As atraccións e barracas das festas patronais comezaron a instalarse esta noite, co obxectivo de que o fagan paulatinamente para crear os menores problemas de tráfico posibles.

A instalación destas atraccións e barracas, así como dun escenario que irá na Praza Emilia Pardo Bazán, obrigan a realizar algúns cambios no tráfico no centro da vila, ainda que as atraccións distribuiranse por diversas prazas e rúas, de maneira que supoña o menor contratempo posible tanto para os veciños como para os coches.

As atraccións de maior envergadura ubicaranse na Praza da Veracruz, como a gran montaña rusa “Super Ratón”, a Barca Pirata e o Saltamontes, entre outras. As demáis instalaranse na Praza do Emigrante, Alameda e Praza Irmáns Prieto, así como no primeiro tramo da rúa Xullo R. Soto (Aparthotel Arenteiro) e rúa Conde Vallellano (entre o cruce coa rúa do Paseo e a rúa Aldara). A montaña rusa comezará a instalarse na madrugada do mércores. Finalmente, o escenario da Praza Emilia Pardo Bazán ocupará unha parte da calzada da confluencia da rúa Cesáreo Tizón coa rúa Ribeiro.

Por este motivo, o concello e a comisión de festas piden disculpas polas molestias que se poden crear estes días pero que son absolutamente necesarias para desenvolver o programa de atraccións e actividades previstas nesta edición das Festa do San Cibrao.

PROGRAMA

O programa de festas do San Cibrao comezará o xoves 14 de setembro, coa apertura das atraccións, o Festival da Mocidade con grupos de pop-rock e reggae do Carballiño e un tributo a Los Suaves, que se celebrará na parte de abaixo da Praza da Veracruz (escenario na rúa Evaristo Vaamonde); e o encendido do alumeado artístico, e rematará o martes 19, día do Romería da Saleta, se ben as atraccións celebrarán o día de neno o mércores 20 de setembro.

Entre as actividades musicais destacan os concertos das bandas de música A Lira de Rabadavia xunto co Orfeón do Carballiño, a Banda de Música de Vilatuxe e a Banda Escola de Música do Carballiño, así como da Coral Polifónica Casablanca de Vigo. E entre as orquestras destacan a París de Noia, o Combo Dominicano e Claxxon, xunto con tres orquestras máis; un tributo da música dos 80, un tributo a Los Suaves e varios grupos do Carballiño, así como charangas e grupos de gaitas.

As festas tamén contarán coa novidade da tirada de fogo voador na explanada da entrada do parque municipal o sábado 16 de setembro.

LIBRO DAS FESTAS

O libro de man das festas, que está a ter unha gran demanda, pode solicitarse na Oficina Municipal de Turismo (Alameda) ou na Oficina de Recadación Municipal (rúa Faustino Santalices, tras do concello).

O Portavoz do Grupo Municipal Socialista do Concello de O Irixo, Iago Fariñas Valiña, presentou unha moción no día de hoxe no rexistro municipal do Irixo para ser tratada no próximo Pleno da Corporación, PARA DOTAR DE SANEAMENTO OS MÁIS DE 25 POBOS DO IRIXO QUE NON TEÑEN.

Os socialistas na súa moción expoñen;

PRIMEIRO.- Que O Irixo na actualidade ten máis de 25 núcleos de poboación sen servizo de saneamento, algún incluso sen abastecemento de auga corrente.

SEGUNDO.- Que o grupo socialista ven de constatar que os núcleos de: Cangues, A Pedriña, Santiso, Outeiro de Readegos, Cerdeira de arriba, Cerdeira de abaixo, As Antas, Valdesoiro, Paredes, A Ermida, Frixe, Surribas de Froufe, Zebral, O Espiño, Sidre, Covelo, Espiñeira, A Esfarrapa de abaixo, Vila, Trabazón, Munin, Nabas, Barro de San Cosme, Rio, O Coto, Chelos, Zacarade....

TERCEIRO.- Que é impensable que un goberno despois de máis de 31 anos ininterrompidos de mandato non fora capaz de acometer, con axuda de outras administracións ou cos seus propios recursos, o saneamento de todos estes pobos ou núcleos de poboación.

CUARTO.- Que debemos recordar que o concello de O Irixo ven nos últimos anos facendo alarde de ter diñeiro sobrante dos presupostos municipais, no ultimo exercicio máis de 295 mil euros.

