O concello do Carballiño considera os datos como moi positivos ao indicar que "en maio de 2015 cando tiveron lugar as últimas eleccións municipais, o número de demandantes de emprego baixou en 405 persoas, é decir, un 30,9%, daquela había rrexistradas 1308 persoas fornte ás 903 que hai na actualidade".

Non obstante, non é tan favorable a evolución das afiliacións á Seguridade Social, o incremento de persoas que cotizan sitúase no 6% en relación a fai 3 anos atrás no municipio carballiñés. A pesar da remontada dos últimos anos, o dato no numero de cotizantes é ainda negativo se o comparamos co dos anos anos do inicio da crise, xa que o municipio ten hoxe menos traballadores activos que fai unha década atrás, unhos 150 cotizantes menos.

Ainda asi, e cos datos coñecidos, O Carballiño sitúase entre os concellos con mellor evolución da chamada taxa de desemprego na provincia.

Estas cifras, con ser positivas, espérase que o sexan ainda máis de cara ao verán polo repunte do sector dos servizos na primavera e tempada estival. Así o amosa o concelleiro de Promoción Económica, Adolfo Nogueira, que cre que "neste descenso do paro ten moito que ver o reforzo do departamento municipal de orientación laboral, así como a posta en marcha do novo obradoiro e do plan integrado de emprego “Carbaemprega”, que forma actualmente a 85 persoas desempregadas en actividades cunha forte demanda no Carballiño como son soldadura, hostalería e atención sociosanitaria" . No Plan integrado de emprego do 2017 atoparon colocación 42 das 60 persoas inscritas, e neste plan integrado agárdase que a atopen como mínimo o 40% das 85 persoas inscritas.

E tamén incide nesta evolución favorable o dinamismo que amosan as empresas punteiras do sector industrial carballiñés, como son a empresa de aeroxeneradores GRI e a empresa de construccións metálicas DIZMAR. Ambas empresas colaboran estreitamente no plan integrado de emprego e, a finais do pasado ano, tamén participaron na impartición dun curso de soldadura promovido pola Asociación de empresarios do Polígono Industrial e Parque Empresarial carballiñés conxuntamente co concello.

A ocupación da práctica totalidade das parcelas industriais do Carballiño require a ampliación da zona industrial, e de aí que dende o concello se inste a incrementar a dotación de solo industrial. Tanto no sector industrial como no de servizos hai marxe de crecemento, e por iso as políticas municipais diríxense a promover iniciativas en ambos sectores.

Así, a posta en marcha do novo matadoiro, coa creación de 18 postos de traballo directos, e que pode ser o xerme doutras iniciativas vencelladas co sector cárnico, ademáis da nova pranta que constrúe a empresa GRI, e na que se crearán 55 novos postos de traballo, apuntan ao fortalecemento da actividade industrial a curto prazo. E no mesmo sentido poden englobarse outras iniciativas no sector dos servizos, como o proxecto de ampliación das instalacións termáis do Gran Balneario, ou do proxecto hostaleiro novedoso da Casa Gazpara, que xa está en execución e está previsto que se inaugure antes do verán.

Por todo isto, tanto dende a concellería de Pomoción Económica como dende a alcaldía "agárdase que o paro poida seguir descendendo durante este ano, e que os postos de traballo que se creen sexan de maior calidade"

O barista carballiñés Javier Vázquez Muradás representará a Galicia no Campeonato Nacional de Baristas, no Forum Cultural del Café, que se celebrará en Barcelona os días 16, 17, 18 e 19 de abril.

Javier Vázquez é campeón de Galicia dende o pasado mes de novembro, e a este certame nacional acudirá cunha modalidade de café guatemalteco que foi co que obtivo o triunfo no campeonato galego.

Javier Vázquez Muradás é un experto autodidacta en café. Rexenta dende hai catro anos o Mesón Os Portales, situado na rúa do Paseo, fronte á Praza Maior do Carballiño, e era a primeira vez que se presentaba a un concurso de baristas.

