A directora xeral de Comercio e Consumo, Sol Vázquez, destacou esta mañá a aposta que a Xunta está a realizar para lograr unha modernización dos mercados galegos na visita que realizou á praza de abastos do Carballiño.

Tal e como sinalou, trátase dunha infraestrutura clave para a dinamización do comercio de proximidade local que vén de ser remodelada polo Concello co apoio da Consellería de Economía, Emprego e Industria.

A directora xeral explicou que, entre as actuacións desenvolvidas, destacan a limpeza das fachadas de cantería, así como o acondicionamento dos postos exteriores mediante a recolocación de mobiliario urbano. Tamén se instalou nova iluminación e pavimentación co obxectivo de mellorar a imaxe da praza de abastos.

Sol Vázquez lembrou que a Xunta leva apoiado a modernización desta infraestrutura, desde 2015, cun total de 170.000 euros que se destinaron tanto á mellora e acondicionamento do mercado como á realización de campañas publicitarias, a adopción dunha imaxe común ou a creación de aparcadoiros.

No ano 2013, daquéla con 14.355 habitantes, O Carballiño alcazara o seu teito histórico de poboación.

Dende o ano 2014, o municipio acumula catro anos nos que perde poboación, tras a última actualización do Padrón Municipal de Habitantes, o municipio carballiñes rexistra -a 1 de Xaneiro de 2017- unha poboación oficial de 13.854 habitantes, medio millar menos en relación a fai tan so catro anos atrás.

Tras esta nova actualización do Padrón, O Carballiño perde 59 habitantes no transcurso do último ano. Aínda asi, é o municipio que menos poboación perde entre os grandes da provincia, xa que Verín perde 142 habitantes, O Barco de Valdeorras 180, e Ourense, con 257 habitantes menos.

O resto da Comarca perde 274 habitantes

A perdida de poboación é áinda moito máis acentuada nos oito concellos restantes da comarca carballiñesa, que no último ano perdeu 274 habitantes, no conxunto dos concellos de Maside, Boborás, San Amaro, San Cristovo de Cea, Piñor, Punxín, Beariz e O Irixo.

Maside baixa no seu padrón en 21 habitantes, e quédase con 2.797. Boborás perde 68 habitantes e fixa a súa poboación oficial en 2.375,  San Cristovo de Cea descende en 62 habitantes, e pasa a ter unha poboación de 2.241 habitantes. O Irixo, quédase cunha poboación de 1.519 habitantes, tras baixar en 27 persoas; Piñor, que perde 40 habitantes, fixa a súa poboación en 1172 persoas; San Amaro, con -24 no ultimo ano, quédase con 1112 habitantes.

Por vez primeira na súa historia, Beariz baixa da barrreira dos 1.000 habitantes, xa que ao perder 21 habitantes, pasa a contar con 982 persoas empadronadas no municipio. Finalmente, Punxín, tras perder 13 habitantes no último ano, conta con 713 habitantes.

A agrupación local de Novas Xeraciòns de O Carballiño, fixo a entrega de alimentos, roupa e xoguetes dentro da campaña solidaria #RepartindoSorrisos a Cáritas parroquial e a Sociedade de San Vicente de Paul de Carballiño.

Na entrega de solidaria de alimentos, roupa e xoguetes estiveron acompañados polo presidente provincial de NNXX,José Antonio Parente, a Concelleira e deputada provincial, Teresa Cerdeira Valiñas e o concelleiro Magín Daparte.

O presidente provincial de Novas Xeraciòns, agradeceu aos mozos da organización local de Novas Xeraciòns do Carballiño e ao Partido Popular do carballiño o traballo realizado e a entrega feita a Cáritas, un agrademcento que fixo extensivo a todos os veciños e veciñas do carballiño pola participación nesta campaña de Nadal.

A programación de nadal do NOVOCINE de Leiro está constituíndo un gran éxito de asistencia ao cine en pantalla grande.

O único cine comercial que continúa aberto no ámbito das comarcas do Carballiño e o Ribeiro está rexistrando unha notable afluencia de espectadores a esta sala sita na vila de Leiro.

“La Bella y La Bestia, el musical” chega a O Carballiño, constituíndo un dos pratos fortes da programación navideña da concellería de cultura do concello carballiñés.

