O novo matadoiro do Carballiño podería entrar en funcionamento o próximo mes de xuño. Así o confirmou este mediodía o representante da sociedade adxudicataria “Matadero de Carballiño S.L.”, Emilio Pedro González, trala sinatura do contrato.
O acto desenvolveuse na Alcaldía, coa presencia do alcalde, Francisco Fumega; o concelleiro de Promoción Económica, Adolfo Nogueira; dous representantes dos tres que integran a sociedade, e da que é portavoz Emilio Pedro González, e o arquitecto Jesús Fernández, autor do proxecto técnico.

Cun orzamento de 1.100.000 euros máis IVE, que comprende tanto a obra civil como a maquinaria, o proxecto de Jesús Fernández contempla a habilitación desta instalación para convertela nun referente dos matadoiros da provincia e de Galicia. Así, será especialmente significativo o tratamento sanitario e medioambiental e de depuración, cumpríndose escrupulosamente a lexislación, e cunha balsa de puríns que serán recollidos por una empresa especializada, e a cocción do sangue para convertelo nun residuo sólido.
O matadoiro conta con 1.600 metros construidos, e terá dúas líneas de funcionamento: bovino e ovino, ainda que non se descarta que incorpore gando porcino máis adiante. Levará cinco muelles de carga e cuadras na parte posterior.
Está previsto que a obra de reforma comece antes dun mes, de forma que o matadoiro entre en funcionamento en xuño sen que impida que prosigan os traballos da reforma.

Francisco Fumega amosou a súa satisfacción por asinar o contrato administrativo da posta en funcionamento do matadoiro, que pon fin a un longo proceso. Agradeceu a aposta da sociedad adxudicataria polo Carballiño e referiuse á creación de emprego que conlevaba. Asi mesmo, destacou que una vez rematadas as obras ía ser o matadoiro máis importante da provincia e incluso dos máis importantes de Galicia.
A esta mesma cuestión se referiu Emilio Pedro González, asegurando que se trata dun proxecto de longo percorrido, pois asumirá o servizo que presta na actualidade o matadoiro de Ourense e que se clausurará en xuño. Por isto, asegurou que sería una instalación cunha gran carga de traballo, contemplándose una plantilla inicial de 13 ou 14 traballadores, que podería ampliarse a 18 a pleno rendimento. Ao respecto dixo que xa había un grupo de 5 carballiñeses que traballan actualmente no matadoiro de Ourense e que se integrarían no do Carballiño. Finalmente, agradeceu a ilusión coa que tomaron este proxecto tanto o alcalde como o concelleiro de Promoción Económica.

Adolfo Nogueira tamén amosou a súa satisfacción polo remate do proceso de xeito positivo, destacando sobre todo o servizo que ía prestar aos carniceiros do Carballiño e á comarca, así como os postos de traballo que se ían crear. “Tras a explosión da caldeira do matadoiro no ano 2012, e dun longo proceso na elaboración e aprobación do pliego, agora temos a certeza de que imos contar cun matadoiro de referencia para Ourense e Galicia”, dixo. Para concluir lembrou que era un compromiso e un dos grandes obxectivos do programa electoral do actual grupo de goberno municipal, e que agora era una realidade.

O presidente do Goberno galego, Alberto Núñez Feijóo, referíuse ás obras de conservación e rehabilitación do conxunto mosteiral de Oseira como un exemplo da aposta por valorizar o patrimonio cultural e monumental de Galicia e avanzar cara ao Xacobeo 2021. Nesta visita, o máximo mandatario galego estivo acompañado polo presidente da Deputación Manuel Baltar, e o alcalde de San Cristovo de Cea, José Luis Valladares.

Cun investimento total que rolda os 800.000 euros, Feijóo subliñou que as obras neste Mosteiro de Santa María A Real de Oseira –que ten a declaración de BIC na categoría de monumento histórico-, teñen como obxectivo potenciar o atractivo cultural e turístico da comarca e, ao mesmo tempo, forman parte do programa que está a desenvolver a Xunta para actuar en todos os bens de interese cultural que se atopan preto dos camiños de Santiago.

Neste sentido, precisou que a actuación abarca a igrexa do mosteiro, a fachada principal exterior do claustro da hospedaría, parte da cuberta, intervencións nos claustros, na sancristía e na sala das Palmeiras, entre outros lugares. Non en van, a súa biblioteca, datada de 1766 conserva uns fondos bibliográficos de importancia excepcional, cuns 30.000 volumes de ampla temática.

