A empresa de desratización que presta servizo ao concello do Carballiño actuou o pasado xoves e o voltará a facer mañá, martes, para eliminar o problema da existencia de ratas no entorno da rúa Costa Rica, aseguran dende o concello do Carballiño, ante as denuncias veciñais recollidas nesta mesma páxina WEB.

A concelleira de Medio Ambiente "alertou á empresa de xeito inmediato en canto tivo coñecemento da existencia deste problema nesa zona próxima ao río Arenteiro. De feito, en canto recibiu o aviso, que foi o mércores, ao día seguinte, o xoves, esta empresa acudiu ao lugar para avaliar o problema e aplicar as posibles solucións con carácter prioritario", aseguran dende o concello carballiñés.

Tamén manifestan que "a concelleira Érika Paz non tivo coñecemento da existencia deste problema ata este mércores pasado, sen que ningún veciño se dirixise a ela con anterioridade. Doutro xeito, xa se terían tomado medidas, habida conta da prioridade que lle otorga a concelleira aos problemas que atinxen á salubridade pública", remarcan.

A empresa de desratización contratada pola Concellelría de Medio Ambiente, que fai seguimento e realiza campañas periódicas para a eliminación de roedores, "intensificando as súas actuacións cando as circunstancias o esixen, mobilizouse con suma rapidez neste caso, e por iso estivo traballando o xoves e o o voltará a facer mañá na zona afectada, de xeito que se resolva o problema", subliñan dende o concello.

Alternativa Veciñal ven de facer balance dos tres anos e medios que xa van consumidos do actúal mandato municipal no concello do Carballiño, no que o concelleiro Bernardo García presentou un total de 45 mocións, das que 38 resultaron aprobadas polo pleno da corporación, 11 delas por unanimidade.

Non obstante, AV cifra en apenas o 10% os acordos do pleno que son executados polo goberno, manifestan.

Nos arquivos adxuntos pódese acceder tanto ao balance que se fai dende esta formación política da xestión municipal do grupo de goberno, como do traballo desenvolvido por Alternativa Veciñal no que vai de mandato no concello carballiñés.

A Asociación de Empresarios do Polígono Industrial e Parque Empresarial do Carballiño "AICA" ven de celebrar unha asemblea electoral que reelixíu como presidente a Manuel Carballeda, de Empresa Montañesa, con él continúa tamén o resto da directiva, á que se incorpora o representante da empresa Dizmar.

Esta asociación agrupa ás empresas que desenvolven a súa actividade na área industrial do Carballiño, e que según os datos aportados polo propio presidente, xeneran preto dos mil empregos directos.

Carballeda referíuse no transcurso da súa intervención nesta emisora de radio á necesidade de ampliar o solo industrial no municipio, toda vez que "a dia de hoxe queda dispoñible unha soa parcela, polo que esta foi unha das cuestiós que se abordou nesta asamblea". O presidente do colectivo empresarial considera que esa posible ampliación podería facerse cara terreos municipais de Maside, colindantes co parque empresarial, unha posiblidade que xa propuxo o grupo municipal do Partido Popular no concello do Carballiño, sendo ben recibida por parte dos gobernantes municipais do concello de Maside.

Nesta mesma asamblea de AICA tamén se acordou trasladar varias demandas aos responsables municipais do Carballiñp, entre elas, a mellora da seguridade en toda a zona industrial coa instalación de novas cámaras de vixiancia, a limpeza de beirarrúas e a actualización da sinalización vertical, incluíndo as últimas empresas que iniciaron a súa actividade.

Tamén propoñen a apertura dun novo vial que comunique as rotondas dos viais 1 e 3, o que repercutiría na mellora das comunicacións internas do parque empresarial carballiñés

O Concello de Piñor ven de iniciar as obras de pavimentación correspondentes ao Plan de Mellora de Camiños 208-2019.

As actuacións que se encadran neste proxecto son a mellora dos camiños de acceso ao núcleo de A Folgosa e Eirexe das parroquias de A Canda e Torcela respectivamente; e a mellora do camiño no lugar de Moire.

As vías son todas elas de titularidade municipal e atópanse co firme moi deteriorado causado polo uso continuado durante moitos anos e polas raíces das árbores que se atopan ás marxes. As melloras dos camiños consisten na pavimentación do firme con doble e triple rega asfáltica e limpeza das cunetas para evitar que a auga deteriore o pavimento.

Estas actuacións segundo o Alcalde de Piñor José Luis González “son imprescindibles posto que melloran a calidade dos accesos a estes núcleos que na actualidade eran moi deficientes polo estado actual dos firme que levaba máis de 15 anos sen que tiveran ningún tipo de mantemento. É unha obriga como Alcalde ter os mellores accesos aos nosos pobos, e temos invertido moito con esforzo e traballo; dende que accedín a Alcaldía para que isto sexa así. Con elo contribuímos a que os os pobos non queden despoboados e poñendo os medios para que non sexa unha traba vivir no rural.”

As actuacións encadradas no Plan de Mellora de Camiños 2018-2019 teñen un importe de 41.710,62 € IVE engadido; financiadas pola Xunta de Galicia a través da Consellería de Medio Rural.

A segunda xornada do X Congreso do C.E. Chamoso Lamas, que se desenvolveu no centro cultural de Melgaço (Portugal) puxo de manifesto a necesidade de protexer e conservar o patrimonio histórico, sobre todo no medio rural.

Esta chamada de atención fíxose durante a exposición dunha ponencia sobre o Conventiño dos Frades, granxa monástica de Aciveiro no Ribeiro.

É unha granxa que perteneceu ao mosteiro de Aciveiro, ao igual que unha bodega de gran interese e cuxas ruinas poden desaparecer para sempre.

A primeira referencia histórica que se ten desta granxa data do ano 1537, e fala dun lugar que estaba «junto a la Granja y del Paraíso».

Segundo Xosé Luis Sobrado, foi a primeira granxa monástica de Galicia, e atópase nunha situación de total abandono.

Xunto a Sobrado interviñeron nesta ponencia Juan José Álvarez, o arqueólogo Jorge Lamas, a historiadora Ana Gordín e o biólogo Diego Prado.

Tamén tivo moito interese o proxecto «Lírica», que se desenvolve no marco do programa Interreg, e que foi presentado pola profesora de Filoloxía da USC, Mariña Arbor, e a investigadora Carmen de Santiago, e que consiste na aplicación práctica da lírica medieval galaico-portuguesa para achegar á sociedade o coñecemento do patrimonio material e inmaterial.

Este proxecto, que estará rematado o próximo verán, permitirá a través de diversas produccións audiovisuais difundir este patrimonio medieval mediante tres rutas abarcando as comarcas do Carballiño e O Ribeiro e o norte de Portugal (Melgaço, Monçao e Fiais). Incluso haberá unha aplicación para poder seguirse polo teléfono móbil. E tamén están previstas a elaboración de guías en papel, videoclips, etc.

Ademáis, nesta xornada falouse das antigas escolas de Boborás, da Torre medieval de Godás e da Eurorrexión Galicia-Norte de Portugal

Na xornada tamén se realizaron varias visitas culturais guiadas ás pesqueiras de Arbo, ás Termas do Peso e ao PN Peneda Gerés.