QUINTO.- Que debemos recordar que o concello do Irixo, ten ata 3 fontaneiros traballando para o concello, e outros operarios así como maquinaria para poder acometer polos seus propios medios algunhas destas obras de saneamento.

SEXTO.- Que entendemos unha falta de traballo imperdoable do goberno municipal, que tendo medios e recursos económicos para acometer o saneamento dos núcleos de poboación do concello non o fai, mestres gasta parte dos seus recursos noutras obras que non son prioritarias como sí o é que os veciños teñan o saneamento das súas vivendas garantido.

SEPTIMO.- Que é especialmente preocupante tamén que, nalgún pobo como o caso de Zacarade, se acometese a instalación de saneamento das casas do pobo e finalmente se canalizase e deixase a ceo aberto vertendo por un rego sen finalizar nunha fosa séptica como tamén ocorre nalgún outro pobo.

Por todo o manifestado, o Grupo Municipal Socialista do Concello de O Irixo presentou para a súa consideración e aceptación polo Pleno Municipal a seguinte MOCIÓN instando ó Concello a:

Que o Concello de O Irixo mediante unha modificación de crédito habilite unha partida orzamentaria para poñer en marcha cos seus propios medios e/ou a axuda de outras administracións o saneamento integral de tódolos pobos de O Irixo.

Un home, de 67 anos de idade,  perdeu a vida este sábado no incendio da  vivenda familiar na localidade de Lagorzos, na parroquia de San Cosme de Cusanca, no municipio do Irixo.

O lume declarouse nunha das habitacións da casa, que consta de planta baixa, un piso e ático, e ao parecer a súa construcción é relativamente recente, dunhos dez anos de antiguidade. 

O lume so afectou á habitación na que dormía a victima, á que os Bombeiros do Carballiño encontraron xa morta cando accederon ao interior do inmoble. 

Ademáis da persoa falecida, na vivenda encontrabanse outras dúas persoas, un irmán da vitima e a nai de ambos, que estaban xa fora da casa cando chegaron os bombeiros, ainda que o irmán do falecido tivo que ser trasladado para recibir asistencia por intoxicación e feridas leves causadas no intento de rescatar ao seu irmán.

Polo momento descoñecense as causas que provocaron o incendio.

Unha montaña rusa de última xeración será a gran novidade das atraccións de feira durante as festas patronais do Carballiño, que se celebrarán do 14 ao 19 de setembro.

A noticia foi anunciada polos concelleiros de Turismo e Cultura, Manolo Dacal e Diego Fernández, conjuntamente con dous membros da comisión de festas, durante a presentación do Libro/Programa de man das festas, que xa está na rúa.

Ambos aseguraron que se trata dunha atracción espectacular para todos os públicos, que é a primeira vez que acude á provincia de Ourense, e que de feito virá directamente da Semana Grande de Bilbao, que é a fsta máis popular do País Vasco.

Tamén dixeron que “esta atracción necesita moito espazo (40 x 20 metros, e unha altura de 15 metros), e que se ubicará na parte superior da Praza da Veracruz (anfiteatro), que é o único lugar do Carballiño onde ten cabida. Por iso replantexamos a situación doutras atraccións e dalgúns concertos e actividades que estaban previstos inicialmente nesta praza”.

Ao carón desta montaña rusa irán outras grandes atraccións, como a Barca Pirata e o Saltamontes, entre outras, conformando un novo espazo de atraccións de feira e algún postos máis.

Según dixeron os concelleiros, “cremos que as atraccións son unha parte moi importante das festas patronais do Carballiño e quixemos darlle un aire novo. Por iso imos repartir as atraccións entre a Alameda, a Praza do Emigrante, a Praza Irmáns Prieto, Xullo R. Soto, Conde Vallellano e a Praza da Veracruz. E por iso logramos traer esta montaña rusa que será a gran novidade destas festas e que vai atraer a moita xente da comarca e da provincia”.

“Evidentemente –aseguraron os concelleiros-, temos os informes pertinentes de Policía Local, dos Bombeiros e de Protección Civil para garantir calquera emerxencia”. Dixeron tamén que “este ano subscribimos un contrato cunha enxeñería para verificar que estas atraccións cumplan con todas as medidas de seguridade. Esto nunca se fixo”.

