntese do Outono Fotográfico de Ourense”, inaugurarase probablemente o día 10 de novembro cunha charla-coloquio e a proxección de diversos audiovisuais e curtametraxes.
No programa figuran os seguintes autores e títulos de exposicións:

-En novembro: Tere Fernández “Medusa Pedra Nai”, Asociación Fotográfica Os Negativos “Nuestra Mirada”, Fuco Reyes, Beatriz Cabanelas “Puerta hacia el sudeste asiático”, O´Potiños “Fronteiras”, Iván Barreiro “El azar encontrado”, Eutropio Rodríguez “The Fraga Fmily, Teté D.Estate “Mosmo na rúa” e Ana Pumar “Otra puerta a la ciudad”.

-En decembro: Jesús gil y Clara Lelarge “Amazigh O Marrocos Bereber”, Agrupación Fotográfica Fotosíntese “Pintando con luz”, Eutropio Rodríguez “The Fraga Family”, O´Potiños “Fronteiras”, Premios Viña do Campo 2018, Roberto García, Alberte Pereira “Fragmentos” e Roberto de la Torre “Pólvora”, e Iván Ferreiro “El azar encontrado”.

As salas de exhibición son: Auditorio Municipal Manuel María, Concello, Hotel Arenteiro, Casino, Rúa do Paseo, Café Peñasco, Pazo Almuzara, Asador Veracruz, Café Plaza.

No acto de presentación estiveron o concelleiro de Cultura, Diego Fernández: o presidente da Asociación Fotográfica O´Potiños, Manuel Blanco; a secretaria deste colectivo, Esther Mosquera, e o tamén directivo Álex Carral, así como un dos integrantes do equipo de dirección do Outono Fotográfico Ourensán, Xosé Lois Vázquez “Che”.

Diego Fernández agradeceu o traballo que realiza a asociación O´Potiños e felecitou ao colectivo por organizar un evento de tanta trascendencia e que situará ao Carballiño como un referente fotográfico en Galicia nestes próximos meses, coa presencia de destacados fotógrafos de toda Galicia.

Manuel Blanco comezou explicando que esta iniciativa nacía en parte para curar o despropósito co Outono Fotográfico Ourensán, e de aí a presencia no acto dun integrante destacado da súa organización, Xosé Lois Vázquez.

Ao respecto dixo que esperaba que fose un paréntese e que no futuro poidera seguir desenvolvéndose. Así mesmo, amosou a súa sorpresa pola gran cantidade de ofertas de exposicións que chegaron, tendo que deixar algunhas fóra por falla de tempo e espazos, e destacou a calidade dos autores e autoras cuxas obras estarán incluidas na mostra. Destacou o labor que realiza a asociación que preside ao longo do ano, e o gran interese da mostra que exhibirán neste evento co título de “Fronteiras”.

Finalmente, Xosé Lois Vázquez “Che” ensalzou o labor que levan a cabo os integrantes de O´Potiños a prol da difusión cultural fotográfica e lamentou que, tras 35 anos, o Outono Fotográfico Ourensán non poidera celebrar a 36 edición. Por iso destacou esta iniciativa do colectivo carballiñés, que considera

Os promotores da Inciativa Popular local manifestan a súa satisfaccion tras constatar que "o documento enviado ao Concello de Maside, tras requerirr en tres ocasións información relativa á promoción dunha iniciativa popular local na que 771 veciños manifestaron a súa vontade de participar nun asunto público, e na que propuxeron a celebración dun Pleno na que se debatese o rexeitamento a unha instalación de incineración de neumáticos nun monte veciñal en man común, e tras facer caso omiso ao envío de información, a Valedora lembra ao alcalde as súas obrigas legais".

Entre elas destaca que "é obrigación de calquera funcionario ou autoridade remitir a información solicitada, e que a non observación desta obriga pode levar aos efectos do artigo 22.1 da Lei do Valedor do Pobo", subliñan.

Así mesmo, desde a Iniciativa Popular Local aseguran que "xa puxeron en coñecemento do Concello de Maside a súa vontade de participar neste debate nos termos da Lei Reguladora das Bases do Réxime Local, e que recentemente solicitaron á Secretaría do Concello a emisión do informe preceptivo de legalidade, seguindo as suxestións expresas do Defensor del Pueblo, Alto Comisionado das Cortes Xerais" pois desde a IPL entenden que "tras case tres anos de non emitirse este informe que é de obrigación ineludible emitir por mandato expreso legal, é momento de vencer os atrancos que obtaculizan o exercicio dun dereito fundamental de 771 persoas".

