Sesenta e cinco patinadores e patinadoras de todas as idades e pertenecentes a seis clubs de Madrid, Valencia, Valladolid, A Coruña e Vigo, competirán este próximo sábado, 21 de abril, no I Trofeo Federación Freestyle.

Este torneo de ámbito nacional, que se celebrará no pavillón de deportes Paco Chao, por primeira vez na provincia, comezará ás 10,00 h., na modalidade de derrape, e prolongarase ata as 19,00 h., co resto das modalidades: clasic, battle, salto, speed slalom e jam.
O evento foi presentado esta mañá polo alcalde, Francisco Fumega; o concelleiro de Deportes, José Manuel Dacal, e o presidente do club AHEDE, que organiza o trofeo, Uxío Álvarez.

Francisco Fumega felicitou ao club AHEDE polo traballo que desenvolve no Carballiño a prol do deporte, especialmente, da patinaxe, e por promocionar o Carballiño como sede dun evento de tanta trascendencia. “Gracias ao club e ao seu presidente –dixo-, no Carballiño adquire cada vez máis relevancia este deporte, que ata non hai moito non existía na nosa vila”.

José Manuel Dacal incidiu no agradecemento ao club e ao seu presidente polo esforzo que representa organizar un trofeo tan importante, e recordou as boas instalacións coas que conta O Carballiño para poder levalo a cabo. Tamén resaltou o beneficio que supón para a hostelería local, posto que este tipo de competición move a moita xente.

Uxío Álvarez correspondeu aos agradecementos recalcando o apoio do concello, e convidou a disfrutar do patinaxe nesta xornada na que O Carballiño ía a ser a primeira localidade da provincia en ter un trofeo de ámbito nacional. Ao respecto indicou que se conseguiu a sede tras a celebración con éxito doutros trofeos anteriores, como a Copa Deputación ou o Trofeo Vila do Carballiño. “Incluso, según dixo, cabe a posibilidade de que esta proba se poda seguir celebrando no Carballiño nas videiras edicións, o cal da boa conta do crecente importancia do club AHEDE”.

Así mesmo, ademáis da vertente deportiva, Uxío Álvarez destacou a promoción que supón para ao Carballiño, pois, debido á difusión de información sobre as cualidades turísticas da vila e comarca (patrimonio natural e cultural, balnearios e gastronomía) que lle fixeron chegar aos diferentes clubs, había delegacións algún de cuxos participantes a acompañantes ían prolongar a súa estadía na vila ata tres días.

O Trofeo Federación Freestyle consta de tres fases; a primeira celébrase este sábado no Carballiño, a segunda será en Valladolid e a treceira, en Bilbao.

A "Agrupación Veciños de Piñor" denuncia publicamente e tamén o fará ante o pleno da Corporación  "o estado de abandono e falta de mantemento das fosas septicas da rede de saneamento municipal nas distintas localidades.

E como exemplo visible -acompañan reportaxe fotográfica- poñen a fosa septica no pobo de Piñor, situada "a carón da estrada, que reborda e verte directamente ó camiño xacobeo da Ruta da Prata, ó seu paso por Piñor", algo que consideran lamentable pola mala imaxe que da aos peregrinos, ademáis de constituir "un problema tanto dende o punto de vista medio-ambiental como de saúde pública", subliñan.

"Veciños de Piñor", que conta con dous representantes na corporación piñorense, trasladará este asunto ao próximo pleno do concello "solicitando un informe e inmediata revisión de todas as fosas septicas existentes no municipio".

Os datos publicados pola Dirección Xeral da Vivenda e O Solo do Ministerio de Fomento non deixa lugar a dúbidas: continuúa en picado o número de transaccións inmobiliarias no municipio do Carballiño, ata caer a mínimos históricos que non se recordan dende que existen datos estadísticos.

Do balance relativo a 2017 despréndese que sigue descendendo a compra-venda de pisos e casas no municipio carballiñés, cun novo retroceso do 7,78% menos que no ano 2016.

O número total de transaccións de vivenda no ano 2017 no concello do Carballiño foi de 83.

Unha tendencia á baixa que pareceía ter tocado fondo, pero que outro ano máis sigue sendo negativo en relación ao ano anterior. Lonxe vai quedando a última época dourada do sector inmobiliario no municipio carballiñés, entre os anos 2006 ao 2008, cando chegaron  a alcanzarse as 400 transaccións inmobiliarias anualmente.