FOGOS E CONCERTOS

Pero non foi esta a única novidade que anunciaron Manolo Dacal e Diego Fernández, senón que tamén se referiron ao cambio de ubicación da sesión de pirotécnia da noite do sábado 16 de setembro.

Así, dixeron que “xa non se trata só de que non temos espacios axeitados no Carballiño para ubicar grandes atraccións, senón que os estoupidos dos morteiros podían acabar creando problemas de afectación ao noso monumento máis emblemático como é o templo da Vera Cruz, sobre todo á torre.

E por iso estudiamos unha nova ubicación para botar os fuegos. Naturalmente, pedimos informes da Policía Local, dos Bombeiros e de Protección Civil, e por iso acordamos que o mellor lugar para botalos é a explanada da entrada do parque municipal, xunto á estatua dos Irmás Prieto, pois conta con todos os informes favorables de seguridade e está a cinco minutos do centro do pobo. É un espazo amplo, sen edificios altos arredor e hai moito lugar para que a xente poida velos con comodidade e sobre todo con seguridade. E incluso hai moito aparcamento na Avenida do Parque para quen se desplace dende fóra en coche”.

Por outra parte, os concelleiros cren que “con estes cambios se consigue que a xente se mova do norte ao sur da vila, dende a Veracruz ao Parque, pasando pola Praza do Emigrante, pola Alameda, pola Praza Mayor, pola Praza Emilia Pardo Bazán e ainda que sexa só unha noite, ata a entrada do Parque”.

“Así pois -dixeron-, recuperamos espazos que apenas se utilizaban hai tempo, como é a Praza de Emilia Pardo Bazán, onde serán os concertos das bandas e do Orfeón, e haberá un Tributo á música dos 80. E aproveitamos mellor a Praza da Veracruz, con atraccións, postos de feira, o Festival dos grupos de pop e rock do Carballiño e a actuación da orquestra-espectáculo París de Noia. E teremos todos os días unha boa orquestra na Praza Maior. E polo tanto conseguimos extender a festa incorporando máis espacios para os espectáculos e as atraccións”.

Un total de 17 establecementos comerciais participarán na XI Feira do Stock, que se celebrará os días 8,9 e 10 de setembro na Praza Maior. O evento, que organiza o Centro Comercial Aberto, foi presentado esta mañá polo seu presidente, Julián Garriga; a xerente, Noelia Mares, e o concelleliro de Promoción Económica, Adolfo Nogueira.

A Feira abrirase o venres pola tarde ás 6 e estará aberta ata as 10 da noite. O sábado e o domingo amplíanse os horarios. Así, pola mañá abrirá de 11 a 2, e pola tarde, de 5 a 10.

O

A Conselleria de Politica Social, atendendo unha petición dos responsables da Mancomunidade de Concellos da Comarca do Carballiño incrementará este ano a partires do 1 de setembro o número de horas asignadas o servicio de axuda no fogar ( S.A.F ), que aumentarán en 11.488 horas anuais, pasando de 50460 a 61948 horas anuais para os cinco concellos que integran a mancomunidade, que son os de Beariz, Boboras, Irixo, Piñor e San Amaro.

A axuda económica para sufragar estas horas ronda os 600.000 €. Este feito permitirá que mellore a calidade vida para as persoas maiores ou dependentes destes concellos, favorecendo a estancia das persoas beneficiadas nas súas propias vivendas.

Asimesmo permitirá crear novos postos de traballos para as persoas coidadores dos maiores, ampliando o número actúal de auxiliares de axuda no fogar, creando novos postos de trraballo no ámbito rural da comarca.

Dende a mancomunidade de concellos do Carballiño, que preside o tenente alcalde do Irixo Manuel Cerdeira. felicítanse por este incremento nas horas do servizo de axuda no fogar e manifestan o seu compromiso “polos servicios sociais sendo os nosos piares fundamentais os maiores e os nenos, que son os colectivos mais vulnerables”.

O Festival de Teatro Galego, FETEGA, referente da cultura e do teatro galego ao ser o festival máis antigo da comunidade, chega este ano a súa XXVIII edición, cun completo programa de actividades que terán lugar do 5 ao 9 de setembro no Carballiño.

A presentación desta cita cultural tivo lugar no Pazo Provincial, acto no que participou o vicepresidente da Deputación de Ourense, Rosendo Fernández; o concelleiro de cultura do Carballiño, Diego Fernández; o director de AGADIC, Jacobo Sutil; a directora do FETEGA, Josi Lage, e de actores das compañías que actuarán no festival.