“Estou convencido de que este proxecto será bo para esta zona, xa que suporá un pulo económico e cultural; e, tamén, para o resto de Galicia, porque supón conservar a nosa cultura”, aseverou, destacando tamén que este mosteiro se atopa preto dunha das paisaxes máis fermosas de Galicia como é a Ribeira Sacra, candidata a Patrimonio da Humanidade.

Ao longo da súa intervención, o presidente da Xunta incidiu en que a nosa cultura é o símbolo das mellores cousas que fixemos e o alento para as que nos quedan por facer. E, neste contexto subliñou que Galicia xa dispón de instrumentos para fomentar as boas prácticas patrimoniais, como a nova Lei do patrimonio cultural de Galicia, unha norma que combina a máxima protección do patrimonio coa axilidade e a simplificación dos trámites administrativos.

Feijóo concluíu incidindo en que o Goberno galego seguirá mellorando as condicións dos bens de interese cultural asociados ao Camiño e, nesta liña, repasou algúns deles nos cales a Xunta está a actuar na provincia de Ourense, como son: a catedral de Ourense; a rehabilitación completa do Castelo de Monterrei; o Mosteiro de Montederramo; o Mosteiro de Melón, a finalización da Reitoral de Ribadavia, na que se instalará o Museo do Viño de Galicia, a rehabilitación dunha parte do Mosteiro de San Clodio, do Convento de San Francisco, así como varias actuacións na Ribeira Sacra. “Estas actuacións complétanse con outras que se están a levar a cabo en toda a Comunidade, ademais das actuacións en todas as catedrais de Galicia”, recordou.

Así mesmo, resaltou que estes días a Comunidade galega presentou en Fitur unha proposta completa en paisaxes, ocio e a Comisión organizadora do Xacobeo 2021 xa está en marcha, “porque o Camiño segue a ser o mellor escaparate para todo o que temos que ofrecer ao visitante, a mellor porta de entrada”.

Os ladróns -que eran catro e ían con guantes  e coa cara tapada con carapuchas según pudo observarse no vídeo da cámara de seguridade- conseguiron entrar no interior do restaurante Fuchela, na Avenida 25 de Xullo do Carballiño- ás 3 desta pasada madrugada.

Romperon a porta de cristal de a cceso ao restaurante e palanquearon a mesma, en apenas un minuto e mentras soaba a alarma, levaronse o diñeiro da máquina tragaperras. É a cuarta vez no transcurso dos últimos seis meses que este restaurante carballiñés é obxeto dun roubo. 

Nas últimas horas foron denunciados varios roubos cometidos en localidades da comarca.

NO IES Chamoso Lamas levaronse tres ordenadores portátiles, diñeiro en efectivo e 30 kilos de productos comestibles. Tamén son cuantiosos os danos causados nas instalacións, que foron avaliados en máis de 2.000 euros.

Na mesma localidade de Mesego, unha veciña presentaba denuncia ante a Garda Civil en relación ao roubo sufrido na súa vivenda, da que se levaron numerosas xoias e 2.500 euros en diñeiro en efectivo.

O Partido Popular recorda que "o concello de Maside é un dos concellos da provincia que dispón do gravame de bens inmobles urbanos mais altos cunha porcentaxe de 0,60".

Dos concellos do redor so O Carballiño esta no mesmo tipo de gravame o resto están mais baixos. Algúns moito mas baixos coma San Amaro (0,40), Cea (0,40), O Irixo (0,40), Amoeiro (0,42), Punxín (0,45), como se pode apreciar de todos os cores políticos, manifestan.

"Quen goberna Maside debe intentar mirar polo ben de todos os seus veciños, poñendo medidas antes de que se produzan feitos que lesionen os petos dos cidadáns, como sucede co IBI de este ano, consecuencia do "catastrazo" pegado recentemente", remarcan.

Afirman os populares que "xa se sabia iso por parte do grupo de goberno, xa que foi solicitado polo Concello, non se fixo ningunha actuación no sentido de intentar diminuír o quebranto económico de moitos veciños de Maside, fundamentalmente da xente que fixo as súas casas nos últimos dez anos, baixando ese gravame ao mínimo o 0,40, e conseguir deste xeito reducir o impacto do catastrazo aos veciños de Maside".