As cinco Asociacións de Nais e Pais dos centros educativos carballiñeses veñen de remitir tanto ao goberno municipal como aos grupos da oposición no concello do Carballiño un escrito " para mudar as políticas realizadas neste pobo nos últimos anos, baseadas no bacheado, asfaltado e ensanchado de beirarúas como prioridade".

Unhas políticas "caducas" que está provocando un retroceso en moitos aspéctos, incluido a perda poboaciónal dos últimos anos, que se manifesta no descenso que nos catro últimos anos se pon de manifesto no descenso do padrón municipal de habitantes, afirman, e que está provocando que moitos veciños teñan que desprazarse a outras localidades en busca de oportunidades que non encontran no Carballiño.

"Esta situación está a afectar nos propietarios, pequenos empresarios e emprendedores, pois unha vila sen servizos perde o seu atractivo para emprender novas iniciativas ou consolidar as xa existentes. Aquelas persoas que andan a procura dun lugar para establecerse, mercar a súa vivenda e criar aos seus fillos teñen moi en conta a precariedade de servizos que na actualidade existen no Carballiño", reflexionan.

As ANPAS solicitan tanto do goberno municipal como dos grupos da oposición que deseñen políticas que reviertan esta situación, e facer do Carballiño unha vila atractiva e moderna.

Enumeran no seu escrito unha relación de carencias e mesmo propoñen algunhas iniciativas, como mellorar a accesibilidade e mobilidade tanto no casco urbano como nos accesos aso centros escolares e as zonas con instalacións deportivas.

Tamén solicitan medidas a favor da sostibilidade e os servizos públicos, tales como creación de novas escolas deportivas e escolas municipais con prezos asequibles., asi como a creación de espazos culturais e de ocio e lúdicas.

Para o parque municipal demandan pistas de skate, actividades e prais fluviais, iluminación e circuíto con marcación kilométrica para a practica deportiva. Tamén que se actualicen as concesións municipais, na zona dos muiños, antiga casa sindical, estacións de autobuses, centro comarcal ou antiga fábrica de papel.

Nesta relación de carencias tamén fan referencia ao deterioro do  parque infantil da Alameda e piden unha piscina pública climatizada.

Son algunhas das propostas que entenden "serían imprescindibles para acadar os obxetivos necesarios nunha vila en progreso e en comunión coas súas veciñas e veciños".

O escrito está asinado polas ANPAS A Uceira, Vila do Arenteiro, Sagrado Corazón, IES Chamoso Lamas e IES nº 1.

O Voceiro do Grupo Municipal Socialista do Concello do Irixo, Iago Fariñas Valiña, ven de presentar unhaMOCIÓN PARA ELABORAR UN INFORME/DIAGNÓSTICO E UN PLAN MUNICIPAL DE PROMOCIÓN DA AUTONOMÍA PERSOAL E PREVENCIÓN DA DEPENDENCIA EN PERSOAS NECESITADAS E QUE VIVAN SOAS NO IRIXO, en base á seguinte:

EXPOSICIÓN DE MOTIVOS

PRIMEIRO.-A soidade afecta a numerosos fogares do denominado "mundo desenvolvido", sobre todo desde que a esperanza de vida aumentou de forma significativa e se produciron migracións cara ás cidades. No caso do noso país, Galicia, este fenómeno difúndese polo mapa de xeito especial, establecéndose a pasos axigantados, tanto en zonas urbanas como rurais, e afectando, de forma especial, ás persoas maiores máis vulnerables. As cifras do Instituto Nacional de Estatística (INE) falan por si mesmas. Do total dun millón de fogares rexistrados en Galicia o ano pasado, preto de 267.000 están integrados por unha soa persoa e desta cifra, uns 122.000 corresponden a persoas de 65 anos ou máis, sendo 19.874 persoas maiores de 64 anos as que viven soas na provincia de Ourense feito que afecta tamén significativamente o noso concello de O Irixo.

SEGUNDO.-Que Galicia é a comunidade máis envellecida de España - case o 25% do censo son persoas xubiladas-, e as provincias de Lugo e Ourense están entre as dez rexións máis envellecidas da Unión Europea (UE), segundo a axencia Eurostat. De feito, segundo datos do IGE, ata un total de 38.587 fogares estaban compostos por persoas de 65 anos ou máis no 2016 na nosa provincia. Estas cifras, nas que Ourense sempre lidera os peores postos, teñen correlación coa baixa taxa de crecemento demográfico que presenta a provincia. Como exemplo, Ourense é a provincia galega coa porcentaxe máis alta de fogares que non contan cunha soa persoa menor de 16 anos, sendo esta cifra do 81,73%. Sirvan estes datos para termos idea do problema ó que nos enfrontamos que lonxe de minorar só aumenta. A crise demográfica golpea especialmente á nosa provincia e a soidade é unha das súas máis nefastas consecuencias.