A Deputación de Ourense colabora "activamente con esta iniciativa co obxectivo de dinamizar a actividade cultural dos nosos municipios" sinalou Rosendo Fernández, quen destacou que este Festival é "un referente das artes escénicas de Galicia, ofrecendo un completo programa de actividades".

Pola súa parte, o concelleiro de Cultura do Carballiño mostrouse orgulloso de "acoller este Festival que reúne a mellor programación do teatro galego e que achega a moita xente ao noso municipio". Mentres que, Jacobo Sutil destacou a tradición da provincia de Ourense nas artes escénicas ao afirmar que "dos dez festivais nos que estamos presentes, catro celébranse nesta provincia" e sinalou "a promoción que fai o FETEGA das nosas artes escénicas tanto na programación como nos que recoñecementos que se conceden durante a súa celebración".

O programa comeza o martes, 5 de setembro, ás 22.30 horas, no Auditorio Municipal coa obra "Eroski Paraíso" da compañía Chévere, ao día seguinte será a quenda para "A canción do elefante" da compañía Redrum Teatro. O xoves, 7 de setembro, actuará a compañía Inherente Teatro coa obra "Dramaturxia das mulheres" e, ao día seguinte, "Impronews" da compañía Triatreros. O sábado, 9 de setembro, será a quenda para Sergio Pazos con "Afiando con humor" e será a gala e entrega de premios que, a partir de agora, "pasarán a chamarse Premios Fetega Dorotea Bárcena", sinalou Josi Lage. O custe das entradas para estes espectáculos será de 10 euros.

"O premio de honra desta edición recae en Carlos Blanco pola súa traxectoria, profesionalidade e talento", recalcou Josi Lage.

Por outra banda, ás 19.30 horas, no Anfiteatro, celebraranse actuacións para as cales a entrada será gratuíta. Comezarán o martes, 5 de setembro con "Welcome" da compañía Duelirum, ao día seguinte será "Lila Star" da compañía Vueltos de Rosca. O xoves, 7 de setembro, actuará a compañía Pistacatro coa obra "Escola de saltimbanquis e o venres será a quenda para a compañía Nono Productions coa obra "Nono". O sábado, 9 de setembro, actuará a compañía IO coa obra "Contiguo".

O programa do FETEGA complétase con actividades paralelas, que abranguen desde animación na rúa, obradoiros de "improvisación escénica" e "novas linguaxes escénicas", así como unha conferencia de Teatro Posdramático Galego.

O Concello de Boborás aprobou por unanimidade a eliminación da débeda con bancos a través dunha modificación orzamentaria na que se incorporou do remanente de tesourería 184.913,54 euros.

Desta maneira para este 2017, Boborás "pasará a ser un dos concellos de Galicia con débeda 0. A esta cantidade hai que sumarlle a xa reservada no orzamento para este ano, que eran 66.000 euros dos cales parte xa foron amortizados ao longo deste ano".

Para Patricia Torres, portavoz do grupo municipal de goberno tamén dixo que "este paso supón unha proba máis da saúde financeira do organismo, que paga en prazo tanto aos seu provedores coma a outras administracións nas que están incluída como o caso das Mancomunidades"

Outro dos puntos que se abordaron neste pleno foi modificación da taxa da auga, que foi aprobada con 6 votos do PP, a abstención de Xuntos por Boborás e os votos en contra de de Move Boborás. Na proposta da alcaldía, eliminábase o cuarto tramo de cobro que era de 5 euros para as actividades domésticas e de 6 euros para as industriais e hoteleiras, turismo rural, comercios. Ademais no tramo 2º, o concello amplia de 50 a 60 m3 de consumo.

Por outra banda, o pleno tamén aprobou o plan estratéxico de subvencións para o 2017, 2018 e 2019 por unanimidade. Serán a Banda de Gaitas, a asociación de pescadores, a de caza, o equipo de fútbol sala de Boborás, a Anpa, as emerxencias sociais, o cheque bebé os colectivos beneficiados, que xa estaban incluídos anteriormente, coa incorporación das axudas para material escolar para as etapas escolar de infantil, primaria e a E.S.O.