Para acadar o triunfo neste tipo de certames hai que elaborar o Mellor Expresso, o Mellor Capuccino a a Mellor Bebida na Especialidade de Café, que son as tres modalidades que se esixen nestes campeonatos. Isto require un profundo coñecemento da caste de café empregada, dende a súa orixe ata a presentación e degustación, pasando polo proceso de maduración, tostado, etc., así como pola descrición dos aromas.

Javier Muradás competirá con outros 16 baristas, en representación do resto das comunidades autónomas españolas.

O Voceiro do Grupo Municipal Socialista do Concello do Irixo, Iago Fariñas Valiña, ven de presentar unha MOCIÓN SOBRE O PROCESO DE REVISIÓN DOS VALORES CATASTRAIS COÑECIDO COMO "CATASTRAZO", MELLORA DA ORDENANZA FISCAL E ASESORAMENTO Á VECIÑANZA DE O IRIXO, en base á seguinte exposición de moitivos:

PRIMEIRO.- Que o grupo de goberno xa sabe dende o ano 2016, e non informou ate fai uns días, da regularización catastral que por “Resolución de 20 de diciembre de 2016, de la Dirección General del Catastro, por la que se determinan municipios y período de aplicación del procedimiento de regularización catastral.” Que foi Publicado no BOE núm. 315, de 30 de decembro de 2016 no que se informa do procedemento de regularización catastral de aplicación no concello do Irixo, tendo previsto o seu fin o 1 de xullo de 2018.

SEGUNDO.- Que é de lamentar que dende o goberno municipal non se teña informado axeitadamente e con tempo á veciñanza sobre O PROCESO DE REVISIÓN DOS VALORES CATASTRAIS COÑECIDO COMO "CATASTRAZO" que se está a producir no noso concello limitándose a informar escuetamente cun Bando con data 31 de xaneiro de 2018, no que non explica os custes que esto suporá para a veciñanaza.

TERCEIRO.- Que fala o Sr. Alcalde no seu Bando que a “regularización catastral ... está dirixida a loitar contra a fraude fiscal, cuio obxeto é incorporar ó catastro aquelas vivendas que non estaban inscritas no mesmo e que por tanto non cumprían a obriga de pagar o imposto correspondente ou ben aquelas que estando inscritas sufriron algunha variación dende a súa inscrición inicial...”. Que non informa o Sr. Alcalde da repercusión económica e custe que esto vai ter para a veciñanza; e tampouco que non se van regularizar so as vivendas senón todas as edificacións indistintamente de que sexan vivendas ou non.

CUARTO.- O procedemento de regularización catastral incorpora ó Catastro Inmobiliario a totalidade dos bens inmobles urbanos e rústicos con construcción, así como as alteracións das suas características.

QUINTO.- Que a regularización da descripción dos bens inmobles está suxeita á tasa de regularización catastral, cunha cuantía de 60 euros por cada un dos inmobles obxeto de regularización.

SEXTO.- Que ademais haberá que aboar os atrasos dos últimos 4 anos, pago do que quedan exentas as instalacións agrarias, polo que é fundamental no proceso de regularización catastral prestarlle especial atención ós usos que atribue o Catastro ós inmobles, de cara a presentar as correspondentes alegacións.