TERCEIRO.- Que recentemente acabamos de saber pola prensa que no Reino Unido a primeira ministra británica, TheresaMay, anunciou a creación dunha Secretaría de Estado para tratar un gran problema que vai unido á maior esperanza de vida e que afecta a máis de 9 millóns de persoas xoves e maiores no Reino Unido, é dicir, un 14,24% da súa poboación aproximadamente, fronte ó máis do 25% na provincia de Ourense. No caso concreto do Irixo, dicir que o 22,05% da poboación ten máis de 80 anos e máis do 31,07 % máis de 75 ano e máis do 40,75 % ten máis de 70 anos, e máis do 50,55 % da poboación ten máis de 65 anos e así sucesivamente...

CUARTO.- Que no caso do noso concello ademáis, debido a súa dispersión, existen pobos e lugares onde nalgúns casos so un veciño ou veciña habita no mesmo o que agrava esta situación de soidade ou posible desamparo. Non é nada novo os casos nos que un veciño/a do noso concello por desgracia falece en soidade pasando incluso varios días ate ser atopado/a.

QUINTO.- Que con estes datos enriba da mesa, consideramos que será hora de tomar decisións para detectar os problemas que afronta cada día este segmento de poboación: saúde, alimentación, hixiene, doenzas, acompañamento, trastornos xeracionais etc... para tentar resolver na medida do posible as súas carencias. De feito, ó poñermos a atención suficiente en evitar as consecuencias da soidade, tales coma os descoidos á hora de velar pola propia saúde e integridade, estamos contribuíndo a previr situacións de dependencia destas persoas. Hai que lembrar que as cifras nas listas de agarda para o recoñecemento da situación de dependencia coma para que efectúe a intervención, unha vez recoñecida, son alarmantes. Se fomentamos a autonomía persoal das persoas que viven en soidade, prolongaremos a súa calidade de vida e que atrasen a súa condición de usuarios/as da dependencia. Por non falar no caso do Irixo de que a maioría destas persoas viven en pobos ou lugares illados, dada a gran extensión e dispersión territorial do noso concello, polo que evitaremos o abandono dos fogares e fomentaremos certa actividade laboral vinculada con esta problemática.

SEXTO.- Que o noso concello ten entre os seus mandados, velar polo benestar da súa veciñanza, especialmente por aqueles veciños e veciñas máis vulnerables, especialmente as persoas con problemas derivados da soidade, e que viven sos a meirande parte do ano, veciños e veciñas dos que en moitos casos, nós, como administración máis achegada, non sabemos nada da súa situación. E por iso que se fai imprescindible ter unha radiografía por pobos ou lugares do noso concello, para diagnosticar que tipo de servizo é necesario implantar, teleasistencia, axuda no fogar, comida a domicilio, servizos de limpeza, acompañamento, talleres especializados, horarios de visitas veciñais, actividades terapéuticas etc. Cremos que se fai imprescindible realizar un estudo de campo para detectar ás persoas maiores que viven soas no noso concello, en situación de alto risco para deseñar as medidas necesarias co obxectivo de mellorar a súa calidade de vida, poñendo os medios e creando ou aumentando os servizos a nivel individual e social.

Que dito todo o anterior, para mellorar as condicións de vida da veciñanza do Irixo, o Grupo Municipal Socialista do Concello de O Irixo presenta para a súa consideración e aceptación polo Pleno Municipal a seguinte MOCIÓN instando ó Concello a:

1º.-Que o Concello do Irixo, e no seu caso, coa colaboración de outras entidades e os servicios sociais do propio concello, elabore un informe no que se recolla o censo de persoas soas do noso concello.

2.-Que o Concello do Irixo, e no seu caso, coa colaboración de outras entidades e os servicios sociais do propio concello, poña en marcha un plan municipal, coa dotación orzamentaria suficiente, no que se contemplen medidas concretas de promoción da autonomía persoal e prevención da dependencia en persoas que vivan soas.