Aseguran que "fixeron todo o posible para poder exercer libremente un dereito fundamental", polo que acudirán "á acción da xustiza se fose necesario, no caso de que o exercicio dun dereito garantido pola Constitución seguise sendo vulnerado", advirten.

O Carballiño, 11 de outubro de 2018.- O XIV Día da Bici, que se celebrará este domingo, 14 de outubro, aglutinará a preto de 500 participantes, entre nenos e maiores. As primeiras 400 persoas inscritas recibirán como agasallo unha camiseta conmemorativa.

O evento foi presentado polo concelleiro de Deportes, Manuel Dacal; a coordinadora de educación e seguridade vial da xefatura provincial da Dirección Xeral de Tráfico, Silvia Aguiar; o director do Banco Mediolanum no Carballiño, José Luis Fernández; o responsable de Sobrerodas e directivo do Club Ciclista Carballiño, Roberto Rodríguez, e o tamén directivo deste club, Diego Caderno.

A proba ciclista, que é de carácter lúdico e non competitivo, comezarà ás 11,30 na Praza da Veracruz, e chegará a este mesmo lugar tras percorrer 9 km de ruta urbana por diversas rúas do pobo e do parque municipal.

Para os máis pequenos haberá unha gincana especial na propia Praza da Veracruz, así como diversos xogos e actividades.
As inscricións para participar poden efectuarse ata o mesmo domingo 14, na Praza da Vearacruz, de 10,00 a 11,00 h., media hora antes da saída do percorrido.

Tamén se anuncian unha serie de agasallos para todos os participantes e sorteos ao remate da ruta, que serán aportados pola organización e patrocinadores.

Como requisito absolutamente indispensable para participar, esíxese tanto a pequenos como maiores o uso do casco.

Manuel Dacal resaltou a celebración desta actividade deportiva como unha das mais importantes e concurridas do Carballiño, subliñando sobre todo o seu carácter lúdico e non competitivo, organizada como un paseo para todo tipo de público, dende os maìs pequenos aos maiores. Tamén agradeceu o patrocinio da Deputación Provincial, Inorde e do Banco Mediolanum, así como a colaboración do departamento de seguridade vial da Dirección Xeral de Tráfico de Ourense, Policía Local, Garda Civil, Protección Civil, Club Ciclista Carballiño, Sobrerodas, Gadis, Centro Comercial Aberto, Coca Cola, Plaza de Abastos e Megamoa. Finalmente, animou aos veciños a participar no evento.

O responsable do Banco Mediolanum, José Luis Fernández, amosouse orgulloso de colaborar por primeira vez co concello neste evento, e anunciou que habería outras colaboracións previstas. A marca desta entidade figurará no arco de saída e meta, así como en banderolas e pancartas ao longo do percorrido, e ofrece diversos agasallos para o remate. Finalmente, expresou o desexo dunha relación longa e sólida co concello na organización deste tipo de eventos.

Silvia Aguilar agradeceu que se contara coa xefatura provincial da DXT, asegurando a súa colaboración en materia de mobilidade sostible e seguridade vial, e anunciou a entrega de material utilizable polos participantes, consistente en chalecos, botes e portamóbiles. Lembrou a obrigatoriedade do uso do casco, tanto nos pequenos como nos maiores, xa que ante todo debe prevalecer a seguridade, e recordou tamén aos conductores a obrigatoriedade de respectar os espazos mínimos de seguridade ante os ciclistas.

Finalmente, Roberto Rodriguez, de Sobrerodas e Club Ciclista Carballiño, explicou a súa colaboración na organización da marcha, coordinando e controlando a cabeceira así como os posibles retrasos nos distintos tramos e a realización da gincana infantil. Fixo unha invitación á participación e recalcou o carácter de paseo en bici desta proba lúdica.

Asi o avanzou o  secretario comarcal desta formación política, Eladio Fernández, no transcurso dunha internveción nesta emisora de radio, 

Compromiso por Galicia presentará a súa candidatura nas eleccións municipais de 2019 no concello do Carballiño, e tamén o fará nos concellos de San Amaro e Punxín.

Será unha das novidades, e moi probablemente non a única, que terá o electorado carballiñés nos comicios municipais que renovarán as corporacións locais.

En declaracións a COPE O Carballiño, o secretario comarcal asegurou que esta formación política, de corte galeguista, ten "varias opcións que estamos barallando para encabezar a candidatura do Carballiño, pode ser candidato ou candidata, buscarémos dende o partido a persoa idónea e coa idea de alcanzar a alcaldia do Carballiño, que esa é a nosa idea", enfatizou.