A compañía La Barbarie Teatro Musical xunto á productora Factoría Diversity representará a súao bra ‘La Bella y La Bestia: El Musical‘ no Auditorio Municipal do Carballiño o 28 de decembro ás 17:00 h.

La Barbarie Teatro Musical naceu en 2015 coa intención de apoiar e fomentar as artes escénicas emusicais entre a mocidade, aportando cada un dos seusmembros a súa formación e experiencia para abarcar as distintas disciplinas que require o teatro musical.

Trátase dunha compañía de teatro musical formada actualmente por un elenco de 25 persoas con inquedanzasartísticas, concretamente, noeido do teatro, o canto e a danza.

Cabe destacar que este espectáculo poderá ser disfrutado en diferentes localidades de toda España, entre as que destacanesta do Carballiño. Así, a xira comprende cidades como Lugo, Valladolid, Béjar (Salamanca), Santa Fe (Granada), Sevilla, Bilbao, Santander, Valencia, Calafell (Tarragona) e Ávila.

Na provincia de Ourense, este espectáculo só se poderá disfrutar este xoves no Carballiño, por medio da promotora Moita Merda Produccións, que tamén traerá en xaneiro o monólogo de El Sevilla.

“La Bella y La Bestia: El Musical” é unha gran obra musical con voces en directo, un vestiario impecable eu nha escenografía que te transportará desde a pintoresca aldea ata o tenebroso castelo encantado.

É un espectáculo familiar que se converteuen clásico tras a película que fixo Disney en 1991 comesmonome. O musical La Bella y la Bestia revivirá a historia de amor dunhafermosamoza chamada Bella que para salvar ao seu pai acepta aloxarse nun castelo cunha besta que é, en realidade, un príncipe encantado.

O conselleiro de Política Social, José Manuel Rey Varela visitou na Residencia de Tempo Librre do Carballiño aos participantes no programa "Xuntos polo Nadal", nunha visita que compartiron a delegada territorial da Xunta de Galicia en Ourense, Marisol Díaz Mouteira, e directora xeral de Maiores e Persoas con Discapacidade, Fabiola Martínez, asi como o alcalde do Carballiño Franscisco Fumega e o portavoz do grupo popular Argimiro Marnotes.

Trátase dunha iniciativa na que 120 persoas maiores de 60 anos que se atopan soas nas súas casas, xúntanse na residencia carballiñesa para pasar estas datas con persoas da súa mesma idade.

Rey Varela sinalou que a finalidade de Xuntos polo Nadal “é que os maiores pasen acompañados unhas datas tan sinaladas como estas, reforzando ou tecendo novas amizades e ocupando o seu tempo libre facendo distintas actividades, como talleres de manualidades, saídas ou cenas especiais amenizadas con música en directo, entre outras”.

Ademais, destacou que a principal novidade que presenta o programa este ano é a ampliación da estancia nas residencias ata despois da festividade dos Reis Magos, ata o 7 de xaneiro, cando en edicións anteriores remataba o día 2.

Así mesmo, o titular de Política Social manifestou que prestar unha atención integral ás persoas maiores é un obxectivo prioritario para o Goberno galego, posto que “aspiramos a que esta terra sexa o mellor lugar para ser maior e tamén para facerse maior”.

Nesta liña, apuntou que unha das liñas de actuación deste departamento autonómico consiste en fortalecer os coidados dirixidos a persoas que teñan recoñecida a súa dependencia e, ao mesmo tempo, poñer a disposición dos maiores unha ampla oferta de programas nos ámbitos do ocio, a formación e a corresponsabilidade como son: este Xuntos polo Nadal, o programa de Benestar en balnearios, os seminarios e accións de formación coas universidades galegas ou a iniciativa de Escola de avós e avoas educadoras.

O conselleiro apuntou que “os maiores teñen unha mochila chea de experiencia e tamén, cada vez mais, moita vida por diante. Trátase de continuar aproveitando os seus coñecementos coa participación en todos os ámbitos, porque favorecer o intercambio de valores e experiencias entre maiores e xeracións máis novas fainos máis fortes e axúdanos a construír unha sociedade mellor”, concluíu.

Sete meses despois convocouse pleno ordinario no Irixo, foi onte xoves 21 de decembro de 2017, cuestión ésta criticada polo portavoz dos socialistas, Iago Fariñas Valiña, e tamén polo seu homólogo do grupo de Fai Irixo, únicos grupos da oposición presentes no pleno, do que están á espera dun informe de legalidade solicitado ó secretario municipal.