Tamén se aprobou cos votos a favor do Partido Popular da ordenanza sobre o transporte madeireiro nas estradas municipais. O grupo de goberno entende preciso regularizar esta actividades para controlar o dano sobre os viais locais. Deste xeito as empresas madeireiras terán que facer unha comunicación previa sobre a tala e depositar unha garantía segundo a tonelaxe a transportar sendo os importes dende os 150 euros a partir das 20 toneladas ata aos 3.000 euros para máis de 1.000 toneladas. Será o arquitecto municipal o que valore o estado dos viarios afectados antes da actividade e despois da mesma para definir os danos nas mesmas, de non haber ningunha consecuencia sobre as estradas, a garantía será devolta integramente.

A conta xeral 2016 tamén foi aprobada unicamente cos votos do grupo de goberno, neste caso a portavoz popular manifestou que fora aprobada na Comisión de Contas e "non tivo ningunha alegación e cumpre tanto a estabilidade orzamentaria como a regra de gasto deixando un resultado positivo de 208.000 euros", subliñou Patricia Torres.

No canto dos festivos locais para o 2018 quedaron determinados coma sempre os 13 de xuño; San Antón e o 19 de setembro; A Saleta.

Por outra banda e cos votos do PP tamén se aprobou unha modificación de crédito por valor de 20.000 euros para acometer obras de mellora nas seguintes estradas; Cardelle, Brués-Pontevella, acceso á Ponterriza e núcleo, acceso a Vilachá e estrada Brués a Balboa. Estas obras serán acometidas pola Brigada de obras da Deputación de Ourense, quen valorou os traballos en 36.828,08 euros dos que o Concello de Boborás terá que aportar o correspondente ao material de construción que ascende a 17.831,66 euros.

Finalmente tamén se elixiu por unanimidade o nomeamento da xuíza de paz de Boborás, que será Ana María Gómez Pena.

O evento gastronómico de moda “food trucks” ou “cociña sobre rodas” acude por vez primeira ao Carballiño dentro dunha iniciativa denominada “Carballiño Street Food”, e que se desenvolverá o 1,2 e 3 de setembro na Praza da Veracruz.

“Trátase dunha selección dos mellores food trucks cunha variada oferta gastronómica pensada para todos os públicos”. Así foi presentada este mediodía polos concelleiros de Turismo e Cultura, Manolo Dacal e Diego Fernández, respectivamente, e representantes da compañía que promove o evento.

Hamburguesas premium, xeados artesáns, bocadillos gourmet, ensaladas orixinais, tapas diferentes, viños de autor, cervexas especiais, sesión vermú e outras propostas gastronómicas, alternaranse coa animación de grupos de música en vivo e obradoiros infantís. As food trucks participantes son: Baden Baden Food Truck (comida alemana – salchichas), ComeCamiños Food Truck (hamburguesas), CrepCabaret (crepes douces e salados), Country Food (cociña Tex-Mex), La Perlita Food Truck (pasta fresca, focaccias recheas), Jabu Go! (xamón ibérico en distintas elaboracións), ToffeeGlass (douces e repostería artesá arxentina), e La Monda con zumos y helados.

A apertura terá lugar o venres, 1 de setembro, pola tarde, ás 19,00 h; o sábado 2 e o domingo 3, terá os horarios de 12,00 a 16,00 h., e de 19,00 a 00,00 h. As principais actuacións de grupos de música en vivo son: o venres 1, ás 21,30 h., THE TETAS´ VAN; o sábado 2, tamén ás 21,30 h., EN MALA HORA, e o domingo 3, en dobre sesión, ás 13,30 e 20,00 h., SOUL&ROLL. Todos os concertos, así como a animación de DJ e as actividades infantís terán lugar no escenario do auditorio da Praza da Veracruz.

As actividades infantís terán lugar o sábado 2, ás 19,00 h., e o domingo 3, ás 12,00 h. Os concelleiros de Cultura e Turismo dixeron na presentación que se trata dun evento moi atractivo que vai supoñer un aliciente nesta fin de semana previa ás festas patronais para que visiten a vila moitas persoas de fóra, e unha oportunidade para que os carballiñeses e a xente da comarca poida degustar un tipo de cociña e produtos de moita calidade que non se ofertan na gastronomía local.

Asemade, o reponsble da empresa que organiza o evento agradeceu a colaboración do concello, así como dos patrocinadores (Abanca, Gadis, Mahou e Pazo Tizón), e fixo fincapé no éxito que está acadando este tipo de iniciativas en Galicia e toda España, e que esperaba que tamén o fose no Carballiño.