Eladio Fernández aproveitou a súa internvención radiofónica para facer un chamamento a todas as persoas que queiran sumarse a este proxecto político "que é de presente, pero tamén de futuro".

O Partido Popular chama a atención sobre "varias rúas do Carballiño, das que incluso algún proxecto xa quedara realizado no anterior mandato do PP no ano 2015, á vez que se fixera o da rúa Ben Cho Sei, como son os da rúa Costa Rica e rúa San Amaro, e que a día de hoxe seguen sen ser adxudicado polo actual goberno, aínda que consta vontade dos veciños en atender voluntariamente á cesión gratuíta dos terreos afectados por ditos viais".

E poñen como exemplos "a Rúa Costa Rica, Rúa San Amaro, da ampliación da rúa no fondo de Flores onde se forma un escollo e estreitamento entre a rúa Aquilino Sánchez e Alexandre Bóveda, ou mesmo a rúa Saleta".

Dende o Partido Popular entenden que "non pode ser que cando aparece o compromiso económico do Concello, estas rúa non se poidan executar, cando ademais existe toda a vontade do mundo por parte dos propietarios en facer cesións gratuítas ao Concello. E non solo non se lles está a recoñecer estas cesións gratuítas senón que o Concello está pondo trabas aos propietarios supoñéndolles un coste e desembolso económico elevado que non terían porque soportar".

Engaden que "a maior parte das rúas mencionadas, constan como viais urbanos consolidados no PXOM do ano 1999, e nalgún dos casos os seus propietarios xa fixeron cesión, e así está recollido incluso en actas de pleno, xa no ano 1962 e parece que non se lles quere dar validez. Dende o Partido Popular entendemos que aínda que cada rúa ten as súas propias características, en todas elas, e factible aceptar de forma practicamente automática a cesión que os propietarios queren facerlle gratuitamente ao Concello, pois para que unha propiedade privada destinada a viais nun plan de urbanismo se converta en dominio público municipal, simplemente fai falta o acto de entrega e aceptación entre particular e administración".

"Trátase en definitiva coa nosa petición de reunión da xunta de portavoces, de desbloquear na medida do posible, esta situación que non se pode chegar a entender e que paralizan o crecemento urbanístico do noso pobo",remarcan.

Finalmente, os populares fan referencia a "o caso da rúa Costa Rica o problema vese incrementado por un tema de saúde pública, dada a proliferación de ratas que está habendo nos últimos meses según denuncian os veciños, xa que a rede de alcantarillado está en moi mal estado, e a execución da apertura e urbanización da rúa permitiría renovar a rede de alcantarillado de ese tramo".

E chaman a atención sobre o que endenden é falta de coordenación dentro do goberno municipal "a raíz da problemática da proliferación de ratas na rúa Costa Rica, volvemos a ver a falta de xestión coordinación e comunicación interna do grupo de goberno do PSOE do Concello do Carballiño, xa que según os veciños levan meses soportando está situación e advertindo ao Concello e ao Alcalde, Paco Fumega, e a edil de medio ambiente, Erika Paz, facía unhas declaracións nas que aseguraba que non tivo coñecemento desta problemática hasta a semana pasada", subliñan.

O vicepresidente da Xunta, Alfonso Rueda destacou nesta visita á sede da entidade intermunicipal do Ribeiro que "a colaboración cos concellos permite levar adiante actuacións que redundan directamente no benestar da cidadanía, como é o caso da Mancomunidade do Ribeiro que supón un exemplo de xestión compartida de recursos e de prestación conxunta de servizos por parte de concellos limítrofes".

Alfonso Rueda, visitou o fondal do concello de Beade onde está situada a sede da Mancomunidade do Ribeiro, acompañado da delegada territorial da Xunta en Ourense; Marisol Díaz Mouteira e da directora xeral de Administración Local, Marta Fernández-Tapias, onde puideron comprobar de primeira man as melloras e actuacións levadas a cabo grazas ás axudas da Vicepresidencia. Nesta visita estaban presentes os cinco alclades dos concellos que integran na actualidade a entidade, que son os de Beade, Leiro, Cenlle, Cortegada e A Arnoia.

Ao abeiro do Fondo de Compensación Ambiental, a Mancomunidade do Ribeiro recibiu este ano unha axuda destinada a gastos de mantemento e á optimización enerxética do alumeado das dependencias da sede, e grazas ás axudas do ano pasado foi adquirido un camión para a prestación de servizos mancomunados, axudas que superan os 400.000 euros.