O Pleno do Irixo prolongouse dende as 11 h da mañá ata case as 13.30 do mediodía, no que destacou o traballo do concelleiro da oposición do PSdG-PSOE, Iago Fariñas Valiña, que defendeu as únicas 10 mocións presentadas que foron aprobadas na súa totalidade. Os socialistas consideran un despropósito que non se convoquen os plenos cada dous meses como establece a lexislación e que o último pleno ordinario fose no mes de maio de 2017, fai 7 meses, tendo incluso en varias ocasións anteriores que ser convocado por imperativo legal ou de forma extraordinaria a proposta da oposición para defender as súas mocións.

O portavoz socialista recriminou ó alcalde que o presuposto municipal continúe apostando por destinar a pagar os soldos, pagas extras e seguridade social a tres membros do goberno por dedicacións parciais por valor de 73.668,35 euros ou que non municipalice a limpeza municipal e destine o diñeiro aforrado a cuestións que fagan medrar e progresar o Irixo, como axudas á natalidade, ó emprendemento ou á formación e estudo dos estudantes do Irixo, segundo algunhas das propostas achegadas polos socialistas.

Tamén se lle recriminou que o goberno queira de presumir de ter unha situación económica saneada cando ten case 30 pobos sen alcantarillado despois de 31 anos e non inclúe ningunha partida para estas actuacións. O goberno aprobou cos votos en contra da oposición a súa “PROPOSTA DE ALCALDIA. APROBACION CONVENIO OBISPADO.” por 15 anos para a cesión do campo da festa de Santa María do Campo na que “O GOBERNO TEN PENSADO GASTAR UNHA IMPORTANTE CANTIDAD” en palabras do alcalde, "sen ser da súa propiedade" denuncian os socialistas.

O Bispado non aceptou unha opción de compra plantexada polos socialistas no anterior pleno, que lamentan que o concello non fixera nada por defender a propiedade dos veciños cando no ano 2015 o Bispado a rexistrou ante a pasividade do Concello, que manifestou en palabras do seu alcalde, nun pleno anterior, "que non se habían enterado".

"O Bispado rexistrou a propiedade a sabendas de que era e sempre foi dos veciños dende tempo inmemorial e así, edificaron con anterioridade, unha escola, hoxe velorio municipal, un depósito de auga ou máis recentemente o bar das festas", afirma Iago Fariñas.

Os socialistas propuxeron ó pleno e ó goberno municipal, solicitar un informe sobre a viabilidade de reclamar o Bispado a titularidade da propiedade para os seus lexítimos propietarios, os veciños da parroquia do Campo, atendendo a que o Bispado aínda rexistrou a propiedade no ano 2015, sen oposición do concello, e que posiblemente o faría apelando a que posúen a parcela dende tempo inmemorial, cando realmente quen a ven posuíndo dende tempo inmemorial son os veciños, polo que se deben defender os intereses dos veciños e pelexar a titularidade da parcela e, no seu caso, unha opción de compra, evitando revalorizar unha parcela cunha gran inversión que despois en so 15 anos se perdería a súa titularidade ou uso ou habería que pagar dobremente.

MOCIÓNS SOCIALISTAS APROBADAS:

- Moción para fomento da recuperación e rehabilitación de vivendas e edificacións do Irixo.

- Moción para a mellora da seguridade e sinalización das estradas do Irixo. -

-Moción instando ó concello a que se adopten medidas preventivas e de protección fronte ó lume.

- Moción para a convocatoria de axudas ós/ás estudantes do Irixo.

- Moción para o fomento do emprego no Irixo.

- Moción para dotar O Irixo dun espazo multiusos adicado á cultura, "casa da cultura".

- Moción para dotar de saneamento os case 30 pobos do Irixo que non teñen.

- Moción para a implicación do concello do Irixo na elaboración do plan de transporte público de Galicia.

- Moción para a construción dun gran Parque Arqueolóxico no Irixo.

- Moción para a urbanización con beirarrúas da estrada Abanico – Estación – Lama - Laiña. (esta última presentada xa fai máis dun ano, o 29 de abril de 2016, onde o goberno votou en contra)