SÉTIMO.- Que ademais de todo o anterior debemos chamar unha vez máis a atención do estado de moitos pobos e lugares do noso concello, donde uns 30 pobos ou lugares carecen de servizo de saneamento, algún non ten acceso pavimentado ou auga corrente e algún outro carece de alumeado público, etc..., entendemos que a veciñanza e propietarios destes lugares residen en moito peores condicións que o resto e por iso comprendemos que namentres non se presten a toda a veciñanza os mesmos servicios, se debe aprobar a modulación/modificación da ordenanza fiscal para que a veciñanza que na actualidade ten menos servizos (falta de saneamento, auga, alumeado, acceso pavimentado, etc.,) nos seus pobos, se vexan compensados fiscalmente por estes desagravios.
Que dito todo o anterior, para protexer os intereses da veciñanza, no proceso de revisión dos valores catastrais coñecido como catastrazo, acadar unha ordenanza fiscal máis xusta entre tódolos veciños e veciñas do concello, o Grupo Municipal Socialista do Concello de O Irixo presenta para a súa consideración e aceptación polo Pleno Municipal a seguinte MOCIÓN instando ó Concello a:

1º.- Que o Concello de O Irixo poña a disposición da veciñanza un servizo de asesoramento con respecto á regularización catastral que está a sufrir o municipio.

2.- Que o Pleno do Concello de O Irixo aprobe a modulación/modificación da ordenanza fiscal para que a veciñanza que na actualidade ten menos servizos como a falta de saneamento, auga, alumeado, acceso pavimentado, etc., nos seus pobos, se vexan compensados fiscalmente por estes desagravios.

3º.- Que se informe puntualmente e/ou consensúe a modulación/modificación da ordenanza fiscal con tódolos grupos da corporación para entre todos acadar a mellor ordenanza fiscal para a nosa veciñanza e garantir así o éxito da iniciativa.

O tecido empresarial do Carballiño e O Ribeiro está dominado por pequenas mercantiles, únicamente catro empresas no ámbito das dúas comarcas superan os 10 millóns de euros ao ano, e según os últimos datos dos que se dispón, que se corresponden co ano 2016. 

Asúnicas catro empresas que superan esa facturación dos 10 millóns anuais ubicanse na comarca do Carballiño, concretamente dúas no parque empresarial do do Carballiño, e as outras dúas nos municipios de San Cristovo de Cea e Piñor, respectivamente.

Na primeira posición deste ranking está GRI TOVERS GALICIA S.L., a empresa dedicada á contrucción de torres eólicas , cunha facturación de 30,9 millóns de euros no ano 2016, cando empregou a un total de 369 traballadores, tamén é polo tanto, e de forma destacada a empresa que da máis traballo.

No pasado mes de Outubro, o consello da Xunta de Galicia recoñeceu como “Proxecto Empresarial Singular” o presentado por esta empresa para facilitarlle un dereito de compra dunha parcela no Parque Enpresarial do Carballiño, de máis de 17.0000 metros cadrados, onde prevé investir 5 millóns de euros e crear 57 postos de traballo. 

Unhaempresa do sector forestal e dedicada a compra e comercialización da madeira, fundamentalmente de piñeiro e eucalipto e con domiciilio en Cea ocupa a segunda posición en canto a facturación por vendas, cun total de 16, 2 millóns de euros, no último ano contabilizado. Trátase de MADEIRAS PACO CACHAROLO S.L..

Unha empresa con filosofía familiar, con apenas 9 traballadores, aínda que con numerosos autónomos cos que mantén relación empresarial. Ademáis, esta empresa de Cea tamén ten proxectos de ampliación da actividade, está interesada na compra dunha parcela de 22.000 metros cadrados que ven de poñer á venda o concello San Cristovo de Cea no polígono industrial do Fonde de Cea.

A terceira mercantil en vendas da comarca é “Sociedad Gallega de Polimeros SA” –SOGAPOL- que ten a súa factoria no parque empresarial do Carballiño, cunha facturación de 15,8 millóns de euros, e con 51 empregados no ano 2016, centra a súa actividade na transformación de material plástico.

E xa, finalmente, en canto a facturación a outra empresa que supera os 10 millóns de euros no ámbito comarcal está situada na localidade de Loeda, no concello de Piñor, ademáis é a segunda da comarca en canto a postos de traballo, tiña no ano 2016 un total de 110 empregados, cifra que xa supera na actualidade.