Entenden dende o Partido Popular "que non pode facer o Sr. Alcalde de Maside, despois de ter o IBI cobrado, é saír na prensa xustificándose de que para o ano que ven intentarase baixar un 10 ou un 20% que significa no mellor dos casos baixar o gravame ao 0,48, pero claro o que xa pagamos os veciños de mais será un ben que vimos pero que non volveremos a ver, e o peor de todo que xa veremos en que queda a cousa, si se fai ou non, e en que se emprega o superávit conseguido este ano, o día que presenten as contas saberemolo".

Pídenlle ao alcalde de Maside que aclare "o que vai a facer con todo o recadado de mais co IBI deste ano, que por certo non é un ano normal senón que en principio recolle as subas de varios anos, e estamos a falar dun montón de euros".

E ofrecenlle dúas propostas:

-Devolver aos veciños a suba realizada descontándoa do recibo do ano seguinte.

- Usar ese superávit orzamentario para retomar a reubicación da xente da Fontela.

Patrimonio natural, termal, histórico-artístico e gastronómico, son os principais alicientes do Xeodestino O Carballiño-O Ribeiro, que foi presentado este xoves en Fitur.

Ao acto asistiron o presidente da mancomunidade turística do Carballiño-Ribeiro, Francisco Fernández; o alcalde do Carballiño, Francisco Fumega; o alcalde de Ribadavia, Ignacio Gómez, e a concelleira de Boborás, Patricia Torres. Tamén asistiu a delegada da Xunta en Ourense, Marisol Mouteira.

Fernández Referiuse á creación da mancomunidade Terras do Avia no 2006 como iniciativa moi positiva para promover o desenvolvemento turístico do Carballiño e do Ribeiro, e destacou os puntos fortes da oferta dos concellos que a conforman.

Fumega, que estivo acompañado polos concelleiros de Turismo, Manuel Dacal, e Cultura, Diego Fernández, resaltou os grandes eixos do turismo no Carballiño, especialmente, os balnearios, o entorno natural e a gastronomía, sobre todo o pulpo e a Festa do Pulpo.

A esta celbración festivo-gastronómica tamén se referiu a delegada territorial da Xunta en Ourense, Marisol Mouteira, nomeándoa como unha romaría multitudinaria.

Dúas alumnas do IES Nº1 do Carballiño, Eugenia González Seijas e Lúa Rodríguez Alegre, gañan o concurso "Verba Volant", do programa radiofónico “No es un día cualquiera” de RNE.

A sección Verba Volant presentada polo catedrático e latinista Emilio del Río amosa como a cultura grecorromana segue viva nos nosos días e polo tanto tense que coidar e potenciar. O alumnado do I.E.S. nº1 leva catro anos participando no concurso e xa é o terceiro ano que resulta gañador.

Todalas semanas tras escoitar na aula de latín dito programa se contesta á cuestión plantexada no concurso.

A semana na que resultou gañadora Eugenia a pregunta foi”Como se di con anterioridade?” e a resposta era “ a priori”. Lúa contestou á pregunta “Como é a frase que dixo Xulio César ao pasar O Rubicón coas lexións en formación?” e a resposta foi "Alea iacta est”.

Os premios foron Odas e Épodos, dúas obras de Horacio.

O presidente da Mancomunidade Turística "Terras do Avia" Francisco José Fernández avanzou no transcurso dunha intervención nesta emisora de radio o que será a presentación do Xeodestino Turístico O Ribeiro-O Carballiño, no marco de FITUR 2018, este próximo xoves dia 18 en Ifema-Madrid, a partir das 14:30 horas.

O novo xeodestino turístico impulsará a comercialización de paquetes termais biosaludables, que incluirán hoteis, balnearios e o SPA do viño de San Clodio, e que ademáis incorporará o enoturismo como nova experiencia.

Ademáis de termalismo, natureza, patrimonio, gastronomia e festas, son os grandes piares deste xeodestino que abrangue os 20 concellos das comarcas do Ribeiro e O Carballiño.

Editaráse un catálogo de recursos turísticos, asi como un mapa de rutas culturais, entre outras iniciativas que serán presentadas en FITUR, no Stand de Turismo de Galicia.

O proxecto de promoción turística conta co apoio da Dirección Xeral de Turismo, a súa titular, Nava Castro asinaba un convenio de colaboración co presidente da Mancomunidade, polo que ven de aportar 80.000 euros para a posta en marcha deste Xeodestino Turístico, que inclúe tamén a creación dunha nova páxina WEB.

Fernández tamén confirmou a presenza da Mancomunidade Turística en Xantar, o salón gastronómico que na súa edición de 2018 celebraráse entre o 31 de Xaneiro e o 4 de Febreiro.