MADERAS GÓMEZ realizou vendas por importe de 10,4 millóns e euros, dedicada a comercialización da madeira e a fabricación de envases e embalaxes de madeira. No último ano acometeu proxectos de expansión tanto no propio municipio de Piñor como no concello de Vilamarín.

Os servizos de prevención e defensa contra incendios forestais da Mancomunidade de concellos do Ribeiro levaron a cabo ao longo do ano 2017 traballos de roza en case mil quilómetros dos municipios da Arnoia, Beade, Cenlle, Cortegada e Leiro.

Estes labores supuxeron, en concreto, un investimento de preto de 30.000 euros e tiveron como finalidade controlar a matogueira para diminuír o risco e a virulencia dos lumes. A Consellería do Medio Rural financia estes labores mediante convenios cos diferentes concellos e administracións locais, que contemplan, ademais da realización das rozas preventivas, as funcións de vixilancia, defensa e extinción durante a tempada de alto risco de incendios.

Estes datos sobre traballos preventivos foron achegados polo presidente da Mancomunidade e alcalde de Leiro, Francisco Fernández, á conselleira Ángeles Vázquez, nunha xuntanza de traballo celebrada en San Caetano.

No encontro, ambos abordaron diferentes cuestións de interese para os veciños desta comarca ribeirán e de xeito particular avanzaron nesa colaboración entre administracións en materia de prevención e loita contra os incendios forestais, que neste caso cualificaron como moi útil e favorable para as partes.

A música de The Tetas Van encheu este venres día 23 o Auditorio Municipal Mauuel María do Carballiño con máis de 400 rapaces e rapazas dos centros de ensino da comarca: os CPI Virxe da Saleta de Cea e Terras de Maside e os IES Nº1 e Chamoso Lamas do Carballiño.

Este concerto forma parte dunha serie de actividades para dar a coñecer a cultura galega aos alumnos que estes catro centros levan facendo en conxunto os últimos 5 anos: Poesía na escola, que achegou a O Carballiño a moitos poetas e músicos.

Este ciclo contou nos últimos 3 cursos coa colaboración e axuda económica da Área de Cultura do Concello do Carballiño.

No outono estivo nos centros o poeta carballiñes Quico Valeiras cun obradoiro de poesía dirixido aos máis pequenos. O autor está a punto de publicar o seu primeiro libro de poemas (ó que saben os corpos no que dura unha dársena..) que estará nas librerías moi pronto.

O ciclo pecharase no próximo trimestre co recital poético musical de Anxo Blas.

Alumnado do IES Nº1 do Carballiño conseguiu o 3º premio no Concurso “Yo conozco mi herencia, ¿y tú?”, un concurso promovido pola AMUPROLAG (Asociación de Profesores de Latín e de Grego) e a SEEC (Sociedade Española de Estudos Clásicos) para reclamar un lugar para a Cultura Clásica, o Grego e as Humanidades na LOMCE.

Participaron cinco alumnos de 3º e 4º da E.S.O que teñen as materias Cultura Clásica ou Latín máis catro de 1º de Bacharelato que cursan Latín, coordinados pola súa profesora de latín Gema Roiz.

O equipo carballiñés estivo integrado por Gladys Estefani Contreras Paulino, Doris Isabel González Almonte, Mateo Giraldez Fernández, Isabella Erlania Pereira Da Silva, Juan Corral Blanco, Esteban Decabo Nogueira, Nerea Gallego Cabanas, Tania Pérez Godoy e Patricia Portabales García.

Trátase dun concurso escolar de vídeos que cada ano presenta unha temática diferente. Este ano o tema era a figura de Ovidio co gallo da commemoración do bimilenario da súa morte.

Pódese ver o vídeo premiado neste enlace:

https://www.youtube.com/watch?v=MZ8KDmNpN8Y&list=PL5fn-KFFop_AwIssblxQ9H...